新文記茶餐廳 (已結業)

是日的早上，以銅鑼為目的地去找地方食早餐。一早，在火車上已Target了一個地點，收窄範圍以登龍街為目標。早上開門而又未曾來過的，就是這一間，新文記。我的早餐，多數都是食麵，而是日的雞扒麵就令我覺得其實扒餐麵食，不單是肉材要好，煎扒的方法同處理的方法，同樣的重要。這兒的麵湯底，明顯的是福麵底，麵沒什麼問題，福麵的獨特味道，非常之突出。不過，雞扒就令成碗麵大打折扣了。雞扒，算是香煎到十足的，但不知用了多少生料去鋪面，皮帶韌是生粉的粘漿，脆皮的感覺，完全冇哂，而且極油，食碗公仔麵可以食到嘴角有油的.....的確利害。幸是奶茶好。

十一月九日 (星期三)本來計劃好吃完晚飯,再到鄰鋪Ocio吃甜品,因此走到了登龍街基本上,此街有名氣(新開的豚王除外)的整條街的食肆吃過不少,只有幾間漏網之魚好!今晚先吃這家茶餐廳吧一開門看到店子的卡位坐滿人,因手上拿了大袋,想坐卡位會舒服點最後只好坐在中央較窄的位子,邊坐邊等可是部份食客行為有點異常,一個明明已經吃完,在不停數銀紙(但只有幾張)另一邊廂就突然大叫,真的把我嚇得花容失色最後,那位數錢小姐終於走了,我們可以轉坐卡位!點了兩個客飯餐,加送例湯和飲品湯清甜不搶喉,沒有落味精的很富住家感覺,令人想起媽媽煲的湯下面用了塊生菜鋪底炒蛋香濃,但略咸蝦仁份量真的很多,並且新鮮彈牙的確有驚喜斑塊份量亦多不過質素一般,不夠新鮮肉質也較"嚡口",欠了點魚鮮味以四十多元一個套餐,有湯有飲品加上在銅鑼灣地段算是抵食之選!只要你不怕走進"恐怖大屋"

拿著一袋二袋的東西，重得要命，不能行太遠，隨便找間茶記進去。就要碟枝竹排骨飯，枝竹是更柴柴的，不太進味；排骨肉質幾韌，而且雪得完全欠缺肉味，即使頗肚餓，吃了一半也不得不放棄，寧可返屋企食餅好過。凍奶茶相對好一點，起碼不嚡口。吃剩一半，阿姐問我係咪好難食喎！

27-6-2010繼續邊食早餐邊等朋友, 是日又風大雨大嚟到登龍街, 避雨避到入呢間麻甩茶記, 食個餐蛋治烘底 + 熱華田 (「雙併三文治」餐 $24).熱華田本來無乜好評, 叫嚟純粹因為是日奶茶咖啡檸茶檸水通通唔飲得, 不過呢度的「奶」成份比出面好多地方重得多, 飲落亦當然無咁稀, 又比預期中好. 餐蛋治烘底就有好有唔好 -- 蛋炒得尚算香滑, 餐肉煎過但仍然腍腍散散又油淋淋, 麵包就索晒餐肉及炒蛋的油, 咬落油溼溼之餘, 質地亦韌韌的, 最後還是食剩了.放低 $24 離開, 仲係咁大雨, 點算...

三月上旬‧晴又是周日，又是晨咁早，要去跑步也。約了在這附近乘車，吃點東西才出發。選了這裡，純因為最接近小巴站。要了三款配料的早餐，餐腿蛋，腿凍的，餐肉太薄又煎得不熱，蛋是最好，因為是溏心的荷包蛋。麵要了福麵，很久沒有嚐到此麵香了。湯底是貨真價實的味精湯，真材實料，I like it！熱咖啡淡淡的，不夠香濃。埋單22蚊，不是便宜。

我今日同男朋友去食tea, 我男朋友叫咗煎蛋餐肉公仔麵-凍o茶, 我叫咗雞翼薯條-熱o茶。我男朋友話公仔麵好難食, 而我個雞翼薯條, 一d都唔好食, 咁蕳單嘅嘢都唔好食。 雞翼係老水, d薯條好似啱啱轉金黃色, 完成冇味又唔脆, 所以我可以理解公仔麵都可以唔好食。飲品凍o茶 - 好好甜, 冇茶味冇o味熱o茶 - 仲差, 有漂白水味, 唔知係d茶有問題定係檸檬有問題, 總之好似飲緊漂白水咁樣樣都好差, 我都係鐘意之前未搬個間新文記

星期日要開工又來食呢間野既早餐，來呢度有個原因，就係因為佢有得揀福麵﹗自上次吃完佢個福麵之後，我決定以後早餐都係食呢間，水準keep得不錯味道亦很好﹗有得揀三餸亦都滿足到我呢個貪心人既要求，可以一次過食哂腸仔、煎蛋仲有雪菜肉絲，很不錯﹗一個愉快的早餐帶動愉快的一天，雖要工作也笑面﹗

個個星期日都係食前面0個間茶記，呢個星期覺得悶悶地走番來呢間食﹗記得第一次來食坐門口，要幫埋佢地手推門關門，真係諗起都嬲，呢次當然醒目左揀卡位﹗點左個自選兩餸餐，我要左雞蛋雪菜肉絲麵，呢度過癮在有得揀食福字麵，唔係度度有，加一蚊就有得食，當然試下啦﹗福麵好香，好耐都無食過喇，咁多種即食麵來說福麵除左得閒可以揸碎佢來食之外，佢個湯包真的好鬼死香﹗份量都不少，煎蛋半生熟，幾好食，整體早餐無咩問題啦﹗杯奶茶都幾滑同有茶香，很不錯﹗

話說星期日都要落地盤開工，0係呢頭經過，大清早只得呢間野開門，當然入來食個早餐﹗全店滿座，反而近門口的中間位有位，無得揀之下只有坐低，一坐就知中招﹗人出人入，個個拉完門入來都唔會關番佢，由於太熱既關係，我就變左守門口，有人入來我小佢一聲之後都係幫佢關番度門好坐唔坐坐門口，真係煩到想跳樓﹗都係叫個早餐，雪菜肉絲雞翼麵，有相為證，隻雞翼好黑，我都唔知點解會咁，只有唔食﹗味道都係一般啦，早餐就是如此﹗無得揀之下的選擇，亦都幸好佢有開，唔係捱餓就慘了﹗

2008年3月28日中午12:20 老細話上次無意中食到呢間幾好食, 叫我地去試下, 佢話個例湯幾好飲, 好啦! 試下啦!我老細食白飯魚蛋飯, 我同事食排骨xx(唔記得o左!) 我又唔得我食o左咩, 總之我覺得佢d唔係太多油同味精, 係唔錯o既選擇.

2008年3月28日中午12:20 老細話上次無意中食到呢間幾好食, 叫我地去試下, 佢話個例湯幾好飲, 好啦! 試下啦!

兩個人食晚飯,都只係45蚊,抵呀!而家好少茶餐廳有福字麵食,呢間係少數之一,我都係朋友介紹至知,所以尋晚去食...一個餐有叉燒麵,有火腿奄列,牛油方包,而包轉多士又唔使加錢喎,且連飲品,幾好呀!不過,唔好既係,叉燒略嫌肥,奄列好多油,但以呢個價錢($23一個餐),算啦!

一條友食飯, 唔想食咁貴, 是旦一餐就算快餐白汁雞皇飯, 雞肉唔係咁夠入味, 個白汁都唔多甜, 但就夠快囉. 半分鐘送到埋黎, 服務算好啦!

一條友食飯, 唔想食咁貴, 是旦一餐就算快餐白汁雞皇飯, 雞肉唔係咁夠入味, 個白汁都唔多甜, 但就夠快囉. 半分鐘送到埋黎, 服務算好啦!