撈得喜火鍋冰室

營業中

休息中

🌃 餐廳設計與茶餐廳無異， 午餐主打川味小菜， 而晚餐主打川味放題， 餐廳大堂有自助吧位置， 擺放前菜、火鍋配料、雪糕、 飲品 及醬料吧等等。.🤠 通粉foodie 就叫了 麻辣雞煲火鍋放題， 平日早鳥時段， 五點食到七點， 任食兩小時， 價錢係158蚊， 除咗麻辣雞煲仲可以選擇椰子雞煲、酸菜魚、水煮魚以及各款口味嘅烤魚。.🍲 雞煲放題包括 前菜類、海鮮類、 肉類、丸類、 粉麵類、 雜菌蔬菜類、 飲品類、 雪糕類。.🐓 麻辣雞煲分量好多， 小編選了小辣， 其他香料幾足， 尤其是非常非常非常多芫茜， 好適合芫茜控 ，炒起嘅時候香噴噴，雞件算鮮嫩， 仲有唔少豆卜索汁好惹味 ，食完雞煲可以倒湯底 打邊爐。.🥗前菜類👉包括川味雲耳、川味青瓜。.🦐🦑 海鮮類👉包括海蝦、海蜆、蠔肉。💟 海蝦是必食的， 大大隻新鮮彈牙。.🥓主要肉類 👉包括豚肉同埋肥牛。.🥕蔬菜類👉包括唐生菜、蘿蔔、 雜菇、 皇帝菜、冬瓜、鮮腐皮、娃娃菜、 雲耳 、粟米。.🍦 雪糕類餐廳供應桶裝雪糕， 要自己筆，有雲呢拿、芒果、 朱古力味， 綠茶味等等 ， 其他口味請看圖片。.🍹飲品類包括 自家製飲品( 水果茶、 精選冷泡茶) 、各

你哋知唔知秋天係有味道㗎 ？感唔感覺到呢！秋天嘅味道，當然就係雞煲同打邊爐嘅味道啦！今日嚟到朗屏附近嘅撈得喜火鍋冰室，價錢相當親民，200蚊都唔洗就可以任飲任食兩個鐘。但配料同湯底都唔馬虎，性價比超高！湯底有十幾款選擇，包括麻辣雞煲、唔同口味嘅烤魚、椰子雞、水煮魚、酸菜魚等等，真係選擇困難症發作呀！最後，我哋揀咗麻辣雞煲，麻香十足，又香又辣，雞件大件但相當入味，數量亦都唔少。如果你係雞仔肚嘅話，分分鐘食完個雞煲都見飽嚕。配料餐廳配料以自助形式，想食幾多就攞幾多，最重要係唔使等呀！火鍋配料超過20款，估唔到呢個價錢連海鮮都有，例如蜆、蝦、蠔等，而且蠔仲要非常甜美肥大，真係無限encore！其他配料仲有肥牛、豬腩片、鵝腸、午餐肉、萵筍等等，真係非常滿足，絕對係科天嘅味道呀！飲品飲品除咗汽水、茶、啤酒同烏龍茶之外，竟然連水果茶都有，如果你硬要同其他台式飲品店比較，佢未必會贏，但勝在打邊爐都可以飲番杯足料水果茶，就肯定夠晒解渴！

元朗出名多好嘢食，這天打風後在屋企附近搵食，見呢間火鍋冰室打完風都可以全場爆滿，一於試一試佢。 打開menu，連人頭收費，食足2個鐘都唔洗200蚊，仲有唔同口味嘅烤魚、水煮魚、酸菜魚、椰子雞煲、麻辣雞煲可供選擇，今日想食雞煲。 這個雞煲是重慶味應該偏麻，所以我地都唔敢叫太辣，只叫小辣，估唔到個醬汁味道幾正，小辣真係小辣，帶點麻香。雞煲配料非常豐富，花椒八角洋蔥紅椒指天椒青椒蒜片薑片豆卜等，配料味道好香，雞煲滾後再炒一炒雞件，原本以為兩個人食都唔會太多雞，點知份量原來都幾多，雞件肉質嫩滑，十分惹味又不算太鹹，下次可以再試吓中辣！ 食過雞煲後可以再加湯打邊爐。食物、飲品方面就自助形式出去拿。 先講飲品方面都算齊，各式汽水、啤酒之外，仲有自家製冷泡烏龍茶及水果茶都任君選擇。 打邊爐食物方面都有好多選擇，有海鮮、丸類、手打丸、肥牛、豚肉、黃油雞、蔬菜、菇類等等，由於是任食，就是食到幾多拿幾多便好。 最後仲有雪糕作結，這夜我們食得滿足，豐豐滿滿地回家。

話說前幾日又入左元朗國覓食🤪原來有間幾抵食既火鍋放題～分別有雞煲.烤魚.水煮魚.酸菜魚.椰汁雞.多款火鍋湯底可以揀 整體味道都不錯同樣係任飲任食兩小時 食物選擇雖然不算特別多但價錢都幾划算食到飽一飽平日晚上去都幾多街坊食😗 住附近可以一試!.▫7時前離座/9點後入座 $158▫7時-9時 $178都係揀左雞煲(՞•֊•՞) 兩個人大約有半只雞雞件大大件惹味卦汁 充滿麻香後勁帶點微辣可以去拎埋魷魚豬皮加料 索埋汁ho jeng😗之後再自行加湯繼續打邊爐～.其他火鍋配料和飲品都是自取的.ᐟ‪‪.ᐟ我要推介店家自家制的生果茶 味道清甜唔錯火鍋配料有各種丸類.豆品類.蔬菜🥬 竟然有長條形油揚 配烤魚感覺會更入味😚肉類有肥牛.豚肉.雞肉.鮮牛肉海鮮有蝦.蜆.蠔.都幾新鮮不錯🙆🏼‍♀️

經網友介紹話元朗呢間火鍋店最抵食，睇openrice見D配料相片，其實無咩期望。見$178位都唔算貴，即本睇下咩料子！地方唔算大，但大部份座位係卡位，坐得舒服又有私人空間。湯底好多選擇，有不同麻辣烤魚，秘制麻辣雞煲，椰子雞煲，水煮魚，酸菜魚...全部都係食左先打邊爐，唔怕餓親。見隔離檯D烤魚好大條，兩個人怕食唔哂最後我地叫左酸菜魚，好快就上左檯。唔係講笑，好鬼足料，食完應該飽晒！魚片連皮好正，唔算多骨，湯底味道剛剛好，食到一半就開始打邊爐。自助形式，款式都係大路野，但要推介佢哋嘅手切牛肉，睇個樣唔吸引，但食落牛味香濃，又唔韌，真心回本！手打鯪魚肉丸，呢個堅真材實料，所以都食左唔少～仲有海鮮有蝦及沙白，同樣吸引。其他配料都正正常常，有我最愛腐皮串串。飲品方面，除左啤酒任飲，仲有自家製果茶，不過我晏左少少去，所以試唔到，so sad...唔緊要，臨走食返杯雪糕補返數。

=  =  =  =  =  =  =  =  =  =  =  =  =  = 💬 總括: 值得Encore，價錢抵食，湯底選擇多，重量重質任食火鍋環境：★★★★☆ | 味道：★★★★★服務：★★★★★ | 抵食：★★★★★———————————任食火鍋質量好參差，大多都重量不重質，估唔到係元朗搵到間重量重質，仲要係街坊價錢夠吸引。 打開 Menu，見到有唔同口味嘅烤魚，仲有水煮魚、酸菜魚、椰子雞煲、麻辣雞煲等，款式都好多款可以選擇，兩個人可以揀一款煲，四個人以上可以揀兩款。 平時食得多雞煲，今晚試下酸菜魚。點咗小辣酸菜魚，Order 完先拎飲品，基本汽水、啤酒都有，值得推介大大杯嘅水果茶，入口冰涼微甜，超解辣解渴。———————————————— ▼ 餐前小食有2餐前小食，酸酸辣辣同樣開胃———————————————— ▼ 酸菜魚 酸菜魚好快上枱，分量相當大好足料。店員提醒我地，上枱後唔好開火煮，就咁食就可以。魚片應該先泡過油，食落唔會散開晒，成盤魚片啖啖肉，完全冇碎骨。湯底酸香味濃，微辣啱啱好，鍋底有好多瓜菜，食到最後浸到入晒味。 ———————————————— 食完酸菜魚

朋友介紹元朗有間任食火鍋超抵食，仲好近朗屏站，一出行2,3分鐘就到。落大雨都唔怕☔🌧️。先講講價錢，$178/位加一，每2人一份主食雞煲，啤酒汽水任飲，自助吧任夾任食，呢個價錢真心吸引，二話不說衝左入去食啦😎。餐廳話就話係冰室，但坐位闊落，一d都唔逼，環境光猛，亦都衛生乾淨，店員工作亦有戴手套，令食一眾食客倍感安心。之前上網睇過餐廳主打係雞煲，。但我見到每枱都食緊烤魚，經店員介紹原來烤魚係新出，由於味道實在太香啦，我地本身諗住嗌雞煲都改變主要食烤魚！下次要嗌多2個人黎一齊食，咁就可以一條烤魚+一份雞煲啦！🤩烤魚只得一款口味：泡椒烤魚🐟🐟🐟。鮮辣椒份量頗多，但食落唔會太辣🌶️🌶️。辣度界乎小辣-中辣之間。魚係鱸魚，無乜骨，魚肉亦軟滑，吸晒湯汁&辣椒既香氣，鮮甜惹味👍。底下亦配有多款蔬菜，冬瓜，蘿蔔，南瓜，薯仔，芽菜，豆皮等，全部都好適合打邊爐，唔夠既話仲可以去自助吧度自己夾。😚講起自助吧，不得不讚一下，原以為呢個價錢，任食應該無乜野食好選擇。結果我錯了😝！除左有平時見開既肥牛，豚肉片，各種丸類之後，仲有鵝腸，牛栢葉，水魷，豬紅。而且居然有大蝦同大蜆🦐🐚，手切牛，同埋蠔仔🦪！每樣食材都係新鮮，尤

撈得喜火鍋冰室 | 椰子雞🥥🐔 烤魚 打邊爐❤️成日朋友都係九龍，難得今次大家都住新界，於是係元朗食飯。元朗餐廳林林總總，但見到一間餐廳平日都接近滿位。而且都幾平7pm - 9pm 晚飯時間$178 就可以食到打邊爐 或者烤魚湯底可以選擇水煮魚🐟🐟，椰子雞火鍋或者雞煲🐔🐔我哋最後選擇咗椰子雞，湯底十分清甜大量椰子肉，神奇地食到最後都仲有椰子味 😍😍椰子雞肉質非常好， 而且外面自助火鍋配料區應有盡有因床椰子湯底鮮甜關係，食咗好多菜🌽豆腐豆完全吸收椰子雞湯精華火鍋配料區:海鮮有凍蝦🦐🦐， 蜆肉 ，蠔肉方面就有肥牛同埋豬肉各樣既丸類各種各類蔬菜菇類🥦🥦🌽🌽飲品區: 大路既氣水同埋包裝飲品仲有埋水果茶可以飲 真係第一次見除左氣水之外 仲有啤酒飲🍴整體評價：椰子雞湯底十分鮮甜🥥🐔 餐牌度話用左3隻椰子水連椰肉配埋豆卜食 可以完全吸收曬湯既鮮甜火鍋配料選揀都好多 食完椰子雞仲落料打埋邊爐十級滿足🥥🥥🥥推介指數: ⭐️⭐️⭐️⭐️——————————————————————————————📌 元朗屏昌徑14-48號聯發樓地下9-10號舖⏰ 星期一至日 06:30 - 22:00付款方式現金——————————

我哋七點幾入座就係$178一位之後佢有好多唔同類型嘅鍋底可以選擇（例如係烤魚、麻辣雞煲等等）而我哋就揀咗要椰子雞煲咁首先講咗嗰個椰子雞煲先啦我自己就覺得呢個湯底幾清甜同埋有好濃郁嘅椰子香味🥥🥥（因為有好多椰子肉係入面）雞肉食落去都幾嫩滑🥰🥰而且兩個人食半隻雞真係啱啱好跟住就講吓出面其他可以拎嘅配料啦牛肉食落去比較有口感豚肉食落去有少少煙韌嘅感覺🤔🤔好似係牛肋條形狀嘅牛肉食落去就比較爽口（配埋自己調製嘅醬料就更加入味😋😋）跟住出面亦都有幾款海鮮可以任拎我自己就覺得海蝦同埋蜆肉食落去幾新鮮🤩🤩之後比較少喺打邊爐舖頭見到嘅蠔粒食落去都唔錯最後出面亦都有好多唔同類型嘅嘢飲同埋雪糕可以任拎比較特別嘅係有自家製嘅水果茶可以飲

之前經過呢間任食烤魚打邊爐店，見到好多人等入座，價錢都幾平，就決定搵一日嚟試吓～除咗有唔同口味嘅烤魚之外，原來仲有水煮魚、酸菜魚、椰子雞煲、麻辣雞煲，價錢非常街坊價，7-9pm入座、任飲任食都只係$178！唔怪得咁滿座我地揀咗藤椒味炸魚，一拎埋嚟勁香噴噴，條魚先炸過，外皮脆又香口，魚骨唔多，啖啖肉，湯底愈煮愈惹味，我中意食辣就覺得好正食完烤魚後，出面雪櫃仲有其他食物拎，我緊係拎啲回本野先，推介嘅有蜆、蝦🦐，肥牛、雞件！蜆肉無沙算大隻，最受歡迎嘅蝦隻隻都大隻，蝦肉唔霉唔痴殼，雞件都好食，唔係啲淨得肥皮肥膏其他菇類、菜類、丸類呢啲大路野，都算齊款，仲有手打鯪魚肉。街坊打邊爐點可以無啤酒🍻飲品種類唔算多，比較特別嘅有水果茶，唔甜健康啲，都幾fresh後尾睇其他食評講有雪糕，但係我個日唔知道，如果唔知擺係邊睇唔到，一啖都無食過😭😭

路過見到呢間餐廳有烤魚放題就bookmark左再上黎呢度睇食評！平時出去食烤魚都起碼三百幾蚊一條魚，唔計其他配料。呢度竟然百幾蚊一位就可以任食 Book左位去到見到接近滿座。 同平時出面食個啲烤魚有啲唔同好似炸左咁 但係好食嘅 特別推薦自助區嘅手切牛肉 本來覺得有啲可惜嘅係無甜品食 但翻屋企再睇食評先發現原來餐廳係有雪糕生果可以食 但我當時無留意到 見啲水果茶一杯杯咁擺係飲品區 幾乎每枱人都有一杯或以上 但個人覺得隻色有啲恐怖😂

位於元朗朗屏西鐵站下蓋 不論家庭/朋友聚會很合適主打 重慶原條烤魚， 麻辣雞煲，酸菜魚鍋，椰子雞鍋，水煮魚片 等供選擇，全場多款新鮮火鍋食材配搭任食，全場各款飲料，新鮮水果茶任飲任食。———————————————是日點了水煮魚片煲✨🐟🐟相當夠份量，魚片嫩白又鮮甜融合惹味的麻辣湯汁，食完魚魚加湯湯再火鍋自助配料區還有新鮮海鮮（蠔，蜆，蝦），豚肉肥牛嫰雞，豆製類，豬紅，蔬菜任食飲料除左酒精，有烏龍茶同新鮮水果菜，解茶食到開心見帳單又開心撈得喜火鍋冰室地址:元朗屏昌徑14-48號聯發樓地下9-10號舖撈得喜火鍋冰室電話訂位: 36191511價錢：晚上7-9點入座 *$178/位 9點後入座*$158/位

因為屋企人喺元朗嗰邊返工所以有時都會去元朗食嘢🤣今次屋企人介紹左一間喺元朗都出名專門食冰室火鍋的地方～٩(´ε｀ ٩و～～～～～～～～～～～～～～～～～～～～♪ 椰子雞鍋放題套餐 $158 (9/10)因為我同屋企人比較早食飯，可以享有呢個5-7點早鳥優惠🫶🏻不過如果大家就唔到咁早，7點入座都係貴多$20～依然抵食。☆:.｡. 蔬菜.｡.:☆其實除咗最基本火鍋🍲有嘅蔬菜之外，最近我覺得驚喜嘅係有啲特別嘅蔬菜，例如淮山萵筍等等，就連竹笙都有呀。當然杏鮑菇、金菇同埋木耳等等都不例外啦。☆:.｡. 海鮮.｡.:☆其實最令我意想不到的係，呢度居然有沙白提供！而且仲有魷魚等等，唔好以為平冇好野，沙白粒粒勁大粒又好鮮甜！超正～☆:.｡. 配料.｡.:☆火鍋🍲基本有貢丸牛丸龍蝦丸等等，芝心丸同蟹籽丸都係一應俱全。最正係居然連鴨血同埋鵝腸都有！而且豆卜呢啲都係份量十足，唔怕你拎最驚你食唔曬，少少可惜的係，鴨血冇咩味道，不過靠調味可以補救。☆:.｡. 肉類 .｡.:☆ 因為我地叫左椰子雞湯所以本身都已經有不少雞塊，而且佢地都有提供豬同牛。雖然豬同牛質素唔會話好好，始終一分錢 一分貨，不過火鍋有肥牛塞牙縫

任飲任食2小時自助打邊爐有咁多窩底揀😋點解冇人講?仲係可以揀雞煲, 多款魚煲 之後再轉打邊爐🤤小編揀左"藤椒味烤魚" 佢係原條大鱸魚 有骨 但唔難食 D骨都大條條魚大過塊面 而且佢魚皮係有調味 有炸過 魚肉非常滑嫩 魚肉都好扎實 底部有大量配料 洋蔥 蓮藕 芽菜 芫荽 蘿蔔根本上食完個烤魚都飽左一半🤣🌶️藤椒算係小辣 小麻 非常開胃食完個烤魚就加湯打邊爐任食黎講佢D自助料都算多同埋新鮮~蝦🦐勁大隻, 蜆, 蠔都唔會腥, 仲有黑豚豬肉, 肥牛, 菜, 一般火鍋料 都係任拎簡直係一個價錢 兩種享受晚市成人每位都只係$158-$178 (唔同時段)🧡性價比超高🧡📍撈得喜火鍋冰室📌元朗屏昌徑14-48號聯發樓地下9-10號舖

一到夜晚，元朗好多食肆都開到好夜，好多間都系大排檔。突然見到間門口有少量卡位的餐廳，原來係方便帶寵物的顧客，超級貼心。 去到咁岩室內得番一張枱，就入左去試，晚上7-9點入座$178，而9點打後入座都係$158，仲要系自助火鍋放題，算系平民價，而且好抵食！ 我見餐廳最多人嗌就系烤魚、酸菜魚、水煮而魚同埋椰子雞鍋。最後我地想清清地就嗌左個椰子雞鍋。湯底黎到果時，店員講解幾時落D雞件，講得好詳細，店員仲話果湯底用左3個椰青水去煲，味道會好清甜。椰子雞鍋要等椰水滾起再放雞件，跟住反轉沙漏⏳，待沙流完便可。好玩之餘仲好好味。 出面有齊晒開胃小菜、調味料、以及各類海鮮、蔬菜、丸類，點少得肉呢！肉都分左好多類別，可以講話應有盡有。而我每次打邊爐第一時間係去飲品櫃揀野飲，有餐廳自家調配的水果茶，以及其他盒/罐/支裝飲品，仲有啤酒飲。地方都叫闊落，冷氣夠晒大，坐得又舒服，下次聚會都可以再試尼間。 📍撈得喜火鍋冰室（元朗）地址：元朗屏昌徑14-48號聯發樓地下9-10號舖