新東記火鍋店

營業中

休息中

同屋企人行開尖沙咀想去打邊爐，行過見到K11附近有間野叫做新東記，上到去又有位坐得又舒服，成間野乾乾淨淨非常新淨。揀咗個冬瓜湯底，感覺好似冇咁熱氣。肥牛，非常靚，佈滿雪花，入口即溶，必食推介！自家製墨魚滑，墨魚味濃郁，有夠彈口。鳳城水餃，餡料非常充足，蝦~全部都係蝦!!仲要非常細心，我冇見到有蝦腸👍🏻肥鵝腸，呢個鵝腸同出面食嘅唔同，超級爽口，肥瘦適中，好正！黑牛柏葉，爽脆有口感，真係5秒就夠，千祈唔好得耐。日本南瓜，同中國南瓜相比真係好唔同，香甜好多。呢間野嘅食材非常新鮮，而且真係用心揀過。價錢雖然唔算平，但真係物有所值！

新東記火鍋店，這間在尖沙咀樓上15樓的火鍋店，座位約有80個，門口是客人存放的百多支紅酒，佈置非常簡潔，燈火通明。我們兩人坐落寬敞的卡位上。點了蕃茄薯仔湯底，醬料十分之豐富，我們選了肥牛粒，走地三黃雞，北海道帶子，鮮蝦雲吞，鮮雜菌藍，黑牛柏葉，鬆軟豆腐卜和時令雜菜。牛肉好有特色，可以見到師傅係新鮮係我地面前切牛肉，對比起香港好多地方，呢度嘅牛果然真係名不虛傳，新東記呢個品牌牛肉係最好食嘅。火鍋配料同其他食物一應俱全，而且有好多唔同嘅湯底。現時出邊好多餐廳只有麻辣同埋一啲有線嘅味道都係比較普通。呢度有我最鍾意嘅胡椒豬肚湯底同埋蕃茄湯底，真係形合我哋本地人口味，創造出香港人嘅打邊爐！湯底亦都好適合配上佢嘅食材，如果真係想食靚嘅牛肉真係要去新東記！

今日同同事喺尖沙咀做完嘢 兩個人唔知食咩好就去咗附近食火鍋 呢間嘅醬料擺盤都幾特別，成架車仔都係醬料，一層層一格格又唔會阻住自己張枱調完醬料之後，侍應姐姐就會推開架車，幾方便喎。雖然話兩個人打邊爐食唔到好多款嘢食但其實我哋都嗌咗有豬、有牛、有雞、有菜、有丸....都唔少嘢㗎。朋友一嚟到已經睇中呢一個醉雞窩，另外仲叫咗個麻辣湯底。雞鍋已經包左半隻雞，啲湯滾咗之後放雞落去，再煮滾一陣就食得。因為係酒底鍋既關係，雞肉嫩之餘，仲變得好鮮味，好唔錯。呢度既鮮嫩肥牛都幾出名，我哋叫咗份例嘅， 肥瘦得宜，脂肪分部率平均， 好嫩重牛香除咗牛，緊係要點黑毛豬豚肉啦睇落去好似好多肥膏，但其灼熟，咬落好香口，薄切夠嫩亦冇想像之中會滿口油膩感，都唔錯。我有點丸丸同埋黑栢葉黑栢葉放落湯入面5 6秒已經食得，又爽又脆。 我最鍾意放喺麻辣湯底嗰邊，浸完食落夠曬刺激。 麻辣湯底其實冇想像之中咁辣，對我嚟講係中辣感覺左右。四寶丸粒粒都好食，咬落唔會一團粉感，彈牙又原汁原味今晚2個人食得好relax，慢慢食其實都食左好啦 。

美女廚房，想有傾有講。。。最好都是到外面用餐吧。閨蜜聚會是次選址中女最愛新東記。重新搬遷後格調更見高貴，甫進入店子已被金壁輝煌的紅酒櫃深深吸引著。鄰桌更是好杯中物的一家人，光是紅酒已經看到開了4瓶。真令人熱血沸騰。來到新東記必食鮮嫩肥牛金錢腱，我們點了中Size，幾個人Share剛剛好。刀功片片精準，一口牛的尺寸，放在湯底內淥一淥，已經呈粉紅色的狀態。金錢腱肉味香濃，有𡁻口，配上濃郁湯底絕對是絕配。另外墨魚滑更是爽口彈牙，女士們真的愛不釋手，一口一口的放入碗中。海產類的蟶子皇、加拿大大肥蠔、桂花蚌都是鮮甜味美。最後加一份稻庭烏冬，飽足兼享受！

呢間新東記其實係搬左店而已, 環境仲係坐得好舒服.醬料方面, 有絕對多既醬選擇, 所以完全無問題.湯底黎講算係比較濃, 尤其沙爹湯, 拎黎做烏冬十分好, 因為唔洗調味就可以配湯食,但沙爹湯有小小過咸.佢D手切肥牛係主打, 我地係中肥, 如果望到圖覺得都係過肥, 就唔好選中,中肥既手切牛, 除左油花味重之外, 肉味都係十分濃, 如果對比起其他店打邊燼既牛既話,肉味係好重. 所以唔洗點醬都會幾好食, 基本上必試, 唯份量不算多.豚肉比較薄身, 味道反而唔算太濃,不過豬本身味就不太重,點D醬食用會比較好.費用黎講如果呢個環境算正常, 又唔算過平, 服務都係好的.

今次嚟到尖沙咀打邊爐🤤入面環境幾好，有大枱又有卡位坐😝後面仲有個酒櫃添😗🍺#味菜胡椒豬肚湯 ($65)😋好味指數：(7.5/10)因為有味菜喺度，所以成個湯底都係小小酸酸地嘅😚帶點胡椒味，豬肚嘅份量都ok😎#牛頸脊 (例 $238)😋好味指數：(8/10)有好多唔同嘅牛部位揀🐮我就揀咗牛頸脊，冇太多脂肪，食落去比較瘦，不過都幾淋😋#走地三黃雞 (半隻$86)😋好味指數：(7.5/10)食落去有朕酒味，唔會太濃都幾香😚隻雞食落去啖啖肉，肉質都幾結實🤔#日本黑毛豬 ($88)😋好味指數：(7/10)黑毛豬薄薄一片好快就熟，食落去都幾淋，肉味都濃😗#鮮蝦雲吞 ($75)😋好味指數：(7.5/10)鮮蝦雲吞夠大隻，皮薄餡靚😍蝦肉仲好爽彈添🤤#海膽包心丸 ($55)😋好味指數：(6/10)呢個就比較一般，中間有啲蟹子同小小海膽，食落去又唔覺有海膽味道🧐都係嗌番肉比較好😎⭐溫馨小提示📌醬料費每位$25📌晚上10點後入座，全單七折

今日朋友話勁想食打邊爐又想坐得舒服，就在openrice找到一間新的打邊爐店裝潢不錯就去試試，去到空間感十足位置十分舒服，我地叫咗一個清和一些打邊爐料。醬汁一車上下間都十分方便，醬料選擇不少，每款都要咗少少來食。冇耐湯底皮蛋芫荽就來到，芫荽十分多最開心，味道都濃郁又香，皮蛋仲有少少流心口感添。我們見到隔離桌叫了牛肉十分漂亮，就選擇了肥牛肉中，幾款每款少少岩晒二人份量，牛肉味真的弓分濃郁而不同部位口感有所不同，帶點油脂更加好味。喜歡吃雞的我當然叫了新鮮黃油雞例牌，油雞好嫩滑又吾肥，岩晒我，但因為帶少少酒朋友就不可以食得太多了。鯇魚片，魚肉夠滑又冇骨，份量都不少。餃子都有選擇，最後就選擇了鮮肉九菜餃，好大隻而咬落去仲有少少肉汁而肉配九菜味道不錯。最後，打邊爐點會不叫皇帝菜，菜份量適中而都新鮮。

新東記搬左新鋪，即刻打去book位食靚牛。新鋪距離地鐵站不過一分鐘路程，不過我同朋友兩個完全係路痴，係加拿分道兜兜轉轉行左幾個圈先揾到。餐廳環境闊偌，有大量卡位，坐得舒服。醬油架上面有生蒜，香蔥，辣椒等等各式既醬料可以選擇。甘筍玉米豬骨湯，有大量粟米同甘筍，同埋大大舊豬骨，味道清甜滋味，好有家既感覺。而且隨着時間味道愈黎愈濃，忍唔住要飲多幾碗。推薦👍🏻特登黎新東記，就係為左呢份手切牛肉。鮮嫩肥牛可選金錢腱，頸脊，小肥，中肥或大肥。第一次食牛肉可以自己揀肥瘦，我地最尾就揀左小肥。師傅即叫即切，牛味香濃，令人上癮～紐西蘭羊肩肉薄切既羊片，淥一淥就食得，唔會太羶，符合大眾口味。推薦👍🏻自家製墨魚膠份量十足，墨魚膠爽口彈牙，非常好食。手打烏冬，質感滑溜。娃娃菜，吸收曬甘筍粟米湯既精華，好香甜。可惜我今日得兩個人兩個胃，如果唔係都想叫多份安格斯肥牛粒。啲牛肉真係好掂，令我好回味呀～

新東記算係一間老牌火鍋店最近裝修完重開比起之前乾淨企理好多之餘地方都好闊落坐得舒服😌因為天口都熱熱地所以叫左個冬瓜海味湯湯底好鮮甜 而且仲有好多粒瑤柱非常足料.•鮮嫩肥牛肉 例牌$238•打邊爐點少得肥牛呢？即叫即切望落去已經睇到雪花好均清厚度適中 剛好下湯20秒就食到半熟既牛肉牛味好香濃之餘口感嫩滑果然係鎮店之寶！.另外仲叫左小小蔬菜同配菜包括萵筍、蘿蔔、豬血等等由於湯底好鮮甜既關係所以其他配菜都食得出本來新鮮既味道.因為牛肉實在太出色有機會都想再黎多次😻

星期五晚有兩個海外朋友到訪，突然想食打邊爐，首選一定係新東記。七點鐘到已經滿座，搬咗去新店之後光猛好多。叫咗一個番茄薯仔湯底，象拔蚌刺身，兩碟肥牛，手打墨魚滑，冰豆腐，韭菜餃等等。喺新東記食肥牛，佢會有得俾你揀小肥、中肥、邊位等，唔同部位有唔同嘅味道。我一定係揀邊位，牛肉味好濃，超正！象拔蚌刺身可以話係新東記另一招牌，完全冇腥味，入口鮮甜。其他配料都OK，唯一冇嘅係手打豬肉丸。四個人食咗$2600，唔算平，但係有咁嘅水準一定值得。

女友話想打邊爐，於是搵下附近既火鍋店~見到新東記，記得好似之前聽朋友講話ok，所以就一於食下。一坐底，職員先比d醬料我地自己混下. 之後睇下張menu 紙，都幾多野食，好多款式～ 我地都揀左好多野食，有：芋絲、山水豆腐、水魷魚、丸類、牛頸脊、菜~芋絲:清清地，感覺健康！山水豆腐: 好滑，夾上黎又唔易碎，值得一讚～水魷魚: 魷魚鬚真係好滑溜溜～丸類：彈牙爽口，最like 係個墨魚丸。牛頸脊: 呢個係重點，大推，我地叫左瘦既，d 油花比例好靚，食落鮮嫩，重牛味。一籃菜: 咩菜都有D，洗黎勁乾淨，又翠綠，食完都冇咁罪惡感～BTW 蕃茄湯底係清甜的! 下次可以再食, 咁既質素黎講一D 都唔貴!

去左尖沙咀睇戲，睇完朋友話要打邊爐，所以帶我黎新東記～原來新東記搬左去另一個地方，新地方新環境，都好舒服！一開始，先混醬，咩都有，最中意芝麻醬，另外仲有勁多蒜蓉、蔥！我地叫左個蕃茄薯仔湯底，湯底清甜，而且入面勁多蕃茄，好健康 =]之後我地叫左個肩頸脊牛肉，牛肉非常鮮嫩，口感正！另外叫左D 牛骨髓，好爽滑；四寶丸咩都有D, 爽口彈牙~最後叫左籃蔬菜清清腸胃=]價錢合理，同朋友傾計又舒服，下次會再黎！！！

打邊爐已經唔係冬天專利，好耐冇打過，是時候去滾一滾！台灣朋友話尖沙咀有間好想試，原來係新搬嘅新東記好多年前久唔久都會同啲朋友嚟呢間打邊爐，不過近年越來越多唔同嘅火鍋選擇，所以都好多年冇嚟過！如果唔係朋友話嚟呢度食都唔知原來佢已經搬咗！新地方，新裝修，地方好似冇以前咁大但係坐得一樣舒服！等緊朋友嚟嘅時候叫咗個鮮炸魚片頭，熱辣辣入口，好得！朋友嚟到之後就叫咗鍋底，鍋底揀咗牛肉洋蔥湯同四川麻辣鍋！麻辣鍋係超辣，好香花蕉八角味，而牛肉洋蔥湯就系好重洋蔥味超得！打邊爐一定唔少得牛肉，因為朋友唔鍾意食啲太肥嘅牛，所以就叫左牛展！佢哋嘅牛肉真係手切，你仲可以見到佢個牛肉檔，即叫即切另外叫咗其他打邊爐必食：豆卜釀魚肉拼響鈴蘿蔔拼粟米，仲有脆鯇魚腩同 雙拼餃菜就叫咗菜籃！勁多菜，唔係D賣淨菜！Overall，打邊爐最重要嘅係講求新鮮，佢哋每一樣野都係新鮮唔係雪藏嘢！因為佢哋走舒服環境，新鮮食材，價錢一定比出面D任食貴，但性價比絕對係高水準！一間老字號火鍋可以係咁多競爭之下依舊生存而且仲可以保持質量，真係一定有佢生存之道！

尖沙咀有好多好野食，經常都會去嗰區食飯，今晚去左間好正既火鍋店，所以要介紹一下。呢一間係一間樓上餐廳，但唔洗排長龍等𨋢，等幾分鐘就有𨋢，而且位於地鐵站出口隔離，極之方便。一入餐廳，地方算大，而且裝修好新，感覺好乾淨企理，仲有多間私人房，可以同一大班朋友包房，私隱度極高。職員亦都好有耐性同禮貌地介紹菜單，未開始食感覺已經很好。湯底選擇有好多，有滋補嘅雞湯，亦有清清地嘅莞西湯，亦有最多人鍾意嘅沙嗲湯底，總之有好多唔同種類，今次我哋揀咗日本九州豬骨湯底試吓，個湯底一來，香氣撲鼻，而且非常足料，有新鮮粟米、蘿蔔、鮮冬菇、大大嚿豬骨，一個足料嘅湯底對打邊爐來講非常重要。鮮嫩肥牛呢間牛肉係肩脊肉，一間火鍋店可以俾你揀肥牛既肥瘦，可以滿足不同需要嘅客人，牛肉非常香滑，入口即溶，而且口感一流，打邊爐必食推介，最正係即時叫時切。安格斯牛肉粒因為一粒粒嘅關係，所以煮嘅時間要耐一啲，大約需要10幾分鐘，所以肉質比較有口感，但係就好香牛肉味，味道都唔錯黑柏葉好多人食牛柏葉都會係食黑柏葉因為無添加，而且好爽口，我都好鍾意食。墨魚滑自製新鮮墨魚滑非常彈牙，而且味道好香，咬落仲有一粒粒嘅墨魚粒，非常足料，亦都好有口

朋友介紹我去呢間新裝修後嘅火鍋店打邊爐，由於呢度啱啱新裝修完，所以感覺好舒服，非常光猛，想包房嘅仲有VIP房喺裏面。湯底方面我哋選擇咗日式九州豬骨湯底，用料非常足夠，大大嚿嘅豬骨仲有粟米蘿蔔等等，湯底味道非常清甜。要打邊爐又點少得食肥牛呢，呢度嘅肥牛係即時師傅手切，師傅喺店舖嘅角落有自己嘅地方，即叫即切，我哋就叫咗牛肩脊肉，小肥嗰隻，所以雪花非常均勻，顏色紅潤。一擺落個火鍋湯底，用咗大概20次30秒，就可以即時入口，唔需要多餘嘅配料，食落口感滑溜，肉質嫩，小小嘅脂肪零口感更加滑，非常高質。除咗牛肉肉質新鮮之外，仲有韭菜餃，一樣係用料新鮮，餃子皮夠薄，裏面嘅韭菜同豬肉有好多肉汁，食落味道豐富。仲有就係黑柏葉，色澤分明，咬落彈牙，就知道新鮮又好食，確實抵讚。蔬菜方面有菜心苗，非常鮮甜清潤，口感又夠晒嫩滑，用嚟打邊爐確實一流。整體來講，呢度打邊爐嘅用料好新鮮，尤其係肥牛肉，仲係即叫即切，已經係其他好多鋪頭比唔上，加上呢度重新裝修後重開，確實係值得再嚟。