新星海鮮酒家 (已結業)

一個打邊爐ge小型聚會!朋友提議新星,算係假日黎講唔係太貴ge一間!等左10分鐘就有位啦,可能岩岩有人走啦!上到去都真係full晒!叫左個鴛鴦湯底,有個朋友無辣不歡由於大家都好肚餓啦,我亦唔記得要影返D相個姐姐係唔俾個蓋我地,話驚兩邊湯底會mix埋,搞到等左好耐先滾!D野食都幾新鮮,肥牛GE肥同牛肉分佈唔錯,唔會係肥太多!芝士丸好味,辣口ge!有海鮮都幾好,唔會一味只有丸食!係有一次漏單ge情況,個叔叔直接叫我地寫過張單...汽水任飲ge!不過都係可樂七喜呢兩樣,如果有多幾樣就好啦!我地走過陣都仲有人黎!下次可以再一戰ge!

打電話去問價錢,姐姐話9點前$10X,計埋茶芥等$130左右.但去到又無端端話"所以野"並不包括鍋底，即$88(鍋底加小食加飲品).其實埋單只係每人$15X,唔算貴,但重點係聽電話既姐姐明顯隱瞞,態度唔OK!食物方便一般大路野無咩問題,非常合理.欣賞佢有新野食"松葉長蟹柳",雖然都係假野但味道OK,有驚喜。魚片的質素唔錯,切得唔算好厚,雖然唔算好新鮮但都算合格‧牛肉的顏色亦算鮮艷,食落唔係好"鞋"侍應收野的速度好快,不過個個都木口木面,無反應既@@ 可能真係做野好辛苦吧

d薑葱又“叔”又臭！！！係咪因為外賣，就可以漠視食物嘅質素？？打電話去，佢叫我換拎盒飯返去，換盒新嘅切雞飯俾我，如果我唔中意薑蔥陣味, 可以唔放薑葱。。。佢仲話, 唔係唔幫你換啊, 你拎返嚟既話就可以換俾你...你唔中意既話仲可以退返錢俾你添!大佬呀！返工lunch時間仲得鬼閒同你走嚟走去呀？有時間都嗱嗱聲買第二樣野食，食完仲要開工㗎！！仲有啊, 唔係錢唔錢既問題, 食完肚痛o個陣, 俾幾多錢個肚都係痛ga la!!完全都唔係幫客人解決問題ga！！！到最後我就同佢講: 算喇! 你唔好食到其他客人有事就ok!結果餓左一個晏晝........

今年的團年飯又係新星食，由舊年八圍加到九圍，環境更迫，連行都有困難，啲侍應上菜亦有難道。 七點開夕，但等唔齊人，最後成九點先開始，勁餓，頭兩道菜影唔到相就食完… 第一樣，燒味併盤，有雞、鴨、叉燒、燒肉、海哲、豬耳。各樣都幾好，唯鴨太肥，一口油。 帶子花枝腰果炒西芹(唔知真名係咩)，腰果好淋，西芹又好生，帶子炒濃左，麻麻。 發財好市大利，呢個全晚最正。蠔豉好肥美，牛脷又淋又入味，豆苗嫩得黎仲食到佢嘅鮮甜。 炸蝦球，好大粒！好彈牙，杏仁片香口，正。 翅？ 冬菇鴨掌，鴨掌有胡椒同五香粉味，同一般食開嘅唔同，好味。冬菇厚身，爽，有口感！ 蒸班，侍應實在太手快，一上枱就分好，想影張靚仔相都唔得。肉嫩鮮甜，啲蔥最正。 鹹雞，有啲似鹽焗雞，好滑又無肥膏，不過食到呢度已經好飽，無乜人起筷了。 糯米飯，好入味，臘味粒唔少，煙煙韌韌好正，雖然係有啲油。 依麵，淡而無味，而且好水，唔掂。 紅豆沙，紅豆同水分離，勁甜，唔掂。 笑口棗同腰果曲奇，脆，香口，有牛油味，幾好。 最後，勁係要有柑執啦。 九點開始食，十點半食完，中途侍應不停問使唔使分，仲要唔要…成碟都未夾過點會唔要呢？食淨嘅曲奇等勁快手用膠袋袋起，仲放

上文「新星鬥新星（一）」都講過一向食開長沙灣新星，直頭當火鍋飯堂，點解今次會幫襯依間旺角新星。不過，真喺估唔到長沙灣店會訂滿位，反而旺角仲有得訂。當晚去到，見門口一個人都無喎，嘩！旺角嚟喎，天寒地冬，又喺星期五晚，做火鍋嘅唔喺咁靜呀？原來喺錯覺，旺角新星有兩個入口，一個晌廣華街（好靜無人嘅一邊），另一個晌豉油街，晌豉油街嗰邊多人多到塞實晒個門口，好彩有訂位，夠9:00pm即有枱喇！環境比長沙灣店差好多，枱逼樓底矮，人聲鼎沸，嘈到拆天，我哋坐10人枱，真喺聽唔到對面位講咩，結果又要同隔離枱鬥大聲，嘈上加嘈。還好嘅喺服務唔錯，負責我哋嗰枱嘅阿叔，快手快腳，又好好聲氣。今次都喺食9:00pm後無時限任飲任食打鞭爐，不過就無咗會員嘅4送1，收費跟長沙灣一樣，成人人頭費$88，茶芥$10位，醬料$10碟（XO醬$10碟），另加一服務費，仲有湯底另計，我哋要咗粟米銀蘿豬軟骨（$68）同胡椒豬肚（$65），埋單$1290，每人都只喺$130，仍然覺得抵食！不過，依度仲有啲湯底+小食孖寶套餐組合：$88有齊一款湯底、一款小食加一款特色飲品，個人覺得較適合人少嘅情況。而任飲就只有百事可樂、七喜、啤酒，無

看過食友在「新星」灣仔店吃的「金牌流沙包」的漂亮照片後，特地來到這間離家較近的「新星」旺角店飲茶，一嚐這店子引以為榮的「金牌流沙包」。無疑，這店子的「金牌流沙包」是好吃的，既流沙，奶黃餡味道也佳，可惜在這天所試的六款點心中，就只得「金牌流沙包」是有水準的，其他的......「米網炸兩腸粉」算是正常些，「懷舊馬拉糕」普普通通的，雖不算好，也還可以，但「新星蝦餃皇」蝦餃皮既厚，又黏糊糊的，「薑蔥牛肉角」的牛肉餡也是死死實實的，味道平平，實在令人失望。但最差的還不止此，還有那「擂沙湯圓」才真正令自己感到不濟。外皮奇厚不特止，裡面的芝麻餡更是又硬又實，實在是自己吃過最差勁的「擂沙湯丸」，結果三顆湯丸，老婆仔吃了一顆之後，便拒絕再吃；我吃過之後，也完全無意再試，最後就只剩下那最後的一顆湯圓，孤孤單單地待在碟子上面等候廚房回收。至於服務方面，這天因是周日，酒樓內客人滿多的，我們的桌子由三批茶客分據而坐，本無問題，但送遞點心的阿姐每次都是胡亂地把點心放在桌上，完全沒有理會桌上的指示牌，卻可明顯看出她們的訓練有素程度。原來「新星」的「金牌流沙包」是有外賣的。看來，即使我想吃「新星」的流沙包的話，也還是

相約好友們飯聚。想吃甚麼但沒有頭緒，後來都是決定火鍋，不用這麼煩去想其他吧！之前在元朗的新星海鮮酒家吃火鍋，感覺不錯。今次試試旺角這一家。因為怕要等位，所以先行致電預約。到七點鐘，我們到了，知客引領我們上到最高的一層(2樓)，竟然未有其他客人，我們很像是「包場」咁！正！點火鍋時，侍應推介我們試試「片皮鴨火鍋二食」。之前在元朗那間試過感覺不錯，因為有片皮鴨食之餘，又有任食火鍋。不過湯底就只有一種，普通清湯加上把片皮鴨的「鴨殼」作為湯底的一部份。其實對我們來說都無乜所謂，因為火鍋滾滾下，湯底便有不同食材的味道，而且，我們又不會飲火鍋的湯底。首先是端上一整隻燒鴨，由經理在我們面前將鴨皮一片一片的剮到碟上，再配合食片皮鴨子的配料：一大蒸籠的麵粉皮﹑青瓜﹑大蒜和北京填鴨醬。片皮鴨成為火鍋的「前菜」，大家可以趁火鍋湯底滾起之前把片皮鴨吃掉，不用眼巴巴地等。片皮鴨的皮下脂肪的甘香，配合爽透透的青瓜條和大蒜條，再用熱騰騰的皮包起來吃。對片皮鴨的總結是：好味道，又物盡其用。之後是火鍋。相片中的大大盆的食材，足以反映我們豪食的霸氣！其實這樣子把食材端上來，比起有些酒家把逐樣食材用小碟端上來好得多。反正我們

公司團年食飯,同事想打邊爐,見嚟間任食,所以選擇光顧,同事們11:15pm先放工,去到旺角上埋去都要12:50am先齊人,未齊人個伙計已經要我地落小食單,因味部要收檔,誰先我地13人,其中一碟雞腳只得4隻,同佢講話比小咗,D伙計大條道理話有其他野食.....老實講,D食物質素好一般,其中D貴價,象拔蚌,填表三四次,最尾問佢地,先講已經無曬,有D搵笨,其他有D平價野都照樣漏單.....最後追番兩喳野飲,西洋菜蜜和柚子蜜,兩款好明顯係濃縮個隻再加水溝,西洋菜蜜超甜,柚子蜜超淡口....張單已經要係1:30am左右要埋,但可以繼續食,2:00am last order我地只追加了啊響鈴($28)~超多油和墨魚滑($68)~得好少,再加多三碟沙嗲($10x3)埋單都要件$1795,除開每人要件$138左右,其實都好貴!最唔開心係,我地都未食飽,埋單時都無講清楚收什麼時間,2:15am已經有伙計站在旁邊,監視我地食野進度,2:25am第二圍未食完更比人收曬D野食,有個清潔亞姐走埋?,話我地要清潔,你地要食完走啦,想即刻收我地D野,趕我地走....我地講我地都未食完,唔好收我地D野好喎!比多十分鐘

$108任飲任食。湯底只須$88，還有多款可供選擇。無得...頂！低食之選$128片皮鴨連鴨件湯底，表面上令你感到膩而食少左其他野。實質是只須比多$40就有成隻鴨食，大佬呀！返大陸都食唔到呀?又有邊個想得到原本去食火鍋會變左食片皮鴨咁鬼馬咁驚喜架。無得...頂!豉油不會太鹹，又大兜，醬油費都只是每位$30，有冇可能收咁平架!如果想加蔥、蒜、辣椒等配料，無問題，只要比錢就有，真係好方便貼心，無得...頂!D肥牛脂肪豐腴，分佈均稱，一份肉對兩份脂肪，嘩!一放進口內，即滿口油香，歷久不散，此等貨色，不可能在超市及街市可以買得到。無得...頂!蝦夠新鮮，芝心丸彈牙，炸魚皮酥脆，蔬菜嫩綠。還有多款付費食品可供選擇，響鈴都只是$28，豐儉由人。無得...頂!三個人食，$88湯底，沒有任何項目，每位$165

平日關係，無訂枱都即刻有位^^好少食任食火鍋，已經預左不求質素，不求服務，咁樣諗反而有驚喜我地第一輪已經劃左好多野，呢間興用一個大碟裝哂D野，見到果盤野食真係嘩一聲，眼見揀左既食物都應該到齊，太good啦！肥牛：真係幾肥，不過ok啦丸類：無手打的，不過味道都好好，特別係芝心丸，正！ 菜類：新鮮，靚菜其他：無野難食到唔食得推介一款唔知咩香草腸仔，好食其他好處：汽水啤酒任飲

本身諗住同朋友行完街，去平平地打個邊爐，行過見到$108兩個鐘任食火鍋，見幾底就走左入去試啦。七點幾入到去原來好多人等緊位，但見佢有凳擺哂係到所以就繼續等啦。等左幾個字終於有位，入到去個環境都幾乾淨👍之後即刻點野食因為已經開始計時，廢事超時$20/per，但叫湯底先知中計！原來任飲任食個錢係唔包湯底！湯底$88或$128係另計架！但果陣已經騎虎難下無辦法，照叫左個栗米豬軟骨湯底啦，連埋啲野食一齊落單，之後等到個湯底黎到滾埋啲野食都未到😓肥牛k ge但肥同牛係一比一囉芝士丸:好正餃:食完短期內都唔會再食餃囉茶:好新鮮最尾買單，比多$88係意料中事，但估唔到多左$40蚊類似茶位錢既野！總共$497/3per。真係唔再有下次😓

嗰日同成班fd去食，暫時係我食過咁多間自助火鍋入面比較平又叫有保證既幾間;) 由於每四個人食有一個免費，所以愈多人食愈抵，如果你矮過120cm仲可以半價添O.o不過佢要計花生錢，加一同茶錢lor。野食方面佢都算有幾多野揀，特別d既有象拔蛑同四寶丸等，我個人唔會推介佢啲肥牛，因為啲味怪怪地，如果要食牛可以叫本地肥牛。啤酒係起力。9:30前入座只可以食3個鐘，9:30後入座就可以去到3:00am, 至於番唔番到屋企就唔關我事la;)

新星真係有D遠~搭mtr，再行過去都要一段時間…果日我同一班朋友去食任食自助餐！仲有免費汽水／啤酒飲，正！！！肥牛：有D好肥，有D又好瘦, 不過都幾有牛味！芝士丸：一咬開，芝士就流出黎！青口：好有鮮味，而且好大隻！象拔蚌：好細隻，不過口感幾好！芝士腸，丸，菜，就冇咩特別！

有個老同事就走, 所以今次同佢farewell~今次呢間打邊爐算一般啦, 啲野唔係唔好食, 但係又唔係好好食, 所以我覺得一般但係勝在同一班人可以happy下, 咁難得~我地等位都等左一排, 我奉勸大家下次都係打電話去留位先好我地等左成半粒鍾先有位...陰公 /.\呢到啲野食就一般啦, 肥牛唔係100%好靚, 但係都過得去啦其他就唔係真係好高級, 但係都算係咁~

今個冬天實在好少打邊爐襯住仲係凍 突然興起約FD打邊爐約下約下都竟然約到六個一齊打諗左一陣食邊間最後決定黎好耐冇去既新星本來想預早BOOK位點知只有8位先至可以BOOK咁唯有早D出黎MK雖然覺得平日唔會好多人但係費事要等位咁掃興啦六點半到左 個知客話大把枱係上邊如果依家入坐 就要入坐後十分鐘起計兩小時超時要罰錢咁就轉頭出去逛一逛啦七點鐘再返黎 依然未滿坐不過由於約左D FD係7:30所以唯有係大堂等係大堂等既時候發現左唔少驚喜1 全港首創片皮鴨兩吃既湯底 (任食價錢$108)一吃係片皮鴨二吃就係個鴨件湯底個片皮鴨真係好食我地食完第一隻 竟然嗌多一隻第二隻因為已有湯底在所以叫佢砍件另上砍件上黎真係好似嗌緊燒味部既全隻燒鴨 (只不過係冇皮)超多2 三月密邊爐優惠由于係大堂逛既時間太多發現到呢張收收埋埋既POSTER(唯一一張係知客後面)內容話 申請左VIP咭 係任食時段內收費既配料 可以半價咁我就問個知客張VIP咭點申請知客就隨手比張FORM我 話填左之後隨便比一個侍應就OK再問 係咪個優惠可以即時用知客: 係依然由于我太得閒所以我填完 就自己走上一樓交左張FORM 未入坐 VIP已到手(