放題達人 (已結業)

午飯最難諗食咩，呢間野都來左幾次我每次都係食魚生飯，$55大大碗有一碗面豉湯，一杯茶講真，55蚊絕對無靚位魚生比你食，都係碎多但刺身粒(碎係叫粒啦)都好新鮮而且價錢相宜，飯都ok落單係用ipad，唔使等人寫單接受唔到碎位刺身d食客，就建議唔好叫呢個飯啦我通常食完三文魚，有d其他唔知咩刺身就唔會食，食一半都夠飽

建議大家千萬要小心！！！本人食最後個輪放題， 間野寫到明最後個輪放題係2130~2330, 而價錢係198 再加11. 間野入到去， 心知不妙， 得1 枱， 但因為食開板長， 所以就continue坐底試下2. 2125 左右開始食， 2145 見到員工開始執野洗野3. 測試過啦，如果客人點左比較多野食(大約10 樣左右， 其實都係平時第一輪叫野食既份量), 一定會有 3~4樣野食漏左無黎， 如果叫少d (大約2~3樣左右), 情況就會好D4. 無叫過既野食竟然可以同叫左既野食一齊上5. 食野個陣， d蒼蠅飛黎飛去6. 2200 SUSHI BAR員工差唔多唔見曬， 心諗禁早收工？7. 樓面員工， 10 點前3~4個，10點後only得番2個， SUSHI BAR 0 個8. 員工玩手機，真係service客得1 個男仔9. 2125 一坐底， d員工都有講明 120 分鐘放題， 2230 last order,  OK，最後點知d員工10 點已經得返1~2 個樓面， SUSHI BAR 1 個都冇， 基本上過左10 點order既野食無黎過， 之後2215 個時個男員工就話last

今晚我們去咗尖沙咀新文華中心嘅「放題達人」食晚市放題！我們叫咗雜錦刺身拼盤，每款刺身都非常新鮮，當中嘅赤蝦刺身相當大隻，肉質好鮮甜彈牙！鐵板一口牛嘅肉質極之嫩滑鬆軟，而且份量超多！燒牛筋腩炆得好腍好入味，肉質好鬆軟，味道亦好香甜！另有多款創意特色串燒，賣相好吸引！其中嘅鷄腎串燒得非常爽滑彈牙，完全唔會有韌嘅感覺！金菇牛肉卷嘅肉質好軟滑，醬汁嘅味道好惹味！海老天婦羅炸得好金黃香脆，蝦肉亦好爽甜彈牙！香芒蟹籽沙律嘅香芒非常香甜，沙律菜相當清甜新鮮，而且份量十足！五目海鮮粥嘅粥底煲得好綿好滑！

第1轉刺身黎得算快。我係為左帶子刺身而來，尚算鮮味，其他都不錯。(但第2轉後麻麻地)食品選擇已經吾多，仲要係咁漏單，食到好無癮。另外，飲品超級甜。最嬲係燒生蠔，餐廳內人不多，點左2隻燒蠔已經話售罄! 最後只係黎左1隻，而且味道好一般。

人如其名! 放題達人!呢到D選擇真係比出面唔同放題正好多! d選擇特別D, 無咁dry!仲有清酒, 啤酒任飲!!!! 我地叫左熱清酒, 幾好入口, 唔難飲. 有睇開我食評的朋友都知, 我好鍾意講魚生, 刺身!今次都唔例外啦! 呢到點幾多, 出幾多! 唔錯! 仲有大赤蝦點! 無咩放題會有大赤蝦點ga~~~今次有口福啦 yeah!刺身夠新鮮! D赤蝦好肥美. D甜蝦好甜. 三文魚夠肥美. 帶子都新鮮, 係細粒左d. 最特別係個蛋都放埋係呢盤刺身上面, 有D特別...!呢到仲有好多天婦羅食, 脆扑扑, 熱辣辣, 放題水準之上!仲有好多熱食, 細細份的shabu shabu. 呢到D座位好寬落, 唔會好逼! 食得舒服! 大集團始終大集團, service都無咁差, 硬件又好d! $250抵比!!

放工感謝好友介紹往尖東放題達人食放題，店內用i-pad落單點食物(飲品則告知職展便可)，人生第一次食放題用I pad 落單，大家愛不釋手玩i-pad點食物，完全是資訊科技教育，之後我們點了手卷(軟殼蟹手卷和鰻魚手卷，入口脆卜卜和熱辣辣，好味!) 火炙壽司(火炙鰻魚壽司和火炙三文魚壽司，壽司好食有保證，果然是板長集團企業) 壽司(帶子壽司和炸蝦卷，前者入口新鮮，後者蝦炸得乾身，口感不錯!) 和食(一口牛肉，金菇牛肉卷、牛肉飽、芝士西蘭花、芝士焗蠔、炒什菜和台灣香腸，碟碟都大碟，有點嚇親，一口牛肉好食，但一碟有十幾粒，略嫌一碟太多；金菇牛肉卷肉質鮮甜；牛肉飽入面好足料，我諗女仔食一個已經飽飽；芝士西蘭花好大碟，食落去略嫌芝士太多比較膩；芝士焗蠔味道怪怪，不知是否個汁的問題；炒什菜乾身，好好味；台灣香腸好香脆，好食!) 翅身(三文魚翅身、柱貝翅身、大蝦翅身和甜蝦刺身，新鮮甘甜，個人覺得是店內除火炙壽司外，另一好食的食物) 串燒(雞肉串、翠玉瓜串和雞翼串；雞肉，翠玉瓜和雞翼都燒得保持水準，好味) 炸物(和牛漢堡、蝦天婦羅、炸雞軟骨和炸雞翼，和牛漢堡大大件，但炸得乾身，好香的和牛；蝦天婦羅，炸雞

食物既选择又少。又貴又唔好食。一D都吾抵，唯独个刺身ok。 个软脚蟹又冇软脚蟹味。手卷和寿司个D紫菜咬唔开架。个芝士西兰花又系咬唔开好似生生地甘吾好食架。D天妇罗冇嘜味架，D雞串D雞勁un，打死我都不会再去。

「放題達人」它最大的亮點是與「板長」及「板前」屬一集團，除了可以吃盡「板長」及「板前」的名物，食物質素也不會特別太差。一間日式放題店用iPad去點菜，清楚快捷之餘，形象感覺亦很 stylish，這可算是「小改變，大改善」：壽司與刺身方面，大部分「板長」可以吃到的它都齊備 :另一項亮點是它可以任飲清酒，以放題二百多元的價錢來說，真係可以話算係咁，而且有清酒襯托，我覺得更能吊出刺身及壽司的鮮味：焗蠔好吃，燒羊扒也不失肉汁：其餘食物隨影：

1.當日人數：4人2.我們食用時間：7:00-9:00pm（限食兩小時，沒有分時段入限制），這段時間也不太多人。3.環境：座位不會太迫，分三個舖位，所以不會太嘈，適合傾計。其中一間類似VIP房，適合十幾人聚會，玩得開心少少也不怕。4.服務：有求必應，主動有禮。當曰我們不少心倒瀉飲品，待應見到即時遞上一曡紙巾給我們處理。5.食物：除了沙律類及飲品一般，其他食物也好食，刺身新鮮，炸物一流，壽司也不錯。不過食物選擇沒有其他放題多樣化，但份量較大。沒有甜品選擇食，要問待應，會比是日甜品，當日食綠茶木糠布甸，口感一般。6.漏單情況：用平板電腦落單，只漏了兩樣食物，直接同待應講，即時補上。7.驚喜：預早訂位，另送烤焗魚（有兩隻手牚長，新鮮好味）及羊架（腍度也可以）。8.優惠：用citybank信用卡有九五折，生日月份五位送一（好似係，自行再問清楚）9.感想：第二次食，喜歡環境舒適，服務良好，不會拖單，不會食到好趕，食完等於無食感覺。

一進去，感覺很寬敞，這次四個人來，坐了個卡位，很舒服。坐下後，服務員給了我們一部平板，我開頭不知用來幹什麼的，後來才知道原來是用來點菜，很少見一所餐廳會用這些方法。很環保呢！去放題點菜當然先選刺身，三文魚、赤貝、北寄貝、貝柱……OMG居然沒有吞拿魚，激死人咩！刺身方面感覺很新鮮，推介赤貝-太爽口了。壽司方面，芒果卷口感不錯，火炙壽司就不太好了（我個人認為大部分放題的也是）。手卷方面，我選了軟殼蟹手卷，但軟殼蟹不好味，紫菜又很韌。料理方面，牛柳粒尚可，沙律很好（推介），燒蠔麻麻地，帆立貝不錯，藉得一試。飲品方面，選擇都多，汽水、清酒……

去到時, 全場只有一枱客. 但個帶位話要我哋撘去有人嗰枱, 話全場Booking 都full哂. 但我們食到八點幾, 仲有吉枱. 真的唔明咩叫全場full 了。坐底後, 尐店員攞了個 tablet 來, 自助落單, 好有創意, 又有效率, 值得讚。講返尐食物, 坐底不久, 店員已端上一盤剌身拼盤. 看上還新鮮。其中以赤蝦最出色, 夠鮮夠甜。其次是帆立貝, 都幾甜。但三文魚就差了點, 鮮度可以, 但甘甜不足.跟着我們點了和牛壽司, 幾好味, 牛味夠, 但不羶. 胡麻沙律也不錯, 菜也脆,很鮮.接着來了燒物, 其中以煙肉番茄和煙肉荔枝。 這樣食不會油膩, 有清新的感覺。但墨魚餅就不敢恭維了, 死死實實的, 食完一件已牙軟。還想提提的是炸物, 天婦羅炸得幾脆, 但有油膩感, 要改善。 還有芝士雲吞, 沒有芝士味, 但蝦味十足。但最失敗是個牛肉餅,炸要燶哂, 見到也不想食。題是包汽水,啤酒,各清酒, 但我們沒有叫, 無意見。

依日另一半欽點要食放題~上網搵料揀左依間"放題達人"食店環境好舒適~長長卡位座雖然要搭客..但都好寬闊放題限食兩小時~order食物全電腦化~上菜好快無漏單任飲包括汽水,啤酒&清酒~飲品向服務員order就可以呢食物款式都ok多~不過好多其實無試到例如鍋物/飯麵/手卷/軍艦等~其他就揀想食既先點刺身類..食物好新鮮~蝦好巨..我地食左接近50隻(正!)沙律/前菜約有5-6款~夠凍..食材又係好新鮮雖然係放題..但都好用心製造~唔係是但堆埋就上檯果隻依個青口ma ma~口感好粉而湯汁比較漏燒物..腐皮墨魚膠卷+雞腎墨膠好彈牙..腐皮好脆~兩款都燒得好香口煙肉荔枝卷仲有個卷車厘茄~果個比較普遍..所以揀試荔枝煙肉唔太肥又唔太鹹身~卷上荔枝帶清甜..味道都唔錯焗蠔..面層夠金黃+乾身~蠔肉焗得剛好仲帶點肉汁炸物..多春魚多春魚好肥美~炸得外脆內軟炸蝦,炸蕃薯,炸芝士雲吞,炸薯絲蝦角炸薯絲蝦角過左火~但味道好正..薯絲好香+蝦肉好彈牙芝士雲吞味道清淡好脆口..整體都好味壽司類..點左3款(鹿兒島和牛,黑醋豚拖羅,火焰三文魚腩)豚拖羅+三文魚腩..肉質好軟腍~飯有醋香而且握得好實淨另一半話個牛又

值得第一次寫食評的放題 :過往試過中伏嘅放題同埋可以接受嘅放題, 呢間係屬於唔會後悔嘅優質放題。刺身高質數(劍魚腩，油甘魚，赤蝦)，軍艦同壽司都係包細舊飯(好嘢)，火炙三文魚and火炙海鰻幾好。真嘅中華沙律（其他地方試過有假的）。焗蠔好嘢，蠔肉略嫌細粒。蝦天婦羅可以，略嫌粉漿厚了點，多了點。炒飯冇哂，燒魚絞冇哂，烏冬可免。Asahi啤酒 & sake(凍戓熱) 任飮，呢個最過份。平日9pm後最抵，$198/位 加一，同行開胃的年青長者$128/位 加一。環境乾淨舒服，服務有禮，ipad點菜落單(代替剔紙仔)，上菜快，多數冇漏單。

剛好媽媽生日，咁岩又睇到報紙話尖東開左間新放題，大家就決定去試下查完一輪，之後先知原來放題達人係板長/板前集團架，咁樣應該都OK嘅！去到一坐底就叫左隻魚生船，D魚生好新鮮，由於太過肚餓，所以唔記得左要影相@@除左魚生，我地仲叫左好多唔同既野食，清酒煮蜆，一口牛，大量魚生壽司，芝士西蘭花，炸多春魚，黑松露炒飯。。。成晚最like就係個北寄貝sashimi, 好大隻，好味！encore左好多次，我諗我一個人都起碼最少食左二三十片。食到我地個個都抱住個肚走，下次有機會都會再黎試多次，睇下會唔會一樣咁好食。

同契仔媽食生日飯，佢又諗唔到想食乜，兩個傻人又想食野又去SHOPPING WOR咁就搵個地方食完野就可以方便去SHOPPING LA上OPENRICE睇左一輪就試下LEE間啦因為我地6點就去到，人唔係咁多，只有兩三枱，加埋唔夠10個人，咁都幾舒服坐底後，侍應就送上這碟小食乳豬拼炒雜菇~~~乳豬味道好味喎，不過肥左D，皮唔係脆果隻，底下的菇菇好好味呀跟住就送上這個刺身拼盤，刺身好像還未完全解凍，有點碎冰呢三文魚~~~都算肥美，厚切吞拿魚~~~冇乜味，只有雪味希靈魚~~~爽爽地，OK啦八爪魚~~~有點"UN"，味道是可以的北寄貝~~~好難會差的珍珠貝~~~幾甜喎跟住就叫左幾件壽司試下啦壽司~~~飯大舊左D，但味道好好的燒羊架~~~好味喎！又唔"UN" 其實仲食左好多野架，不過掛住食又掛食傾，唔得閒影喇食飽飽又要準備下一站去敗家喇這間店食物都不錯，不過應該落左唔少味精，食完勁口乾仲有服務員的態度要好好改善我地走果陣都7點半到，但都係冇乜人