捌哥.捌哥特色馬拉茶啡廳

營業中

休息中

之前都有幫襯開，出咗消費券諗住嚟支持下。疫情前繁忙時間要等位，今日入去唔洗等暗喜，但原來係有原因既。坐低打開餐牌覺得加左價，單叫最少$7x。點左碗老鼠粉，朋友就點左個午餐牛肉飯。大家加多杯野飲，見咁貴都唔敢點小食。個老鼠粉拎到嚟我哋都呆左，又細碗啲料又渣，但收同我朋友個飯一樣價錢，想攞張紙巾都話要收錢。埋單時出錯單仲要俾老闆串，我明白市道唔好要將貨就價，但都唔可以太過份，咁既食物同服務質素我真係唔會再幫襯。

路經門口見到個招牌幾特別於是行入去試下，行到入去望下周圍環境啲裝飾都古色古香，都幾特別！行入去同個講廣東話唔正女樓面講一位（之後我聽到佢同人傾偈所以知道佢講嘢唔正），佢望一望我就唔理我，跟住我再講多一次一個，佢都係唔理我有另外一個馬來西亞女樓面人（我估係馬來西亞）就叫我隨便坐！於是我自己搵位坐，望下個餐牌同埋個價錢都比較貴少少，如果好食或者服務好我都覺得值得不過就食物就一般般，服務就非常差叫左過福建蝦面試下個廣東話唔正嘅女樓面攞碗面過嚟就大大力劈落嚟！心諗服務唔好可能啲食物好食可以補救！點知試咗啖湯都係麻麻地同埋個辣椒醬有啲苦味，同埋份量都係一般般！（肯定冇下次）總括嚟講（10分為滿分）味道6分環境8分服務1分價錢5分

食得舒適嘅馬拉午餐！相比起隔離街嘅同類型餐廳，呢間捌哥捌哥少啲人等位，餐廳環境闊落啲，感覺食得舒服啲好味啲！辣死你嗎配娘惹咖喱雞肉$65- 雞腿肉唔算大份，不過咖喱非常惹味，用嚟送飯食一流。個飯冇乜椰漿味道，不過賣相幾靚。推介！辣死他啦配仁噹牛肉$65- 個飯用咗碟豆花嚟調色，其實味道同綠色嘅椰漿飯差唔多，牛肉煮得好軟同入味。呢個飯同其他配料唔係好夾，比較分開嚟食，鹹蛋有鹹蛋嘅味道，生洋蔥有生洋蔥嘅味道，不過整體都係好味嘅。招牌老鼠粉$58- 老鼠粉即係銀針粉，調味較淡，仲有幾塊魚片同五花腩肉。我哋用咖喱飯嘅參巴醬撈落老鼠粉一齊食，惹味好多！餐飲都好有特色，朋友試咗拉茶，我就叫咗美祿，好大杯好濃味！今次嘅午餐體驗唔錯，下次有機會都想推介俾朋友！

我本身都幾鍾意食馬拉菜，最近知道大圍開左呢間馬拉餐廳即刻約埋朋友嚟！🤩2點到都仲係滿座，果然受歡迎！⚪️ 肉骨茶豬腳彎 + 藍花飯 ⚪️肉骨茶係藥材味果種，個人感覺同蘇媽蘇媽既肉骨茶差不多，好好飲～亦可以添飲，豬腳彎就好腍，整體唔錯。藍花飯就賣相幾吸引，有少少椰汁味，但唔會好濃。😋🟠 我知你啦薄餅配娘惹咖喱雞 🟠咖喱好香好濃郁，係好適合點薄餅黎食，咖喱算係偏辣，仲係越食越辣😂哈哈～幾惹味😋雞肉煮到入曬味但又唔會好乾。我同朋友都鐘意飲肉骨茶，所以我地都添飲多一碗冇叫其他嘢飲。本身仲想試蝦麵，但當日賣哂 😟整體都幾好食～可以再幫襯

云云馬來西亞菜中，我對肉骨茶和蝦麵情有獨鍾，每次點餐必定選擇這兩款菜式。不執著於菜式是不是正宗馬來西亞烹調方法，用心嘗試每間餐廳廚師的手藝。若大家坐下來抬頭望望牆上手繪畫和馬來風光相，配以淺色的牆身和深色的木柱，彷彿置身於馬來西亞。我點選午餐肉骨茶細滲配椰漿飯及檳城福建蝦麵。肉骨茶的濃烈藥材，香味撲鼻久久不散，深色的湯令人急不及待試一啖，味道甘甜帶少許苦味。配菜主要有金菇、豬手、鳳爪、三層肉。爽脆的金菇吸收湯汁，入口清新。豬手和鳳爪比較硬，準備時間不足。三層肉的肉質比較滿意，脂肪比例低，肉質軟滑，唔錯。檳城福建蝦麵中規中矩，油麵無驚喜，蝦🦐香味撲鼻，可惜入口無味，失望😞。三層肉比較稱心。美祿恐龍一點也不馬虎，每一啖都好濃郁，不會因為冰碎溶化影響味道，杯內放上一兩粒蜜糖星星，令視覺上有點新意。

平時都要等位但好彩今次唔洗等🥳 $65 聽到個名好似係辣到爆炸，但係我覺得還可以，個飯好藍因為加了butterfly pea 性價比: 5/5味道: 4/5 +$16原價$26跟餐變得好低，但係一平都係冰😭下次一定要叫走冰性價比: 5/5味道: 4/5 +$13原價$20 都係太多冰! 性價比: 5/5味道: 2/5$38 一定要試吓！！超級脆，新鮮熱辣🤤性價比: 3/5味道: 5/5 $29 裏面有pandan jam 加牛油，超好食👍但食少少就好啦🥲性價比: 3/5味道: 5/5Kopitiam Bagus.BagusG/F, 188 Yu Chau Street, Sham Shui PoTel: 22536911

This is one of my regular places to eat in sham shui po. Its authentic Malaysian restaurant that serves traditional malay dishes. My favourite is the laksa noodles, the soup is rich and cremay with a spicy kick. Everything tastes fresh and prepared with skill. The man Tau with sweet condensed milk is just like a Chinese version of a doughnut, that means it's tastes amazing!Kaya toast also great, please try! Crunchy and soft cold butter. Overall the decor is white and bright, great for taking ig

桔仔話梅水，酸中帶甜幾少甜，清新得黎幾醒胃配合鮮牛油咖央多士，味道出奇地夾，當下午茶輕食係唔錯既選擇芽菜雞配黃油飯，雞肉比我想像中滑嫩椰漿飯就幾spicy，鍾意食辣既朋友應該會like食物質素 75舒適度 70性價比 70環境特色 78

🦈爸一直強烈推薦捌哥(佢認為比蘇媽岀色🤭)，今日一食果然好有驚喜好好味🤩賣相超吸睛同打卡💚💙#小胖遊深水埗🐠 —————————————————🔹辣死你嗎配仁噹牛肉 $62💚辣死你嗎係椰漿飯、參巴醬、乾魚仔、花生🥜、青瓜🥒、雞蛋🥚同薯仔🥔椰漿飯超香🥥，仁噹牛肉好腍、足滿香料味，配會乾魚仔同花生🤤口感又好豐富，再加參巴醬超夾好惹味(勁中意乾魚仔🐟)，薯仔大大嚿但又入味又軟，所以配料都撈飯食一流😆不經不覺間就食晒成碟，明明份量超多.🔹辣死他啦配咖喱雞肉 $62💙辣死他啦係藍花飯、參巴醬、椰絲、椰菜絲、豆角、鹹蛋、紅洋蔥🧅蘭花飯食囉其實同普通白飯唔太大分別，藍色係來自天然嘅碟豆花(大家唔需要擔心係人造色素)，咖喱雞係雞鎚，肉質滑，而且香中少少辣但唔搶口，當中椰菜絲同紅洋蔥就可以中和整體嘅油膩感/重口味🤣 .💡基本上兩款只要唔點太多參巴醬，其實都唔會好辣，🐠平日唔食得辣都食到.🔹咖央多士 $24多士唔熱，但係勝在仲係鬆脆，咖央醬甜度比例啱啱好，配埋香口嘅牛油，就算好飽都仲係好想食(如果想再邪惡啲可以揀有一片鮮牛油🧈咖央多士😈).🔹美祿恐龍 $22 (跟餐加$16)其實可以屋企沖，但好似餐廳飲

去過星加坡同馬來西亞，一直覺得香港唔配有馬來餐廳。點解冇資格？因為香港嘅租金實在貴到嚇死人，相比於星馬等地主打人情味家族生意嘅餐廳，香港嘅餐廳只係利益掛帥。今日去到呢一間餐廳，終於覺得佢係應該要喺深水埗繼續棋穩陣腳，同埋繼續做獨市生意。今日專登坐的士去到附近一帶行吓，近年深水埗最值得留意嘅就係獨立咖啡店，行經好多特色嘅小店，有賣布、有賣雜貨、有小本經營嘅商店，不知不覺就到咗呢一間以星馬裝修為主題嘅餐廳。咖喱雞麵——好香嘅椰汁味，配料食物溫度賣相一啲都唔似茶餐廳，果然驚喜陸續有來。馬來沙嗲——對上一次食到好味道嘅沙嗲就係喺尖沙咀嘅印尼餐廳，印尼餐廳老店已經執咗啦，今次有幸尋獲返星加坡老巴剎嘅味道。炸魚皮（咖喱汁）——魚皮超脆，咖喱汁熱辣辣，口感一流。咖央多士——自己超鍾意食奶醬多，所以呢個多士嘅溫度、同埋餡都係我關注嘅，醬搽得均勻，好滿足。凍薏米水、凍奶茶——完全飲唔到港式嘅風味，咁就啱啦因為我係要姓馬嘅奶茶香味。所以所有嘢都係剛剛好！

食馬來西亞菜，第一時間就會諗到蘇媽蘇媽，今次就試下另一間，係深水埗既捌哥.捌哥🤤入面既野食同蘇媽蘇媽差唔多，都有肉骨茶、蝦麵、老鼠粉呢啲食，但係同時都有其他特別啲既食，好似呢款辣死他啦咁😳個飯係藍色既，冇係其他地方見過！野食性價比幾高，睇得又食得，價錢都合理。 1️⃣辣死他啦配仁噹牛肉（$65） 之前有係蘇媽蘇媽到食過辣死你嗎既椰漿飯，但係呢度仲有款辣死他啦😳個飯係藍色既藍花飯，好搶眼。配料非常豐富，有參巴醬、椰絲、椰菜絲、紅洋蔥、豆角、蝦餅、鹹蛋、薯仔。個飯食落其實就冇乜特別，但係其他配料每樣都好好食👍好似個薯仔咁，煮得好淋，咖喱汁少少辣，幾惹味。另外蝦餅好脆😋牛肉份量都幾多，煮得入味，送飯食一流！  2⃣️馬來亞拉茶（跟餐） 午餐食都幾抵，有得跟埋野飲👍拉茶送到黎既時候面頭好多奶泡🤤飲落茶味香，而且唔會太甜，推薦！

想食特色野，就諗起好耐冇食 nasi lemak, 所以就去搵食。上網格下價，自己食馬拉野既主場就好貴，就揾其他，畢竟對呢個菜式冇乜期待。於是去咗深水埗。飯用椰漿飯，香口。咖喱雞得雞槌一隻。最好食係用 sambal source加江魚仔食，可惜江魚仔唔脆。加錢要了一杯凍拉茶，十分好飲。最喜歡咖喱配青瓜

突然好想食馬來西亞野，行開深水埗見到就入左去試下😛店內好寛落光猛😆裝修風格都好有馬拉特色😎😎招牌老鼠粉類似銀針粉啲fd，但佢地既粉煮得啱啱好，帶點咬口又唔會太腍😚😚上面仲有d腩肉同魚片，腩肉好多肥膏，肉質又鮮嫩😍😍啖啖都係肉，好邪惡🤩🤩撈埋嗰醬汁食簡直一流👍🏻👍🏻辣死加多配咖喱雞肉同平時食開既咖喱有d唔同，佢比較香同咖喱味會比較重仲帶點辣😊😊真係越食越上癮😋😋而且雞肉幾嫩滑又多汁💦啱哂重口味既朋友仔👍🏻鮮牛油咖咉多士🍞多士外脆內軟😆入面仲要夾住一大塊牛油同咖咉，食落去會感覺到牛油開始慢慢溶咁😚😚超級正🤤🤤桔仔話梅水酸酸甜甜咁，有d似鹹柑桔🍊幾消暑😆😆

兩人吃既下午茶、咖喱喇沙米、有少少spicy,但都好好食！kaya多士超好吃、係比較細件恐龍美綠大大杯、加左少少早餐既粟米片、口感不錯👍🏼兩人飲都十分足夠啊

深水埗特色馬拉菜💙辣死他啦配咖喱雞肉 $62辣死他啦有好多配料：「參巴醬丶椰絲丶椰菜絲丶紅洋蔥丶豆角丶魚餅」💙點解我會叫呢個飯絕對係因為比佢藍色飯而吸引🤣真係好吸睛～不過藍色都只不過係啲天然色素整成，所以冇乜特別味道～ 咖喱雞肉唔算特別好食，有啲都比較鞋口🥲不過咖喱味好濃郁，偏辣同多香料嘅風味～做得好惹味👍🏻👍🏻除咗主角反而好欣賞呢啲飯嘅配角👀，參巴醬喺隔離可以撈飯😻再配合佢好多配菜，又有洋蔥椰菜絲～除咗顏色豐富之外，食落去都好豐富，有菜有蛋仲有薯仔🥔乜都食到～～個人來講幾欣賞呢個飯😽而且舖頭裝修都好有特色，幾靚🤍老闆同啲夥計都勁親切，係啲好地道傳統嘅舖頭～～