撈得囍．麵檔 (已結業)

是日去探朋友, 探完朋友冇野做又落大雨, 見到呢度有冬菇亭, 心諗未試過係冬菇亭食野一於試下先返屋企喇印象中好似見雜誌介紹過呢間餐廳, 好多麵都係50蚊有找價錢幾抵店舖裝修幾有心思, 用左舊香港既物件佈置, 有d似去左博物館咁, 影相唔錯我叫左花膠雞脾麵($48), 花膠真係幾多, 有成3-4大舊, 夾起彈彈下, 咬落幾軟綿綿, 多多我都食得落呀。 有成隻雞脾, 煮得幾入味, 唔會太老岩岩好。 我覺得呢碗麵好補身同抵食跟餐加飲品就8蚊, 我叫左支樽裝汽水, 我好鍾意樽裝因為幾有性格食完之後唔會口乾, 下次再去附近我想試埋個牛肉麵。*忘記影相所以借左上網既相一用

呢碟嘢真係跪喺度求我都唔會食！煮呢碟麵嗰個人應該係唔識煮嘢嘅，簡直係浪費食材！一塊好細好薄嘅鵝肝（你哋睇manu見到兩大塊鵝肝係“圖片只供參考”），煎實晒，乾晒，唔juicy。撈麵無油，無錯，連煎鵝肝嘅油都無，最地獄係d麵，淥到淋滋滋，唔乾身，撈麵底有水，我同一位伙記講，佢幫我換過另一個麵底，換咗個麵係好咗，但都係淋，一樣唔合格！我老婆叫咗個蝴蝶腩撈粗，麵同我嗰個一樣都係淋嘅,蝴蝶腩嘅味道就普普通通。我夠胆講，你唔會再揾到比呢間仲難食嘅麵檔！結論：劣食！浪費金錢，浪費我哋個胃嘅空間！

呢日因工作的關係喺lunch時間經過樂華南邨冬菇亭，見Open rice飲食誌早排介紹過呢間撈得囍麵檔就決定入去幫襯下。見到餐廳招牌作之一的花膠鷄脾湯米線非常吸引，當然要叫嚟食下，我另外仲點左炸餃子、咸蛋黄金炸魚皮同可樂。花膠鷄脾湯米線($48) - 有好幾嚿大大嚿厚身花膠，配上大大隻鷄脾，賣相非常吸引。一啖咬落花膠度感覺口裏面馬上充滿骨膠原，再加上一啖鮮美嘅鷄脾肉，真係非常滿足。一個用料咁豐富嘅米線，只係$48，真係好抵食！👍👍炸餃子($18) - 有5隻炸餃子，香脆嘅外皮入面包住肉質鮮嫩的韮菜豬肉餡，喜歡食香口食物者必選！😋咸蛋黄金炸魚皮($38) - 鬆脆的炸魚皮上充滿香口的咸蛋黄味，亦是不俗之作！👍總括而言，呢餐用料優質，價錢優惠，性價比極高！

食麵最重要係湯底，其次就係麵質，呢間觀塘樂華邨新開的麵店，主打雞湯米線，聽個名已經想試。黎到見到餐牌，只售$48的花膠雞肶雞湯米線，唔洗諗，即點!味道上，黃色的雞湯十分鮮味，食得出係足料製作，再一次證明湯底對一個麵的重要性，成碗麵被鮮雞湯味包圍，正到暈。除左米線，仲可以轉米粉，河粉，不過我估米線應該係最佳配搭。雞湯麵配原隻斬件雞肶亦都夠滑有雞味，花膠仲大大件有咬口，絕對抵食，個人覺得值得一試再試。

見網上介紹佢個花膠雞脾雞湯米線勁吸引，今晚突登搭車入黎食，位置就真係有d 偏僻， 不過牛頭角站再轉28B, 樂華南邨站落車行兩步就到。✨裝修係幾有特色既懷舊大排檔風格， 牆身佈滿街頭壁畫，仲有唔少得既紅色燈罩。餐廳打通另一邊原來就係肉餅哥，係同一個集團黎。✨未點餐前先黎一壺水，懷舊既公雞圖案，好有意境～～✨原來下午茶時段，仲有其他小食供應。見到呢個咸蛋黃金炸薯條同魚皮，真係極邪惡同吸引，夜晚快d 加推番啦。✨其他湯麵，撈麵價錢都好相宜。✨花膠雞脾雞湯米線（$48): 份量同圖片一樣多，先試啖湯～～好清甜，感覺無乜味精，米線都好有咬口。✨花膠有4舊，每舊都大大片，而且好厚身，食落軟滑得黎幾彈口同煙韌，但未算入味。✨雞脾啖啖肉，有調過味～味道唔錯，如果肉質可以嫩滑d會更加分。不過以$48蚊黎講，可以食到咁足料，其實都好難搵到。✨上湯淨韭菜餃（$38): 一碗6 粒，雲吞皮好薄好滑，比起水餃皮我更愛雲吞皮。✨其實韭菜味唔算好濃，肉既比例比韭菜多。不過食落味道幾清，加埋肉汁同湯汁真係超好食，食多幾粒都唔heavy!👍🏻✨蝴蝶腩+牛筋撈麵（$47): 呢個麵量真係超大，有成一個半麵餅，最後男友

花膠雞脾麵一碗麵大約有三片花膠，同時有一隻雞脾。麵湯底用上雞湯湯底，味道比較清。雞脾可能煮的時間太耐，又或者用上雪藏雞脾，所以肉質比較粗糙，但有雞味，口感偏向煮過湯的走地雞。由於湯底較清淡，所以花膠亦無法靠湯底而增加味道，所以幾片花膠都是淡而無味。牛腩麵由於湯底有腩汁，所以整個麵底都變得相對有味道。牛腩味道算是不錯，但若然要以之前大排檔的牛腩作比較，還是差很遠。份量算是足夠，而且有菜，已經算不錯！

今晚食花膠雞脾湯瀨+1支細可樂😍($56)第1次食呢間新店呢度既侍應推介既花膠雞脾上湯麵真係超好味可以轉瀨粉唔駛加錢👍有3大塊好淋既花膠雞脾好入味，煮得好淋好易咬👍個雞湯好清甜唔會好肥膩有數條菜心做配菜真是好喜歡飲個湯😂應該新鮮雞煲既🤔淨係食晒啲餸都好飽😎瀨粉太多最後食唔晒好耐無飲過支裝可樂好滿足呀🤓呢度既侍應服務得唔錯知我食唔晒啲瀨粉外賣盒拎走女侍應主動俾多左少少雞湯我裝回家食但外賣盒要加2蚊就貴左啲因為附近其他餐廳多數收1蚊外賣盒錢希望下次可以試到其他食物😍