敏華冰廳 (Mikiki)

營業中

休息中

希望愈大,失望愈大。 不值得花時間排隊。 質素差首先, 凍檸茶味道無味,勁混濁。 凍奶茶底燶的。 失望。 再黎上多士, 一拎起,見到張單,灰左。 服務劣阿姐唔知係咪第一日返工 ,點菜又唔聽, 講左三次先至落到單,最奇怪係嬲返我轉頭。 阿哥上個熱湯通粉又倒瀉哂。 上菜慢等左廿分鐘, 終於齊哂多士同通粉, 少d耐性都唔得。 唔怪得出面排咁耐隊。

朝早冇食早餐，中午冇食飯，好彩下午男朋友黎搵我食下午茶，唔係就餓死我luu🙈近近地費事諗，所以我地又黎左mikiki上文華冰室。另外仲俾我發現左mikiki開左間東喜茶😎下午茶都要排隊等位，大約三四點去到，前面有四至五人排緊隊。等左一陣就可入座。我叫左沙茶牛肉多士 烘底😋沙茶牛肉好入味，多士入面夾左好多牛肉，一咬個陣d沙茶汁都漏左少少出黎。不過就咁配多士好似有d過鹹。二十幾蚊既茶餐只有兩小塊多士，個人覺得唔太抵食，如果麵包厚身少少，或者有3-4塊會更好😂

之前已經試過呢度嘅茶餐西多士，以為因為啱啱開張，廚師太忙搞錯左，個西多士味道係鹹嘅，同佢哋啲夥計講，佢哋話冇可能嘅喎！所以都算數，今日諗住再試多一次，點知佢哋嘅西多士味道真係鹹嘅，超難食超古怪，以我食西多士嘅經驗，乜西多士唔係應該甜嘅咩？！唔知係唔係佢哋創新，定係覺得西多士應該係鹹嘅？希望其他試過嘅人話俾我聽，係我嘅味覺出現問題，定係佢地真係覺得咁樣係好食啲？所以真係唔明點解成日都要排隊，其實出面啲茶餐廳好食過佢好多！

多士即烘，熱辣辣好好食，但今日都有少少失準，比平時燶咗少烤。炒蛋係熱辣辣！又滑又夠蛋香沙嗲牛肉麵牛肉夠淋，味道夠濃凍奶茶無冰，又凍又夠茶味早餐$34 + $3凍飲，同區與茶餐廳比較係貴少少，但坐得舒舒服服又好食值得推介

呢間早餐時間到12點，岩曬訓得晏既香港人，唔怪之得大排長龍。好彩等左陣就有位。食茶餐，識食梗係叫沙嗲牛麵啦。個湯底都濃郁有沙嗲味，但牛肉偏咸，麵底軟硬度適中，唔錯。另外多士外脆內軟，配埋牛油，好味。炒蛋香滑有蛋香。凍檸茶，茶底略嫌太勁。值得讚既係員工服務態度好，做野勁爽手，廚房出餐亦超級快，同侍應落單叫野食后，幾分鐘已經有野上，岩曬放假一餐當兩餐食，或者勁趕既人，重要既係，速度無影響個質素。返兜指數高。

由於我極度常食常餐呢樣野。文華冰室實在沒好大特別，除左佢塊塊厚多士，厚厚的但非常鬆化，我食左自己果塊仲食埋人地果塊😂幾滑炒蛋放上去一齊食好正腸仔有煎香左，好有誠意😂幾好味，個蛋都算滑。份量都唔少～個叉燒咩事，黑到咁，勁勁勁咸之前係九龍灣食都唔係咁。（上次食個叉燒切得薄d,口感好好）太興叉燒邊係咁，最慘係我同個staff講，佢話係咁架啦～扣曬分個雞翼外表唔吸引，好似炸多左咁，但入面好嫩好香米粉湯底略咸～

文華黯然叉燒煎蛋飯🍚 $55深夜美食炸彈💣Mikiki新開嘅文華冰廳😍呢間都幾大間 所以唔洗等太耐位就入得嚕😙當然叫下呢到嘅特色菜啦 黯然叉燒飯🤣叉燒仲係文華嘅自家叉燒添😁份量都幾大 蛋黃半熟撈飯固然正👍🏼至於叉燒 外邊煎得過燶 但好彩肉質嫩滑而唔嚡😚醬汁都幾夠味 唔錯😻

今日黎呢邊搵朋友，第一次黎呢個商場，本身以為好大，原來冇工只得兩層行左一陣想食啲野，見到呢間餐廳門口好多人排隊，望下menu覺得都ok，咁就一於排隊試下啦！好彩排左一陣就有位入到去坐低就叫野食啦，全場坐滿，見其他食客通常都係叫常餐/炒粉炒飯，今日就叫個常餐試下食物好快就黎到喇！先黎叉燒湯通粉，menu寫明係文華自家叉燒，睇落同平時燒臘檔既叉燒真係有分別，又真係幾好食再黎沙茶牛肉通粉味道比一般茶餐廳既沙嗲牛肉好味炒蛋都好滑，多士夠曬厚，好食！總括黎講都算唔錯，如果價錢平少少就更好啦

又係懷舊冰室feel嘅餐室，因為係新蒲崗mikiki新開就去試下，不過晏就黎食都排幾耐隊，10分鐘左右就排到。啲侍應姨姨好有禮貌，俾錯左食物好爽手就換過。今次就叫左個炸菜肉絲雞翼公仔麵 ($34) ，跟餐就叫左杯雜果賓治 +$6 (P.S 特飲本身要$22)，公仔麵就都幾鹹下，自問食嘢都偏濃味都要係咁飲嘢，因為本身炸菜肉絲都幾鹹，公仔面要落番少啲調味料會好啲。而雞翼都炸得唔錯，外脆內嫩，浸左係湯到都係脆身。雜果賓治係雜果少左啲外都幾好飲！不過因為好多人等嘅關係都要食得急啲就要離開。

見間餐廳新開咪試下囉，我地叫左個雜扒飯同埋蔥油豬扒雙蛋飯，點知兩碟飯都好咸，雜扒飯入面有豬扒，雞扒，半塊餐肉同埋一條腸仔，今次真係不得不提，我從來都未試過食咁咸嘅餐肉同埋豬扒，佢除左白飯唔咸之外，其他野都好咸，跟餐叫左杯熱華田，得個色似華田，但淡如清水，我自問食野無乜所謂，食完就算，同埋我想講佢隻碟真係好唔掂，想切塊扒隻碟就周圍冼，走黎走去，完全要對面位幫我手咁住隻碟先切到，差d成碟飯冼左落地唔洗食，哩度真係有待改善

之前寶寶跑完馬拉松黎搵我食飯。咁啱得知屋企附近既mikiki開左文華，即刻去食番個常餐😋A3 叉燒湯通粉拼雙腸炒蛋牛油厚多 配熱菜蜜 ($52)唔好以為份量得咁少會唔飽，成個常餐我都食唔曬🙈叉燒好香😋炒蛋金黃色，炒得幾嫩滑。多士麻麻地。菜蜜過甜。午餐時間比較多人，要排隊入內，食食下仲有半塊多士，侍應姨姨以為我唔食差d收左個碟🙈食得好急，淨係食左15分鐘。下次會等人潮少d既時候先入去🙈

九龍灣分店每日都排晒長龍，適逢新年係新蒲崗開左，拜年前黎食下先！我點了沙茶牛肉公仔麵配雙腸煎蛋牛油多士，沙茶味濃郁，牛肉好淋！飲品點了原味凍奶茶，不失奶茶味道，不錯！

新舖開張，裝修設計非一般的茶餐廳，所以在門口睇睇價錢先，又不是太貴，所以入去試一試。叫咗個下午茶，最貴一款都是＄3⃣️4⃣️蚊，可能人不算多，唔駛幾分鐘便送上食物。這個下午茶有：五香肉丁公仔麵⋯⋯肉丁不會散開，但比較有少少硬，麵就煮得啱啱好(麵質一流)又唔似出前一丁👍👍炒蛋配厚多士⋯⋯炒蛋份量足，味道Ok，厚多士亦夠厚脆加配牛油(牛油獨立包裝，因為不想太肥利，沒有用，所以比返侍應(唔好浪費)茶走⋯⋯這個真的太棒了👏🏻，練奶分開上，等你可以調配出自已的喜歡甜度，我剩下來的，還可搽上上面的厚多士😋😋。再講，奶茶亦非常滑😋，但個人覺得淡了少少⋯⋯少少。這裏裝修很好，但未有WiFi 提供😄，對我來說欠了少少，但總括來說都十分鐘理想，希望可以同新蒲崗出面茶記共存，因為出面的亦做得很出色，尤其近工廠區那邊，但大家走的顧客路線不同 Good Luck！