新樂海鮮酒家 (已結業)

中午時和家人來一個小聚, 他們選擇了一個比較傳統的酒樓, 格局有點近似旺角鳳城老店; 到達時家人已坐於樓下梳化位. 點了數個點心, 其中印象深刻的有: 金錢肚, 質感稔而且入味討好; 蝦餃菜餃等, 餡料鮮味但餃皮偏厚和稔; 小籠包, 餡料十足, 但無半點肉汁; 灌湯餃, 用浸湯形式, 並非傳統灌湯餃, 湯料味道香濃, 火腿魚翅份量十足, 但魚翅有點偏爽口脆身; 帶子腸粉表現亦一般, 帶子賣相不錯, 可惜味道質感欠奉. 服務方面一般, 但價錢可算大眾化~

便宜又抵食

囋

吃晚飯火窩換來一肚氣，昨晚與二友人到此酒樓，坐了上二樓，檯號222，左右兩旁為221和223，結果,221-有湯無爐有料打邊爐、222(我檯)無湯有爐有料打邊爐、223-有湯有爐無料打邊爐。最激氣是侍應居然拿我檯個爐俾221(因223檯個女人不斷罵他們，佢地唔敢拿)另外叫了三隻大閘蟹，其中１隻甩剩三隻腳(連拑都無，而且size同另外兩隻比，細好多)，同上菜阿嬸講，佢居然話(用半咸淡廣東話)：我唔知架，您唔好同我講，唔關我事。最后，叫了另外一位女侍應，佢居然話：甩腳者，有乜所謂，唔通我同廚房講。在我堅持下，她非常不願意下拿走，因為只有死蟹，才會甩腳。而這位女侍應還叫其他侍應不要拿生果盤及糖水予我們，故此我一毫子tips都唔俾。我都唔明電視日日叫我地推動旅遊業,但係本地人都食到一肚氣，何來推動？其實，佢地間酒樓食物及價錢都OK，只係服務就不敢恭維。我同朋友一致認同-不會再去光顧。

新樂o係呢頭都好耐囉,細細個入去飲到依家,都係咁啦,o係呢度去抽油煙味就稍差,其他食品就保持水準,總之D 食品包你唔會食完媽媽聲o個隻,唔錯o架,平時假期都要等下位,11 點左右到包無錯o架啦.

一至日都有下午茶，點心一律8 元，選擇又多，貴價如灌湯餃、蝦餃都有，劃點心紙唔駛出去同人逼，點心又唔會限量發售，至於味道就不過不失，不過咁抵食，乜都抵番晒。<br><br>但係新樂始終係D 老牌酒樓，環境當然傳統D，有D 污糟，有時又要搭檯，大家要去就唔好嫌棄o拿！