新泰東南亞餐廳 (太子集團中心) (已結業)

相約朋友一聚找一個舒適的地方，就找到這家泰國餐廳，店內環境很舒適我們被安排窗口位置👍🏻因為朋友工作晚了到，服務員沒有催我們點菜，可能平日關係而且我們訂位比較晚所以比較寛鬆😉我們太餓了就點了蒜蓉炒貴妃苗、燒原隻魷魚、馬沙拉咖喱牛、印象薄餅、椒鹽軟殼蟹🦀這店食物質素非常好👍🏻而且服務也挺好的👍🏻值得再來！

同朋友行完街道就諗住去尖沙咀搵飯食，機緣巧合之下呢頭，就不如試吓泰國菜啦先點一個細嘅冬陰功湯，份量大概得三碗到。夠酸又夠辣，幾有風味之後上咗沙嗲串燒，有雞牛同埋豬，本身啲串燒都已經都幾重口味，再點埋個沙嗲醬就有少少咸三款來講，個人最中意雞再來一碟豬頸肉，切得非常薄身，燒得好夠咸香，點埋個汁酸甜酸甜～ 好味呢個亦都係我全晚最愛推薦！食完咁多肉，我地就點咗個馬拉盞炒通菜，炒得幾香辣，仲有少少肉乾，好惹味呀我叫左杯泰式奶茶，略嫌有啲太淡味，不過好彩甜味唔太重，不過都係港式奶茶啱我啲🤣朋友就叫咗個椰青，夠冰涼又大～飲完透心涼但係有少少老，唔係好刮倒啲肉出黎食最後再上女孩子最愛的甜品：椰漿芒果糯米飯 糯米飯伴椰漿夠熱又夠香，配埋芒果條，正呀～

同老公尖沙咀行街順道搵食，老公突然話要食泰國菜就更係去就近既新泰，去到餐廳未到7點就差不多坐無虛席，入坐後就立即叫杯芒果沙冰解解渴，新鮮芒果肉加冰打成既沙冰，芒果好鮮甜好似食緊啖啖芒果感覺，生蝦賣相不錯望落新鮮有光澤，入口感覺肉質結實非常彈牙又有鮮甜味，再加上其辣中帶酸的生蝦汁，其辣味勁度十足這個菜式作為頭盤必定係開胃之撰。鹽焗烏頭魚，大大條魚上到枱既感覺已非常滿足，魚肉入口冇泥味仲有魚肉焗得剛剛好沒有過火再配上泰式海鮮汁份外鮮味。鐵板蠔仔炒蛋入口蛋香味濃而大大隻脹卜卜𧐢仔非常新鮮，再配上芽菜另到口感非常脆口份外美味，燒西冷牛扒肉質鮮嫩有牛味再配上帶酸味燒汁感覺不油膩是必叫之選。

今日好想食泰國嘢，突登同個fd黎左呢間泰國餐廳到食。之前食過lunch覺得好高質，所以夜晚再黎幫襯由於好口渴嘅關係，首先就叫咗兩杯嘢飲。泰式奶茶唔算好甜，味道啱啱好，但啲冰融左之後就淡左啲，應該嗌少冰另外叫咗個椰青，好Fresh好甜馬拉盞通菜炒得好香，好惹味我哋都好鍾意食軟殼蟹，呢個米紙卷整得好好食，軟殼蟹同啲芒果好夾如果啲軟殼蟹可以脆啲就好啦冬陰功嘅酸同辣平衡得好好，而且好足料，好好味串燒有齊雞牛豬，最好食係個雞，啲肉好嫩滑，一啲都唔老最後仲叫咗個甜品，黑白糯米有齊，啲芒果仲好甜，凍凍地既天氣食熱辣辣既甜品真係好滿足

很久沒有吃泰國菜了，今日相約好友放工後一起吃個泰菜，之前在加拿分道吃過這間泰菜，食物不錯，於是再來北京道這一間試試，一出lift, 已看到泰國風味的裝修有點口渴，先來一個椰青，清涼的椰青，十分解渴又淸甜，大大個份量不少吃泰菜又點少得生蝦，生蝦大大隻，咬落啖啖肉，新鮮彈牙，點上酸辣的泰式醬，更惹味明爐烏頭魚吃得多，一於點個鹽焗烏頭魚，外皮用鹽葉後再焗，所以肉質帶點鹹香，打開外皮嚐一口，魚香鮮甜，一點泥腥味也沒有鐵板蠔仔炒蛋，這個菜式不是很多食店做得好味，蛋炒得滑嫩不老，蠔仔大粒無腥味，二者炒在一起，沒有散開，夾埋芽菜一起吃，更美味燒西冷牛扒，估不到泰國菜都有高質的牛扒、入口鬆軟，時間燒得恰到好處，中間帶粉嫩的顏色，就算不點任何醬汁，都很可口美味

相信大家對泰國菜都唔會陌生，呢間位於尖沙咀中層嘅泰國菜就做得非常之出色。鋪頭裝飾好有泰國傳統風味，而且整潔乾淨，俾人有好舒服嘅感覺。食品方面，除咗一般嘅泰式食品，餐廳亦都加入左一啲新嘅元素，例如海鮮，扒類之類。泰式生蝦生蝦當然係泰國菜一定會叫嘅食品之一，生蝦非常新鮮，而且入口彈牙，加上酸酸辣辣嘅醬汁黎食，感覺一流。冰鎮翡翠螺充滿濃郁嘅海鮮味道，非常有咬口，再配以泰式辣汁，非常好吃。炸軟殼蟹店舖並沒有用炸粉，而用酥炸嘅形式，令軟殼蟹更加鬆化，再加上避風塘式嘅炸蒜，更加惹味。肉眼扒本身肉眼扒肉味非常足夠，咬口亦唔會太硬，加上泰式嘅醬汁，入口更加開胃。馬拉盞通菜通菜配馬拉盞呢個組合大家都唔會陌生，而呢間店舖亦都表現到炒菜足夠嘅鑊氣，非常美味。芒果沙冰，龍眼冰芒果汁配以沙冰形式，亦做到唔會太淡同太甜。龍眼冰用料十足，傳來陣陣清香，非常清新。店舖係食品製作方面非常出色，環境同價錢亦都一流同合理。

新泰泰國嘢出名當然係九龍城，相信唔會有人唔同意，但其實尖沙咀一樣有出色既泰國菜餐廳。今日同朋友咁岩行開尖沙咀醒起之前朋友介紹過呢間泰國菜就去試下，果然無令我失望。入到去地方闊落，兩個人既位基本上都夠哂放好多碟嘢食。我同朋友叫左泰式生蝦，咖哩牛腩，海南雞，蒜蓉包，同埋冬陰公湯。先講下個咖哩，完全係估唔到咁好食，食落唔太辣而有甜甜地既味道。亦食得出好多唔同既香料味，配埋熱辣辣脆卜卜蒜蓉包食一流。之後個湯都非常出色，好多應有既香料有放而已非常足料，做到地道個種風味。再到泰式生蝦，蝦食得出新鮮唔係雪左好耐既貨。而個醬汁調較得好岩自己口味，食得過。最後到海南雞，入口嫩滑而且有雞味。加埋唔同款既醬汁真係畫龍點睛。

好耐無食泰國野啦，所以前排就同朋友決定去食泰國野啦，結果果然無令我地失望，啲野食全部都好好食，令我地好滿意阿😍😍生蝦刺身一坐低我地就叫左我地最中意既生蝦，好食又鮮甜，而且佢既醬做得好有心機好有料！正！！冬陰功湯我地次次食泰國野都會叫湯飲，今次都唔例外，湯夠曬濃郁，而且超足料！好飲！！蒜蓉包呢款包超讚！係超多碎蒜蓉粒，做得好有心機，令我地食極唔停口！海南雞海南雞超滑，而且雞味都夠曬濃，下次食都會再叫馬沙文咖喱岩曬我咖食得辣既朋友仔，甜甜地既咖喱，覺得連小朋友都岩食！

去左tst又係食泰國菜，今次去左一間氣氛幾好既泰國餐廳～新泰位於鬧市既一棟商廈入面，地方好就腳又易搵，食完飯樓下就有車返到屋企🤤一入到店鋪，都比啲泰國藉既侍應嚇襯，佢地講到有口流利既廣東話，可想而知呢問餐廳有幾咁正宗😌我今次又係嗌左蠔仔蛋，鹽焗魚，炒通菜，冬陰公湯同埋印度薄餅。本身我地想食鱸魚，但因為無貨就要左肉質比較實在同硬身既烏頭，有少少可惜！如果大家想要滑溜既肉質，可以揀鱸魚呀❗️至於鐵板蠔餅炒蛋就不嬲都中意食，蠔仔既鮮甜配埋蛋香，送飯or就咁食都一樣好食🥰

泰式生蝦$98有冰底墊住生蝦 入口微凍 保證新鮮 蝦肉爽脆 彈牙 配合餐廳自家調製嘅醬汁 酸酸辣辣 味道正宗 極具泰式風味冰鎮翡翠螺$78翡翠螺肉質肥大味美 鮮甜爽口 極富口感之餘又唔會膩 冰鎮翡翠螺能夠吃出真鮮味 原汁原味新鮮才是最好吃的燒西冷牛扒$118西冷鮮嫩多汁 肉味濃厚 餐廳用咗厚切嘅方式呈上 肉汁在口腔滲出 完全不油膩 淡淡滋味 淡淡肉馬拉盞炒通菜$75炒得非常夠鑊氣 而且夠濃味 菜嫩冇渣 必食之選 亮點是馬拉盞中的蝦米 非常香口 令到成個菜色味道昇華龍眼冰$38 有粒粒龍眼肉 真材實料 非常透心涼 而且解渴 清甜可口芒果沙冰$38芒果嘅獨特香味確實無法抗拒 味道又甜又香 沙冰細滑入口瞬間融融化 最重要是味道真實 不是糖漿的味道餐廳食物款式多樣化 極具東南亞泰式風味 價錢合理大眾化 而且份量夠多 抵食店內嘅職員是泰國人 識講廣東話 溝通落單完全冇問題 而且態度友善又親切 這裏環境舒適 充滿泰式格調 環境不侷促 還有尖沙咀鬧市的風景觀賞 是一個用餐的好地方

泰國野真係食極都唔厭，今次黎到尖沙咀，聽講環境好好，一入到去覺得真係好闊落，都幾有氣氛香芒軟殻蟹米紙卷 - 用料都好新鮮，最適合做餐前小食冬蔭功 - 整體偏酸，啱返香港人啱味，而且入面有好多料泰式明爐魚 - 烏頭超大條，而且無咩泥腥味，加埋個青檸汁真係好夾泰式去骨海南雞 - 呢個真係幾鍾意咁食，因為無骨又滑，而且係少數唔辣嘅泰國菜式XD越式肥牛湯河 - 呢個湯底夠濃郁，不過河粉好快索哂D湯，要快D食參峇炒通菜 - 呢個菜好夠惹味，調味好有泰國特色泰國椰青 - 健康之選又好飲泰式凍奶茶 - 呢個係泰國個隻拉茶~~夠哂正宗，係香港都飲到芒果糯米飯 - 佢D椰汁比起一般嘅芒果糯米飯無咁甜～～好快俾我地清哂

我喜歡去泰國旅行食好西,非常喜歡食泰菜!位於尖沙咀北京道這間新泰東南亞餐廳,環境舒適最適合三五知己眾下腳!肉碎生菜包（🐷）肉質新鮮,味道酸辣適中,配合新鮮生菜,惹味又爽口泰國青芒果沙律青芒,蘿蔔絲,紫洋蔥,脆腰果配合特製泰式酸辣汁..辣味剛好,酸酸甜甜好開胃丫冬陰功採用新鮮大蝦再配合草菇兩大主要材料加上大量泰式香料泡製,椰香味濃,好飲泰式蝦炒金邊粉未食已經比個like,賣相精緻,用蛋花包住d金邊粉...打開蛋包香噴噴,蝦球粉條炒得爽口彈牙,酸酸甜甜好滿足鹽焗烏頭魚肉新鮮香口夠入味配搭泰式酸辣海鮮汁增加層次感,超好味丫

之前食過加拿芬道分店新泰東南亞泰國菜館，覺得食物質素不錯，所以今晚約會好友訂了北京道分店試下👍地點位置非常方便，𨋢門一開就見到裝修好有泰國風味，好地道。泰式青芒果沙律-食泰菜必點的芒果沙律，芒果絲爽脆無渣，酸甜適中，加上辣椒越食越停不了口，好開胃。豬肉生菜包-醃肉碎炒得香口，不會過鹹或過酸，豬肉肥瘦適中，口感不油不韌，夾在生菜中輕盈又惹味😋鹽焗烏頭-烏頭燒得剛剛好，肉質嫩滑，不用醬汁已經好有鮮味，但配上泰式酸辣醬，好醒胃。冬陰公湯-湯底非常足料，除咗有蝦肉之外，仲有大量草菇同一些香草，整體味道非常濃郁，正！椰青-原個椰青好清新，椰青水味道天然帶甜，椰肉爽滑，最後再食埋個椰青肉當甜品，真是滿足😋😋😋

好朋友由澳洲到香港玩，最喜愛到香港食泰國菜，當然帶佢去我食開果間位於尖沙咀新泰東南亞餐廳。泰式生蝦刺身每次食泰菜必叫的菜色，蝦夠新鮮厚肉，肉質結實，新鮮爽口彈牙，配上生蒜辣椒和醬汁一齊食，非常開胃。冬陰公湯（小）湯內有很多菇同大蝦，好足料，酸辣到適中！😋😋😋燒鱔肉這碟燒鱔每次嚟到都必點的其中一個菜色，非常香噴噴，魚皮燒得金黃色，咬落啖啖肉，非常多汁，加上特制醬汁，非常好味👍海鮮濕炒河海鮮基本上都有鮮魷、青口、大蝦和雜菜，好有鑊氣，味道調校得幾好👍👍👍生菜包（豬肉）豬肉份量亦不少，沒有想像中大辣，豬肉炒得很香口，味道鹹鹹香香的確幾惹味，配上生菜片一同食一流，生菜夠新鮮爽脆。

同個friend行街，我想食泰菜，佢話有好介紹，食完覺得幾好，價錢合理，的菜式好味，中上啦。其實係尖咀食，我都想揀間坐得舒服D，有D情調，起碼傾計都傾得投入，環境好影響食慾㗎!呢度D位寬敞，裝飾有D情調，睇落都高級。先嚟係泰式明爐魚，我地揀左烏頭魚，佢地D酸辣湯汁好好味又好開胃，個湯好有好濃D香茅，南薑味，食到青檸香和酸，雖然烏頭係D下價魚，但無咩泥味，啲魚肉配呢D酸辣湯汁食，好㚒，加埋上面有D配菜香芹，紅蘿蔔絲同草菇，食落好rich，夠晒誠意。泰式拼盤有魚餅，春卷，蝦餅，生菜肉碎包，整體好食，最讚係蝦餅，做得彈牙有蝦味! 麵包焗咖喱軟殼蟹超正，D軟殼蟹超香口，炸過，再原個農夫包焗，好香，D咖喱好濃好香，有D辣，個包熱辣辣㸃咖喱汁食超好味，呢個係心水推介! 至於參峇炒秋葵，，D醬係又辣又香有D酸同䓤頭D味，好惹味，而D秋葵帶脆，好清新開胃，㨂下呢D新款，唔使次次都係馬拉盞炒通菜!