新泰東南亞餐廳 (太子集團中心) (已結業)

Food isn't bad, but at best, it is average and the quality is the same as any cheap place around. For example, the pad thai was not spicy at all, mildly sweet, and lacked any real flavour, which is typical of a lot of cheap, non-authentic thai places in HK. The pork green curry and soft-shell crab rice rolls were also pretty average. The above would be fine for any mediocre thai place in HK but the trouble was that Sun Thai was twice the cost.The restaurant, whilst clean and semi-comfortable was

位於尖沙咀中心地帶，地點方便於prince tower 8 樓，地鐵站行幾分鐘就到。今日約左舊同事happy Friday, 呢間餐廳比到好開心嘅一晚我地！首先，餐廳裝潢新淨，有泰國風，乾淨企理。唯一不足之處係枱與枱之間距離太近，變左隔黎枱講野大聲D 都聽到。食物方面，質素中上。我地叫左小食拼盤($198），款式多都好好食，最鐘意佢個生菜肉包。另外叫左柚子沙律、木瓜沙律、冬陰公、兩碟炒菜、肉骨茶、Pad Thai 等等。款款都新鮮，雖然份量唔算多，但勝在味道搭救。最後甜品叫左椰青大菜糕同芒果糯米飯，前者有點奇怪，後者芒果鮮甜好食，為餐飯劃上句號。

岩岩去完曼谷無幾耐，又開始掛住d泰菜，真係又抵又好味，今晚就約左朋友黎食「新泰」回味下先。第一次試奶油大蝦，呢個真係好有驚喜，之前都係食炭燒多，大蝦有2大隻，真係啖啖肉，口感彈牙。個汁都係精髓之一，十分香濃，食到唔停口，如果唔係已經叫咗好多嘢食，一定要叫返個白飯餸呢一個汁。越式蟹肉炒粉絲，個粉絲有好多配菜，當然都有唔少蟹肉，熱辣辣咁食好有鑊氣。炭燒豬頸肉，份量好多，重點係好好味，炭燒好香口，點埋佢個醬仲正。泰式炸魚餅，食落堅有魚味。芒果沙冰，呢樣又係對曼谷念念不忘原因之一，杯沙冰絕對足料，飲到底都仲係啖啖芒果味。椰青，size唔細，飲完仲有椰子肉食😋食泰菜唔少得ge甜品：芒果糯米飯，雖然已經食到好飽，但係甜品絕對有第二個胃可以裝，好滿足。

今晚約咗朋友去觀星。觀星之前決定喺尖沙咀食啲嘢先。朋友話想食泰國菜，決定來這間「新泰東南亞餐廳」吃晚飯。估唔到平日夜晚都座無虛席， walk in 要等15分鐘左右，時間都算合理。越式蟹肉炒粉絲 $98。鑊氣十足，再加上唔同顏色嘅椒同埋紅蘿蔔絲去炒，賣相都幾靚。奶油大蝦 $168。上菜時已經嘩嘩聲！大蝦真係好大隻！同朋友一人一隻。蝦肉真係好爽好彈牙，食得出好夠新鮮美味！點奶油食真係一流，好滿足。推薦叫白飯或者印度薄餅撈汁，夠晒 yummy!泰式炸魚餅 $68。足足有八件咁多！而且魚餅混有各式各樣的香料，豐富味覺，點酸辣醬真係好夾。炭燒豬頸肉 $68。同樣份量十分大碟！上菜已經聞到好香，岩晒食肉獸嘅我！最得我歡心！芒果沙冰 $38。朋友話味道拍得上泰國嘅正宗味道，值回票價。椰青 $42。原個椰子上，飲得又食得。芒果糯米飯 $62。最後晚餐當然係以經典泰國甜品作結尾啦！餐廳環境都幾舒適，最岩同一大班朋友聚會談心。

忽發雅興，好想食泰國菜配紅酒，享受一下。與男友來此一聚，此店有滿滿的泰國風情，柔和燈光，情調一流。點了尚好的紅酒，Doraine des Chablis 2015，配以泰式明爐魚和泰式拼盤。紅酒有專人開瓶侍酒，Doraine，是一枝很優雅的酒，酒醇厚有濃郁果香，有微微的回甘，是很好的紅酒，年份跟酒的味道很吻合。泰式明爐魚，絕非簡單泰國菜，要將平凡的烏頭魚弄得好吃，必然要靠魚湯，魚露，香茅，南薑檸檬葉和青的香味吊出魚鮮，香料不多不少，今次嚐的明爐魚，絕對有水準，香料恰如其份，魚湯十份鮮香可口，先嚐湯汁香料夾雜著香料的層次感，帶青檸的酸，好開胃又鮮美，烏頭魚肉雖然帶點鬆散，但魚味不錯，有魚的鮮和油份，湯汁起了畫龍點精的作用，非常好吃，跟尚好的紅酒，非常匹配。結尾重飲番個椰青!泰式併盤樣樣有，泰式蝦餅香脆彈牙，香葉肉碎包，十分辣但很惹味，春卷的雜菜餡倒是很好吃耶，魚餅也是，一流的佐酒美食。

周街都有泰菜真係好方便，話說係泰國番黎之後，今次輪到M先生好想食泰菜，咁就帶番M先生黎新泰食，第二間分店一樣咁好味。今次都係要同M先生食呢個麵包咖哩軟殼蟹 (HKD 208) 有個麵包裝住D咖哩同軟殼蟹，咖哩香甜微辣，唔算好辣，但係軟殼蟹都係好脆，而且份量都好多，咖哩都好夠，可以蘸哂全部包黎食，真係好好味！泰式生蝦 (HKD 98)D生蝦好夠新鮮，食落口又爽脆，而且醬汁酸酸辣辣，十分開胃，超級推薦。參峇炒羊角豆 (HKD 82)羊角豆其實姐係秋葵，參峇醬係東南亞好常用既辣椒醬，香辣既味道唔會太濃，但可以襯到羊角豆，羊角豆介於爽同軟林既質感之間，都幾新鮮既感覺。泰式明爐魚 (HKD 188)我地揀左烏頭魚，因為有個爐既關係，所以條魚一直都KEEP住熱，條魚都幾大條，算多肉，而且肉都好有味，但要食得快少少，因為D汁一直滾，會煲哂入肉，魚肉到時就會變老

同事講在公司附近有間樓上泰國菜都不錯，而且仲要好大份幾抵食就上來睇睇，都原來都不少人來吃飯，等了一陣就可以入去，待應都好快比水同餐牌我地，最後我地叫了四款食物再加一個棷青，食物十多分鐘就來到泰式生蝦又新鮮而且都幾多隻，泰式明爐魚的魚肉好嫩滑同十分大條，堅抵食推介，抵讚的是中間飲完水待應都會倒水和執碟不錯。麵包焗咖喱軟殼蟹這個都大個，麵包吸收了咖喱好香又入味，軟殼蟹不少幾抵食。通菜好多炒得幾香，沒想到個椰青會大個而且又夠凍，入面的椰青肉仲可以食到。同事真的沒有介紹錯!~

同女朋友行街街拍拖拖去到尖沙咀跟住就同佢上咗去呢間嘢食好彩都唔駛點等就入到去啦餐廳個格局都幾好嘅都ok嘅雖然同隔離枱都幾近小食拼盤（蝦餅，魚餅） $98但如果叫蝦餅 $78 / 只叫魚餅$68但份量一樣 所以唔明點解呢個要$98所以覺得係好唔抵食蝦餅好味 炸得好食魚餅同蝦餅差好遠個魚係唔好食 有啲腥味咁馬沙拉咖哩 $78好一般嘅咖哩 甜甜地咁 冇乜特別都唔惹味嘅 就係咁 價錢頗貴 印度酥餅 $30用黎點下咖哩食咁本身味道都冇乜咁蒜蓉包 $30整得唔夠脆口好似放得耐咗咁淋淋地咁龍眼冰 $38龍眼冰比較好嘅清清淡淡比較甜但叫唔算每人平均$150.5性價比低價錢比例上感覺唔太值味道算過得去

今晚有朋友由英國番，所以去食泰國菜聚下！呢間已經唔係第一次試，之前同朋友去試過唔錯，所以再食多次！佢係地鐵站附近，好易揾！建議如果想食，最好book位先。環境相當唔錯，有大台同卡位，而且唔會逼，有好多空間！泰式生蝦蝦同冰中間用保鮮紙隔住，好衛生，但同時亦可以保持蝦嘅冰凍，醬汁好開胃，蝦都好爽脆，新鮮！泰式蝦炒金邊粉做到好精緻嘅pad thai，份量好足，蝦都好大隻，係有水準嘅pad thai!泰式青咖哩（雞）食咖哩當然要配飯，好開胃！但比起其他菜式，呢道咖哩唔算好出色。鐵板蠔仔炒蛋平時食泰國菜一定叫pad thai、咖哩等等，今次第一次試炒蛋，都相當唔錯，好推薦！首先蠔仔好肥美，份量十分足，附有一個辣醬，都好夾！今次再試，都無令我失望，知道呢間好出名，即使好多人去食，但水準都keep到呢間一定會列入我最愛之一！

今日去尖沙咀做野，甘岩前排又去完泰國🇹🇭食泰國野，搞到心掛掛想再去食泰國野，但又冇假唯有起香港搵搵，搵到間叫新泰，望落好似唔錯Book到位就飛身去啦裝修好泰國feel餐牌有幾張我就唔上傳太多啦，等你地望多d食物餐枱布用左可循環物料👍🏻叫野食一定係飲品黎先椰青真係好甜，果肉唔會太老既椰青甘好難食唔錯wo個咖哩軟殼蟹真係正到呢咖哩唔會太咸亦唔會太辣，岩哂唔係幾食辣既朋友仔，軟殼蟹好脆口，又多汁幾鮮味，唔會太油😀蒜蓉炒貴妃苗同個名一樣，夠哂嫩，貴妃一樣味道唔錯，幾香蒜蓉味菠蘿炒飯炒飯香口之餘，仲要差唔多啖啖肉，肉粒都幾多，加上肉鬆腰果多重口感，而加都想去食多次炭燒豬頸肉呢個菜都冇得頂，炭烤果種味道，香口之餘，仲有少少油脂起口到，令到豬頸肉更惹味，好食，另外可以點下個醬汁，酸酸地都幾開胃

今日行完商場見餓就找地方食，找到有間叫新泰在附近就去看看，都幾近地鐵站而上到去裝潢都幾靚又都不少人吃晚餐，心想應該不錯，就決定這間食，入去到都位置舒服，我地叫了幾款都幾大碟，首先來的是拼盤好大份，竟然中間仲有生菜包，突然覺得好抵食，蝦餅和魚餅炸得好香口而且啖啖肉，肉碎生菜包香料香帶微辣好開胃，春卷脆口又足料，菜又夠新鮮。泰式生蝦都幾多隻，食落去都覺得新鮮鮮甜，醬汁味道特出。在泰國店有秋葵有驚喜，有微辣而又帶點爽口入味好開胃。之後我地二人再叫了杯飲品，不太甜又太杯不錯。

尖沙咀既泰菜選擇唔多，見到有新泰東南亞餐廳，之前食過佢係灣仔既分店感覺都還好，所以好快就決定再食呢間🙈▪️ 泰式菠蘿炒飯（7.5/10）💲108呢個菠蘿炒飯係全餐飯最為出色，入面當然有基本既肉鬆、腰果、提子乾、鮮蝦，特別鍾意佢啲菠蘿粒夠曬甜，係甜到就咁食飯都有少少菠蘿味，而且飯粒亦都炒得夠乾身😍▪️ 炭燒豬頸肉（7/10）💲68豬頸肉唔算係燒得好膿，入口唔係好夠炭燒味，但都有些少脆邊，肉質亦算係彈牙有咬口😛▪️ 巴東牛𦟌（7/10）💲98咖喱加上左椰漿，食落唔係好辣但都香口惹味，同埋無上次食既青咖喱咁鹹，大部分牛𦟌亦都軟腍，唔駛撈飯或者加薄餅就咁食都得▪️ 椰青沙冰（7/10）💲55清甜解渴濃椰子味既椰青沙冰曾經令我一試難忘，所以成為左我再黎既必點飲品🤤可惜呢次整體係椰奶味，唔係難飲但係就係偏重奶味，令我飲飲下感覺有啲膩，難免係有點兒失望，好彩都仲有啲椰青肉碎食下，沙冰亦都磨得幼細🥤🔎 整體評分（7/10）

泰式菠蘿炒飯 原個菠蘿🍍上既炒飯係必叫之一 非常有特色！表面有本人最愛 食落脆卜卜既腰果😙同埋肉鬆一齊炒 加埋菠蘿肉 酸甜開胃之餘飯既軟硬程度唔錯 一粒粒唔會過淋或太生 good😛泰式蝦炒金邊粉 呢個金邊粉一上枱就俾佢外表吸引😳相比平日食既金邊粉 呢個簡直高質 不單止好有心思🥰而且考功夫 表面係用雞蛋整成既蛋網絲交叉相疊 好似一個雀巢咁🕊包住啲金邊粉 粉唔會黏到一團團但又唔會油膩或過度乾身 蝦🦐爽口但略嫌份量太少😵整體非常推薦😗學周星馳話一個字記之曰 心！🤪椒鹽軟殼蟹一聽椒鹽就知有幾惹味 大量乾葱 蒜粒 椒鹽 辣椒🌶️調味既軟殻蟹 炸得唔差 乾身酥脆之餘保持到入面有口感 亦冇炸得差個種一咬成口油既情況😤👍🏻蜜糖燒豬肋骨 Ribs比較細碟 所以份量都好少 大概5 6舊😹唔係咁抵食蜜糖可以再多啲 但整體烤得唔差 食落唔會乾身 尚算juicy 一咬啲肉質好有質感🤓青咖哩雞配印度薄餅雞肉鮮嫩滑溜 唔會煮得過老過鞋 青咖哩既椰漿味好香濃 本人表示泰式咖哩一啲都唔辣😬而食任何咖哩都一定要配印度個種薄餅先可食到最正既感覺🥴 熱辣辣香噴噴既香酥薄餅 點咖哩 簡直perfect😽芒果糯米飯甜品本來係最期待

裝修都幾特別，服務員笑容很好，地方寬敞，坐得舒適, 之後就叫左個明爐烏頭魚烏頭肉質都係肥美，無腥味，點泰式辣汁食相當唔錯架喇。必點既仲有係冬陰公湯香濃，酸和辣就岩岩好平均，亦嚐到蝦的甜味，非常極之有水準性價比超高

閒逛尖沙咀, 經過太子集團中心 記得有朋友講過依度八樓開左間泰式餐廳出名好食, 有好幾間分店, 單系尖沙咀已經兩間當然要上去試試, 果然好好味 搭𨋢上八樓, 入面已經好多人, 好在門口有位可以坐下等左陣就入得！因為行起好鬼熱, 即時落左個椰青沙冰先一整個完整椰青開埋口, 仲刮埋肉加埋沙冰入去, 涼透心之餘仲啖啖肉跟住叫左個奄列海鮮炒飯同埋蒜蓉炒貴妃苗超級多海鮮同埋好香口, 好快就已經填飽肚不過見隔離枱個烤蝦幾𢰸甘, 原來系越南烤蔗蝦！叫埋黎食, 三件份量配埋甜酸醬 兩個人一人一件, 恰到好處~剩低果件就梗系您一口我一口Yummy~ 食飽飽再繼續shopping去！