撈得喜火鍋冰室

營業中

休息中

📍 撈得喜火鍋冰室呢幾日天氣真係好凍，好想打邊爐、好想食啲好熱嘅嘢！而家仲有冇晚市，邊爐就一定要晏晝食😮‍💨早兩日睇到人哋介紹嗰間餐廳有午市$268火鍋套餐，都幾吸引😍餐廳嘅店面都幾大間，座位同座位之間嘅間距都非常之闊，仲左outdoor方便食煙嘅朋友們。🔸午市火鍋優惠套餐 $268-煲底可以三選一 （招牌麻辣烤魚/秘制麻辣雞煲/麻辣水煮魚)-肉類方面就可以三選一 （美國肥牛/黑豚豬腩/精選牛肋條）-配料都係可以揀一款（牛柏葉/豬肚/水魷魚/蟹籽丸/墨魚丸/白魚蛋/海膽丸/貢丸）-配菜方面都係揀一款（唐生菜/娃娃菜/雜菇類/油麥菜）主食就二選一（白飯2碗/寬粉一份）仲送野飲2杯🙌🏻我哋就揀咗招牌麻辣烤魚+肥牛+海膽丸+娃娃菜+白飯！烤魚仲可以揀辣度🌶太貼心了，我哋揀咗BB辣。呢條魚都幾大條，條魚上面鋪滿左一啲辣醬配料，我自己認為幾特別。因為食魚嘅時候都可以食埋佢嘅配料同埋醬汁😻超級香濃同埋惹味！暫時未食過其他烤魚上面係配有一啲醬汁👍🏻除此之外鍋裏面都仲有其他配料，初頭我仲諗住唉每樣揀得咁少一定唔夠食啦😮‍💨點知入面仲有蘿蔔、薯仔、芫荽、椰菜花、腐皮等等🙈最好味係蘿蔔，佢係用湯煮到半熟再

第五波疫情嚴重🥲政府又禁晚市堂食🥲唯有早少少出去食early dinner🍲 $268午市火鍋優惠套餐🍲煲底揀咗招牌麻辣烤魚🐟BB辣愈煲愈辣🌶️好惹味🤤🤤🤤魚質好滑🤤吸哂湯底精華😍😍啖啖肉入哂味🤤烤魚煲內有大量腐皮、蓮藕、花椰菜、木耳芽菜等等🤤勁豐富👍🏻肉類揀咗精選牛肋條🐮牛肋條切片上，雖然有啲碎，但每舊都好香牛味☺️基本上冇肥肉👍🏻估唔到豬肚都有得揀🐷豬肚分量多，煮起十分爽口！👍🏻菜類揀咗雜菇🍄份量好多👍🏻👍🏻套餐仲包兩杯凍飲😻作為飯桶🤗主食仲揀咗白飯兩碗🍚最後係多到食唔哂🥺唔收加一之餘，食物份量真係好多！坐位又夠闊落👍🏻外賣自取仲有八折，絕對係疫情下刺激味蕾嘅選擇😋

川菜都係其中一種個人喜歡的地方菜，經過呢間，望吓餐牌，經濟抵食，睇到水煮兩個字，口水已經湧出嚟。火鍋、冰室將呢兩樣crossover，都幾有創意😅，店舖裝修同樣玩crossover ，既有dd大排檔feel，但同時又走工業風，最讚係座位之間嘅間隔夠寬敞，疫情下食得特別安心。朋友叫左個金湯酸菜肥牛飯，我就要水煮肉片(本來想食水煮魚，可惜店員話賣晒。咁好賣!?😱唔通好好食?)金湯酸菜肥牛飯 $55套餐除飲品外， 仲有大大碗住家靚湯，今日就有青紅蘿蔔豬骨湯，都幾足料。主菜金湯酸菜肥牛，個湯真係ok喎，比平時連鎖店食開嘅金湯更稍稍濃味。除左酸菜同肥牛，配料都好豐富，有腐竹、木耳、牙菜、萵筍、仲有椰菜😅。一個大碗，擠得滿滿的，睇到都開心。味道很香，加上小辣的刺激，回味無窮。 水煮肉片飯 $55辣度同麻度都分為BB、小、中、大。 本身唔太食得辣，於是揀左小麻、小辣。基本上配料同金湯酸菜肥牛果碗差不多，但酸菜換了麻辣香料後，味道完全唔同，個人覺得麻辣味調較得幾好，夠濃味，但又唔會辣到嗆喉。最驚喜係塊肉片，大大件，成件細豬扒咁，雖然大件厚身，但非常嫩滑，一啲都唔鞋，好味道。 $55 嘅川菜，有咁嘅水準

今日去咗元朗這家叫「撈得喜火鍋冰室」食飯，我同朋友就叫咗兩份川味系列，每份55元已經包含主食，大大碗的用料十足的例湯及飲品，性價比十分高。今日例湯是青紅蘿蔔豬骨湯，除了大大碗之外，而且用料及火喉十足，十分入味，絕非部分茶餐廳那些溝到十分稀那些例湯可比。由於我們不太吃得辣，經店主推介後我們點了以下兩款菜式。孜然薯仔牛柳粒 - 牛柳很腍很入味，醬汁是黑椒配上蜜味那種，微微辣恰到好處，送飯真係一流。金湯酸菜魚 - 麵方面叫咗做米線，大大的一碗，一上桌已感到吃驚，試過在其他店吃酸菜魚，這樣的分量絕對不止這個價錢。除了魚片夠新鮮啖啖肉沒有骨外，份量也夠多，配料也非常之十足，包括有腐竹、蓮藕片、薯仔片、大豆芽菜等，湯汁亦都非常之美味，絕對比得上其他幾間專賣酸菜魚的小店，十分值得推介。

呢排放假，差吾多每日都入元朗搵我男朋友我哋趁着六點前食飯，因為夜晚冇咗堂食同埋貪下午茶時段價錢會平啲餐廳店面大大，門口還有out door 如果吾係疫情，依個天氣坐外面會更舒服本來諗住打邊爐，但係又怕熱氣我地最後選左川菜套餐香辣蒜香排骨粒其實名副其實就是蒜香骨炸蒜炸得好香口，作為一人餐份量還算不錯。川辣南乳蓮藕腩片香香辣辣既南乳好好送飯同埋中意腩肉吾會鞋口但辣味算是少辣，喜愛吃辣可以叫佢地加辣。我男朋友貪去吃下午茶時段揀多咗個西多士餐其實性價比都幾高炸雞髀都幾大隻，而且炸得幾香口而且粗薯條係即炸熱辣辣

近排天氣開始凍凍地，邊爐癮又發作喇🤤晚市冇堂食就一於轉戰午市邊爐喇，位於元朗屏昌徑呢間火鍋冰室要黎試下呀🤩麻辣雞煲食到悶悶地，重慶麻辣烤魚都一樣啱晒我口味，午市套餐真係勁抵食，除左主食烤魚仲有火鍋配料跟埋，兩個人$300唔洗😱午市火鍋優惠套餐 $268包括有1. 招牌麻辣烤魚 2. 美國肥牛 3. 8款丸類任揀一款 4. 新鮮唐生菜 5. 飯/寬粉烤魚🐟今次叫BB辣黎過下口癮先，新鮮鱸魚配秘制麻辣汁見到都流口水🤤 烤魚大條厚肉骨又少，剛剛煎香落鍋 魚肉雪白嫩滑😋 辣汁濃郁又唔會好咸，配料索晒湯汁好惹味🌶美國肥牛🥩脂肪比例均勻又有牛味，薄切快熟入口即溶，有驚喜喎🤓丸類蟹子丸彈牙，貢丸夠肉味帶少少東菇香味，海膽丸顏色鮮豔又有濃郁海膽香味。唐生菜🥬切左最脆嫩的菜芯部分，吸晒湯精華又爽脆，細細件易入口。包兩杯自選飲品，芬達提子汁好飲🥤呢間火鍋冰室性價比好高，位置寬敞而且老闆娘服務很好，夠細心又貼地🥰如果想喺屋企都嘆到撈得喜既烤魚，同區只要消費夠500有外送服務，在家可以過一個暖笠笠笠既新年❤️

最近無得晚市堂食，但天氣涼涼地特別想打邊爐，今日lunch就同男友去左屋企附近既呢間冰室😁見佢有份menu主打川味系列，其實都幾吸引，不過今日打邊爐心切，下次先再試😆我哋叫咗椰子雞湯，黑豚豬腩，墨魚丸，唐生菜，同兩個飯😎湯底好清甜😍 馬蹄爽口，竹笙索湯😋雞件唔會太肥，有雞味，肉質嫰滑🤤豬腩片份量足👍 肥瘦均勻～墨魚丸足料彈牙，食到粒粒既墨魚，好有口感😋生菜爽口，浸落呢個湯底特別清甜特別好食👍整體黎講都係性價比唔錯既火鍋店🙌

想搵間烤魚隻味係夠香辣惹味，而唔係用化學野逼隻味出黎嘅，唔係咁易搵到，但呢間冰室就值得一試。🔹前菜 - 手拍青瓜、麻辣木耳：辣度都幾勁下，怕辣人士要小心。等條烤魚上枱前，食番幾件小食，辣下個胃，warm up 下，都唔錯嘅！而且都新鮮，唔係擺左好耐雪櫃嘅食物。🔹烤魚：麻辣烤魚，一見到滿滿嘅紅油，加埋條魚鋪滿醃製嘅香料，第一次食時有啲擔心會好濟/好濃味，但夾咗一口魚肉黎食之後，覺得佢個醃料好真，好香濃，係由真嘅香料去調配隻味，心機之作！講埋條魚，魚肉都算新鮮，魚皮同埋魚鰭位置都烤得非常之香脆（我就專食魚鰭位，夠晒脆卜卜！），加埋啲醃料，點一點啲紅油湯底，又香又麻又辣又脆，真係食到停唔到（我想加多條魚！）㊙️ 麻辣烤魚一定要食㗎啦！

今天朋友約食飯，來到元朗撈得喜，食自助火鍋。平日1位168，假期1位178。包括10款火鍋底揀任揀1個鍋底，5位或者5位以上可揀2個鍋底，汽水啤酒任飲，除佐生力藍妹和生力清啤就要另收費，每位仲送1杯特飲水果茶。其它打邊爐材料有各式丸仔，各種蔬菜，鵝腸，牛白頁，新鮮牛肉，肥牛，黑豚肉，蝦🦐，蛤，蠔仔，炸鱼皮，响玲和面食，仲有甜品和雪糕，等等。任食两小时，真係抵食。點咗麻辣烤魚味道正宗，魚用嘅係蘆魚，冇咩骨，皮香肉滑，加上麻辣味夠刺激，然之後來一杯夠曬冰凍嘅特飲水果茶，甜中帶少少酸，好正。地方夠大冷气又够坐得又舒服，下次屋企人聚會打邊爐都會選擇哩間撈得喜。

朋友強烈推薦話呢間打邊爐煲底多選擇，今日同老婆仔女試下，果然OK，食物質素新鮮，海鮮，肉類，菜類都多選擇，元朗少有這麼大間，座位都幾舒服，還有有特飲 甜品 雪糕，一家大細來都OK，下次會再來，老婆話同去深圳味道差唔多，沒得返回鄉下，但都可以食到地道的烤魚，好開心😃不過應該人手不足，聽面姐姐跑到不停，但得閒都會幫我們清理檯面垃圾，都算唔錯，個女最開心😃有她最鍾意的各種丸類和刀削麵，而且選料都比較好，好過有些放題都是用一些比較差的食材，一咬落去全是粉，食完邊爐個女即刻去拿雪糕，估唔到雪糕都好好味，店員話是維記雪糕🍦唔錯，多謝朋友推薦

同事住在元朗，相約到他家相聚，他介绍一間“撈得喜”，是食重慶麻辣烤魚，算是抵食每位收168，其他地方，可能要几百元才可以。而且，烤魚可以選大、中、小，不同的辣度，看着烤魚一路煮，又一路食，非常滿足。烤魚在煎煮其間，可以嗅到陣陣麻辣味，魚肉好彈牙好軟，大大塊魚肉渗上麻辣汁，可以想象滋味如何，嚼感一流，好彩是冷氣充足，否則必定食到汗流夾背。點了冰凍飲品，酸味味好醒胃，好sweet，可能時間去得早，所以不用排隊，就可以入内進食。

見openrice 食評都ok,天橋派傳單派到我手上，就假日試一下。佢有好多版本既打邊爐，我試左雞煲少辣bb麻，一黎2杯水果茶幾有誠意既。食完個雞煲出去拎d 料就黎了啦！！！得10幾款料簡，全部都最差質素果d, 最差果隻午餐肉，d 響鈴唔脆既，仲有d 食完好似食橡筋既牛肉，食左一舊無再食！😥仲有血色唔多好既肥牛😰最最最恐怖係果d 蠔仔，d 水勁黑啊，同佢隔離果盤血水豬肚，我唔知係咩？真係見到都唔開胃啊！！咁熱天時雪櫃唔夠凍雪料真係好恐佈，仲有臭味傳岀❌❌❌🤮🤮🤮又話有硯，我一隻都未見過？🈚️講番調味料架，佢無炸蒜果d, d人拎到好混亂，唔多衛生咁😰雖然野飲櫃無咩汽水選擇，不過有好多鴻福堂涼茶飲都唔差，仲有冷泡茶👍不過佢開門既方向好奇怪，好難拎野飲。食到最後啦，講下佢既甜品，有一個涼粉，但係無蓋既關係，傍邊既人整調味料好易整左落去，隔離個雪糕櫃都比人拎哂雪糕無再加過，不過有驚喜係佢有黑加倫子味雪糕👍總括，有冷氣但裝修環境服務都好大陸，員工不足又逼幾次拎野食員工都差d 撞到我，無咩加野，隅隔台小朋友行黎行去不停食雪糕涼粉，隔離台食到通地污穢又食完唔關爐😞😞😞😞講真$178 打邊爐咁既價錢荃灣

同一位同住大西北嘅朋友嚟到佢介紹嘅呢間店佢有雞煲、麻辣火鍋、烤魚等選擇全部任食嘅咁我哋叫咗烤魚～啲配料全部自助可以喺出面拎唔算話好多選擇一般嘅丸類、豆腐、豆卜、菜、菇、粉麵佢都有😋臨走先發現原來佢有啲熟食同冷盤🥲飲品都係任拎嘅不過冇酒類🥲另外佢會每人包一杯水果茶飲落都唔錯 唔係死甜個隻😛今次嘅主菜烤魚一上嚟就勁香😍佢條魚比想像中大同多肉同埋上鍋前應該炸過所以食落個皮好香口🤩個人覺得配薯粉真係好好好食😚而且價錢好大眾化每位$168（未加一）一定會再嚟🥰

元朗新既任飲任食火鍋平日食唔洗book都有位，地方大冷氣夠！$168一位，星期六日公眾假期+$10星期六日建議book定位湯底有10款個人認為椰子雞同重慶麻辣烤魚鍋比較吸引，結果揀左重慶烤魚，有大中小辣，揀左小辣，辣度都夠，越煲越出味。兩個人食有兩條魚！你冇睇錯，真係正，係一人一條🙊🙊鍋底有金菇，蓮藕，木耳等配料。加湯唔係加水，係加豬骨湯。小食有木耳青瓜！做法一樣，個汁唔錯，青瓜夠爽口！任食火鍋有蜆唔要唔洗加錢！抵食！冇沙！唔算太細隻，自己夾可以揀下。海鮮類有蜆、蝦、蠔、魷魚，個人認為蜆冇得輸，蝦都唔錯，火鍋食品都多選擇，不過我唔係太食肥牛，豚肉，雞肉所以冇食到。丸類大路食品，正常水平。魚皮餃同海帶結好正！豆卜串好正，出面真係好少見！索埋個重慶小辣湯一次過食好正！推介！！雪糕櫃有多種味道大大桶自己裝，推介：曲奇、香芋、櫻桃。其他味都好正！係維記。布丁都唔錯，配料唔算太多。送既水果茶特飲同珍珠奶茶，兩款都唔太差，好飲。飲品櫃都多選擇，可能送左兩杯野飲都好少出去再拎其他飲品。$168 一位，兩小時，唔洗加一 整體黎講係抵食，想再去試埋椰子雞湯唯一可惜係得日式烏冬同唔知咩牌子既公仔麵，如果有

見到任食火鍋平平哋又去試吓~因為佢話水煮魚係用生魚~烤魚用鱸魚🐟所以揀咗麻辣烤魚~有得揀麻度辣度呢樣讚👍🏼拍青瓜好食😋每人有一杯免費水果茶都幾好飲唔會好甜👍🏼至於個烤魚味係好味，條魚一般但都大條架。呢個價錢接受，慳錢選擇。