新樂海鮮酒家 (已結業)

是日午餐飲茶, 客人有1/4是”自由人” 因為他們一般都唔食點心只會叫小菜,午餐蒸條魚,半隻燒鴨之類, 一看枱面就可以分辨出來, 是日茶點如下:牛肉- 肉質的口感適中,調味也很恰到好處潮州粉果- 外觀及餡料全部都很好, 讚春卷- 用料新鮮及即叫即做, 所以也是有水準之作菜餃- 用的菜是白菜所以有咬口但菜味簿, 外形OK只是綠色不夠,义燒飽- 中規中舉牛百頁- 不會太辣, 有些比較有咬口, 亦有些比較淋身,炸煎堆- 看見很大個, 因為剛剛炸好, 用較剪剪開後, 其實只有一層皮,這個煎堆皮應該是有些蕃薯肉在內的所以是黃色及比較煙韌的口感魚肚肉丸- 合格其實都食咗唔少點心, 價錢又適中, 這裡下次都會是午飯之選,不過,原來星期六下午兩點半後這裡是有特價下午茶時段的,

很傷腦筋去找一間合意的酒樓吃傳統的點心, 太花巧和昂貴的都不考慮. 忽然間想起這裡.兩個人, 中午十二點, 一推門入內已經有好感; 知客小姐充滿笑容的大聲問幾位, 然後指示上樓上, 而上面的侍應也很勤快地帶我們入座. 剛好對著大電視, 正好. 那時的上座率有七八成左右.座位是擺得比較鬆動的, 滿鋪地毯, 郤頗清潔, 沒有污漬. 侍應充足, 開茶和落單也無問題.在點心紙上剔了, 山竹牛肉, 雞扎, 煎釀三寶, 牛肉腸粉, 百花魚肚.牛肉腸粉先上, 三條很厚和多料又薄, 是近來吃到最好的, 滿意, 8 分.再來的是山竹牛肉; 有三粒, 哂士很大, 爽滑, 沒有梳打粉味, 正, 8 分.然後是煎釀三寶; 初以為哂士錯了, 因為其他的食店只給三件, 這裡有五件: 計有釀青椒二件, 茄子二件, 涼瓜一件. 釀料是彈牙的魚肉, 爽口而沒有魚腥味, 是少有的抵食夾大件. 9 分.百花魚肚又是精彩, 有三件百花餡, 即蝦膠, 鮮爽之處, 絶不馬虎, 墊底的魚肚很大又厚, 吸滿汁液, 好味道, 9 分.雞扎是最後上的, 兩大件, 用腐竹捲著雞肉, 芋頭, 豬肚和魚肚, 汁液豐富, 哂士比別處的大, 味道

用心製作有水準嘅點心今日中午突然間收到朋友call，話要飲茶！諗左一陣，諗返起一間有水準嘅酒家。所以決定好好咁同佢嘆返餐點心先…..哈哈完全由朋友話事，話點就點……真能滿載而歸….回味無窮…哈哈首先，朋友佢點左蝦餃皇，正呀！跟住，百花釀瓜甫、流沙包、山竹牛肉球、蠔皇叉燒包、香茜滑牛腸、香煎腐皮卷、時菜鯪魚球、潮州蒸粉果。真係好似e間酒家話齋，重質重量、出品精良！本來我自己最討厭食酒家d牛肉做嘅任何點心，因為最討厭就係d蘇打粉勁落，一諗起d蘇打粉味就想嘔！但係e間酒家真係做得好好呀！完全無蘇打粉味！ GOOD呀！所以，佢哋d山竹牛肉球、香茜滑牛腸、我都有幫襯，因為真係好味！甚至乎，最普通嘅叉燒包都做得非常有水準，完全無肥肉！真係食得出點心師傅好有水準！蝦餃皇d蝦好新鮮、好彈牙d皮又薄！香煎腐皮卷裡便都有新鮮蝦、d皮好脆，真係好正！潮州蒸粉果本來又係d平時最容易被人忽略嘅點心，佢哋都做得非常有水準！裏便有新鮮蝦，d皮又好薄，簡直可以睇到裡便有乜料呀！正！百花釀瓜甫，節瓜甫仍然保持新鮮，咬落去d節瓜甫就知道即叫即蒸夠哂新鮮！ d瓜甫重係翠綠色架！時菜鯪魚球一d都唔會有魚腥味，真係好新鮮呀！（

由於呢餐已經係二月既事,仔細情況唔係好記得,但係一道大良炒鮮奶令人印象深刻,只因我從未食過咁既大良炒鮮奶,不禁問一句:係咪變左種?呢度既大良炒鮮奶,竟然係好似炒蛋白咁,唔止無奶味,而且仲令人以為自己食緊賽磅蟹...唔係,賽磅蟹都還好,起碼可能有蛋或者西蘭花食下,但係呢個炒鮮奶,就好似炒蛋白一樣,奇怪!不過咁,當日的例湯又唔錯既,蒸魚都好好,唔會腥。之不過,個葡汁扒四蔬唔掂,好油!其中二蔬係菇類,鍾意食菌既就岩胃口!

零九年第一個食評，竟然是一間街坊式的"酒店茶樓"....說這兒是街坊格局也並不為過。雖然是隸屬於酒店，但來光顧的大多是四五十來歲的阿叔又或是更年長的公公婆婆。格局就跟普通茶樓無甚分別。難得跟放假的老友食家歎茶，一個人走進來先霸位，當然全場最年青的又是小弟了開壺普洱嘆一會報紙，不久老友就來到了。想起來已很久沒有這樣跟老友記如此悠閒地聊天嘆世界了如此環境下，食物的質素反而是其次了。來了五個點心一份粥，菜乾豬骨粥粥底稀如水，用匙羹不斷的掏啊掏，只找到寥寥數條菜乾及一小嚿骨，而且師傅味極重。吃了數口已忍不住口中唸唸有辭了；腸粉吃上去好像是翻蒸的貨色，义燒咬上去硬硬的，是吃過之中差不多最差勁的；蘿蔔糕內的蘿蔔絲是帶苦味的，外皮煎得又不香；牛肉肉質太散，欠嚼勁，要求在這裏吃到手打的貨色，是太奢求了點吧，但總是覺得，起碼有多一點用來墊底的腐竹，才能稱之為"山竹牛肉"吧燒賣及雞球大包算是比較正常的。特別是大包，起碼皮用手一揻之下並沒有"散修修"的感覺，而且鵪春蛋、鹹蛋黄、豬肉及雞翼等樣樣齊備，而且最重要是size是真的夠大，吃進肚子裏暖笠笠，很滿足服務的阿姐笑容可掬，連傳菜的嬸嬸也是唔該前唔該後的，很

呢間野雖然係大街大行，但其實平時行過都唔係好覺，有日在同事介紹下，一嘗他們的午茶.....入到去，幾有懷舊的感覺，當然唔係蓮香樓一盅兩件個種，而係六十年代的粵語片，梁醒波通常去個種；有些位仲有沙發坐添....而且不用等位....可能是平日的關係吧!之後我們點了好多野食...仲食唔曬添....(其實因為有人請呢).... 不過有幾樣是值得推介既!乳鴿：如果無記錯是賣$35兩隻(如有請更正)....不過真係好嫩好細隻....甘先細乳鴿呀....平時啲酒樓通常將隻鴿一開四，但佢真係太細隻...所以一開二，仲有皮夠脆....肉質好滑.....好味燒鵝：肥美...好滑....唔會覺得啲皮好乾...反而咬落係juicy...好味奶皇包：比坊間的細....但好流.....好似火山爆發一樣....金錢肚：沙爹汁好味...又夠冧....椒鹽九肚魚：入口即溶....皮脆....正!其他點心都幾好食...而且唔貴....我們叫太多野食....個阿姐仲主動同我地刪減啲添.....不過就千祈唔好食芝麻餬.....完全係水既..... ....不過總而言都係會再去既....以後有該區飲茶就多個選擇了...

六點去到, 已經有吳少人, 好彩仲有卡位, 佢既卡位係for3個人既, 張梳化係一個半圓咁, 坐得幾舒適, 又吳迫。先黎一個例湯, 花生雞腳湯, 一飲就知冇味精, 因為係一種好清淡既感覺。吳算好濃, 有些少淡但個湯幾好飲。腰果西芹炒蝦仁: 平時好少會叫腰果, 因為出面好多都冇味, 而且吳夠脆, 但呢度就吳同, 略帶鹹味, 好香脆。蝦仁好大隻, 爽口彈牙, 略嫌吳夠鮮味蒸石班: 細細條, 老左少少, 不過豉油就吳錯, 好甜, 好有以前既味道 葡汁焗四蔬: 一般, 色就夠啦, 但味道就……椰汁吳夠, 冇咩葡汁既味道。照計應該吳難整, 所以有少少失望。食完仲有糖水送, 有3種, 每樣要一碗紅豆沙: 吳係好起沙, 亦吳係太甜, 果皮味濃綠豆沙: 好香既臭草味, 海帶都吳少, 夏天清熱既良方杏汁燉木瓜: 杏汁算係整得幾好, 至少覺得怇係落足料, 而吳係一味溝水更多圖片同介紹可以去我個blog, 歡迎留言!http://hk.myblog.yahoo.com/food_talk2008

星期六去開佐敦,老婆話呢間老牌酒樓響roadshow賣告白,話佢地以前好巴閉,好多粵語片明星幫襯,不過都係幾十年前嘅事,記得我細路仔時都嚟過,當時覺得茶樓都有卡位,好特別.當日嚟到無咗老婆好想食嘅大飽,好失望,不過食咗佢鍾意食嘅薑醋,味道相當不俗,阿仔話呢度嘅麻茸飽無得頂,饀料用靚料,好正.我就覺得不過不失而己,至於是否懷舊,因為唔睇粵語長片,無乜感覺.

正好本來要去吃的那家酒樓裝修就近到這裡試試看口味很傳統食物有質素價錢不算貴有機會還會再去~

新春假期今日開始～本來約左響佐敦返工０既朋友食午餐，搭車之際朋友打電話來，話今日係佢地公司７周年紀念日，老闆都想一齊０黎食飯，仲提議我們去新樂飲茶添～因為我早到，邊等位邊等佢地，等左５分鐘就有位了！朋友老闆們都好準時，１點鐘就可以剔點心了～叫左幾樣點心同埋一個楊州炒飯，未去過呢ｄ老字號酒樓仲驚ｄ０野食唔好食，點知唔係，所有０野食水準都幾高！埋單都好平，４個人都係食左２００幾蚊，仲係老闆請客呀！非常開心＾＾

平時經過呢間酒店，感覺有如時光倒流到70年代的香港。雖然裏面並沒有刻意的懷舊裝修，但係酒店既裝修仍保留點點70年代風情，最啱遊客去。剛巧有老外朋友從外地遊港，佐敦食肆咁多，呢間最能夠地道特色。老外朋友平時甚少食中國菜，所以筷子都唔係好識用。最後點左︰1. 西湖牛肉羹(淡味左d)2. 麒麟豆腐(普通啦)3. 酥炸蛇丸(都好味)4. 燒鵝(肥左d)5. 清蒸石斑(普通啦)老外聽到蛇就嚇到死，但係香口野通常都較易接受，仲話似田雞添! 其他小菜都只係一般水準，不過價錢就太貴啦，佐敦不愧為遊客區!侍應見到老外遊客就特別好招呼，香港人真係!

pineapple咕邏肉$62 : little pineapple. the meat is covered with too many corn flour. so so.pak choi and garlic soaked in superior soup $52: too much salty water. so so too.

通常在九龍公園打完波後，都會到這裹飲茶吃飯，這裹的點心很不錯，有很多有特式的點心，質數和款式也很好，價錢又大眾化，大家去開佐敦區可以去試。推薦點心﹕蘿蔔絲蘇餅、芋角、小籠包、香蕉糕。

we had a brunch before going to the painting show in art centre. two pple had five dim sum. very full.蘿蔔絲酥餅: 蘿蔔is a little bit hard. i don't quite like it. but my bf said ok.shrimp spring roll: highly recommended. many shrimp and crispy义燒腸: quite good. 珍珠雞; qutie large. actually too large for two ppl. taste ok千層馬拉糕: taste ok. but too full to finish.Mon-Sat 11:00 before has discount. we got very very full and only cost $70.5. really very cheap

星期日去完睇法國印象派名畫，突然想來這裏飲茶。三個人叫了好多點心，蝦餃、燒賣、义燒包、蘿蔔絲酥餅、鯪魚球全部都好新鮮，即叫即蒸。唯獨是罐湯餃就麻麻，因為好肥膩。最值得推介係個千層馬拉糕，來時熱辣辣，又香蛋味又軟熟，真係必叫之選！