新匯聚餐廳小廚

營業中

休息中

學生們放暑期了，我又放年假，湊巧老公又是放例假，大家都有懶洋洋的感覺，可以放開平日緊張的工作環境，可以儘情地瞓個滿足的。醒來，都己經是中午了，還未有胃口，食午餐，但總要食點東西的。趁著還有時間，查看一下，邊度有咩嘢好東西食，順便出外走走。記得有次朋友，帶我去她公司附近的廠廈內的餐廳食午餐，看到午餐段，就會推出扒餐下午茶，非常吸引，除左扒餐外，其它的下午茶都好正，非常抵食。睇到都好想食，樣樣都非常吸引，又大大份，絕對是抵食。鐵板西冷牛配黑椒汁薯菜：老公的至愛，我就比較喜歡炒粉麵，當然，也點了一份扒餐。又厚又大的西冷扒，整整一個鐵碟甘大件，看上去，煎得比較熟，以為會是好靱，但食落，又不是，味道剛好，食落都嫩滑，唔會有渣，可口美味。乾炒豬扒烏冬，味道就比較清淡，炒得都好乾身，豬扒嫩滑多汁，焦香可口。下午茶，又點可以少左一杯夏日特飲，檸檬梳打，清甜有蜂蜜，酸酸甜甜，又解渴消暑。

今日有同事生日，幾個同事同壽星仔食餐好既，因為夜晚比較困難約齊人，所以我地選擇咗係公司附近既新匯聚餐廳食午餐。去到好彩間餐廳夠大，唔洗等好耐就可以有位，鐵板吉列原條龍利柳，切開龍利柳後，裡面非常嫩滑，輕輕一切已經分開了，食落去，龍利柳外脆內嫩，煮得剛剛好，再沾上少許蒜蓉汁，增加龍利柳既濕度，亦令到味道更加豐富....壽星仔點了牛扒。牛扒熟度剛好，內裏粉嫩粉嫩的，肉汁爆發了開來。連對面的我也被噴濺了幾點。黑椒汁的味道很有層次，和牛肉味道互相配合。飲品沖得非常香濃細膩，厚重甘醇，盡顯師父功架。比起一般茶記更香滑，絕沒有稀稀的感覺。總括來說，這間餐廳價格實惠，味道一流，值得推介。

叫了二個细豬胄湯，一路也有追湯未到，答話整緊，吃完成餐飯，再追豬胄湯，卻答豬胄不夠，來貨不夠。如果你改大煲豬湯便有，你改不改。我明白近排豬肉來貨不穩定。但沒理由有豬胄煲大碗，無豬胄煲小碗的道理。如果真是見錢開眼的食店，也應一早通知客人無细豬胄湯。太差勁了。

公司最近搬了新辦公室，近來和同事們在官塘商貿區附近‘覓食’，無意中摸上了這間餐廳。這間餐廳在工廈二樓，裝修布置有些像舊式酒樓，主要菜式是中式小菜等…早排我和朋友吃過間同名的但主打潮州菜的餐廳，味道很不錯。所以自信滿滿地向同事介紹。中午的菜式並不多，但和工商區的食堂、茶餐廳一樣。主打的是粉麵套餐等。最吸引我們的目光是鐵板餐。主要都是牛豬雞扒和魚柳等。價錢十分相宜，不到七十元就可‘鋸扒’,十分超值。未幾，一股焦濃的肉香鑽入了我們的鼻孔內，耳中由遠至近響起了烤肉的嘶嘶聲。侍應生端來了引頸以待的鐵板牛扒，映入眼簾，我們都被眼前的景象嚇呆了，那塊扒足足有兩隻手掌加起來這麼大。慢慢地切下去，棕紅色的肉汁從粉色的牛肉中爆射出來。肉身軟腍，牛肉的甘香在口腔內慢慢地滲了出來。筋位非常少，絕對是真材實料，色香味俱全。有同事點了鐵板魚柳，也是同樣的大大份。吉列魚柳外表酥脆乾身，但內裏魚肉非常爽滑香嫩。我分了幾口。真的是真材實料，絕不將貨就價。我和同事都很喜歡這間餐廳，不止是食物味道好，而且食物份量充足，性價比十分高。實在是良心餐廳。我已約定了其他食肉獸同事再戰一回。只可惜離我公司稍遠，否則可經常光顧。

最近愛上食大排檔，無意間係youtube見到有人介紹呢間餐廳同openrice食評都幾好，決定今日黎試一試！今次嗌左3餸 - 椒鹽九肚魚：粉有d厚，但勝在好多椒鹽炸蒜，岩晒重口味嘅人😝姜蔥魚腩煲：一上菜已經好香，食得出魚皮炸得酥脆，但蔥就全部都係用蔥白，呢樣就稍為失望最後仲有招牌菜 - 話梅排骨：排骨炸到好脆，味道酸酸甜甜，送飯一流

話說 去完黃大仙求神後 去觀塘行行商場 再食個靚晚餐 open rice 左諗住去駱駝大廈間好多好評泰菜食晚飯 點知去到 無訂座 不接受又諗吾到去邊 就醒起去 好耐以前觀塘出job 食過幾次 的呢間食多次 今次兩個人叫的東西不多 1. 豉椒炒花甲 hkd 100 豉椒味不夠濃 不夠香 完全食不到豉椒香味 花甲大小 偏少的 , 可以說 fail , 朋友話 價錢好似比出面貴左少少 2. 椒鹽九肚魚 hkd 85 新鮮整出來 九肚魚炸得好香脆 又灑左好多香蒜炸粒粒 好香口 配上 醬油或淮鹽 好好味 推薦一下 3 豉汁蒸白鱔 hkd 130 同豉椒花甲同一樣問題 豉汁味 完全吾香 又無蒜味 食起來 鹹鹹地 不好食 👎 發現呢地整豉汁味食物 今次質素不好 4 蠔仔泡飯 hkd 68 (細） 首先好足料 蠔仔好飽滿 大大粒的的 數量好多 滿口蠔仔 值得一讚 蠔仔又算新鮮的 泡飯湯都鮮甜 好香 但係....... 香鮮的原因係來自豬肉碎同好多肥豬油粒 一大碗泡飯上一層浮上面的肥豬油粒 有些切得幾大粒 如果對食豬油好抗拒的人來講 因為豬油粒好多 係香的 但不太喜歡 豬油粒

我們之前食開,但開了分店後食物和服務都差了很多。本來是去舊店,但老板叫我們去新店。到了新店後老板女寫茶,不斷催促點茶.點了芝麻雞是凍的和生。和之前食開的好似不同店。

由公司行過黎成業街都要一段時間，還好我地成班同事都係吃貨之人，行遠小小係ok。呢間我地之前食開年飯圍餐已經食過佢嘅小炒，大家都只有讚無彈，但就未食過佢嘅午市。早一步打上去留位，我地10個人坐大枱。食中菜最正嘅就係「圓桌會議」，個個都望到，點都傾到計。一黎到已經快手睇餐牌，想食咩都有咁濟，總有一款啱哂。我自己就睇咗一陣，咩都想食呀嘛。最後我揀咗呢個，芝士辣味紅酒焗牛坑腩，40元。唔好睇佢好平凡咁，牛坑腩係超入味同埋淋，我諗我都無乜點咬過又唔黐牙，肉質腍身又有彈性，牛味夠哂濃郁。芝士再鋪上去又唔會搶風頭，而且啲飯粒粒分明，又加咗蛋，好香口。特別推介話梅骨，48元，好開胃，而且呢味好特別，就算你無乜胃口都好，食咗第一舊，好自然想追落去。女仔唔食得多飯，可以叫兩個客飯share一個飯，咁就剛剛好又唔會浪費。有湯送，幾正。我就今次要嘆下熱奶茶啦，大家都好滿意，上菜速度快，又平又正，食完時間尚有可以傾陣計。

又到星期六，公司下星期需要會計核數，但下午三點要停電，只好爭取時間趕快完成便離開，看看手錶差不多3點下午茶時間，便在官塘成業街找一下，記得同事曾推介過新匯聚餐廳小廚這間鑊氣十足，一於走去試試，餐牌款式也很多，有懷舊鐵板、蒸餸飯、焗飯焗意、燒味飯、印巴咖哩飯、台式香菇肉燥飯、即炒粉麵、客飯和小款下午茶餐。我曾聽人說過，想知道間餐廳廚師是否了得，干炒牛河便知真功夫，餐牌下午餐也有干炒牛河，價錢只是$33還包飲品，於是便點了這個下午茶餐。上枱已陣陣香味，河粉色澤均勻，牛肉數量也不少，肉滑不過火，真是色香味俱全，同事真沒有介紹錯。結帳時有位店員問我覺得味道如何？閒聊中原來他是老闆，他還推介我下次試一下晚飯小菜，因這裡小菜更出色，這樣下次一定來品嚐一下小菜。

近觀塘港鐵站，步行約十分鐘內，位於工廠大廈，是近期食過，又覺得非常值得推薦下嘅中式炒餸小菜餐廳，個人認為比很多酒樓飯店更美味，廚師手藝鑊氣都很一流，本星期在觀塘附近有事情做，已經幫襯了兩次，暫時前後已經試過三次，不同菜式都沒有失望。地方就工廠食堂格局，店舖有一樓，比較舊，地下叫打冷，但其實一樣，但裝修新又比較舒適，柯打的菜式是一樣，沒有分別。芝麻雞皮脆，唯肉乾了小許，但總算很好味，薑蔥魚扣，招牌話梅骨，蜜糖欖角骨，豆腐班腩，小炒王，薯仔牛柳粒，家鄉魚腸，炒粉絲，蠔餅， 樣樣都可以，沒有負評。但有心理準備，雖然工廠大廈，但價錢都不算平宜，和酒樓差不多，平均一百元個餸菜。

朋友介紹話呢間d野食好夠鑊氣，專乘帶老豆媽子黎試下。地方唔算難搵，都算近地鐵站。佢係喺工廈入面，樓梯上一層，裡面都幾大，食飯時候都坐滿，所以最好book定位。第一次黎都係食d大路野，即係招牌菜芝麻雞，個個都推介，但係老豆話係好普通既冰鮮雞。老人家口味係刁鑽d，我就覺得皮係真係好香口，如果唔食雞皮就可以唔叫呢樣勒～～話梅骨，酸酸地幾開胃，好食椒鹽九肚魚，呢個極力推介，真係好好好好好味，粉漿好薄，好想encore砵酒桶蠔，呢個都好食，甜甜地

上個星期同一個好耐冇見嘅舊同事食飯。大家都係男仔就選擇咗去打冷。可以大家吹吹水食吓滷水拼盤咁。叫咗一個滷水拼盤$150 ，份量都幾多，裏面有滷水鵝，大腸，墨魚片，豬耳朵，豆腐，紅腸。豬以用滷水汁制過好鮮甜好彈牙爽口，滷水我亦都好入味，滷水鵝片好彈牙，到最後我哋都食唔晒。之後叫咗呢一個嘅豪餅$70。個蠔餅賣相非常之靚， 好似一朵花咁樣，但係會唔會好睇唔好食呢？點知食落口每一啖都係大大粒嘅蠔，非常之新鮮，而且個炸粉入口即溶，仲揸到好乾身唔會好油膩，配埋個雨露嘅鮮味一齊食真係不得之了，所以大家喺呢度食嘅時候一定要叫呢一個。之後叫咗呢一個金銀蛋浸時菜$80。皮蛋同鹹蛋都好多，唔會太鹹，蛋嘅香味亦都帶出左蔬菜嘅清新鮮甜。之後我仲叫咗碗粥，我朋友叫咗碗飯位都陪啲菜式，咁就傾左一個夜晚。

這次來係同太庭家人食團年飯, 以前也來過幾次, 以前也寫過這店, 當晚叫了羊腩煲, 幾大煲下惜羊肉未煲夠身稍稍硬實, 椒鹽九肚魚保持水準, 炸色不深魚肉保持嫩滑豉椒炒鵝腸唔算重味, 芝麻雞可能係全晚最有水準嘅菜式, 雞皮上的芝麻平均沾住讓客人每口都吃到重重嘅芝麻香, 炸豬手係這店的招牌菜式之一亦是啤酒的好朋友, 但個人認為這未必是同米飯一起吃的好拍擋,因為豬皮的脆是硬脆, 肉質一般帶趙口且咸味重, 如果可以稍動腦筋改良一下必定會更好效果,兩個炒菜類都完全恰到好處, 籠仔蒸臘味飯因為有人唔食臘肉的緣故飛走臘肉, 所以只有臘腸同潤腸, 稍稍孤清, 只見大量炸花生, 而唔知何解糯米飯是白色的, 因為正常臘味油通常會沾在飯裡, 同時不是應該有小碗甜醬油伴吃的嗎? 當晚欠奉, 最後來一個豬肺湯, 睇到湯渣都知道瘦肉多豬肺少啦,湯亦唔多豬肺的味道只係肉湯囉,可能叫例湯會更好飲而且重平易, 服務方面唔會有進步空間啦, 因為進步不來, 要來的話就接受吧!

新匯聚非同凡響打冷，小炒·喺觀塘做嘢嘅朋友介紹， 有間幾有鑊氣小炒王大排檔打冷 食肆。 咁地道嘅嘢喺apm一定搵唔到。趁住今日喺觀塘嗰邊放工， 走去打冷食吓小菜。食肆喺工廠區地舖並要從停車場入去。入到去別有洞天，樓底原來都頗高， 有好多大圓枱， 席間有公司包咗幾圍慶功宴定係團年飯， 好熱鬧呀！好肚餓點咗 鹵水拼盤 $150非常之有睇頭， 有七至八款鹵水小食， 擺到靚靚， 份量都唔少。 有鵝翼, 鹅肉，豬耳，鴨掌，墨魚，紅腸，豬大腸，鹵水豆腐。 下面仲有好多花生墊底 ， 好豐富的一個拼盤 ！滷水味道甘香唔會過鹹。 鹵水豆腐非常嫩滑。 豬耳又爽又煙韌。 鵝肉甘香肉味濃， 款款都美味。招牌小炒皇$100夠鑊氣，熱辣辣炒起， 韭菜鮮嫩。 下了頗多嘅蝦乾， 口感豐富又鹹香。 裏面仲有魷魚，蝦肉。亮點係用咗又脆又入味嘅菜譜， 提升小炒王裏面嘅材料。 佐酒一流， 咁大碟兩三個人開支啤酒真係超爽。芋頭滑雞煲$100睇到個煲我哋開始驚食唔曬啦。 份量比酒樓差不多大一倍。 味道調得教唔錯，唔會太稠， 芋頭粉嫩， 雞件先泡油， 好香口。餐廳小店小炒, 煲仔菜非常美味足料又夠鑊氣， 盡顯大廚功駕， 非一般嘅打

前身是牛頭角下村的街坊大牌檔，朋友介紹下才知道原來搬來了官塘。新店地點就腳，官塘站b岀口，步行五分鐘就到，方便各方朋友聚腳。工廈店當然無酒樓環境好座，但今晚團年飯，店內座無虛席，反而比以往做節時在酒樓坐得舒服。是晚點了排骨籠仔糯米飯、話梅骨、啫啫芥蘭、芝麻雞、咖哩牛坑腩、粉絲雜菜煲、南乳粗齋煲。味道都很好，地道風味小菜，很有童年回憶。的確在連鎖集團酒樓，一定吃不到這種水準和味道。最岀色是芝麻雞，雞皮滿有芝麻香，令平時不吃雞皮的我，都不忍要成塊食囇，是必吃之選。另外籠仔糯米飯都煙靭、有口感但軟熟，而且飯很有香味，也是必吃。豬手令人比較失望，可能炸得皮香，但肉又乾硬了。老闆親自動手招呼打點，整家餐廳上下都好有魄力，值得捧場。