新景園咖喱小廚

營業中

休息中

ordered curry beef with rice and fried noodles. curry average with very few beef, the worst curry beef and even CDC serves much better curry. the beef noodle was over cooked so there was a burn taste which was the only taste. Service was non existent, asked for the hot sauce but was ignored despite asked for a few times. Hygiene was questionable, price on the high side so there are many better alternatives choices with this price range. will definitely not coming back but I don't think this

每次想食此店都長長人龍，見今日唔算太多人排隊就食吓。餐牌上都有好多款式，但我哋點咗兩個招牌菜。咖哩豬扒飯咖哩汁同豬扒係分開上，個汁都幾有誠意， 嘢味，辣辣地好開胃！重點係豬扒大塊又炸得香脆，果然係招牌菜干炒牛河河粉好滑，炒得惹味，唔油，好多牛肉片又入味，仲加入芽菜、韮黃增加口感，令人想再encore

平時少黎港島區食嘢，今日天朗氣清就同朋友係灣仔出發行山。行山前要醫醫肚。呢間望落平平冇奇嘅茶記都幾多人，好彩剛剛好有位。店舖名以咖哩為名，可見係招牌。位於灣仔，都有心理準備嘢食係貴d，但估唔到一般茶記碟頭飯、炒飯都$70起跳。咖喱系列仲係$85！！原本打算食咖喱牛腩飯，但冇晒牛腩，店員就話黎到就試招牌咖喱豬扒飯。豬扒即叫即炸，所以要等一陣。咖喱汁有不少香料，同時亦唔會太濃，拌飯食一流。咖喱汁有一舊薯仔但係薯仔太粉。豬扒似上海排骨，冇落炸粉去炸。豬扒食落好鬆化，本身有調味，但點咖哩汁都好選擇，唔會太咸。豬扒有兩大片，係身為食肉獸嘅最愛，但我都係食唔曬。好彩朋友仗義出口，佢自己碗乾炒牛河都好多肉，有一半係牛肉。雖然味道唔錯，但未出色到令我再想朝聖，同時對於港式食物黎講太貴喇，性價比一般。

中午12點幾也有人龍，但值得等，咖哩豬扒飯份量很大，細食二份食也夠，再加個抄通菜，便剛剛好，豬扒炸得好香，咖哩不會太辣，啱啱好，店員很忙，但佷有禮貌，值得一讚

今日咁岩響附近接男友收工，我地就一齊坐叮叮黎到呢間餐廳。我地大概7:15pm到達，好彩唔洗排隊，皆因響食緊途中，店外已開始有人龍。店內食物定價算中高，但食落就會覺得物有所值。我地分別點左咖哩豬扒飯+咖哩牛腩飯，跟餐點會包埋例湯/野飲+菜。例湯係雞腳豬骨雪耳湯，每碗都好平均咁有雞腳+雪耳，D湯好清甜+潤喉，冇落味精，亦唔係史雲生雞湯味，應該係自家煲既，雪耳煲到軟淋淋，好滑溜，好吃！兩個人既菜，餐廳會放埋同一碟上，D菜切到一口份量，方便易咬，炒完仲係鮮綠色，但又唔太多油，新鮮多汁呢個係最出名既咖哩豬扒飯，豬扒係新鮮即炸，同咖哩汁係分開上，但估唔到份量會咁多（有2塊大豬扒）結果食唔哂要打包，豬扒外層好穌脆，但又唔油膩，鮮嫩多汁，外脆內軟，點埋咖哩簡直係perfect match！牛腩肥瘦適中，最正係有好多舊牛筋，煮到軟淋淋，配埋咖哩汁，吃落入口即融咁，不過美中不足係，兩款飯都只有一舊薯仔，仲要又大舊又硬，薯仔份量多d+煮淋d會更好。因為太耐冇食椒鹽魷魚，見到有當然係即叫，不過椒鹽份量可以多d，覺得味道偏淡（我食慣重口味呢）但炸得幾好P.S. 最尾我地都係食唔哂，搞到要打包，埋單好似先280蚊

【黃店推介 - 灣仔著名咖哩豬扒飯 - 新景園🍛】🐷🐷 💭受疫情影響，之前排晒長龍嘅黃店宜家竟然唔洗排隊😱！但好在見到買外賣嘅人都好多～ 都岩嘅～ 堂食容易比隔離位啲飛沫彈到～ 買外賣就唔怕啦！今次介紹嘅就係唔岩我哋豬仔🐷🐷食嘅咖哩飯啦！🐷🐷💬1⃣咖哩珠扒飯 （$85）數埋有兩大塊珠扒，好大塊！食哂個飯都仲有珠扒剩！🤪塊扒唔係用左好多炸粉但都炸得好夠脆口，而且保存到肉汁，一啲都唔乾身體！，咬落薄薄地岩岩好！（🐷🐷陣味熟熟哋嘅！？）重點係個咖哩！非常濃味，比平時食開嘅茶仔咖喱🍛更重味同埋較辣，怕辣嘅要注意啦！碟飯係就係貴左少少，但一諗到佢係黃店、當年鬧走過氣明星譚詠麟時老闆嘅霸氣，$100食個飯都抵啦🤣🤣🐷🐷💭豬仔未夠18歲冇得拎$10,000，大家多左錢（雖然可能等到出年都唔知拎唔拎到）記得留番啲用嚟支持抗爭活動同埋支持黃店呀！

聽聞咖哩近來幾勁，也順道來支持這間黃咖哩店。一定要食咖哩豬扒飯：咖哩是香港味，少少辣，太甜，沒有椰汁或香料味。豬扒好脆，好大份，多到食唔晒。白飯份量好夠，對男士而言份量剛剛好。$85，好像有點貴，我覺得物超所值。雖然店舖平時晚上八時半關門，但是八時後如果他們賣光食材便不再接待。店員先生好有禮貌，後生仔很少見。老闆娘很好人，知道我是在醫院工作，本來想不收費，可是我堅持付費，並說她肯收錢我下次再來吃。

今日又來到灣仔好出名嘅新景園食豬扒飯啦！上次嚟到因為實在太多人排隊，之後外賣，今日可能正值武漢肺炎嘅時候，排隊嘅人唔算多，今日就一於黎個堂食啦❗️每次嚟到都係招牌動作叫咖喱豬扒飯，但其實聽聞乾炒牛河都唔錯架！但最終幾經掙扎之後都係決定叫返最出名嘅咖喱豬扒飯，一於下次先試其他啦！咖喱好重㗎你未，又有淡淡夜香，辣度適中，但留意如果唔食得辣嘅可能會覺得辣左少少，但整體來講10分出色。跟住到成個飯嘅靈魂炸豬扒啦！呢度值得同大家講一講堂食同外賣嘅分別，其實就係豬扒嘅份量啦，堂食足足係外賣嘅一倍，當然地價錢都係😂😂豬扒炸得好香唔會太重粉，味道一流，絕對係成間鋪嘅生招牌！如果仲未試過新警員豬扒嘅朋友，而家絕對係你嘅一大好機會啦！

中午排長龍 疫情嚴重都有好多人堂食 最低消費$68 叫左咖喱魚柳同咖哩豬扒😋 D味啱啱好 老火湯好正 份量夠 名不虚傳 食得過有下次 外賣都多人要等 最好打定電話先 堂食唔招呼大陸客

一個月有幾日喺灣仔返工，每次行過去依間新景園都大排長龍，想試佢個咖喱豬扒飯好耐好耐啦……今日終於比我成功食到😭感動到哭！12點嗰條人龍真係唔到你唔驚，堂食$68 ，外賣$45 ，咁我企喺外面望入去，硬係感覺上覺得堂食係大碟小小嘅🤪我當然選擇外賣啦，兩點行到過去仲有三、四個人排隊，外賣唔使排隊，所以揀咗外賣但係都要等咗15分鐘，代價就係企喺門口曬咗15分鐘🌚返到公司，馬上打開個飯盒，哇……浸咖喱味真係好香，手忙腳亂又跌咗隻叉落地，唔理咁多一匙插落去啲飯度再撈啲咖喱汁，正🤤我唔算食得辣嘅人，依個咖喱唔算辣，因為我食晒成盒飯先去飲水，豬扒唔乾，豬扒炸完之後再淋上咖哩汁，真係冇得頂，我決定我只要返灣仔就一定去食佢個午餐外賣$45🤣🤣🤣

行經灣仔，想試下呢間出名的鋪頭。雖然星期六下午先去，但都要排隊，不過等左陣就入得。見佢門口個牌寫住咖哩豬扒飯同乾炒牛河，知佢對呢兩樣好有信心。所以我同朋友都係食咖哩豬扒飯。我其實好少去港式餐廳食重口味的野，但豬扒真係好食，炸得好好，肉幾juicy，好薄好易咬，外皮唔係卜卜脆到硬果種，而係岩岩好。咖哩都幾好。85 蚊一個咖哩豬扒飯係貴的，但豬扒好多，而且好好食，所以我覺得ok。另外我覺得員工態度幾好，雖然鋪頭好逼好多人，好容易會起爭執，但佢地唔會郁d 就發脾氣，係香港都幾難得。總結而言，係好食的，值得推介。但由於我本身唔特別鍾意重口味的食物，所以唔會特登再去。

好多年前曾經試過堂食, 知道佢嘅乾炒牛河係非常之正, 但後來發現堂食要排好耐, 外賣要俾一個Double🤷🏻‍♀️, 有好幾年冇食過lu... 今日放工同男朋友經過, 時間只係六點幾, 門口已經排左成十幾人 興起一齊排排隊嘅人都好有耐性.. 大大話話排咗30分鐘先入到去, 好彩唔係好肚餓😚 一早諗好叫乾炒牛河, 侍應絕情的一句: 河賣晒 😟唯有轉做乾炒牛麵, 再加多個咖喱豬扒飯, 好彩仲有咋🥳金黃色嘅咖喱汁, 炸得好香好脆嘅豬扒, 男朋友食咗兩碗飯 加埋玻璃樽可樂, 冇得輸呀至於乾炒牛麵, 冇影相😅 唔係唔好食, 但豬扒飯實在太過出色, 而且先入為主乾炒牛河比較好食😌 值得一讚呢度嘅事頭婆同侍應服務態度都好好, 好友善好有禮貌, 唯一就係門口係冷氣風口位, 吹住冷氣咁食有啲唔舒服..

依間人氣長龍店好多人都知，入到去幾乎九成客都係點呢個咖喱豬扒飯，上幾次嗌左咖喱雞同埋晚市食過小菜之後，今次入鄉隨俗試一試佢個招牌咖喱豬扒飯。點知冇想像中咁好食，份量極大，皮脆肉厚，入口滾熱，絕對係有誠意，可惜肉質太鬆化，師傅敬老（除咗一個老人之外🙊）佢哋做出長者適宜嘅口感，無咩𡁻口，失分。不過，薯仔🥔大舊又香辣，咖哩汁夠辣，唔咸，加上侍應招呼周到，梗係要回頭。本人推薦咖哩雞同小菜，更出色🤩


作為黃店，新景園最彪炳的事跡，肯定是老闆娘趕譚廿五走唔做佢生意。聽落好似好串，但實地考察後，卻發現成間舖上上下下都好有禮貌。雖然我不嗜辣，但既然一場來到，也決定叫一客鎮店之寶 -- 咖喱豬扒飯，再配一枝大可樂，剛好一百大元，可真不便宜啊！先說咖喱汁：它本身偏辣，亦沒有日式甜咖喱或星馬椰汁咖喱般杰身，雖然並非我喜歡的類型，但咖喱味確實香濃。最值得一讚的是：咖喱汁跟飯是分開上，很能顧及不太吃得辣的人。豬扒則非常非常好吃，大大塊，炸得皮脆肉嫰，肉味濃，肉汁仍能充份保留，水準算香港數一數二，難怪乎慕名而來的人絡繹不絕，店外每天大排長龍。雖然碟飯有點貴，但由於它實在太大碟，我把它幹掉後，結果當晚連晚餐也吃不下，所以計落條數其實有賺呀😆😆！

#中意嘅請分享請點讚🍻----------#黃店新景園近排多左好多負評，原因係佢地趕走左譚詠麟，唔比呢位「常客」入去食，所以好多藍絲嬲嬲豬比差評佢。更加要大大力咁支持佢💛💛💛💛💛。----------🐽招牌咖哩豬扒飯 $85豬扒勁勁勁大塊，炸粉好薄，表皮香脆唔油膩，豬扒嫩滑唔乾身。咖哩汁另上所以可以自由選擇咖哩份量，咖哩比較辣，送豬扒一流😋。-🐮乾炒牛河 $78牛肉好大片又好多，而且好夠鑊氣，不過略嫌有啲油。-🐣咖哩雞飯 $85咖哩汁同咖哩豬扒飯一樣，雞就唔係另上，係連咖哩一齊煮所以好入味，不過唔係太大驚喜，推薦咖哩豬扒飯。-😋辣蝦醬通菜 $68同泰式馬拉盞炒通菜相似，都係好濃味，好香蝦醫味，辣辣地好惹味。----------店內有最低消費$68，價錢比平時茶記貴，但份量係比平時多，建議可以share飯食再叫個菜😋。如果覺得貴可以叫外賣，$45左右。店員全部都好有禮貌，好好人😍----------🔎新景園咖喱小廚🚩灣仔春園街20號地舖