文記車仔麵 (福榮街)

營業中

休息中

除咗食西餐 韓國菜 日本菜之外 其實食返啲港式既都幾正～深水埗不嬲都好多嘢食🍗🍜🍢🍲🍙今次黎左試呢間車仔麵形式系一路排隊 一路系姐姐面前order即刻拎完碗車仔麵都就可以自己搵位坐一去到門口已經有幾個人系度排隊好彩都吾洗等好耐湯底有腩汁 瑞士汁 滷水汁供選擇作為滷水迷就梗係揀滷水汁啦湯底真係好清甜 飲咗好多啖滷水🐔翼喺嗰度嘅招牌菜 滷水味真係超入味鮮蝦腐皮卷都好味 不過細條左啲🤔口感尚算正常 吾會好硬亦吾會好軟

今日收工後行經深水埗福榮街，見到有一間車仔麵舖大排長龍，見到咁多人排隊，心諗應該五錯的，所以就排埋一份試下鋪頭細細間，好難搵位，抽氣做得不好，食完岀黎成頭都油煙味呢碗係我既，叫左豬紅，玻璃魷魚，招牌油渣，豬紅和魷魚不過不失，正常！個問題岀現係個豬油渣到超難食！係炸到好脆，但勁大陣油益味！未食過豬油渣食到想嘔，食左2粒掉哂！！呢碗男朋友既，佢話正常，無驚喜總括來講 呢間車仔麵對我地黎講好普通，五值得排咁耐隊去食！可能係因為名氣既關係，不停不停都有人排隊入黎食，也有可能係我地五識欣賞吧

晚上七點幾， 見有啲肚餓， 咁啱又行過一條街， 眼見人龍很長， 心想一定有好嘢， 咁就排隊啦！( 文記車仔麵)！小弟 叫咗幾個餸+油麵做底！ 阿姐仲推介咗一定要落嘅招牌 自製辣椒醬！餸 墨魚角， 玻璃魷魚， 豬紅， 豬油渣)先試一口湯底，一般，餸味道一般， 總括嚟講一般(失望)！ 唔明點解咁多人排隊！ 可能係街坊情懷， 真係識條鐵咩！

新店真係好舒服，仲有揀嘢食係用膠牌，唔係寫紙仔咁唔環保，好有心思好特別。消夜時段去到唔使排隊，新店光猛乾淨，不過中間兩排等就要面對面咁樣坐，兩邊嘅人唔識都幾尷尬。配料方面佢有齊晒好多唔同嘅醬料，魚露辣醬辣椒醬胡椒粉，仲有任食辣蘿蔔粒。全部野都好細心。如果去食餃子仲有荔枝醋汁。今次食咗一碗河粉湯一碗油面，裏面嘅材料就包括柱候牛腩，生根，滷水雞腳，牛柏葉，滷水豬大腸，滷水幾入味，每樣材料份量多好多，男仔都好夠食。整體表現都好唔錯。

今日同女朋友係深水埗行下，行到6點幾有d肚餓！跟主我地行左去文記食個車仔麵了。店鋪裏邊都幾有心思！ 呢間係新鋪黎環境感覺都比較乾淨....話咁快碗野到喇！ 今次我地點左 豬腸、蘿蔔、魷魚、韭菜餃、豆卜、雞翼同牛展，麵果到呢我地就點左油面同河粉。 豬腸、蘿蔔同韭菜餃本人極力推薦，真係正！ 豬腸滷水味夠，蘿蔔就鮮甜，韭菜餃就皮薄*喊*靚.... 總括黎講呢間算做幾正既車仔麵，不過要等一陣先入到去食。趕時間既朋友注意！

文記車仔麵位於深水埗每次食飯時間經過都係人龍會排到出街人群心態之下試下先原來條隊唔係等位只係叫野食嘅隊無論堂食定外賣都係排同一條叫完野食店員阿姐即煮跟住就可以拎埋碗麵或其他野食搵個位坐低叫左兩碗車仔麵每碗四個餸分別 1. 韮菜餃丶瑞士雞翼丶八爪魚腐皮卷同芝心丸配油麵 2. 枝竹丶牛𦟌丶玻璃魷魚同墨丸配薯粉推介 韮菜餃 瑞士雞翼 八爪魚腐皮卷!!!韮菜餃皮薄餡靚 好香濃韮菜味帶有點清甜味瑞士雞翼醃得好入味八爪魚腐皮卷配搭新頴 口感也幾好玻璃魷魚個名有D吸引不過其實同一般魷魚冇分別至於麵底油麵就普普通通湯底腩汁底可加佢秘製辣醬加少少已經好辣食得辣嘅朋友記得要加 更惹味環境氣氛： ★★☆☆☆食物質素： ★★★★☆服務態度： ★★★☆☆

係深水埗黃金商場附近 有間車仔麵 門口排住好多人 原來係文記車仔麵有唔少雜誌都有介紹過呢度既美食甘岩我又有d肚餓 於是來呢間試下咩料先樣式同普通車仔麵一樣 甘多野俾你揀 最有名堂既係雞翼（12蚊2隻）而我叫左呢D雞翼尖 雞翼 豬大腸 兼加底多謝$47。味道唔係太高質 相反個價錢有d貴 係深水埗呢個區來講 尤其是雞翼 12蚊2隻真係有d離譜 又唔係特別好食如果個價錢能夠更加平民化既話 我都keep住黎既

睇了某雜誌見到文記車仔面, 被豬油渣($9)吸引,專登去試試, 除左豬油渣仲點左柚皮($12)同鳯爪($9)這個三餸面要38蚊, 比同區其他面食較貴,食物質素也不是很高, 只覺一般。豬油油 - 咬下去只有油, 一點肉也沒有, 有點膩柚皮 - 只有兩小塊, 沒甚麼特別鳳爪 - 正常總括來說.....不會encore 

聽朋友介紹深水埗文記好食 ，本來我都唔係特別好食車仔麵，都走咗去排隊試下，叫咗豬手同埋韭菜餃瑞士汁油麵， 豬手整得好出色，個瑞士汁湯底都好正， 朋友果然係好介紹。又叫咗杯凍咖啡，咁呢個正正常常啦會再嚟。

在深水埗搵食咁耐，這間車仔麵見經常大排長龍，心想，真係咁好味？因為深水埗實在太多選擇，而且車仔麵我一向光顧"街邊"，今晚見人龍不長(而且新春期間"街邊"休息)，就試一下，份量不多，而且比較街邊貴20%，味道亦不是古早的鹵水，咖喱魷魚馳名，入味夠爽，ok，柚皮白烚，我要時在雪櫃拿出來加熱，無乜重味但出水夠亦無青味，可以，豬大腸即剪，比較肥，但都叫可以。總括比較喜愛"街邊"，比較平還有我喜愛的古時老抽鹵水味。

来附近办事，偶遇这家车仔面，恰好没在香港吃过就进去试试。门口总有人排队，可见很火爆。幸好我是一个人，不用等位。进去之后觉得环境很温馨，每桌上面都有各种调料，餐具。点餐是自助式的，选了猪蹄，牛腩，乌冬面，葱花和腩汁，还有一个鲜虾腐皮卷。面来了之后觉得看着很有食欲。，之后会再尝试别家车仔面。

瑞士雞中翼/秘製牛孖筋/蘿蔔油麵.深水埗有點名氣的車仔麵! 湯底選了腩汁加秘製辣汁 辣辣的夠惹味😌 瑞士汁雞中翼很入味😋 牛筋煮得軟淋 蘿蔔清甜無渣 油麵爽口 整體不錯😚 但不太驚豔

食文記排隊就一定架喇，排隊時要諗好同諗定食乜，揀好晒比錢就搵位坐定定等阿姐攞個麵比你，唔洗急但要快，唔好阻住阿姐做嘢，亦唔好阻住後面叫嘢食，入得文記呢個就係佢既大自然定律！一如以往點左雞尖、大腸、魷魚再加個辣醬，加點油菜，餸菜味道濃郁，仲要飲兩啖湯，食完必定要灌水，但仍乖乖排隊等食，間唔中食一次係滋味既！本人較喜歡舊店排隊點菜再入座既安排，對比起行過幾步既新店，雖有攞飛等叫號碼再入座，內裡新裝修較光猛，但坐下點餸再等個麵到足足等了我20分鐘有多，加上門外等位15分鐘時間，我已經可以係舊店食完埋單走人行街呢。

19:00去到等左10分鐘到入得明明我寫凍奶茶 佢打單變熱奶茶 同個亞姐a講 未聽我講完咩事 就話得得得 入左單 以為我追單!講4次終於肯聽我講話落錯單 a就同收銀b講佢打錯單 到b亞姐就話 佢明明寫熱架 我冇打錯 講左3次 (可能佢覺得講3次就代表係真啦) 我都好肯定我一定係寫凍 因為我從來唔會叫熱飲囉!!叫佢拎返個牌睇 又話抹左 睇唔到 ,都算喇 黎到變埋凍咖啡 !!我唔明點解要飲杯凍奶茶都咁難 又要比人屈我寫錯!! 食到一肚火 講返野食,普通車仔麵 唔係特別好食 只係服務態度令我忍唔住要出處女食評!!

去到勁多人排隊，見到門口貼了張紙寫左邊X個舖位係分店，就去分店食了，分店比較新也比較乾淨，我1個人不用等位可以直接進去叫了個柚皮，真係入口即化，很軟很多汁，完全不覺在吃柚皮，然而，好咸…………柚皮應該是用鹵水汁煮，就只有鹵水汁的味道………車仔麵我叫了豬腸和冬菇，這2款餸也大概是用鹵水汁煮吧，跟柚皮差不多味道而湯底也是鹵水汁，所以是咸上加咸如果是喜歡那個鹵水汁的話，應該會覺得很好吃吧我本身是比較淡口味的，所以除了咸到想喊之外完全沒其他感想，不會再去