新東記火鍋店

營業中

休息中

星期五晚有兩個海外朋友到訪，突然想食打邊爐，首選一定係新東記。七點鐘到已經滿座，搬咗去新店之後光猛好多。叫咗一個番茄薯仔湯底，象拔蚌刺身，兩碟肥牛，手打墨魚滑，冰豆腐，韭菜餃等等。喺新東記食肥牛，佢會有得俾你揀小肥、中肥、邊位等，唔同部位有唔同嘅味道。我一定係揀邊位，牛肉味好濃，超正！象拔蚌刺身可以話係新東記另一招牌，完全冇腥味，入口鮮甜。其他配料都OK，唯一冇嘅係手打豬肉丸。四個人食咗$2600，唔算平，但係有咁嘅水準一定值得。