新森林焗之專門店

營業中

休息中

不嬲知道新森林出名食焗飯🤗見到宜家有埋鐵板扒而且價錢親民，有頭盤之餘仲送餐飲超豐富😇頭盤叫左炸素魷魚圈🦑同埋羅宋湯蒜蓉包🥣前者係第一次試見到幾特別🤣口感因為素嘅關係冇魷魚圈咁彈牙，比較似杏鮑菇mix左薯仔嘅感覺🥔羅宋湯超足料🤗🥩牛肉眼扒(10oz) ($94)超大塊肉眼扒但MVP一定係個生蒜蓉燒汁😍超多生蒜係塊扒上面啖啖都食到🥹重口味人士之選🤪肉質唔錯肉味濃🤗🦐吉列炸蝦拼牛柳頭扒 ($79)揀咗黑椒汁，個汁更加濃🤗口感比肉眼淋身啲，吉列炸蝦超大隻😱差唔多同塊扒一樣長🤣主食揀咗黑松茸薯條🍟(感覺茶餐廳都好有心機與時並進，不斷推出啲新嘢迎合年輕人口味)，另外仲叫左芝士蘑菇白汁焗飯，新森林當然要食焗飯🫶🏻免頭有滿滿嘅芝士配上炒飯底，食完好滿足🥰

最近經過灣仔見到呢間餐廳外牆幾吸引,於是就入去試咗😋餐廳提供嘅嘢食種類好多元化：有拉麵、焗飯、中式炒飯、扒類等等,仲提供素食嘅餐點,多到唔知點揀🤣芝士蟹籽珍寶海鮮焗飯餐廳最出名嘅係佢哋嘅焗飯,當然就要試吓啦😆呢個海鮮焗飯材料好充足,有扇貝、蝦、魷魚、蟹柳等等,而且芝士味好濃郁,同海鮮好夾,焗飯焗得啱啱好,炒飯亦都粒粒分明,成個飯層次好豐富,搭配得相當唔錯💕蜜糖炸墨魚丸拉麵佢哋嘅炸墨魚炸得好夠香,外面少少脆,配埋蜜糖食更加一流,拉麵水準都唔錯,呢個價錢嚟講性價比相當高🫶🏻皇帝蟹棒肉蟹籽凱撒沙拉沙律菜好新鮮,少少氧化都冇,而且蟹籽同蟹棒肉好多,好有誠意,食落好fresh,作為前菜再好不過🙌🏻

呢間舖頭由中學嗰陣時已經屹立喺灣仔，個名絕對唔陌生，好耐冇食，今晚去咗食晚飯。一去到店員服務態度幾好，又攞兩杯熱水俾我哋，仲溫馨提示邊啲位置冇咁凍，餐牌其實好多嘢食，話到明係焗之專門店，焗飯焗意粉呢啲唔少得，連鐵板，蛋包飯同拉麵都有。我嗌咗炸魚併牛柳頭扒，仲要有前菜，及迷你焗飯或意粉或薯條，個扒仲有三款汁可以揀，仲要連飲品，以為咁豐富價錢要百幾蚊，點知其實只需要70幾蚊，性價比好高。仲要最驚喜嘅係佢係鐵板上，仲要另上醬汁倒落去會出煙嗰種，唔係普通碟碟頭餐。另外一個餐都好豐富，可以配前菜同小食，前菜嘅種類都好多，有炸雞翼、薯條、饅頭、炸豬扒，包嘢飲都只不過係$60 之內。總括然而真係性價比好高。順帶一提，佢個蒜蓉包好好食呀，又夠脆，蒜蓉味好重。

前幾日去完灣仔做野，行過呢間，睇到啲焗飯餐好似幾平又多選擇，就入去試下啦，佢啲餐份量都幾多，我同朋友都食到勁full！🟥迷你焗の選佢入面有分A餐$52 (迷你焗飯+前點)/B餐$59(迷你焗飯+前點+小食)，最重要係樣樣都試到，今次我就叫左焗鮮茄豬扒飯、炸魚薯條同炸饅頭，性價比十足！🟧set dinner鐵板紐西蘭牛肉眼扒伴煙肉脆皮腸入面仲可以跟飯/意粉，鐵板一到，即刻聽到高溫既滋滋聲，再淋上濃濃既黑椒汁，即刻香氣四溢，塊扒size十足，好抵食。

放工想食啲夠惹味又飽肚嘅焗飯，就揀咗呢間主打焗飯嘅《新森林焗之專門店》🌳，主打芝士拉絲加熱辣醬汁，非常吸引！餐牌選擇多，仲有鐵板扒、特色小食等，真係港式焗飯迷天堂！🍛馬來咖喱芝士焗牛脷飯 $60一開蓋就聞到馬來咖喱嘅香氣，帶微辣同椰香，好有層次，配上大量拉絲芝士，真係一啖接一啖停唔到手😋 鹹牛脷炆得夠腍，完全冇筋位，啖啖肉非常滿足，呢個價位嚟講性價比極高🔥！🥩鐵板牛肉眼扒配蕃茄芝士焗飯 $94鐵板上枱滋滋聲響，黑椒香撲鼻而來！肉眼扒厚切多汁，醬汁鹹香微辣，港式風味十足～一邊食住扒，一邊食焗飯，蕃茄芝士焗飯酸甜平衡，芝士食份量亦毫不吝嗇，一餐兩款享受，滿足感爆燈💥！🍤一口蝦多士 跟餐+$22外層炸得金黃香脆，蝦膠夠彈牙，味道唔會過鹹，做前菜或者小食都啱晒，熱辣辣時食口感最佳✨相比起一般茶記焗飯，呢度喺用料、味道同配搭上都行得出色啲。想搵間焗飯專門店歎個高質港式焗飯，呢間新森林絕對值得一試～下次想試埋佢其他醬汁款式🍴

喺黃色暴雨下嘅下午，喺灣仔唔知食咩好，見到呢一間細細個就食過嘅新森林。記得以前新森林嘅焗嘢又好味又大碟，所以同朋友決定再試吓，睇吓係咪同以前一樣咁好食。見到有茶餐，茶餐係主食加小食，仲要有飲品都只係三十零蚊，連茶餐茶餐廳都做唔到呢個價錢。咁我哋就決定好豪咁樣叫做四個下午茶餐，買單都唔使$200真係好crazy！芝士焗肉醬意粉+小食雜菜春卷（$39）我最鍾意食芝士焗肉醬意粉㗎啦，因為下午茶嘅關係所以佢係Mini版。意粉即焗熱辣辣份量亦都啱啱好。雜菜春卷夠晒香脆，有啲蔬菜感覺健康啲，加埋甜甜酸酸嘅醬汁好惹味。紅油餃子抄手+羅宋湯（$35）紅油抄手用雲吞做就試得多，今次係用餃子做都幾特別，加埋佢嘅辣椒醬就更加惹味好食。羅宋湯材料足，唔會因為係下午茶嘅關係就會少左料。煎餃子四件+羅宋湯（$35）餃子煎到好香脆，加埋醬汁味道啱啱好。焗咖喱牛腩飯馬來咖喱汁（$56）呢一個茶餐雖然係貴一啲，而且無小食，但係佢個飯係比意粉更加大碟，而且牛腩數量非常多，牛腩半肥瘦咁絕對唔會鞋，配埋馬來咖喱，香濃咖喱再加埋少少辣味就非常惹味，貴少少絕對都得嘅。所有下午茶都有配嘢飲，我哋就叫左特飲仙草奶茶，仙草份量都幾多，

#20250516 🤍📍 #新森林焗之專門店 灣仔灣仔道203號地舖 🍽️中環威靈頓街99號威基商業大廈地下D號舖➖➖➖➖➖➖➖➖➖➖➖➖➖➖➖➖➖#迷你焗の選B $59/餐 🥢 #鮮菌芝士焗西蘭花💭 呢個餐第一步係揀個主菜先，如果唔想食澱粉類的話，焗菜都係個唔錯既選擇，成兜西蘭花再加埋啲什菇，仲有啲芝士係面，食完都幾飽肚🥦. 🥢 #焗咖喱雞皇飯 💭 另一個餐既主菜叫左個飯，雖然size比平時啲焗細兜啲，但絕對無偷工減料，有三大炸雞，仲有啲薯仔，配咖喱汁本身已經好味，最正係佢竟然有炒飯底太surprised，即刻加分🍛. 🥢 #羅宋湯連蒜茸飽💭 第二步就揀個前菜，食啲港式茶餐廳有時真係會為左個師傅湯而影響叫咩食，佢個紅湯好足料，唔只雜菜仲有肉，跟佢個蒜茸包都有啲高質，唔係用法包而係用豬仔包，焗到外脆內軟好好味，呢個包要比錢都會想叫尼食🥖. 🥢 #雜菜春卷 💭 個雜菜春卷就相對失色啲，以為入面係會有粉絲果隻點知無，真係純雜菜，只係輕輕炸熟左略嫌唔夠香口，呢個下次應該唔會再叫😅. 🥢 #即炸墨魚丸 💭 第三就揀返個小食先，炸墨魚丸係屋企都整到既味道，而佢無用椒鹽反而用左蜜糖做調味有少少特別

平時下午茶都會特登過嚟呢度食，因為實在太平，同埋佢哋有好多唔同配搭，真係一個價錢滿足晒你所有慾望，想食焗飯又有，拉麵又有，仲要價錢對得住質素，尤其佢個布甸好好食！如果大家住附近可以過嚟幫襯佢哋個下午茶餐

成日經過見到好多中學生幫襯試過就知點解😹餐單有好多不同的配搭一個餐你可以食到好多唔同嘅嘢簡直係一個價錢滿足你唔同嘅願望🤓✨迷你焗豬扒飯+兩個小食$59✨焗飯芝士好多 而且炒飯底都算乾身 整體味道唔錯 不過蕃茄味冇乜迷你size都好大個下小食都係一般中學生愛食嘅炸嘢不過味道都好好食 但就真係好熱氣✨迷你焗咖喱豬扒飯+兩個小食$59✨首先咖喱味冇乜 而且味道偏鹹呢個唔係好推薦 不過加配蟹籽沙律有驚喜大大兜 正常味道 不過$59真係冇得輸佢份餐單仲有好多唔同嘅配搭全部都係$60內就可以食到好多嘢咁而家大家明白點解呢間咁多中學生幫襯😂我嘅建議係同同事過嚟一齊share如果四個人女仔share三個餐都好夠飽！雖然整體感覺頹頹哋😅哈哈

2024年11月25號下午兩點鐘食飽，本身食個漢堡扒焗肉醬意粉，呢啲基本嘢正常質素都滿足嘅～點知食飽走去埋單，個收銀態度奇差，搞到我好似爭佢錢咁！一來今時今日收錢只收現金都麻煩！咁態度食個晏都un胃！第一次去，暫時唔會想去第二次！

【灣仔區】【新森林】同兩位北海道之友去灣仔食下午茶，我就冇 idea 嘅，佢哋就話去呢間食焗嘢，因為好食咁話喎。聽個名我就知，因為我好多年前都喺深水埗食過，當時嗰位朋友都係話佢哋焗嘢好食，但係我就已經冇乜印象究竟個味道係點喇。下午茶時段平啲，咁就去囉。佢哋個下午茶叫「下午茶左配右配」，一個主食配一個副食咁，而我哋大致都係 share 食咁嘅。叫咗都係 $39 嘅「焗咖喱雞皇飯」配「芒果布甸」同「鮮茄焗豬扒飯」配「黑松茸薯條」，兩個餐啲焗嘢亦都幾有水準，唔錯，仲配埋嘢飲，其實都幾抵食。叫埋焗咖喱餐裡面 $56 嘅「焗咖喱牛腩飯」配馬來咖喱汁，再加 $6 飲 餐湯「羅宋湯」，感覺可以。嘢飲方面我哋飲兩杯 $3 嘅「凍檸茶走甜」同一杯 $3 嘅「凍奶茶」，呢個就正常茶餐廳水準，冇乜感覺。三個人食，埋單 $149，下午茶嚟講冇咩好挑剔。。。（地址：灣仔灣仔道203號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tas

今朝行去銅鑼灣，途經新森林，見入面都幾旺場，就打算去試下。入座後叫左個精選早餐，有五香肉丁麵，有炒蛋腸仔，有半份奶朱，有杯熱飲，盛惠37元。價錢唔貴唔平，係灣仔嚟講都叫做食得過。首先講下佢嘅脆朱，即係脆嘅奶油朱仔包，幾好食，但最衰太多煉奶，甜得濟。個面ok嘅，肉丁都多，但最唔好係個炒蛋，有陣油味，食食下都唔想再食。熱咖啡好飲，但唔明點解要用紙杯裝。最差就係佢嘅服務，雖然大聲唔代表佢惡，但又真係令人唔多舒服，同埋叫幾次都無人應你，好忙咁嘅款。

惡劣服務態度：  一班朋友到店坐3－4張枱，嘗試拿其中一張枱之餐牌到另一張枱觀看，當未到另一張枱時就有一體型稍為龐大店員喝令不要亂拿餐牌，以命令式叫朋友放回本來之餐桌。 及後，亦以命令式喝令食客不要以中間通道經過， 整店只以兩條通道（前及中間）通過，若不可以中間通道，應以清晰指示通知食客，總括而言，態度非常差。 食品味道一般，選擇不多，餐具非常不潔，堂叫凍熱飲品皆以膠杯盛載。  若純以醫肚覺度，如你能接受惡劣服務態度還可以一試。   

原來今日都同同事去咗依間抵食夾大件嘅餐廳午餐合作落灣仔道的新森林，其實平時都好多學生哥幫襯，因為佢哋啲餐真係價錢又平又大份，所以好多學生哥支持呢度啲焗飯新鮮焗又熱辣辣，另外我哋最鍾意食佢個雜扒飯，配蒜蓉汁，因為個蒜蓉汁係整得好好味😋今次我點咗一份焗咖喱牛腩飯其實我都好鍾意呢個配合，讀完之後熱辣辣賣相又吸引，唔使10分鐘就已經全部食晒環境尚可，不過勝在性價比高，價錢食物質素都OK，值得推介唯一美中不足就係冇八達通支付不過呢個都係小問題

下午茶之選今日見工後嚟呢間食下午茶以前都係公司同事會訂外賣返去第一次堂食下午茶脆脆奶油朱+鹽味薯條味道不過不失熱奶茶 無咩茶味唔明點解堂食俾外賣杯侍應態度有待改善