影片
開飯介紹
新森林為一間以焗飯麵為招牌菜的西餐廳，款式眾多，另外亦有小菜及拉麵供選擇。
繼續閱讀
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
相關文章
位於灣仔灣仔道的「新森林焗之專門店」，顧名思義係一間主打焗飯的專門店✨餐牌上有各式各樣的焗飯、小食、鐵板扒、拉麵/烏冬及素食焗之選等等，款式選擇眾多，定價適中親民鐵板扒之選 & 迷你焗之選當晚點咗一個「迷你焗之選」set，包括迷你芝士焗飯+前點+小食+飲品。鐵板扒之選則包括頭盤、鐵板扒及飲品迷你鮮茄焗豬扒飯表面加咗佈滿大量芝士碎，芝味香濃，正呀！鮮茄汁酸酸甜甜的，都幾開胃～有2-3件豬扒，啖啖肉，豬味香濃，大件夾抵食薯條炸粗薯條有三款口味可以選擇，我就揀咗鹽味。薯條香脆可口，滿載薯香～炸單骨雞翼合共有4件孜然風味嘅炸單骨雞翼，皮脆肉嫩，邪惡滋味餐湯及蒜蓉包多士羅宋湯非常足料，有好多蔬菜及洋蔥，酸酸的頗開胃！牛油蒜蓉多士脆卜卜，配湯一流牛肉眼扒(10安士)足足重10安士的牛肉眼扒，份量十足，牛肉味濃郁，好好食哦！配黑椒汁更加好味芝士茄汁焗飯表面加咗芝士及茄汁一齊焗，滋味又飽肚熱阿華田及凍仙草奶茶凍奶茶香甜幼滑，當中嘅嫩滑仙草增添豐富口感
繼續閱讀
細細個住過灣仔一排對呢間餐廳可謂係念念不忘今日重遊舊地發現仲有進步左重點推介點解仙草奶茶可以咁好味奶茶底調得好正價只係$20吊打坊間茶飲店吉列炸蝦併牛柳頭扒採用生蒜蓉汁絕對唔只係有蒜嘅調味令肉味更香海鮮鴛鴦汁焗飯炒飯底甘香加上勁大粒磨菇魚柳煎香左先焗焗完保持皮脆內滑黑椒微甜帶辛好味另外仲有細心位包括:凍碟上沙律確保新鮮紅湯有勁大嚿煮淋嘅西芹蒜蓉包用上奶油豬底加醬料夠曬脆口薯條熱到有少少辣嘴呢種感覺最好
繼續閱讀
灣仔有間專門食焗飯嘅餐廳，用一個價錢就可以滿足你3個願望😍，如果你好似我咁，飯食得唔多，又好鍾意食多啲款式嘅小食，呢間實啱你。$59有一個迷你焗飯+前點+小食，焗飯及前點每款多達9款選擇，小食都有7款比你揀，我哋今次叫咗鮮茄焗豬扒飯+黑松露醬薯條+炸單骨雞翼4件；白汁芝士焗魚柳飯+鹽味薯條+吉列豬扒；再追加咗羅宋湯、蒜茸包、迷你炸饅頭同藍莓芝士餅，加埋兩杯嘢飲都只係$174，我冇講錯，你冇聽錯，呢啲先真係叫做大件夾抵食。個焗飯雖然話係迷你，但係份量都唔少，仲要多汁，炒飯粒粒分明，鮮茄焗豬扒飯，豬扒好軟熟。芝士焗魚柳飯，魚柳好厚好大件。薯條香脆，吉列豬扒非常鬆化，炸單骨雞翼超好食，辣辣地脆漿又鬆化。焗豬扒飯+黑松露醬薯條+炸單骨雞翼 $59白汁芝士焗魚柳飯+鹽味薯條+吉列豬扒 $62羅宋湯、蒜茸包 +$10追加-迷你炸饅頭 $16追加-藍莓芝士餅$18凍華田+$3凍仙草奶茶+$6
繼續閱讀
新森林呢間餐廳，好有親切感，以前想食吓西餐，都會嚟呢間焗飯專門店。開喺灣仔與銅鑼灣之間嘅呢間分店，受盡打工仔歡迎，平時lunch time都排長龍。焗之選系列好多選擇，可加配餐湯，小食及飲品。最鐘意叫鴛鴦飯，因為一碟有兩個味道。鮮茄肉醬芝士白汁魚柳鴛鴦焗意粉鮮茄肉醬建議配意粉唔配飯，另一邊係白汁魚柳，完全試曬兩個風味，而且份量都唔少。芝士海鮮焗黑椒雞皇鴛鴦飯黑椒雞皇比較特別嘅，辣辣地，食落又冇咁滯。海鮮有蝦、蟹柳及魚。鮮菌芝士焗西蘭花 健康一d冇加配炸物，反而叫咗焗西蘭花，估唔到咁大盤，順便食多啲菜！
繼續閱讀
第一次嚟呢度食，上完堂搵地方食晚餐，諗都冇諗過呢度咁鬼抵食，一個晚餐，鐵板雜扒晚餐咁抵食，包埋前菜可以揀沙律，或者蒜蓉包跟餐，連嘢飲，最誇張係仲連埋一個full portion成大盒錫紙裝住嘅意粉或飯（唔係就咁普通放喺旁邊少少嘅意粉同飯）。冇諗過呢個位置，落雨晚市都全場滿座。餐廳職員服務非常之好，見落大雨，我哋想走嘅時候，職員都叫我哋坐多陣等一等避一避雨。前菜芝麻醬雜菜沙律，新鮮雜菜裹著濃稠芝麻醬，爽脆的生菜、多汁的番茄、脆嫩的黃瓜，在麻香裏舒展本味。叫咗一個牛肉眼扒10 安士會燒汁，入口裹著濃郁肉香，咀嚼間油脂化開，好大塊。芝士茄汁焗意粉，冇諗過佢會俾full portion錫紙裝住一盒份量，以為淨係細細碗或者係鐵板旁邊少少的。 意粉包著茄汁，表層芝士烤得微焦，好味抵食！！
繼續閱讀
您可能會有興趣的...