新東記火鍋店

營業中

休息中

朋友介紹我去呢間新裝修後嘅火鍋店打邊爐，由於呢度啱啱新裝修完，所以感覺好舒服，非常光猛，想包房嘅仲有VIP房喺裏面。湯底方面我哋選擇咗日式九州豬骨湯底，用料非常足夠，大大嚿嘅豬骨仲有粟米蘿蔔等等，湯底味道非常清甜。要打邊爐又點少得食肥牛呢，呢度嘅肥牛係即時師傅手切，師傅喺店舖嘅角落有自己嘅地方，即叫即切，我哋就叫咗牛肩脊肉，小肥嗰隻，所以雪花非常均勻，顏色紅潤。一擺落個火鍋湯底，用咗大概20次30秒，就可以即時入口，唔需要多餘嘅配料，食落口感滑溜，肉質嫩，小小嘅脂肪零口感更加滑，非常高質。除咗牛肉肉質新鮮之外，仲有韭菜餃，一樣係用料新鮮，餃子皮夠薄，裏面嘅韭菜同豬肉有好多肉汁，食落味道豐富。仲有就係黑柏葉，色澤分明，咬落彈牙，就知道新鮮又好食，確實抵讚。蔬菜方面有菜心苗，非常鮮甜清潤，口感又夠晒嫩滑，用嚟打邊爐確實一流。整體來講，呢度打邊爐嘅用料好新鮮，尤其係肥牛肉，仲係即叫即切，已經係其他好多鋪頭比唔上，加上呢度重新裝修後重開，確實係值得再嚟。

好耐冇打邊爐喇，今日約左朋友去新東記打邊爐，打去book位時先知，原來佢地岩岩搬左去新地方7點幾去到已經有8成人，估唔到平日都咁full，好彩book左位！新地方裝潢簡潔，仲設有幾間獨立房間，好適合一大班人，或者見客包房傾生意！先來味架混醬一番，味架好齊全，諗得出都有湯底我地揀左雙併「四川麻辣窩」併「花雕醉雞窩」，雙併既話，呢度既計法係以貴果個窩再加$30窩來了～ 呢兩個窩真係好香呀！左為「花雕醉雞窩」，先試左啖湯，真係好香酒味！內有元肉、紀子，好補身啊！岩晒我地啲女仔至於「四川麻辣窩」就好香辣椒味，飲左啖湯，唔算好辣，但果陣麻辣味好豐富！嘩原來花雕醉雞窩仲包左半隻雞，我地仲叫左「新鮮黃油雞」，好彩經理夠醒目，幫我地預先hold住左咋！本身隻雞係冇葉制過，要將隻雞放落去個湯底度先會有味！放落去淥完後，啲雞肉食落去勁嫩，食得出好新鮮，再加埋啲酒味，真係好好味呀！鮮嫩肥牛肉 （小肥）呢度咁出名手切肥牛，必試先選！我地揀左小肥，賣相都唔錯，都幾多喎！肥牛顏色紅潤，有少許肥肉！基本上放落個窩度，淥幾秒就食得！肥牛口感帶點咬口，係呢隻肥牛既特色，而且牛味好濃，幾好味！四寶丸四寶丸：食得出真係手打

兩口子都係無牛不歡嘅「牛魔王」上網見到重新裝修左嘅新東記 有多款牛選擇就拿拿林book台大吃一餐！新店重開 一入門口就見到金色嘅酒櫃 高級感UP！望落去得十多張台 坐低左先發現原來側邊仲有啲房 私隱度超高！而後方就係廚房重地 師傅就係係果度即場切牛俾我地品嚐喇！坐低無耐 侍應會推架醬料車俾我地 (每位$25)仲有少見嘅 腐乳醬 同 菜甫揀好醬料 就緊係要揀主菜啦～除左牛係手切 而且聽聞師傅都做左成廿多年嘅老師傅咁我地兩位「牛魔王」當然要試試啲牛嘅水準啦睇睇餐牌先 單係牛已經有9款之多無奈只得兩個人 所以最後只嗌左兩款第一款係牛頸脊（中）- $310一上台已經「嘩」出聲 係我呢個嗜牛者最鍾意嘅雪花紋勝在唔會太多肥膏 而且牛味較突出  軟稔得來又有咬口 大推！第二款係小肥（大）-$370本身想點中肥 不過當日waitress姐姐話中肥會有一半都係肥所以最後嗌左小肥 每片都相當大片又厚身而且小肥真係如waitress姐姐講肥瘦適中 入口都唔會太膩不過個人黎講更喜歡牛頸脊～除左牛之外當然都要點其他野食嘅當日就當左肥鵝腸($62) 同廣島蠔($80)- 鵝腸唔洗淥好耐就食得 入口爽脆 唔肥膩 記

打電話BOOK位，先知道「新東記火鍋店」搬左過嚟新舖，離舊舖相距只係一分鐘路程，但都搵左陣先搵到，因為地址係加拿分道，但大廈入口係喺河內道架。一入門口就有一個大玻璃酒櫃，幾高檔咁。新裝修，俾人感覺光鮮明亮。調味料唔係用架上枱，係一車咁推過嚟，比較少見。飲品叫左自家製竹庶水，清甜，但味道有點淡。ORDER紙一張睇晒，望落價錢算係合理。新加坡叻沙湯入面加左芽菜同豆卜，有少少辣，味道濃，但少左啲椰香味。鮮嫩肥牛肉，揀左中肥。嚟到有少少錯愕，原來中肥已經有一半肥肉，雖然油脂豐富，夠嫩滑又好香牛肉味，但下次我會叫小肥，健康少少。日本黑豚肉刨得好薄，淥一陣就食得，味道唔錯。響鈴一啲都唔鬆化，係軟腍。最後梗係要食返啲菜，菜心苗一大籃。10點後入座係宵夜時段，有7折。下次開完OT可以再嚟試吓嘅~

The hotpot has been around for 30 odd years and is the same hotpot as the one in Vancouver super delicious and super nastolgic. Now that they are in the new location the renovation is super too! Still the same friendly staff as the old one. Definitely will come back!