文記車仔麵 (福榮街)

營業中

休息中

深水埗人氣車仔麵，一間店變三間店，每間都有人排隊，好誇張排隊有原因，所以我要出動來試味總店，排隊點食物總店買食物程序：排隊 > 點麵類 > 點餸 > 付款 > 去座位坐下(有姐姐會拿你的麵去你面前)米粉$8，魷魚$12，酸齋$10，牛腩$12，牛筋$12=$54米粉：正常米粉味魷魚：不很特別酸齋：甜酸味平衡得好，好吃牛腩：五香味重，帶肥，有點甘香，肉夠軟牛筋：很入味，煮得夠軟湯：顏色夠，味道夠，以車仔麵為基準，湯底較重味左為總店，右為第二分店再走多數個鋪位，第三分店

深水埗做到一街有三間文記真係唔簡單！一早叫定老公帶我黎呢度試下先！三間文記既裝修都好唔同 我哋發現比較舊式嗰一間反而更多人排隊 可能師傅手勢好啲啦 不過我哋第一次食所以只係揀咗一間少啲人排隊嘅入去食一入到去覺得環境幾乾淨 裝修都幾光猛幾有格調 牆上面掛滿十大推介嘅美食 仲有好多醬料添 最令我覺得驚喜嘅係佢嘅飲筒居然係用獨立包裝嘅好夠衛生👍🏻👍🏻呢度落單仲好環保添 落單揀餸係膠片上面用marker畫嘅 可以循環再用第一次食梗係要是十大推介啦 我就叫左瑞士雞翼同蘿蔔油面 腩汁 ($29)瑞士雞翼真係超級超級超級好食同埋好入味😋😋瑞士汁通常淋左落湯底之後就會冇晒味 但呢度居然能夠做到入味到不得了 仲要唔會話醃得太耐而啲雞肉淋晒 真係必食！😍😍平時我就唔會叫蘿蔔嘅 但知道呢度蘿蔔好出名 夠淋 冇渣 仲索晒湯底嘅精華好正老公就叫咗牛腩辣魷魚通菜米粉 中辣($40)佢就覺得啲牛腩唔算特別突出 可能隻汁佢唔係太鍾意 魷魚就唔夠爽 通菜就比較硬 反而佢最鍾意嘅係杯鹹檸七 粒檸檬好大粒 啲冰好夠凍 一大杯飲落去真係勁正勁爽呀每人枱面前有個掛勾掛張單 櫈腳亦有儲物筒擺袋 好貼心❤️值得再來！

深水埗文記車仔麵每次經過都會有條龍，不過就唔係話好長咁😆其實佢啲餸都好多選擇啦同埋佢好多野都腌得好入味嘅😆咁價錢亦都好平民咁最近你嗰間分店呢做新裝修左咁坐得會比以前舒服好多但我最鍾意食都係元朗嘅永年車仔麵😂😂

超好食一點前關門靠最左那一家最好吃了湯底選辣汁和瑞士汁也不錯吃不過湯底不夠燙 溫溫的辣蘿蔔不錯吃 好多調味料可以選擇瑞士雞翼好味豬頸肉爽口好吃😋小花菇入味蘿白清甜牛腩野味麵很彈牙咸檸七超好喝泰國咸檸檬🍋很入味很搭耶我平常不愛喝汽水🥤可是來文記一定要喝！店員有禮人超好超Nice不過店內裝潢比較陳舊，店舖擠迫，你眼望我眼，講野好易比人聽到。大部份時間都要排隊等位置，但是很值得一試，推薦遊客來這裡吃吃看，是香港最好吃的車仔麵之一。

男朋友話呢間車仔麵好出名所以今日帶我黎試下一去到好多人等左一陣先可以入去入面嘅裝修幾特別一個一個位置分開自己一個人黎都唔會尷尬我叫左蘿蔔，魚蛋同埋鮮蝦腐皮卷蘿蔔都幾甜幾淋，魚蛋有果皮嘅味道，我唔係好鍾意，鮮蝦腐皮卷不過不失，都OK總體黎講，係一間幾好食嘅車仔麵但好似無報導講到甘驚為天人

不明為何這間店會經常排隊，即管一試，應該唔會再有下次！喺深水埗區來講，佢價錢貴，份量少，質素差，今日食咗三樣餸，其中好似有樣叫做蝦卷無厘味道，炸魚皮晤知用什麼油炸嘅陣味怪怪地，食完到而家我都仲想反胃，希望今晚唔好病😡依家啲人食嘢真係冇要求，咁嘅店都要排隊！

必食：大腸、蘿蔔、瑞士雞翼大腸非常入味，蘿蔔完全吸收了湯底的精華，瑞士雞翼能吃出醃了相當長時間，味道很驚喜不過不失：玻璃辣魷魚魷魚同辣味不能融為一體，不是很好伏：韭菜餃子餃子皮煮得太爛，一夾就散，難以想象米芝蓮食店會有此劣作服務裝修：光顧的是文記的新鋪（註：文記三間鋪開在同一條街，不必特意光顧舊店因為差別不大)，坐法類似一蘭，一人一個孤獨位，如果同朋友聚會就不推薦了等位狀況：星期六兩點去等了一個鐘，可能是剛剛列入米芝蓮小食的關係。值? 如果經過不用等位可以一吃，專登去我覺得一般，不同區都有很多旗鼓相當的車仔麵，沒有見到文記的過人之處，不過總的來說是好吃的。

飲品就真係很一般, 比茶餐廳更差, 不過飲品不是佢的主打#叫了4碗食品加4款飲品, 共210元,不算很貴蘿蔔真係煮得好食, 夠腍和夠甜, 正!瑞士雞翅味道都很好, 值得一試!水餃味濃, 好食!值得一提的還有個湯底, 味道清甜!說實在, 我飲過湯底多過杯奶茶!至於其他食物也算ok,但不算特別好食排了30分鐘才有位! 幸好可以一邊行一邊等位! 要我企定在店前等30分鐘我就不會了！

咁岩經過深水步，終於試左近排上左米芝連list的車仔麵，下午6點左右去到，客人都廷多，不用等位，但都差不多全場坐滿，總店旁邊開了間第二分店，這店客人是多，從前來深水步其實都會路過這店，但一般路過，不會特別想進去試，這次是看新聞說這店上了米芝連，才特意來試試，叫左油麵，豬大腸，牛孖筋和瑞士汁雞翼，三餸一麵，42元港幣，價錢還算可以，坐下后，麵就送到面前，匙羹上是辣椒醬，混入湯后，味道不算濃烈，有點偏咸，湯底整体略咸，油麵則軟硬適中，牛孖筋軟滑又有彈性，都比一般店較高質，瑞士汁雞翼都很入味，但肉質有點略老，，可能一次過一大煲做好，放得較長時間，而豬大腸，很軟滑，有點略肥膩，較一般，整體上是算比一般車仔麵好

2018米芝蓮文記車仔麵🍜✨✨✨✨✨✨✨✨✨✨✨✨✨✨瑞士汁湯底甜鹹適中蘿蔔好林甜 值得推介👍🏻但出名嘅瑞士雞中翼 就有啲普通雞翼唔入味 雞翼入面完全無味八爪魚卷幾彈牙 但稍為凍左少少🍥個人比較鍾意食鮮蝦腐皮卷多啲好重蝦味 但就冇咁爽口啦🍤米線夠滑爽口彈牙😁 蜂蜜菊花茶(+$9)份量唔算太多但我個人覺得有啲偏甜🙈但個人認為唔需要特登食 三個餸都要差唔多$40而且深水埗來講價位有啲偏高💸💰所以食一次就夠😏唔明點解會係米芝蓮🤔可能係我既問題 唔識欣賞🙈

近聖誕，去福榮街買家居裝飾品，來試車胎人推个車仔麵。一個人，好快便入座。豬大腸：肥膏是預期的，不入味豬手：不夠淋都冇問題，但毛多且硬，兩大舊，幾乎完全吃不到雞翼：正常牛𦟌：正常唯一覺得滿意的是秘製辣醬，的確香，但幾辣。

被選中成為米芝連推介廳餐前，文記已經成日大排長龍，經報導後就更多人！今日約七點半到新舊店門前都迫滿人，新店就派飛等位，舊店照舊排隊。我就選擇左排舊店，一個個輪住叫餸坐低，感覺快d新店d人坐低先慢慢揀餸😂揀餸一定首推瑞士雞翼($12)，十分香甜入味，就算浸過湯都唔會無哂味，不過一份只有兩隻真係唔係好夠喉🤤另外豬大腸($10) 也不錯，不會太肥，又有咬口！而酸齋($10) 都好夠味，不會太酸！三餸加油麵底一共$40，雖然唔算好抵，但為左瑞士雞翼值得再黎，米芝連食府果然並非浪得虛名！同行友人就話最正係個辣汁，可惜我唔食辣，好辣的朋友不妨食下！

頭先係兆康間茶餐廳食下午茶，竟然食唔夠飽肚，於是出返深水埔再搵野食，但都臨近晚飯時間，又唔可以食得太飽，又唔想掃街，所以整碗輕量車仔麵就最一流了。呢個時間，竟然都要排一陣，文記真係夠捧場客，行入去，呢個時間（下午茶與晚餐之間的時間），竟然要油麵，油麵賣晒，要粗麵，粗面又話無，咁點算呢排左咁耐，後面又開始不奈煩，唉，今日個 mood 唔想食河粉，都唯有焗食啦，再加兩個輕量餸（陳皮魚旦 + 魚腐卷）以免太飽返到屋企食唔落。河粉係可以的，配餸料亦 good，只係湯底就無咩特別，而我亦深信，香港地食車仔麵，無咩人會考究個湯底係咩，所以剔除湯底評分的話，俾佢滿意啦當然。

自從食過文仔車仔麵之後，你真係唔會再幫襯第二間車仔麵檔，餸菜選擇種類又多，地方依家裝修咗又乾淨又舒適咗，隔離仲開咗2間分店，可以唔駛等位添!如果你鍾意食豬紅，牛筋，豬手必定要試，仲有秘整辣汁同埋花椒油添!正ah!

今日去咗深水埗黃金都買電腦用品，不嬲都知道福華街好多嘢食，不過就唔係間間都食過，今次就揀咗平靚正文記車仔面，朋友成日都推介自己就第一次試，一個字講晒”正”餐廳裝修好新，座位擺放一排排，好似依家日本新興拉麵一樣面壁自己食，這個設計幾好令你可以食快啲餐牌設計成可以再用的膠牌，10分環保，方法又新穎.他們亦有十大必食推介！真係樣樣都想食座位前方上牌擺放很多工具及醬汁，地方簡潔，但係醬汁係冇用過因為湯底好夠味我忍唔住都要食咗兩碗，牛柏葉豬腸入味無比，瑞士雞翼豉油甜到比例剛剛好，仲有玻璃魷魚係我嘅至愛一碗我叫左招牌辣醬，小小辣好惹味另外一碗叫咗咖喱汁，我鍾意咖喱汁多啲加嘢飲加＄8，我就飲咗杯鹹檸七埋單＄100都唔使！真係超好味超推介