敏華冰廳

營業中

休息中

食物質素高， 特別個多士👍🏻好好味😋唔怪得經常要排隊！服務態度非常好， 特別有位經理嘅服務，在香港依家環境好難得見到！ 十分有熱誠👍🏻👍🏻又負責任， 又主動了解客人需要👍🏻👍🏻大家值得去一試！

晚上去敏華冰廳食晚飯🍽️，由於新年餐廳只提供數款食物供客人選擇，於是我們四人叫左四款餐，爸爸點算的是其中一款係明爐胡椒豬肚滑雞鍋🐔其後我們三個人既食物逐漸上檯，大約等左20分鐘覺得唔對路🤔 ，因為見其他岩岩入座既客人食物也上檯，由於店舖用QR code 落單，先查看一下我們落單時間⏱️發覺已經等左45分鐘，於是就向店員查詢第一次🙋🏻‍♀️並沒有告知只是點頭示意去廚房查看，數分鐘後再行過來詢問未到的食物，我們告知店員已經等左45分鐘，於是店舖員工向分區經理查詢👨🏻店舖經理走過嚟同我地講「胡椒豬肚雞賣完，經理說因本有一份但唔靚所以唔會提供給客人食用，亦因為店舖人手不足，來不及通知，再三道歉」😡爸爸很生氣地告知經理，就算食物賣完或其他原因，理應立刻通知客人，而不是由客人不知情況下等待⌛️😡cut單吧😡😡😡於是爸爸便起身走人，我們先到收銀櫃付款，經理再道歉告知人手不足未能及時通知📢我們離開時經理說，告知爸爸叫他明天到來再免費請佢食返胡椒豬肚雞鍋，我說爸 爸很生氣不會再來

馬來三叔公咖啩多士嘛，真係意喎！扒一啖嘅時候，滿嘴嘅牛油香同埋花生醬嘅甜，令人一試難忘。至於炸兩，外層香脆得黎唔油膩，隔離個豬排汁正宗得滯，啖啖肉嘅感覺，令人心花怒放😋。竟然食埋嗰啲新鮮走出爐嘅蛋撻，啱啱好嘅焦糖味，伴隨住軟滑嘅蛋液，啖啖正。同杯凍嘅原味咖啡真係夾，酸味同苦味平衡得宜，令人提提神👌。另一邊檯嘅黯然銷魂飯呢，個名叫得咁震撼！飯蓋住滑嘅荷包蛋，一刀落去溏心流晒出嚟，伴隨得嚟嘅係滿滿嘅叉燒香。叉燒微微甘甜，好入味，厚切得嚟又唔會太肥膩，簡直係飯中佼佼者🍚！總括嚟講，呢度嘅食物真係質素出眾，而且每樣嘢都係平民價。吓，下次還要啦喂，未食飽呢！

敏華餐廳的常餐中的沙嗲牛肉公仔麵、炒蛋和多士絕對是一道令人滿意的組合。首先，沙嗲牛肉公仔麵是這道常餐的主角。麵條煮得剛剛好，有彈性而不黏膩。沙嗲牛肉則是這道麵的亮點，牛肉嫩滑多汁，沙嗲醬汁的香辣味與牛肉完美融合，帶來了豐富的口感和風味。這道麵還配有新鮮蔬菜和香脆的花生，增添了口感的層次和營養價值。其次，炒蛋是這道常餐的配菜之一。炒蛋煎得金黃鬆軟，口感細滑。它的味道濃郁而香甜，與沙嗲牛肉麵相輔相成。炒蛋提供了蛋白質和營養價值，為整道餐點增添了豐富度。最後，多士是這道常餐的另一個配菜。多士烤得金黃酥脆，外層酥脆，內部柔軟。它的口感輕盈，搭配麵和炒蛋一起享用，為整道餐點增添了口感的變化和層次。敏華餐廳的常餐中的沙嗲牛肉公仔麵、炒蛋和多士組合得恰到好處。這道餐點融合了香辣的沙嗲牛肉、香脆的炒蛋和酥脆的多士，味道豐富多樣。無論是午餐還是晚餐，這道常餐都能帶給你一份美味和滿足感。

有冇人同我一樣，有時lunch食得好少就會慣咗去食下午茶今次就揀西多士食🤤🤤雖然好邪惡😈😈食完先再減肥啦😏😏西多士($36)今日食咗未呢？😝😝😝

唔係第一次食黯然銷魂飯，其他分店嗰啲都OK，呢間真係特別差。本身蛋味幾香，蛋汁都夠撈飯，食嚿叉燒發覺超級鞋，外邊係燒到有啲焦香，但食落真係唔掂，肥瘦都唔係適中，係偏瘦嘅叉燒，咬落似係擺咗好耐，有啲霉，收人70幾蚊如果係呢個質素就真係唔值。之前食過黃金叉燒飯係OK嘅，唔知呢間分店做成點。希望只係呢間分店無啦啦失手，如果次次都係咁，不如我食返普通街邊燒味飯算。不過呢啲連鎖店一定有指引點樣做佢哋嘅叉燒，如果唔係點樣保持品質，仲要係招牌菜，希望下次會改善。

已經第二次了！商場有儲分優惠，要電子消費才可登記積分，而積分係可以當錢洗，所以我每次都會用八達通電子付款。之前試過一次稍遲登記，張單已經比人登記左。點解會咁？邊個會有第二張我的收據？今日係第二次登記不成功，原因係收銀員比左晨早另一個人的收據俾我，我不為意就用來登記，又係話張單已經比人登記左，咁收銀員點解唔俾返正確嗰張俾我，而係去拎一張幾個鐘頭前的收據俾我呢？呢間餐廳不嬲都食開，食物都唔差，侍應服務都很好，不過如果因為收銀員有咁差嘅服務，而令我唔再去食，就真係太可惜了，希望收銀員以後會有改善吧！

難得週末可以chill下食個tea , 結果換黎一肚氣，叫左一份炸魚柳沙律餐，叫左個餐十世都唔黎，仲要黎到發現份魚柳細過手掌，仲要燶燶地，個沙律太多醬，所以麻麻地。。。

今晚叫咗兩個外賣煎旦叉燒飯，得4塊又簿又細塊嘅所謂自家叉燒，兩個煎旦，出面叫盒叉燒飯都多叉燒個佢。咁都可以比客人食。真係唔該佢哋個管理層自己檢討下啦。如果無叉燒就唔好接客人單啦。

傳聞中嘅黯然銷魂飯，相信大家都好熟悉啦，但係現實中嘅銷魂飯大家又食過未呢？根據探子回報一間餐廳嘅重點推介係一碗黯然銷魂飯，究竟呢碗銷魂飯係乜東東呢，原來就係叉燒煎蛋飯，咁究竟呢碗叉燒煎蛋飯有咩特別去買幾十蚊一碗呢？當日我哋一行三人就去到呢間餐廳食飯喺門口等咗10分鐘後再入去即刻叫咗個叉燒煎蛋飯，一想到你喺一碗平平無奇嘅叉燒飯，=.=殊不知一入口舊叉燒，已經覺得佢非常之林，非常之好味，相比燒味舖嘅叉燒飯，佢完全係贏九條街，但係美中不足嘅係佢得四舊叉燒咁大把如果可以比多幾舊就好啦。另外都叫咗個雞扒飯，個雞扒就平平無奇冇乜特別，所以唔多介紹啦

突然間朋友屎窟痕話要去食黯然銷魂飯，未聽過同食過呢個飯嘅我就膽粗粗咁跟住佢去…………..一心諗住黯然銷魂飯有幾銷魂呢？…..見到個飯原來就係叉燒煎荷包蛋飯……..究竟有幾特別呢？令到我個朋友特登要去嚟食？……..抱着嘗試新嘢嘅心態，我就跟佢叫咗個叉燒煎荷包蛋飯。🤣🤣🤣🤣另一個朋友就叫雞扒飯…………一想到枱叉燒，起碼有五嚿，入口即溶，非常之鬆軟………………….飯同餸嘅比例係啱啱好…. . . . . 帶 佢 賣成 七 十 蚊 個， 有啲 覺得 佢 唔 值

一直食開敏華早餐，質素不錯，今日試食早餐限定，忌廉雞湯叉燒蟹柳湯米粉，可以轉通粉or公仔面，本人就轉了通粉。賣相不錯，叉燒有五大舊，兩條蟹柳。湯底好味，不會過咸，配合通粉好夾。叉燒係黯然叉燒既大舊叉燒，味道不錯好食夠淋，不過建議另上更好，吾好浸到濕唒，以致影響口感。蟹柳正常普通蟹柳。凍檸茶好飲，茶味濃，茶底好。環境不錯，門外等一陣就有位，手機落單簡單方便。$38，凍飲加$3，早知黎講，略嫌貴少少，加番炒蛋同多士會更好。

黎到敏華冰廳，就梗係食佢哋王牌嘅暗然銷魂飯啦，叉燒肥瘦適中，有少少窿邊，好香口再加上半生熟嘅雞蛋，但汁同叉燒撈埋落個白飯度食，真係好夾！再加埋叉燒飯嘅豉油，真係好好食唔使10分鐘就食晒成碗飯！

呢間餐廳最出名係佢嘅黯然銷魂飯，用上金鳳香米，叉燒即叫即燒用上厚切梅頭肉，燒到燶邊好香口兼且好Juicy，上面淋上香蔥甜豉油，加埋嗰隻流心荷包蛋，每粒飯都沾有香濃蛋漿同埋甜豉油，真係好好食！

之前去親敏華食，都一定叫個豬扒蛋飯，佢個豬扒真係幾好食，隻蛋個蛋黃好靚。但後來發現原來佢仲有一個餐「榨菜肉絲雞翼公仔麵」$42都好好食。雖然係一個好普通嘅公仔麵，但係佢呢一個榨菜肉絲雞翼公仔麵裏面嘅榨菜係比一般嘅楞菜爽口，口味，有啲似潮洲榨菜。另外敏華咁多款公仔麵只有呢一款係落足麻油，在配搭埋雞翼成個組合食落去個口感真係好好味。再配埋一杯凍奶茶簡田係一流嘅配搭。可惜佢供應時間只係去到下午六點，如果夜晚都有得食，我諗我一星期都會去幫襯兩，三次。