新南苑私房菜火鍋鷄煲 (華僑商業中心) (已搬遷) 新店位置

限聚令左咁耐 就無見班fd咁耐🤦🏻‍♀️足足半年啦😫😫 今次久別重逢真係要慶祝下🥳我呢班囡囡除左玩 最鐘意就係食🤣仲要食既份量都幾驚人🙊haha梗係簡d平靚正既食盡佢 唔好比佢停🤤咁大班人其實都幾難簡餐廳🤣仲揀d可以嘈又唔比人話既餐廳😂😂😂唔通除左大排檔真係無地方容納到我地😭哼‼️我唔信😝今次班fd就推介左呢間👉🏻新南苑私房菜火鍋雞煲（旺角店）地址：旺角彌敦道678號華僑商業中心3樓🌟🌟🌟人均：$295🌟🌟🌟💁🏻‍♀️麻辣雞煲威威味蕾：👅👅👅👅👅👅（👍🏻=👅x 6-10👎🏻=👅x 1-5）個雞煲可以選擇辣度🙊我地簡左一個小辣 一個中辣👀開頭以為我地都食得辣😂點知佢個中辣都唔係講笑😂一路食一路出汗都好過癮🤪不過雞既質地略嫌有d硬 同唔算太多肉😌對比其他食店既雞煲 呢間唔算太出眾🙊但勝在可以refill 每次仲幫你成個煲換走🤣不過我地都覺得佢第一round比你既雞同refill既雞有d唔同🧐第二round打後既好似都無咁入味咁🙊雖然係無限refill 但食左兩round其實都可以開始打邊爐啦😚😚💁🏻‍♀️蟲草椰子雞火鍋威威味蕾：👅👅👅👅👅👅👅（👍🏻=👅x 6-10👎🏻=👅x 1-5）對比起個雞煲

港式私房火鍋，近年的潮流方程式，是川鷄+海鮮火鍋，大部分的食品是無追加，套餐形式已令人飽腹。此店興於觀塘，近年擅長辛辣鷄煲。它把私房形式改編，把鷄煲改為放題，並把後階段的剔紙任點豐富化。簡言之，成為半火鍋放題。埋單約320元一位（獨立房每位加了20元），走中價路線。有兩兩。鷄是味濃火嫩，本地牛頸脊有嚼勁。對火辣油炸鬼十分失望。問題在秘製辛辣汁太乾，雞肉沾油無法滋潤和軟化油炸鬼。即使盡早落油炸鬼，讓它們多相處，亦無法拼出火花。入口硬硬，怪怪。花甲蟹鍋是此店排名第一，七個人分享，提供兩煲。顏色泥黃，但全無香味。入口只有伏味，無蟹味。海鮮盛盆有鮮氣，也如泥牛入海。剔紙任點的龍躉片反而甚有鮮味，肉厚而濃郁。牛肉亦不俗。飲品有一般水平。奶凍有高水準。

疫情稍為緩和,一堆火鍋控的朋友當然又再出動了再一次來到新南苑客人的確少了一半以上換作是以前一定坐滿整間店的不過人少了,但餐廳沒有偷工減料火鍋及食材依然保持水準所以還是值得支持的

讲真睇到评价咁高确系有D期待, 但事实却系比较失望。鸡煲可能我点左唔辣，真系一D味道都无。火锅是南瓜汤底, 呢一点非常唔错。海鲜拼盘系最满意的, 海鲜非常新鲜，无论基围虾扇贝带子生蚝鲍鱼脆鲩片都又肥又新鲜。特别係鲍鱼又大又爽滑。牛脊骨都好嫩。但由于食物实在太多，追加嘅火锅配料根本食唔晒。最钟意系龙趸肉同脆鲩片，确实很爽滑。另价钱都好划算，268现金免茶价免加一。性价比好高。如果三个人或以上嚟食嘅话汤底仲可以选择其他更好嘅汤底。真係好抵食。

新南苑以前位於觀塘市中心，已經有食過，當時還未有任飲任食價錢中等！但觀塘要重建，搬了出來後，就有搞雞煲，海鮮，加任飲任食火鍋！$268加一，非常之抵！而家疫情期間，$268免加一！就真係抵上加抵啦⋯⋯雞煲，雞應該係平價雞，味道有點似用疏打粉醃製過似的！不過，佢啲醃料味濃，有部份雞件已被蓋過了這味道，因此不是件件有的。雞件尺寸適中，咬口不錯！海鮮，如果唔要呢款，每人件可減$70添！嘩⋯好平！不過，呢$70蚊，物超所值的！有巨大帶子，生蠔，海蝦，鮑魚，鮮魚件及靚肥牛一碟！雖然海鮮不是任食，亦每樣海鮮只得一件！但啲海鮮是好新鲜的，非常美味！肉質彈呀！啲鮮甜味出曬嚟！正！

是咁的，每逢天氣開始轉熱, bff都會約我打邊爐, 不過近排疫情嚴重, 加上好多個名專出聲，叫人留家避免外出, 無理由唔照做~ 不過, 佢知道有餐廳推出外賣火鍋, 配料仲係主打海鮮, whatsapp餐牌都幾吸睛, 就搵個日子開爐喇! 兵分兩路, 我同男友係屋企家打點, 佢哋就去餐廳攞食材, 其實可以用gogo van, 但佢哋話揸車，慳番運費。 湯底3揀1, 仲有大量海鮮，好似鮑魚、蝦、廣島蠔等~ 雖然bff想揀麻辣，但我驚打邊爐易上火, 所以最後湯底揀咗皮蛋芫荽湯, 味道都幾清甜~ 外賣火鍋超方便, 配料準備好晒, 而且餐廳將所有食材包好, 好妥當, 唔會漏湯又汁, 一打開膠袋就可以「淥得」! 海鮮就有鮑魚, 仲有帶子&蚌, 每款都好新鮮, 鮑魚厚肉, 唔會好細隻, 帶子同蚌比較，我就鐘意蚌多d, 甜d爽d!      另外仲有海蝦, 廣島蠔, 龍躉片, 海蝦勁大隻, 爽口鮮甜, 廣島蠔都好大隻，唔腥~ 肉類得一款 - 切牛頸脊, 不過份量都幾多, 4個人食啱啱好, 味道都幾甘香, 牛味又重, 好食~ 其他火鍋配料就有雲吞, 韭菜餃, 魚皮餃, 貢丸, 午餐肉, 灌湯小籠包

之前好想出去打打邊爐，但係又好怕餐廳多人增加病毒感染的危機！！知道新南苑有外賣火鍋服務之後即刻order左個二人餐，座定定係屋企等gogovan送貨到家中。方便又快捷又唔使周圍去。二人餐包括有海鮮如生蠔，扇貝，海蝦，鮑魚，和龍躉魚片等！每人有1支飲料，和一包面食，我們都選擇了稻庭烏冬，還有小籠包，鮮蝦雲吞，魚皮餃，牛肉丸，炸魚皮，響鈴，同蔬菜盤等等。當然不少得湯底和火鍋醬料蔥，蒜，辣椒等通通都有齊。牛肉：正如大家所見，牛肉嘅色澤好鮮紅，絕對不是隔夜貨色。打邊爐點可以冇牛肉，喺呢啲啖啖牛味擺落去真係感動人間！ 份量充足，絕對唔洗驚唔夠食！鮑魚：外賣火鍋仲要有埋鮑魚仲可以有咩挑剔，鮑魚肉質爽口彈牙，隻隻都有返咁上下size都咪話唔過癮！落完呢類海鮮淡湯仲甜咗，好爽！生蠔跟住落嚟仲有另一半最喜歡的海鮮，生蠔！拎嚟打邊爐一樣無失色，同樣都係鮮甜，冇咩沙！然後當然唔少得本人最愛的火鍋聖物---午餐肉，首先我本身就好鍾意食午餐肉，呢到仲要厚切午餐肉拎嚟打邊爐真無得輸，仲有男女老幼都岩食嘅丸同餃，火鍋邊爐真係絕對冇失禮滿分呀！！！

唔出街無得打邊爐? why not?外賣火鍋套餐 $208/位 真正平靚正 海鮮肥牛全部密封新鮮送到唔洗落街市迫咁危險 連母親大人都讚好.▪️海鮮龍躉片、鮑魚、生蠔、貴妃蚌、沙插、蝦🦐有幾可係屋企打邊爐有得食龍躉 好爽脆!!生蠔🦪勁新鮮 勁鮮甜鮑魚計住時間淥 好味貴妃蚌、帶子 真係要係呢啲有信譽既食店先好食 無沙又衛生.▪️本地手切牛頸脊🥩粉紅嫩薄 牛味好濃郁 又有嚼口.▪️炸魚皮及響鈴密封包裝送黎 完全唔怕潮左又香又脆 淥一淥就得 得左.▪️火鍋配料有鮮蝦雲吞、韭菜餃、魚皮餃、貢丸午餐肉 一啲都唔出奇但有小籠包真係好驚訝🤣 原來小籠包打得邊爐咖 仲好鮮味.▪️疏菜盤新鮮乾淨 無黑無黃 仲有金菇同粟米🌽.▪️湯底有得揀 南瓜薯仔蕃茄湯/麻辣湯我當然揀南瓜 好鮮甜 唔會好咸.▪️粉麵刀削麵、讚岐烏冬、韓國芝士麵、辛辣麵任君選擇喔.▪️飲品連飲品都送埋黎呀 可以話一應俱全.▪️醬汁仲連豉油、辣椒🌶️、蔥花都比埋你 貼心到呢.講真丫 新南苑無論用料定份量 都真係好有誠意3個女人嗌左個二人份量套餐都食到好飽🤰🏻就算唔打邊爐 一煲過滾個部隊鍋出黎都夠晒方便啦😆

旺角雞煲🐔其實好多選擇。。不過我都鍾情揀呢間。。因為可以一次過滿足晒兩個願望。。又食雞煲🐔又打火鍋🍲。。呢兩樣簡直係港人至愛❤️❤️。。最緊要係食兩樣一個價錢都係任食市道唔好周圍都大減價。。。當然我哋都慳少少食個最平嘅套餐啦。。呢一款係每個人$198任食無需加一實價。。職員一坐低立即送上每人一碗熱燙燙燉湯。。雖然呢個價錢就冇咗好澎湃嘅海鮮盤。。但係唔緊要淨係食個雞煲已經值回票價😋😋我哋兩個人食一份雞煲🐔真係唔夠。。一定要加碼食多一煲🐔。。最好食就係果兜油炸鬼。。滑滑嘅雞🐔加埋索晒汁嘅油炸鬼簡直絕配要一個小辣已經令到兩片嘴唇👄麻麻辣辣🌶。。食完兩兜雞煲🐔其實已經飽咗半。。店員親切地還問我們需不需要再來一煲雞。。不過已經夠皮啦😅我們決定開始打火鍋🍲。。20多樣生料配料任食。。雖然198套餐沒有龍躉片🐟。。但是也有免費任食海蝦🦐🦐。。還有很多款任食蔬菜粟米芋頭金菇。。應有盡有食到中途店員還送上兩隻鮑魚。。我頓時覺得奇怪即刻問吓原來真係免費送㗎吃了差不多兩個鐘真係飽到捧住個肚。。不能再吃下去了。。最後還送上每人一份甜品椰汁糕🥥。。其實以這個價錢198。。包任飲汽水。。任食雞煲和火鍋。。真係很超值。

新南苑雞煲喺旺角都好有人氣，當然最近疫情令到大家都怕左打邊爐啦！我同BB都雞煲人大發，忍唔住去咗旺角嘆雞煲！一出lift門口，店員姐姐已經拎出探熱器，確保我哋兩個都冇發燒，然後再用酒精搓手液消毒雙手，座位闊落距離又較遠，坐卡位其實好放心。依家仲有抗疫優惠價添，$198 任食雞煲火鍋套餐，大小同價，仲要免加一免醬油費用，真心抵食！愛心抗炎燉湯一坐低店員就送上兩盅燉湯，新鮮滾熱辣，真材實料，飲落好滋潤！BB辣雞煲這裏的雞煲真的不能錯過，並不是普通的雪藏雞肉，竟然不計成本用上三黃雞，雞肉嫩滑肥瘦適中，而且每次都會跟脆脆的油炸鬼，再吸收埋店家秘製香辣惹味的麻辣雞汁精華，三樣野加埋一齊有質素，真係冇得頂，滋味無窮！本來諗住食一轉，點知雞煲實在太好味，忍唔住encore，今次食原味，適合唔食得辣嘅人。我自己都係鍾意食BB辣多啲！自助飲品雪櫃，任飲不同汽水果汁或者茶，凍烏龍茶配雞煲正呀！清湯火鍋食飽飽雞煲店員就加清湯俾我哋打邊爐，營養師教落第一round 食啲蔬菜先!優惠一浪接一浪每人仲送咗一隻鮑魚添！大大隻肉夠厚身，鮮甜彈牙，肉質結實！任食火鍋配料然後我就唔客氣啦！好鍾意食美國肥牛，雖然唔係頂級但

這天想吃海鮮火鍋，自己家裡準備實在太麻煩，所以我們便在餐廳外賣了海鮮火鍋懶人包！餐廳位於旺角，地點很方便。餐廳門口放著不少獎牌，相信是一家相當不錯的餐廳。懶人包裡頭一應俱全，除了要自己準備鍋子及餐具，其他的東西都非常齊備，就連火鍋醬汁都有提供。這一盤是我最期待的，有魚、鮑魚、帶子、蝦子等等。海鮮亦算新鮮，種類很多，吃得非常滿足。丸類種類不算多，但有小籠包及午餐肉，我覺得很驚喜。我沒想過火鍋小籠包，效果挺有趣的，日後自家人打邊爐都可以加入這個選項！火鍋懶人包還包括超大量的新鮮蔬菜，牛肉及兩個芝士麵。我們當日沒有煮麵，但因為這個兩人份的火鍋非常豐富，我們都覺得好滿足！

最近相約好友吃火鍋， 全都"耍手擰頭"，不肯出外「打邊爐」，心情確實有點抑鬱，因為個人認為在微冷的天氣下吃火鍋，感覺最好。幸好數天前，同事推介了「新南苑」給我，這家餐廳推出了外賣火鍋，價錢經濟實惠，所以這天點好了火鍋，再由好友駕車送我同餐廳，一同取外賣火鍋。店員很貼心，用密實袋將所有食材獨立包好，就連湯底亦蓋得妥當，再以大大個的百寶膠盒載著，回家後拆開，湯底完全沒有翻倒，就連火鍋用的醬汁、蒜泥、葱粒及辣椒亦準備了，超讚。湯底有3款選擇，我點了皮蛋芫荽湯，另外還有大量鮮鮮及火鍋配料，每位$208， 免加一手續費。將配料放好後，大家準備開餐~這家餐廳的海鮮非常新鮮，鮑魚肉質彈牙，爽口不死實，帶子鮮甜結實，絕不鬆散，貴妃蚌爽脆，帶有海鮮甜香。蝦、廣島蠔、龍躉片鮮蝦大大隻，口感彈牙爽脆，新鮮指數爆燈，廣島蠔同樣是非常大隻，蠔身飽滿肥美，龍躉片超，魚皮煙韌，帶有重重膠原感，鮮肉嫩滑，不過，記得不要涮太耐，以免魚肉過熟而散開。手切牛頸脊牛頸脊脂肪分佈平均，基本上輕輕涮一下，就可以享用，而牛頸脊肉質軟滑，牛味重，吃後整個口腔帶有淡淡脂香。另外，還有其他配料，如:響鈴、炸魚皮、雲吞、韭菜餃、魚皮餃、貢

自從肺炎及火鍋家族事件發生後，未有出外火鍋，雖然可以自己買些食材在家火鍋，不過兩人火鍋的食物份量安排比較困難，外賣火鍋比較方便。這還是第一次外賣火鍋，先致電點了兩人火鍋，預約之後自取，由於早了到達餐廳，親眼看著食物、湯底、醬料等都是即時包裝，牛肉及海鮮也是即時真空處理，整淨衛生。番茄南瓜湯底味道濃郁，過往外出火鍋，要求店員替我們加水時，加的是清湯，今次在家自己加的是清水，本以為湯底味會愈加愈淡，不過即使加了起碼三次水，味道跟開始時沒有兩樣。食材種類可說齊備，海鮮、肉、蔬菜、丸、炸物都有。本人最滿意的海鮮，鮑魚、帶子都十分新鮮肥大，牛脊肉也是入口即溶，其他食材也滿意，炸魚皮沒有因外賣而變軟，鬆脆可口。只是，肉類只有牛肉，丸只有貢丸，如能給予客戶自我選項，像自助餐這類便更好。

去過「新南苑」食雞煲打邊爐兩三次， 覺得質素都不錯， 咁啱係社交平台見到佢做緊promotion， 任食雞煲，加埋任食火鍋，都只係$198/位， 仲要免加一，免醬油費，兩小時任飲任食，抵呀！ 所以收工就同同事去happy下～ 如果想食得豪啲， 都有第二個套餐，集任食雞煲、海鮮、任食火鍋於一身，$268/位起。 抗疫期間， 仲每位都送增強免疫力嘅老火靚湯一碗～ 期間限定，仲送每位鮑魚一隻，補補身咁話喎！😂😂 麻辣雞煲係即叫即整， 所以食之前要耐心等候～ 雞煲要煮6分鐘，每2分鐘需搞拌一次，避免癡底， 最後先將油炸鬼放埋落去一齊食， 油炸鬼吸左雞煲嘅醬汁，幾惹味， 雞件肉質嫩滑，麻辣滋味， 如果一煲食唔夠喉既話， 仲可以係上火鍋湯底前免費encore， 可以食到番本為止！😎 食完雞煲， 就可以加清湯底打邊爐啦！ 有超過30款火鍋配料，都係任點任食架！☺️ 有各種餃和丸類如鮮雲吞、韮菜餃、魚皮餃， 墨汁墨魚丸、芝士丸等， 仲有響鈴、出前一丁、讚岐烏冬、韓國芝士麵～ 海蝦好新鮮，肉質爽彈，鮮甜味美！ 連

早前去探姨婆，她說好想打邊爐，可惜佢行動不便，連行去街市買餸也腳痛，近排因為肺炎問題，我知道旺角新南苑推出外賣打邊爐，今日放假，專程買去比姨婆，讓她享用。火鍋套餐已set好食材，有齊湯底、海鮮、肉類、丸類、蔬菜類、飲品、醬料和麵食等，落單後，店員好快就執好材料包裝好，分二袋拎唔會倒瀉。回家只需準備爐和餐具就可以享用。湯底有三款選擇，姨婆喜愛食南瓜，所以揀左南瓜蕃茄湯，味道清甜。火鍋料相當新鮮，而且洗得乾乾淨淨，手切本地牛頸脊切得厚薄平均，肉色鮮明，牛味香濃，肉質鮮嫩。海鮮有蝦、鮑魚、馬刀貝、廣島蠔、龍躉片，鮮味十足。其他配料重有雲吞、魚皮餃、貢丸、午餐肉、灌湯小籠包、響鈴、炸魚皮、蔬菜籃、讚岐烏冬。外賣火鍋都好豐富又美味，方便左不少食客。姨婆讚口不絕！