新南苑

而家香港大排檔已經買少見少，係彩虹牛池灣附近估唔到可以搵到碩果僅存的大排檔，今日就黎揀左新南苑，聽聞佢之後係觀塘之後原班人馬搬左過黎彩虹。今晚只係得2個人食，所以只係叫左4個菜，分別係[冰鎮鮑魚]、[新南苑吊燒骨]、[南乳炸雞塊]、[蒜蓉粉絲蒸勝瓜][冰鎮鮑魚]本身黎大排檔無諗住叫呢味餸，但見到做緊優惠，每隻只係$12，平時自己街市買都未必買到，於是就叫4隻試下。鮑魚Size都算大，餣得算入味，食落去除左醬油外，仲有少少Wasabi醬，係幾開胃的前菜。[新南苑吊燒骨]基本上見到每枱都必嗌的招牌菜，連骨的肉不嬲都係比較好食，食落去外脆內軟，最後仲包住蜜糖，配上肉香，仲有麻辣花生伴碟，格外惹味。[南乳炸雞塊]南乳雞塊估唔到份量咁多，目測有8-10舊。雞塊尤其係雞皮部份炸得香脆，而內裏的雞肉唔鞋，證明炸得唔過火。調味方面要讚一讚，有時最驚係南乳落得太重會變到超鹹，但呢度就餣得岩岩好，Keep到平衡，稍稍吊出南乳味。[蒜蓉粉絲蒸勝瓜]一上枱望到啲蒜蓉醬已經心心眼，勝瓜細心地厚切，食落Juicy得黎有口感，配埋蒜容醬夠惹味。不過精華部份係最底的粉絲，配上豉油同蒜蓉已經夠晒撈飯食。整體黎講，新南苑地點方便，直接係地鐵站行2分鐘就到。價錢都算親民，仲要唔收加一，食4個餸連白飯、汽水都只係三百幾蚊。餸菜方面都有特色，唔怪之全場爆滿，好彩今日早黎先有位，下次要試下呢度的潮洲菜先。…查看更多

好友帶我到彩虹一家地道港風大排檔吃晚餐🍽️，餐廳門外站滿等候的人群，就知道肯定不會介紹錯❗我們點了三個小炒及一個主食：✨椒鹽魷魚魷魚🦑外層酥脆金黃，內裡彈牙鮮嫩。椒鹽鹹香惹味，伴隨蒜香與微辣🌶️，鑊氣十足，卻沒有油膩感，口感甚佳💕✨豉椒炒蜆蜆肉飽滿無沙，豉椒醬汁濃郁鮮明，鹹香中帶一絲辣🔥勁，蜆肉鮮甜，配搭爽脆蔬菜🫑，瞬間令整道菜增色不少。✨時菜沙嗲炒牛肉牛肉🐂軟嫩入味，沙嗲醬香濃微甜🍬，與時蔬🥬的清脆相得益彰。鑊氣充沛，醬汁均勻裹附，風味更顯細膩💖✨瑤柱蛋白炒飯飯粒🍚乾爽分明，瑤柱絲鮮美馥郁，蛋白🍳滑嫩低調。調味輕巧突顯食材本味，蔥花添香。整體清淡雅致，瑤柱份量充足😍，鮮味非常突出。總評：4️⃣道菜均展現港式小炒風華，鑊氣與調味平衡得宜，海鮮處理尤見功夫。稍控油量與火🔥候，可臻完美。…查看更多

彩虹邨黎緊都要重建，舊時代嘅特色都真係開始愈黎愈少，包括小炒餐廳大排檔，所以真係要好好發掘一下呢一類型嘅餐廳。彩虹呢間打冷大排檔係街市隔離，原來老闆係愛回家其中一個演員黎，唔怪知咁熟口面。大排檔環境雖然無大餐廳咁舒服，但一樣乾淨。小炒選擇超級多，而且份量,味道,熱度都一樣正。避風塘三寶(茄子/粟米/蓮藕) $108 上到檯嘅時候嚇親因為勁大份！疊到成座山咁！三樣嘢都炸得好脆好通透，炸炒唔厚，茄子夠淋，粟米仲係多汁，蓮藕仲係爽脆。仲要有勁多炸蒜同辣椒，勁正十八秒炒豬潤 $128講明18秒嘅爆炒，食落真係好嫩滑。成個味好香泡椒同香蔥味，豬潤無臭味，口感爽滑彈沙拉肉排 $88呢個勁好餸飯，勁多千島醬包住晒D豬肉扒，食落好香口又唔肥白飯$13…查看更多

第二次幫襯呢間大排檔啦🥶之前佢係牛頭角街市開～最近佢搬咗來彩虹🌈而且勁近地鐵站十分方便😜佢啲小菜真係炒得好有鑊氣😛真係香港正宗地道大排檔🫢豉椒炒蜆蜆肉鮮嫩多汁～青椒爽脆😛 好有鹹香味道👅椒鹽鵝腸鵝腸具有特殊香氣☺️外皮炸得好酥脆😜 蒜香濃郁😊啫啫懷舊雞煲雞肉嫩滑多汁😊 雞肉吸收醬汁好入味😊 味道比較濃郁咸鮮😋芝士西蘭花伊麵芝士融化後滑溜綿密😉 香濃醇厚😉 西蘭花口感爽脆🙃 伊麵質地較彈牙😊餐廳環境好有港式風味😊價錢唔算貴😂大大碟又抵食😂老闆係一名博主來真人好nice😅…查看更多

朋友帶我黎呢間餐廳位於彩虹，地道大排檔，入面有多款小菜，打冷，呢度既小菜款式超級多，三五知己黎呢度打冷食飯慶祝都好岩，我地叫左一碟滷水鵝片，呢度既滷水鵝片食落無甘咸，加配埋豆腐底，鵝片肉嫩。我地仲叫左一碟呢度出名招牌菜吊燒骨，食落外脆內軟肉質煙韌又帶d酸甜口感配飯同啤酒好夾。廚師炒到好香口，鐘意食惹味既呢碟必食推介。豉汁蒸白鱔：呢度既豉汁蒸白鱔份量好大碟抵食，即叫即蒸，上碟仲出緊煙，白鱔肉蒸到岩岩好唔會好咸，師傅切到鱔片厚薄適中，啖啖魚肉香響口入面散發真係好正。脆炸蠔餅：呢度既蠔餅無用好黑反炸過既油炸，所以望落都知佢係新油即炸，食落無甘油膩又外脆內軟，脆卜卜口感，蠔肉都幾多。餐廳：新南苑大排檔地址：彩虹牛池灣貴池徑4號地鋪…查看更多