文記車仔麵 (福榮街)

營業中

休息中

之前分享過一間不得我心的車仔麵店！今日就介紹這間我喜歡的給大家看看。這間位於深水埗超火紅的車仔麵店名叫文記車仔麵，在一條街內已經有三個舖位估計得到生意相當不錯，我們在平日下午兩時來到仍然大排長龍！排隊途中可在門口這張大餐牌中選定想吃的車仔餸，款式非常之多真的會選擇困難症發作啊。排了20分鐘後終於點好餸兼付款，然後由店員姐姐幫我們將兩碗車仔麵帶到另一店鋪內享用，每碗車仔麵也可以優惠價配飲品一杯，這天氣溫挺暖加上近來心情不佳一於飲杯鹹檸7加＄11下下火先。車爸爸第一餐通常會喝熱飲可惜原來這兒並沒有供應！那唯有轉投凍奶茶加＄10的懷抱，他說味道正正常常沒太突出。車爸爸選了豬大腸、玻璃辣魷魚、南乳豬手、豬紅及鳯爪配幼麵＄67，看見肥美得可以的豬大腸已經很有食慾了。而我則選了自家製韭菜餃、豬油渣、及牛孖筋配油麵＄51，另外加了辣汁醬和辣菜脯增添風味。橙色的鳯爪炆至口感恰好不會一咬即散，而且帶有醬香的味道我十分喜歡。肥厚的豬大腸內仍帶上滿滿的油脂，吃下甘香可口而且丁點異味也沒有，清洗得乾淨之餘並未失掉應有的香氣。豬紅帶有濃郁*紅*的特殊味道，加上口感爽中帶滑質素上佳。而南乳豬手雖然跟鳳爪色水相近，

出到深水埗 周圍都係平民美食除左好多打卡𝚌𝚊𝚏𝚎 仲有地道港式野食今日介紹俾大家既係 文記車仔麵同一條街有四間鋪位 落左單俾左錢再由店員帶位唔好盲舂舂自己搵位 小心俾人鬧呀🤭-文記車仔麵係清湯底 比較淡味可以加腩汁、瑞士汁同時亦可以加埋辣菜脯同辣醬爽口辣菜脯+少少辣醬已經好惹味-👧🏽 就叫左出前一丁麵底 再加大大羹腩汁配上辣菜脯同少辣醬 令湯底更濃郁🥢招牌自制韮菜餃 $𝟷𝟹皮薄餡多 味道唔錯 必食💯🥢瑤柱靚牛腩 $𝟷𝟻煮到好腍 好入味🥢瑞士雞中翼 $𝟷𝟻可能浸哂落湯 失去左原先瑞士汁味道本身雞翼都唔夠入味 而且好細隻🥢美味酸齋 $𝟷𝟸無咩特別 純粹想食下🤭👦🏻 就叫左米粉麵底 加辣菜脯同多辣醬🥢滷水豬大腸 $𝟷𝟺份量算多 洗得乾淨無異味🥢南乳豬手 $ 𝟷𝟻兩大件豬手好抵食 夠腍夠入味膠骨原爆棚😍🥢清甜蘿蔔 $𝟷𝟷夠腍又無渣 但得兩舊又細粒 係未俾少左🥹🥢豬腩肉 $𝟷𝟺中規中矩 無咩特別@man_kee_cart_noodles #文記車仔麵米之蓮推介餐廳 排隊是常識吧車仔麵嚟講 文記好多餸選擇 每次花多眼亂出左名 多左人去食 有時忙中有錯都理解但坦白講 質素的確無以前咁好如果路過 可以

從未試過遇到夜更員工咁有禮貌，面無笑容都算，招呼聲大大，好似成個深水埗得佢有野食咁，個個好似無出糧，客人叫錯野想改，就口up up 拜神唔見雞咁，買過一次真係怕晒佢地，執到錢都唔會再幫襯，文記老細請到呢班夜更伙記真係家山發咯！

一講到車仔麵，一定有文記車仔麵。一條街可以開幾間，食過返尋味，好有地道香港風味，每次去都排隊，不過大概排10分鐘左右就有位。最正係好多菜式，好多選擇，而且個湯底都好多選擇，仲有好多秘製湯底，最正係佢嘅菜譜，好好食😋

同一條街開四間鋪頭，文記係犀利嘅。主力排隊嘅係最大嘅總點，然後姐姐會安排你前往唔同嘅分店入座，都算有系統。門外仲有部自動落單機，唔洗搵店員落order嗌餸，錯餸嘅機會都少左😂蘿蔔切得細細粒，相對易入味，而且無渣，唔錯。我嗌嘅其他餸無咩特別，溏心蛋做好本分，唔會過熟，幾好呀。豬大腸洗得乾淨無怪味，但牛柏葉就無咩味啦，而且比較韌，下次唔會叫。我每次黎都會怒落嘅辣菜脯，真係100分，粒粒爽脆，加入車仔麵好惹味，啖啖都增加口感風味，好正。

講到食車仔麵，依家喺深水埗福榮街嘅文姬車仔麵真係好出名，平時都已經好多人排隊啦，不過依然阻止唔到我食呢度車仔麵嘅慾望！食呢個最鍾意食嘅就當然係瑞士雞翼，豬大腸，辣魷魚！呢啲真係B叫嘅食物，真係好好食，好鍾意呢度嘅湯底！香港真係好少會有咁多執嘅車仔麵啦！

想問下d牛腩咁樣要點食😥唔講都冇人知係牛腩，見到咁多人食，冇唸過會咁失望，好耐之前食過，果陣時d牛腩質素係好好，冇唸過食物質素會咁大參差，唯一兩舊食得嘅都好韌又好唔入味，服務質素都唔係話好，買外賣時d姐姐都冇咩耐心，極失望

白色碗 $51鮮蝦腐皮卷 新鮮炸起 外皮香脆餡料相信係魚肉混合鮮蝦粒招牌自製韭菜餃 大大粒好飽滿 塞滿咗韭菜同埋肉餡韭菜味香濃玻璃辣魷魚 魷魚爽口彈牙因為滲著湯所以辣味淡咗好多 估計更符合大眾口味米粉幼身質地爽彈橙色碗$50牛孖筋燜得夠淋入口滿滿膠質又入味 芝士腸 豬皮 米粉 

📁文記車仔麵🍜呢間車仔麵相當之出名😜係出面已經有條長長嘅人龍🥺所以就吸引左我去試下我地大約排左幾個字咁😆.今次就揀左三個餸 分別係雞翼 豬手 同魚肉😉雞翼好諗 好入味 唔會好難咬開 好會再食有啲重落會好硬 但呢款唔會豬手 好重骨膠原 唔會好難咬整到好入味 好正 至於魚肉就清清地 ☘️.我就揀左銀針粉 呢款粉食落好爽 但佢就比較碎但我幾鍾意佢嘅質感 覺得佢好食過薯粉但夾上黎果時就冇咁方便.經過一定會再食呢間 因為真係唔錯🥳

🔖文記車仔麵咁出名，唔洗講啦😆🍽瑞士汁雞翼個汁好好食，唔知係咪呢個餸太招牌，大量係咁比人叫，未做得切😆雞翼入面未係好入味，但第一啖食落去個瑞士汁真係不得了！🍽蠔油冬菇呢個有驚喜，佢係勁細勁細個d冬菇仔，就算放左係碗麵到，個蠔油味都咁勁，勁入味！！冬菇仔又夠好！好食！！！💡大家記得文記得福榮街有架咋！！聽聞最老字號既係121號鋪，有食客話有分別架！我都係食121號個間😆😋食物：️8.5/10🤵🏽‍♂️服務：7/10🍴環境：7/10💰人均消費：$60🤩性價比：8.5/10

車仔麵麵類及配料多選擇, 餐廳在餐牌上推介了十款必食推介, 其實每款餸都好味我自己必食鹵水豬大腸、玻璃辣魷魚、陳皮魚皮、魚皮十分香脆, 湯底可以加上秘製辣汁, 喜歡食辣的朋友記得必點餐廳附上多款醬汁自己調味, 還有辣菜脯, 車仔麵再加上辣菜脯味道更加提升性價比高, 下次可以試埋其他餸由於大部分時間都需要排隊等候, 之後由店員姐姐安排坐位, 小店服務態度幾好一條街由一間舖變成四間舖, 每間都是滿座, 一直是我最喜愛的車仔麵之選

去附近電腦廣場買嘢，到咗lunch time就喺附近食埋野啦，諗起呢度有間好出名嘅車仔麵，就一於嚟朝聖第一次嚟就梗係跟佢個<十大必食推介>叫，我叫咗個三餸車仔麵，有：牛筋、花膠同埋蘿蔔。牛筋煮得好入味好淋勁鍾意食塊花膠都幾大塊同埋食嘅時候可以掛埋啲汁，好正我哋另外叫咗<玻璃辣魷魚>同埋<瑞士雞中翼>，對於唔係好食得辣嘅我來講，個魷魚真係辣到噴哂火，但一食就停唔到口，好刺激好好味喺辣到爆炸嘅情況下食甜甜嘅瑞士雞翼又可以中和返個辣哈哈

好耐都無黎食，呢個瑞士汁雞翼真係...finger licking good 超級好食!!!!!!35蚊有5隻 再去既話一定會再叫我仲叫左牛孖筋同雞腎油麵 佢d牛孖筋多到我食唔晒，雞腎又夠淋Thes chicken wings are finger licking good 😍😍i miss them already

☕️ 食物：👍🏻👍🏻👍🏻👍🏻 /5  💰CP值：👍🏻👍🏻👍🏻 /5🤵🏻 服務：👍🏻👍🏻👍🏻 /5  🛋 環境：👍🏻👍🏻/5 平時經過文記都見，到好多人排隊，見今日居然冇咩人等，就走左入去試下咁出名既車仔麵 ~麻辣湯底 個湯底都做得唔錯，麻辣醬都令到個湯底生色不少瑞士雞翼因為自己好鍾意食雞翼所以毫不猶豫，擇左黎試，雞翼個size 都幾大，幾化算 金錢肚 金錢肚個份量都合適中，都煮得幾淋，幾入味，值得一試 玻璃魷魚 玻璃魷魚都幾特別，辣汁不錯，爽口彈牙～另外，檯面上配有香辣菜脯，落落到個車仔麵上面點，都幾好食 ！ 

叫外賣app見到竟有得送黎！即刻叫！麵底叫咗瀨粉，腩汁湯。雞翼就唔係好抵食，紅色我最愛！玻璃魷魚好出色，係魷魚鬚，口感極爽！溫馨提示，秘製辣汁好正，微辣都好辣下。