新合記茶餐廳 (已結業)

之前已食過, 今次再來。今日湯底比較鹹, 如淡少少好些牛什夠霖, 食時也覺香口, 如有多些五香香料等味更好河粉碎了少少, 都算ok!今天有兩隻烏蠅飛來飛去, 衛生要改善。

當日想食清少少,因為又病病地....路經呢間餐廳,咁就試試看~魚扎河粉 $19, wait 6min左右~共5件~有西芹,幾爽口~還有魚肉+豬肉合體而成~鮮味~但有一啖有d腥味.......附蔥,芫西,足夠的蒜茸~很香~好好吃~但個湯底油膩左d~食完見口乾..味精都幾重 我見到加 $7有油菜一大碟~都抵o既~下次有機會再食...

本人有時下午時候去深水埗搵野, 都會去新合記食返碗面做tea, 無他, 因為夠平夠大碗又好味! 我最鐘意食佢既牛腩河, 呢度d牛腩做得幾好, 好淋夠入味, 不過湯底呢.....就普通湯底, 唔好有咩期望啦!佢d河粉都做得幾好, 起碼夠滑, 但唔講唔知, 佢d面做得先係最好, 好彈牙, 冇咩"簡"水味, 落少少醋去食~ yummi! 可惜本人唔太鐘意食面, 多數叫河粉.呢度d辣椒油都做得唔錯, 夠辣~ 加豉油一齊去點牛腩食, 一絕.仲有呢度d魚皮都幾好味, 夠新鮮, 好脆, 點一點湯食~ 飽飽!最後, 不得不提呢度既服務, 可能係小店, 萬事有商量, 你夠膽問, 佢唔係好多客人時, 都會盡量滿足你要求, 好似話落單時同阿姐講聲d牛腩要淋d, 肥d.... 唔太忙的話佢地都會跟你要求比你, 一個人去食, 魚皮$10太多, 同佢講聲, 要半份得唔得? ok!! 什麼多蔥多湯等特別要求, 唔過份佢都盡量做足!! 今時今日呢d服務真係要比個good!!!

090412 墨魚丸河$18菜$7合共$25.00口淡淡，冇胃口，去新合記食碗粉，墨魚丸有重墨魚味，佢話自制，食落鮮味，大粒夠弾牙，河粉幾滑夠大碗，個湯唔會過咸菜爽口有菜味

數一數手指, 發現師傅都差唔多有成年冇黎呢間食店, 昨日咁啱行開呢區, 決定入黎回味一番, 順道睇睇水準變成點樣!兩個人入到去, 求其搵個位就坐底, 睇下食咩好先, 點知一望之下,發覺又加左價, 師傅亦不禁心裡暗地唱出歌神嘅名曲"加價熱潮", 來抒發香港現時百物騰貴嘅境況同師傅此刻嘅心聲, 真係加加加加, 糖又加鹽又加…… 唉! 貴還貴, 如果好味嘅話師傅都會覺得值, 萬一走晒樣唔好味, 都咪話唔失望! 最後柯打左一碗牛腩河, 一碟淨牛肚, 一碟油菜, 一碟炸魚皮再加一罐汽水! 最先登場嘅係炸魚皮, 炸魚皮又香又脆, 一d都冇腍到, 浸落湯黎食又好味, 就咁食一樣掂, 水準保持到, 好野; 再黎係牛腩河, 先試下個湯底, 湯底幾香幾清, 冇咩味精, 好味; 牛腩就有好多件, 加上牛腩半肥瘦, 又腍又鬆又入味, 正呀; 而河粉好滑口, 份量都唔少, 加d醋同辣椒油, 真係好好味!油菜要左腐乳通菜, 通菜幾綠幾嫩, 賣相一流, 不過腐乳放喺菜面太多, 令到通菜太咸, 要扣分; 而淨牛肚嘅份量係幾大碟, 牛肚好多件加上好腍好入味, 而且仲有生菜伴碟, 賣相幾靚, 不過個廚臨尾淋左d汁上牛肚面

真係好正呀, d牛腩河同牛什河真係好正呀, 牛腩河成碗都係牛腩, 好多件, 牛腩好夠林好入味,半肥瘦, d 辣椒油勁辣, 比平時d茶餐廳辣, 正呀! 以佢既價錢應真合理, $17.00 一碗. d 阿姐好有禮貌, 值得一讚.

有一段好長時間都冇黎到深水, 尋日路經此區, 心思思想食牛腩, 於是乎二話不說就黎左呢度!坐底第一時間叫左碗牛腩河加個炸魚皮, 牛腩河有好多件牛腩, 牛腩半肥瘦, 好香而牛腩又腍又鬆, 仲好入味, 正呀, 湯底又正又清, 冇咩味精, 而河粉好滑加上份量唔少, 幾大碗下, 淨係食河粉都飽呀, 仲要係十六蚊碗就真係抵食, 加d辣椒油仲香仲好味, 掂呀; 炸魚皮又香又脆, 放入d湯浸淋黎食又好味, 就咁脆卜卜咁食又正, 好野! 師傅覺得如果黎開呢區又想平平地食一餐, 呢度絕對食得過, 不過師傅覺得水準好似少少退步, 但係都仍然可以, 不過下次都會再黎, 同埋會再試下佢地既魚蛋!

7月15日8:15pm (sun)點左大眼雞($50),鵝片($60)同生腸拼墨魚紅腸($40)本來去原址食, 但因無位, 故搬左去隔兩舖既麵檔吃~大眼雞($50)都幾新鮮呀, 不過我唔鍾意佢將d豉油淋落條魚度, 其實我少食大眼雞,係有一次o係酒樓食,佢會分開上, 所以, 豉油頓時令到豆醬失色,一早已經攪到條魚咸哂) d豆醬亦都得個咸字,無特別鵝片($60)鵝片切得好薄, 睇到師傅既刀張,可惜鵝片無乜肉香味..可說不過不失啦...元朗既三興,我反而覺得佢既鵝片整得好味d, 三興既辣椒油, 亦都好味過呢度~生腸拼墨魚紅腸($40)幾麻麻囉....正常既味道,但唔會回味~可以一試, 但唔好抱住尋寶既心態去

第二次來啦﹗叫了一碗吊片蠔仔粥、一條大眼雞及一碟鵝片﹗一碗吊片蠔仔粥有4-5碗，都算抵食，蠔仔新鮮﹗大眼雞，大大條﹗不過那些豆醬太鹹，唔用好過﹗鵝片下有花生及豆腐，鵝片有少少肥，豆腐很軟（其他潮州店食到的豆腐，通常好硬）﹗

20070407典型的街坊款潮州店面，室內很簡單，衛生很一般（怕汙糟的就不用來試了），菜牌也不需要，門口一盆盆的擺出來任君選擇，只有蠔仔粥與煎蠔餅兩款，用粗放的手寫字貼在牆上。七點鍾的時候八成滿座，不過剛好有一張大圓桌，我們六個人可以團團坐下。吊片肉碎蠔仔粥（窩）：大大窩，可以分九碗左右，只是蠔仔的新鮮程度有疑；煎蠔餅（小）：說小其實也不小，兩件與碟子一樣大的厚身蠔餅疊在一起，上桌之前重手的落了一大堆胡椒粉，炸漿不算太厚，不過實在太多，吃不了；鵝片拼豆腐：鹵水汁調的味道剛剛好，伴碟有花生，軟軟的也很香；芽菜：香的來幾清，略微鹹了些；大眼雞：幾大條几新鮮，凍凍的，咸度適中，送粥一流，是全晚最見真章的一道菜；大芥菜馬交魚：魚肉嫩滑，芥菜爽脆，也不錯。另外加了一粥一飯，夥計們個個都很爽朗熱情，數口又快，一餐飯下來便已經有了幾分親切感：）

午飯叫了一個套餐，豬肉丸麵加油菜。此店標榜用鮑魚弄湯底，說真的，很咸...豬肉丸出奇地爽口，可是幼麵很硬。店裡的魚蛋說是用黃花魚打，爽口彈牙，亞哉沒試，不予置評。此店醫肚可以，長期食可免之。

真係太耐啦..年初二臨去機場前中午1時多一心去深水步食下d街邊小食...唔知係咪太早未開劉森記/譚仔又無開在無選擇之下去此店食個粉麵...傻鬼叫左個四寶河; 我就叫左個牛什麵...我個麵都好少少不過亞傻鬼d四寶(魚扎/魚餃)入面d餡料唔新鮮有d味攪到佢成碗無咩點食到上機可以食完個飛機餐...此店永遠係我地既black list.

黎到深水, 梗會心思思想黎呢度食野! 無他, 皆因覺得佢d野食正囉!我最鍾意食佢地牛腩河同牛什河, 牛腩河成碗都係牛腩, 好多件, 牛腩好淋好入味, 肥瘦好, 加d醋同辣椒油, 正呀! 牛什河又掂喎, 有牛肚, 牛腸, 牛膀同牛肺, 要講最好味一定係牛肺, 牛肺好淋好入味, 口感一流, 係就係少d, 不過真係好正, 牛肚同牛腸都好淋, 牛膀就ok啦, 可能我不嬲都唔係咁鍾意食啦! 而佢地魚蛋又係一絕, 淨魚蛋一碗有八粒, 好爽好彈牙, 冇得頂呀! 仲有炸魚皮, 又香又脆, 就咁食又得, 放入d湯度浸淋少少食又得, 真係好野黎架! 而家佢地仲要做到有套餐食, $20一個單麵配一碟油菜或一罐汽水, 淨係叫個麵都要$16啦, 咁你話抵唔抵先? 如果你鍾意食潮州打冷, 呢度都有得食, 但我就冇試過, 淨係食過蠔餅! 蠔餅好脆好香, 仲有好多蠔仔, 不過我覺得咸左少少, 都可以一試, $25一碟細有兩底, 兩個人食我冇一次食得晒! (一人一碗粉喎)

其實還記得上一兩次來的是數年前，喜歡它的牛什，還記得那時吃是$17碗，沒有飲品油菜附送，仍好多人吃，生意難做，深信不疑。現在，叫了碗什麵，還附送油菜。牛什，我喜歡吃，多數不要牛腸，覺得裡面是骯髒不已，但偶爾吃吃也無妨。牛什蚊得入味，爽爽的，各具特色，但湯底仍然是那種咸。牛什，旺角街頭小吃的，整那些牛什紅紅的，甜甜的；不喜歡，還是喜歡老廟有間賣牛什既走鬼檔，做了好多年，入味，十元牛什是滿滿的。油菜走油，他們忘記了，但她替我倒走那些油，走油？“這是一個事實，我們改變不了——因為已經過去了。”

牆上o既廣告寫住鮑魚湯底同埋黃花魚魚蛋?所以點都要試下.叫左個魚蛋河,有普通白魚蛋四粒,特式炸魚蛋角一粒,同埋魚片一塊.原來所謂黃花魚魚蛋其實仲加左其他魚去打,如九棍魚等,食落爽口彈牙,有魚味,而且超級新鮮,感覺上好似o岩o岩打好咁,正!特式炸魚蛋角又係超正,食魚片最正就係頭尾炸到香脆o個部分,炸魚蛋角就係用左喱個道理,炸到成粒魚蛋外皮香脆而內裡爽口彈牙,此為一絕!相比之下,魚片就冇咩特別.湯底方面,幾清,飲得出有種鮮甜味,但係唔係鮑魚湯就唔知.其實有咁正o既魚蛋,用清湯就最好,避免魚蛋o既鮮味被蓋過.$15蚊碗簡直物超所值!