撈得喜火鍋冰室

營業中

休息中

【元朗惹味雞煲🍲撈得起火鍋冰室🔥】-今日要介紹呢間喺朗屏站嘅雞煲店『🍲撈得起火鍋冰室🔥』有得食雞煲同烤魚，之後落湯底打邊爐😍價錢方面平時就$188，繁忙時間就$208💁🏻‍♀️佢啲海鮮都幾新鮮，仲有啤酒任飲🍻呢個價錢都幾抵食😋-😋雞煲🍲雞煲上枱煮3分鐘炒一炒再等1分鐘就食得😍一打開蓋香味撲鼻🔥好香花椒味食落香辣惹味😳雞肉肉質嫩滑唔係嚡熠熠嗰隻😆建議收收汁落埋牛柏葉同埋魷魚😁索晒汁夠入味～-😋海鮮配料🦐海鮮選擇都算多，有大蝦、生蠔、魷魚、蟶子、花甲😌全部幾新鮮🥰大蝦彈牙啲花甲都冇沙😗-😋其他火鍋配料除咗海鮮，仲有唔同嘅蔬菜🎃有南瓜、芋頭😳娃娃菜、生菜🥬、金菇同雞髀菇等等😝最驚喜嘅就係佢嘅青瓜涼拌魚皮🐟酸酸辣辣又爽口！-😋甜品同飲品🥤涼粉滑捋捋淋咗花奶幾解辣🌶️仲有得自己𢳂雪糕🍦飲品就推介佢嘅竹蔗茅根😍清甜解渴😝打邊爐飲啱晒！-📍撈得喜火鍋冰室 (元朗)元朗屏昌徑14-48號聯發樓地下9-10號舖人均消費：$208

今次專程入元朗試呢間火鍋放題，最驚喜係個胡椒豬肚雞煲湯底！一上枱已經聞到超香胡椒味，湯底濃郁得嚟唔會過鹹，豬肚份量多到嚇親人，而且清洗得好乾淨，完全冇異味。雞件嫩滑，我同朋友飲咗兩碗湯先捨得開始打邊爐～暖胃又滋補，冬天嚟食肯定正到爆！🦐 海鮮控注意！生蠔鮮蝦新鮮上枱 以呢個價位，海鮮選擇算幾豐富： ✅ 檸檬生蠔：每隻都肥嘟嘟，加咗檸檬片辟腥，檸檬生蠔要控制火候，過熟會縮水 ✅ 鮮蝦：蝦肉爽彈 ✅ 蜆類：吐沙乾淨，煮開後冇一粒有沙 仲有青口同魷魚，海鮮補貨速度好快，完全唔使驚搶唔到 🥩 肉類高質！牛肉＋手打鯪魚肉必點 🔸 牛頸脊：油脂花紋靚，涮8秒就食得，肉味濃郁 🔸 手打鯪魚肉：全場MVP！超彈牙又鮮味 仲有豚肉片同雞肉可以揀，肉類選擇算多 🍢 配料區超豐富 補貨神速 ▪️ 丸類：彈牙 ，尤其墨魚丸同蝦丸 ▪️ 蔬菜：款式多又新鮮，推薦西洋菜同唐生菜 最抵讚係雪櫃補貨速度超快，完全唔會有空櫳情況 🍧 甜品飲品有驚喜 ▪️ 自家製竹蔗茅根：清甜解膩，打邊爐絕配 ▪️ 雪糕：有齊雲呢拿同朱古力等等口味，飯後必食 $200幾食到咁高質嘅湯底、生蠔鮮蝦同手打鯪魚肉，

「撈得喜」的招牌椰子雞煲一直都令我念念不忘，花$208享受任飲任食，無疑是物超所值。坐下後，首先挑選的是那一鍋熱氣騰騰的椰子雞煲。以新鮮椰子肉和白滑香雞熬製而成，濃郁的椰香讓我忍不住想立刻品嚐。一口湯下肚，滑順的口感和香濃的味道瞬間撲鼻而來。雞肉吸收湯底味美，散發出自身鮮味，相互交融，令人一口接一口，一試難忘！除了不同湯底配搭的肉食，餐廳亦提供多樣食材，任君選擇：牛肉、豬肉、海鮮、蔬果和肉丸等等，各具特色。大蝦真材實料，每隻都很碩大彈牙，增添海鮮風味；牛肉片薄而嫩，十分新鮮！肉丸的豐富肉香，則讓整道菜更加立體，特別是有一款魚蛋，咖哩汁竟內藏於魚蛋內，十分過癮！餐廳提供任飲的飲品更是亮眼，因為除了各式汽水啤酒，它們特製的清新冷泡茶、鮮豔的火龍果汁、竹蔗茅根水等，都讓人眼前一亮。任吃雪糕更是驚喜！紅豆味和芒果味出眾，令人找回童年回憶！冰涼的雪糕，與滾盪的火鍋餐形成強烈對比，令人神清氣爽。撈得喜火鍋冰室 (元朗)地址：元朗屏昌徑14-48號聯發樓地下9-10號

如果以每人240元任食2小時的火鍋，當中已包括每2人半隻雞份量的雞煲，海鮮雖然選擇唔太多，飲品 (包括啤酒)任飲，仲有自助雪糕任食，性價比真係高。椰子雞煲個湯都幾清甜，雞肉未至於好“鞋”肉類方面有2款牛肉及1款豬肉，當中肥牛就略為太肥，而另一款牛肉OK。海鮮以花甲較為出色，蟶子都食咗1 round，相對無花甲咁新鮮，其他如蠔及蝦就無試到。丸類一般大致上都有，蔬菜方面的選擇都唔少。基本上2個鐘係可以食到飽。整體的清潔及衛生有改善及加強的空間。

呢間冰室中午係食小炒小菜午餐，夜晚係做任食邊爐為主，烤魚同埋雞煲好多人食，但我今日想清淡嘅就揀左椰子雞煲，$208一位。一坐底揀咗湯底就去拎啲前菜食，都幾開胃自助區嘅選擇亦豐富，有幾十種抵邊爐嘅食材，同埋多款飲品，仲有夏天最啱飲嘅解暑竹蔗茅根，表示非常滿意🤭連啤酒都可以任飲😱湯底鋪滿咗新鮮椰青水同椰肉，開火滾起陣時已經聞到好香嘅椰子味，雞肉質地算嫩滑，落鍋滾幾分鐘就可以食，啖湯入口清甜，有淡淡嘅椰子香，飲落唔會膩。最後唔少的當然係食雪糕啦，有5款味揀，滿足晒🤭

我屋企人話好肚餓，所以我提議咗去食雞煲放題。之前經過呢一間餐廳已經想試，今日終於有機會啦。晚上7:00之前離座有優惠，成人只需$188位，任飲任食兩小時。見到隔籬枱嘅麻辣雞煲色香味俱全，原本都想點嚟試吓，但由於屋企人唔想食辣，所以我哋點咗一個椰子雞煲湯底，隨窩附送半隻雞切件。店員同事奉上一個漏斗，教我哋水滾之後落雞件，反轉漏斗計時，果然有講究。雞件滑溜，椰子湯底新鮮清甜，據說是用三個新鮮椰子組成的湯底。內裏還有新鮮椰子肉。純天然，好健康，好味道。自選區食物非常豐富。肉類方面，有肥牛，豚肉，雞件。海鮮方面，有蝦，蜆，蟶子，魷魚仔，蠔，等等。蔬菜的選擇也很多。整體食物材料新鮮。另外還有自助調味料區，飲品區以及非常吸引的雪糕區。推介紅豆雪糕有很香的紅豆味和紅豆粒，不會大太甜。就算很飽，也吃下了兩個雪糕球。由於性價比十足，已經約了好朋友於下個月再返來大吃一餐。

六一唔單止係兒童節，仲有屋企個“老兒童”生日，女話要打邊爐。唔想自己忙餐死，決定出去食。五點半就出門，早啲來唔使book位，揀咗個蒜香烤魚，一上臺賣相就令人胃口大開，上個月去試咗元朗另一間大熱烤魚，老兒童話都係呢間味道更啱佢，比較香口，性價比又高，配菜任攞，份量自己決定，唔使行幾十轉。三個人連加一，都只係700幾。人多啲仲可以揀多個鷄煲唔使加錢，隔離8個人就要咗三個唔同煲底，份量十足👍🏻下次約朋友再來

任食兩個鐘…乜都有得食🔵藥膳火鍋足料+濃味！正！飲咗湯先食雞🤣飲左兩碗先碌材料😙🔵雞肉一上煲，已經有碟雞+漏斗，自己計時間食落嫩滑，唔鞋口😚🔵新鮮蜆、蠔仔大大粒，好新鮮💯一人食左一打🤣🔵蝦🦐大隻，食落爽口～🔵菜有生菜、油麥菜、娃娃菜、芫荽雞髀菇、金菇、萵筍、蓮藕片、白蘿蔔、冬瓜都好多款🔵雪糕🍦任食+有幾款味🫶🏻試左紅豆、雲呢拿&朱古力全部食材、醬料、飲品都係自助🫶🏻

$178 all you can eat! Such a great deal!🐷overall: 7/10🥘chicken pot in Pig Stomach Soup with White Pepper 胡椒豬肚雞煲The tantalizing 雞煲 (chicken pot) in Pig Stomach Soup with White Pepper has a fragrant aroma of the simmering broth. The first spoonful of the broth revealed a depth of flavors and possibly an hour long of efforts. The tender chicken meat was quite tender and better than expected. I really enjoyed the bowl of udon noodles in the broth with an infusion of white pepper that added a subtle

一入到去已經香到流曬口水🤤 今次主攻佢哋嘅正宗麻辣雞煲！辣勁十足但又唔會燶喉，雞肉滑到好似要跌出嚟咁，醬汁濃郁得嚟又帶住微微椒香，配菜嘅土豆、藕片吸滿晒麻辣湯汁，越煮越惹味，食到停唔到口！最正係佢哋嘅自助火鍋區！肥牛卷肥瘦均勻，一涮就熟；豬肉片鮮嫩多汁；大蝦又大隻又彈牙🦐 仲有好多款台式肉丸，爆汁魚蛋、芝心包樣樣齊！飲品區嘅手調玫瑰荔枝茶真係解膩神器，冰冰涼涼配火鍋一流！隱藏彩蛋🧐 除咗雞煲同火鍋，佢哋嘅烤魚都好正！唔食得辣嘅朋友仔都唔使擔心，番茄鍋同清湯鍋都好有心思～趁依家唔使排好耐隊，快啲約埋班friend去開餐！夏天打邊爐先夠過癮，食到成身汗再飲啖凍飲 好鬼正

呢日去完元朗市中心，夜晚朋友揀咗撈得喜火鍋冰室，想食烤魚同火鍋，平民價錢，而且火鍋仲係任飲任食兩小時，7點前-9點後入座，成人$188-$208/位，小童$128-$148/位，仲有好多窩底選擇，認真抵食。蕃茄味烤魚揀咗蕃茄味烤魚，所有烤魚選用鮮活海鱸魚，條魚都幾大條，魚皮煎至金黃香脆，鱸魚冇咁多細骨，肉質細膩，鮮嫩多汁，味道鮮美，魚肉肥美肉厚，一啲都唔腥，食起嚟脆脆的，好香口，仲有鮮爽嘅蕃茄，加上湯底清甜，鮮味十足，必食推介。火鍋湯底剛剛食完蕃茄烤魚，就要左個清湯底(不用收費)，味道清甜。另外有多款火鍋湯揀(加 $)。任食火鍋自助區嘅火鍋配料有好多選擇，肥牛、雞肉、涼拌小食、豆製品、菇菌、丸類、蔬菜等，仲有生蠔、鮮蝦、魷魚、蜆、雞蛋、粉麵、調味料等等，仲有款式多元化，樣樣都好新鮮，食物高質，價錢親民。飲品方面，有特色嘅水果茶、涼茶、汽水、啤酒等  ;  而甜品有喜歡嘅雪糕、布丁、啫喱等，好味道。

朋友話近朗屏有間佢哋成日去食午飯，好抵食嘅呢晚我哋嚟試吓佢嘅晚市，原來更精彩係食烤魚或雞煲+自助火鍋。黃金時間七至九點都係二百幾蚊一位，幾抵食。每款鍋底都有佢特色，而且味道濃郁，做火鍋底夠晒味，連醬汁都唔使點。我哋揀咗蕃茄烤魚魚肉厚，仲起埋肉，唔使怕細魚骨，蕃茄味濃厚，而且好多配菜所以味道好豐富。任食區都有驚喜，因為有肉片揀仲有海鮮，亦都有鯪魚肉有包心丸飲品區特別推介竹蔗茅根，超級配火鍋。嘩仲有雪糕食，超值啊。店內姐姐服務仲好好架！

呢間撈得喜火鍋冰室都幾大，好多位，座位都舒服，冷氣又夠，唔怕熱。我哋叫左個BB辣既秘製麻辣雞煲，侍應送上雞煲後，煲3分鐘就可以食。打開蓋，即刻聞到好香，上面有大量芫荽同芹菜，撈勻佢，個雞煲就可以食啦。雞煲入面嘅雞大大件，好有肉，最重要嘅係啲雞好滑好嫩，完全唔柴，加埋佢秘製嘅湯汁，好惹味！食完個雞煲都已經有八成飽，個雞煲勁足料。自助區入面有好多選擇，有豬肉、肥牛、蝦、牛柏葉等唔同嘅海鮮同肉類。當然亦有唔少丸、芝士腸，同豆類製品同蔬菜，有豆腐、豆卜、菇等，好多野食，如要驚唔夠飽，仲有烏冬同公仔麵，一定食得飽。佢哋仲有小食，甜品，同埋自家製既水果茶同泡茶，真係幾正！兩小時任飲任食雞煲加火鍋，真係食到好飽，佢仲有好多唔同既湯底，例如椰子雞、胡椒豬肚雞可以揀，或者揀烤魚都得，總有一款岩食。

與朋友一起享用晚餐時，我們選擇了一家提供豐富火鍋選擇的餐廳。鍋底種類多樣，包括麻辣雞煲、酸菜魚、以及清新甜美的椰子雞，每一款都風味十足，超好食。食材方面更是驚喜連連，海蝦、蜆、八爪魚仔、丸類和多項蔬菜選擇。飲品選擇同樣多樣化，啤酒、茶及可樂一應俱全，滿足不同喜好的需求。最值得讚賞的是湯底濃郁，唔需要額外加醬汁都好夠味，我鍾意最後加入烏冬，可以吸收湯底的精華後，濃郁的味道令人回味無窮。整體而言，這次聚餐既滿足了味蕾，也增添了與朋友互動的歡愉氛圍。推薦給愛火鍋的人一試！ 😊

之前屋企人幫襯開所以介紹左呢間比我地搞生日聚會,由於我地數有16人後加左個小朋友共17人,一開始都擔心座位會被安排坐到天各一方,所以我remake咗希望可以盡量安排我哋坐埋一堆,老闆娘超好人,將我地安排晒一堆坐,大家傾得盡興👏🏻👏🏻👏🏻當天舖頭提早打比我幫我確認我地8個煲要雞煲/烤魚/椰子雞煲既數量幫我地預前準備,我地一到場就可以準備開吃,店員見我拎住蛋糕主動埋黎幫我冷藏,配料選擇唔算多,但基本肉類素類麵食都有,特別一提係佢地既蝦,肉質爽脆,我地食左好多😋3款煲我地都有叫,好食👍🏻食夠仲有足夠既湯比我地添加打邊爐食到夠,果汁茶類啤酒任飲,佢地啲檸茶好岩我飲,淡淡地但好解渴,其實齋食鍋都好夠飽肚,所以配料款式基本野足夠已經好滿足👍🏻地方夠晒光猛,冷氣夠,坐得舒服,傾得盡興,食得開心,最後切埋蛋糕我地就散水,有下場既人就繼續去玩,到第2日都介紹左呢間店舖比朋友叫佢地去試下👍🏻