放題達人 (已結業)

實在太喜歡吃日本菜，又太喜歡放題，但在旺角已有點厭倦，就算星期一至四也會很多人，沒有街頭表現也是多，所以這次到別區覓食。魚生拼盤：應該係跟人頭送嘅，好新鮮，仲有生蠔，吃完之後都唔駛再點魚生lo；鹽燒鱸魚：跟人頭送，呢樣唔係泰國菜嚟嘅咩？？不過又幾好食喎，肉好滑，點埋個汁，酸酸地，唔錯；燒羊架：跟人頭送，好香口，有肉汁，唔羶，一樣啱啱好；炸物：差少少，唔夠熱，南瓜比較硬，薯絲蝦，蟹肉三文魚餅/丸？第一次食，幾得意；燒物：牛肋骨味道好多汁夠淋，牛柳粒熱辣辣鐵板上，不過肉質同味道都差啲，淡左啲，芝士焗蠔最失策，沙律醬撈埋薯仔粒，搞到有啲出水，個味淡晒，其實隻蠔幾大隻，質地唔錯，浪費左；雞翼雞胃不過不失；煙肉荔枝串，荔枝味無乜，唔甜，不過幾得意個配搭；壽司：和牛，鰻魚唔錯，舊飯比出面啲放題大舊少少，比元氣細啲，不過材料就無出面啲咁小家，大大件，好食！四位埋單千多元，座位舒適，沒有壓迫感，食物夠新鮮，上枱速度很快，個半小時有點不夠，汔水啤酒是任點的，不知何故啤酒要催促兩三次才到，甜品只得朱古力模絲，其實簡單的雪糕我便足夠了！

尖沙嘴東的新文華中心一樓，原是一條酒吧街，後來轉型，變成了一條食街，新開了不少食肆，包括日本菜，土耳其菜和越南菜等。而在下亦曾在文華中心的土耳其的餐廳用膳，今趟則來到一間日本料理用膳。雖然放題達人主攻日式放題，可是在下到達時間為午飯時間，沒有放題，就來一個普普通通的午飯。餐廳以淺木為主題，無論牆壁和桌椅都是清一色的淺木，坐椅配以炭藍色的軟塾，兩旁以二人至四人座談，中間則以六人座位為主。不過倘若坐在窗口位置，感覺上會較迫狹，而餐桌都算寬落，可以放下物件和食物。雖然沒吃放題中的食物，但是從這個疑似平板電腦中，禁掣點菜，先選擇主菜，選好後禁「＋」號，橫掃就去了第二頁，壽司和其他食物也是如此。選好後跟指示遂下禁，便完成點菜，無須侍者從旁寫單。在下點了一客滑蛋豬扒飯，米飯主菜分開而上，可是當在下第一眼看到滑蛋豬扒，就覺得全是水汪汪，完全不是平日吃到的滑蛋扒，於是問侍者為何這樣？侍者竟答說是他們的做法，每一個滑蛋豬扒都是這樣，那水汪汪的便當是汁，可是在下始終不敢相信。撇除水汪汪問題，其實滑蛋豬扒與平時吃沒有太大的分別，炸粉較厚，豬扒肉質就偏硬，不夠鬆化軟腍。麵豉湯味道較淡，未見香濃，不知道是否故意

能夠讓娃娃打破她齋看不寫習慣的食肆想來有它的特別之處吧。。。對於這家剛剛開業兩個多月的日式料理店，娃娃是抱著探險的心情去闖一闖的，因為此店雖位於車如流水馬如龍的尖東，但由於無甚資歷，亦無甚名頭。17:30開始晚市第一個時段,限時兩小時,結束時間前15mins last order.由於是平日，收費為$198+10%.落座后侍應旋即遞上一小碟wasabi,很可愛哦，都不忍心用豉油浸住了。雖然汽水啤酒是任飲，但不是罐裝/支裝，而是由侍應斟的"杯裝",refill亦要由侍應來完成。汽水的選擇有百事/七喜/美年達（橙味），啤酒由於不好此道，固未曾詢問有何種選擇，不過見鄰座兩位男士所飲亦為侍應所斟“杯裝”。雖是放題亦不能浪費食物，固先遍掃餐牌看下有那些選擇，做到心中有數，善用quota，重點出擊。食物共分八大類食放題大家基本上都最關心刺身質素如何，娃娃的習慣是1st round廣撒網試水溫。三文魚必然是鐵膽，可惜此店的三文太過細舊，雖勉強稱得上厚切，油潤度亦不錯，但size有限，怎麼都稱不上過癮。見Menu上信心十足地強調他們的赤蝦是“特大”，便毫不猶豫地落咗重注，而來到後一試之下深幸自己的直覺

大除夕晚一行6人勁擦日式放題作為本年結尾 ，首先環境非常寛敞， 非一般廉價日式放題可相比， 因為一早訂左位所以服務員好快就安排左我地入坐，首先點左飲品刺身壽司先，落左單無幾耐飲品到完刺身就到， 刺身屬於中上級別， 尤其是大蝦刺生同埋油甘魚刺生超讚，大蝦刺身夠大夠爽， 油甘魚夠肥夠甘香， 壽司材料好新鮮兼飯團小， 個軍艦好有水準，件件即做兼紫菜脆卜卜，再點熱食即有驚喜，清酒煮蜆味道可比美六本木五星料理，一口和牛入口即溶，唯獨炸天婦羅有待改善，整體食物質素屬中上，服務非常有效率，因為放題種類較多，服務員會主動跟單。飯後感： 食物環境衛生服良好，尤其係一班年青人服務好有效率，係尖東用敢既價錢有敢既質素屬於超值，必定會再 encore 。

星期一9/12同家人幫襯完238加一的時段7:30-9:30pm，覺得食物新鮮，新場整體感覺好好，一坐低送刺身，乳猪，羊架，食完又有甜品雪芭。點知今日星期四12/12再同朋友黎同一時段，有位店員由九點開始催我地last order,仲要唔止一次，催促的態度係令人生厭的程度，而且俾人感覺係只針對本枱order,反觀其他同時入坐，包括鄰坐的枱都可以last order後繼續落單 ！而且好多野落完之後無貨都唔會同你講聲，到追單時，果位店員質問我地係咪肯定要？呢個問題到底係咩意思？我落得果張單，追得果張單，點會唔要呢？我地都已經避開唔叫果位店員服務，但果位店員不斷留意我地張枱的食物幾時食完，問三四次枱面的食物仲要唔要......本來向朋友介紹來試，卻令飯局變得無癮，短短兩三日原來已經變差 今次無雪芭食，唔知係咪漏送呢？算啦，已經一肚氣！

普遍的甜蝦刺身、前菜小吃(如螺肉)、炸蝦天婦羅 (沒有獨立散叫，只在什錦天婦羅中出現)都沒有。一開始點的壽司，一個多小時後才上桌，火炙類的壽司都是冰冷的。炸薯絲海蝦和燒松葉蟹腳暫停供應，而點了不止一次的燒牛肉金菇卷串、燒山葵漢堡牛、燒味增肉碎茄子、鐵板牛蒜香魷魚、芝士玉子卷，由始至終都沒有來過。炸大蝦露筍鵝肝卷，竟然是類似炸紫菜包魚肉的東西。燒牛仔骨、鐵板一口牛柳和清酒煮蜆是比較出色的。總括來說，選擇不多、漏單嚴重、上菜慢(就連第一round的汽水啤酒都要 15分鐘後才上桌)，即使侍應服務態度有禮、座位唔迫都補救不了。

收到板x傳來的msg..知道旗下開左放題店 立刻就要去試下 幫襯左5點半至7點半個段刺身同壽司係呢度既主打， 質素同平時分店一樣刺身都幾多選擇， 有市面上冇得供應既劍魚腩同埋大赤蝦 全部都好新鮮壽司方面推介有赤睦 和牛 燒鰻魚 同埋燒三文魚腩另外有兩味係送既 羊架同燒乳豬 羊架味道正常 唔騷 燒乳豬入口即溶 真係想叫多幾件燒物都有幾多選擇推介係上面既煙肉荔枝串普遍味道都唔錯， 係炸雞好乾 同埋天婦羅蝦個粉好厚沙律夠哂凍 好味但炸蟹腳變左上面個焗薯 味道麻麻總括黎講 如果中意食刺身同壽司 呢間一定好岩你 相比起平時散叫一定平好多 熟食方面就有待改善啦!而家就係得三款汽水任飲， 遲d有埋酒牌應該有啤酒供應

開店第二天，巳經迫不及待來嘗試。（聽聞此店是板長壽司𣄃下第一間放題餐廳，待會有機會一定會試）是否我大鄉里，我很少見日式餐廳有Ipad落order,其實也滿好的，因為大家lunch也是急急忙忙，能夠自己落order也慳不少時間，餐廳也能縮減人手。大約5-10分鐘，我的壽司set（$72）也奉上壽司魚生用料也不太俗，有三文魚、油甘魚、魷魚、吞拿魚、池魚、帆立貝（另一不知名的魚）及炸蝦卷，也滿新鮮的，不過當日的壽司飯則偏酸一點（希望多留意）總括而言：用料不俗及刺身新鮮，自助落單絕對方便我們上班族。希望未必可增加多一點餐單）