捌加廿陸天婦羅居酒屋

營業中

休息中

呢間主打天婦羅自由任搭定食，供應27款特色食材，全部即叫即炸🍤店舖掛滿日式燈籠，周圍亦貼上日本版海報，充滿日式居酒屋格調🏮💗自選天婦羅丼 ($106)天婦羅最出色係海鮮系列，黑虎蝦、鮮帶子同鰻魚都炸得皮薄香脆🦐；牛肉餅嘅口感同味道都有d似牛丸，食落幾彈牙🐮；蓮藕同南瓜兩款蔬菜好夠甜🎃；唯一冷蕎麥麵比較失色唔夠凍🙁💗唐揚魷魚鬚 ($38)魷魚鬚炸得金黃酥脆，內裡肉質彈牙而且完全唔韌🦑

原隻龍蝦天婦羅你食過未⁉️之前食開既天婦羅小店執左🥺而家揾到呢間捌加🤭見人介紹期間限定龍蝦天婦羅🤩即刻去試❤️‍🔥好彩早啲去食唔洗等位🤓食完出黎見排長龍#原隻龍蝦天婦羅 🦞原隻龍蝦做天婦羅真係第一次見😍仲要期間限定🙆🏻‍♀️身為龍蝦控即叫🤪炸粉夠脆唔油，龍蝦味出🫶🏻肉質軟淋～呢個價錢性價比高😎落完單冇耐就見到Sold out🙈推介點柚子鹽食😉HKD68#活虎蝦天婦羅 🦐❣️虎蝦蝦味濃郁😍蝦肉紮實彈牙🤩果然係活虎蝦～～炸粉夠薄唔會皮肉分離😊見其他食評有埋個天婦羅蝦頭，不過fafafoodie 冇🥲個蝦頭一定好正🥹HKD30#磯燒鮑魚配帶子 ❣️❣️磯燒鮑魚醃得入味😋火喉控制得好好唔韌💞鮮帶子超大粒，亦都炸得好嫩滑鮮甜🤩🤩大推必叫之選‼️HKD68#天丼 🍤🍚有黑虎蝦2隻, 蟹柳, 南瓜, 蓮藕, 四季豆😋虎蝦彈牙，蝦味就冇活虎蝦咁重🙈有齊多款天婦羅夠豐富😙飯粒分明少少煙韌幾香，仲有麵豉湯同醃青瓜、橙🙂抵食HKD78#穴子 🐟❣️穴子好大條，應該係醃製過先拎去炸，鮮甜冇腥味😉HKD22#紫菜蝦膠 🍘❣️紫菜包住蝦膠做天婦羅😗外脆內彈牙😎紫菜味同蝦膠味好夾～～HKD12晚市加一服務費捌加廿陸天婦羅居酒屋#fa

今日食呢間位於旺角既人氣店, 7點已經有人開始排隊入面其實都幾多位, 都爆哂場環境都幾特別, 我地被安排坐樓上既呢度主要係食天婦羅, 真係咩都可以自選, 我地各自叫左個自選既天婦羅飯, 好似車仔麵咁鐘意食咩就點咩我嗌左既係鮮帶子, 鰻魚, 黑虎蝦, 茄子等左大約10分鐘就到呢個係一個套餐, 有飯有炸物同麵鼓湯天婦羅方面真係無得頂咁高汁香脆既外皮都KEEP到入面係鮮嫩多汁最特別都係個炸帶子同鰻魚鮮到不得了雞皮卷呢個係必點推薦一D都唔漏而且好香脆, 冇炸皮係外面但係本身已經好香口同好香既雞皮油香味, 不錯不錯

Weekday Dinner 餐廳有上下兩層，地下是長吧檯，上層有日式榻榻米，牆身貼滿了特色的海報，天花有色彩繽紛的璀璨燈籠，充滿日本風情。定食會附上味噌湯、醃青瓜及飯後水果。鴛鴦鰻魚丼飯 $98有酥脆的炸鰻魚及沾滿香甜燒汁的蒲燒鰻魚，鮮味嫩滑，也有香脆的炸金菇，配白飯很滋味滿足。 自選天婦羅丼搭配冷烏冬 $78天婦羅可以自由選擇配料，即叫即炸，上枱熱辣辣，選擇了黑虎蝦、流心半熟蛋、牛肉餅、香脆又有咬口紫菜蝦膠。冷烏冬清爽彈牙，沾上鰹魚汁及芥末已經很美味，推薦。天婦羅配柚子鹽及七味粉，味道更出色。+蘋果汁$10雞皮餃子 $48用雞皮取代餃子皮，香口惹味，但又不會有油膩的感覺，一咬下落要小心中間熱辣辣的肉汁，味道有驚喜！芝麻雞翼 （2隻） $38芝麻雞翼同樣出色，外脆內嫩，中間仍有肉汁。

去親旺角咁旺嘅地方食飯最怕就係環境又迫又嘈🫣好彩捌加廿陸天婦羅居酒屋環境幾舒適坐得舒服真係好緊要樓上仲要係塌塌米超日系🇯🇵座位之間嘅距離都算闊落 唔會覺得好逼狹裝修用咗好多木系嘅裝飾 幾有日本feel而且感覺好溫馨🥰✧ 自選天婦羅丼好似車仔麵咁可以自己揀鍾意嘅食材豚骨湯烏冬我哋仲叫咗個豚骨湯烏冬湯底味道好濃郁 飲落去偏咸烏冬口感煙韌 好掛湯冷烏冬冷烏冬口感清爽彈牙配上特製醬汁 非常開胃好適合夏天揀嚟食✧ 鮮帶子（$18）好鮮甜 食落啖啖滿足鍾意佢嘅炸漿薄薄一片 完美咁包住帶子但唔會搶咗帶子嘅鮮味✧ 黑虎蝦（$12）肉質爽口彈牙啖啖肉真係好滿足✧ 半熟蛋 （$12）炸蛋嘅難度應該係最高但呢間都execute得好好每次食天婦羅丼都必點一切開就流出嚟 好邪惡des😈✧ 牛肉餅（$12）牛肉餅好多汁 食落去啖啖肉汁✧ 紫菜蝦膠（$12）紫菜蝦膠外層炸到脆卜卜內裡嘅蝦膠彈牙鮮味而且食落去一啲都唔覺得油膩✧ 本菇（$12）本菇炸得好乾身而且仲keep到本菇嘅香味✧ 活虎蝦天婦羅（1隻）（$30）好巨型！一上枱就已經聞到好香嘅蝦味食落去外層香脆蝦肉都算爽口✧ 豬肉餃子（5隻，$38）豬肉餃子熱辣辣

🌟向來鐘意食日式天婦羅，最近發現左間排隊名店。六點去到幾乎滿座，食完出黎仲有條長長人龍，真係人氣高企😮👍🏻🌟餐廳裝修充滿日本風情，門口掛左好多日式燈籠，地面果層係吧枱座位，可以睇住師傅炸物。二樓係tatami座位，要除鞋入座，感覺十足十去左日本咁😍🥢餐廳主打天婦羅丼飯，另外都有自選定食，可以揀冷/熱烏冬或者蕎麥麵。🦞鮮帶子龍蝦丼原隻龍蝦🦞！真係不得了，蝦身拆肉，份量好足，啖啖肉好鮮好彈牙👍🏻鮮帶子都好嫩好鮮🤤另外仲有幾款蔬菜炸物: 玉米芯，露筍，紫菜，本菇，蓮藕，超豐富。🍱自選天婦羅丼選了豚骨蕎麥麵，喜魚，黑虎蝦，那哥魚，半熟蛋同紫菜蝦膠。🐟那哥魚口感好特別比較紮實🐟喜魚肉質嫩滑🦐虎蝦都新鮮彈牙🥚半熟蛋流心🤤濃郁蛋香🍜蕎麥面有驚喜，湯底不過濃又不太淡，剛剛好幾鮮味。🐤南蠻炸雞雞肉真係炸得嫩滑，有肉汁！😍面頭加上好多燒肉汁同沙律醬，好juicy🤤🌟🌟總括嚟講，真係值得排隊的天婦羅店。所以炸物都係即叫即整，炸粉都好薄，炸得香口惹味👍🏻

餐廳環境掛滿左日式嘅燈籠 樓上仲有tatami嘅座位 充滿日式風味 真係令人有種置身於日本嘅feel餐廳主打即叫即炸嘅天婦羅 保證新鮮脆口menu嘅選擇都好多 唔想諗咁多可以直接揀餐廳set好左嘅天婦羅丼 亦可以自己自由配搭 任君選擇今次我自己就揀左自選天婦羅主食要左冷蕎麥麵 麵質爽口彈牙黑虎蝦十分香脆 炸粉唔會太厚 虎蝦嘅鮮味仲keep到鮮帶子外脆內軟 口感好正流心蛋 一咬開 就有濃郁嘅蛋黃流出 岩曬打卡仲叫左個花尾龍躉天婦羅 魚肉十分嫩滑

小小店舖分兩層，下層是長長的吧枱，可以看着廚師製作食物，上層有幾張日式榻榻米座位，高高的天花板掛滿色彩繽紛的日式燈籠，由門面到店內佈置都令人感覺置身在日本傳統特色食店。天婦羅是日本的美味炸物料理，由各種新鮮食材裹上輕薄的麵糊炸成。我選擇了天丼$78，包括有黑虎蝦、蟹柳、南瓜、蓮藕、四季豆等，衣麵非常輕薄，炸的時間掌握得好好，外面酥脆金黃，鎖着食物鮮味，沒有一點油膩感，配上日本米飯，相當好食👍朋友要了蒲燒鰻魚丼$88，肥美的鰻魚用蒲燒醬汁烤製，表皮少許焦脆，肉質鮮嫩，鋪在熱騰騰的米飯上，淋上甜甜的蒲燒汁，極為滋味🤤我們還要了芝麻雞翼兩隻$38炸菠蘿雪糕$28，熱辣辣炸菠蘿上面放上冰凍雲呢拿味雪糕，好特別亦都好好味😋黑糖蕨餅$28，軟軟糯糯，略甜。總括這家小店平民價錢，食到高質天婦羅，超值之選。

店外的燈箱已經好Eye catching, 店內牆身貼滿日本海報相片，以及樓頂燈籠彷彿帶你去咗日本居酒屋，好有feel😉叫咗自由調搭天婦羅定食(hkd$98)，有穴子，鳗魚，廣島蠔🦪及雞脾菇，天婦羅粉漿薄，炸得脆，仲有香港少有嘅穴子（hkd28)，朋友都話好食👍麵豉湯用龍蝦熬製，濃濃海鲜味一D都唔hea; 鰹魚蕎麥麵食得出落咗柚子調味🍜滑蛋吉列豬扒(hkd$68)好入味，飯係日本米，好彈牙😁剛好做期間限定，叫樱花sake 送芝麻雞脾(hkd$88)，又試下，幾好味🍗地下個層有D迫，樓上閣樓有榻榻米，坐得舒服仲睇埋燈籠，食得又睇得🍱經常長龍排隊，要早D黎

哩間餐廳樓下係拉麵館style. 上面仲有個閣樓，喺Tatami設計. 🫶🏻 好似置身卡日本和室咁🏯海老穴子天丼🍱裡面有超多款炸物👹 穴子，黑虎蝦，蟹柳，南瓜，本菇，紫菜，四季豆🫛大滿足！個set 仲包埋麵豉湯 同 前菜. 好鐘意食佢個醬青瓜🥒 酸酸地勁開胃👻自選天婦羅丼🍤 自選丼可以撰冷蕎麥麵 or 烏冬🍜 夏天食啱晒喇🧊我加左5款炸物😺 鱚魚，鰻魚，半熟蛋，紫菜蝦膠，金菇. 鱚魚唔腥..脆粉漿裡面d魚肉仲係好嫩滑.🐷 紫菜蝦膠 同炸金菇都十分推薦🍄芝麻雞翼（2隻）哩個一定要食！雞翼表面沾滿芝麻，炸到乾身香口. 🫶🏻雞翼尖勁脆😆沙冰麒麟啤酒🍻夏天飲哩個真係好爽YY. 上面d 泡泡係沙冰黎嫁🍧 涼透心🆒

餐廳裝潢好日式feel，樓下係bar枱設計，樓上則係榻榻米坐位，要除鞋入坐。呢間餐廳係主打即點即炸嘅天婦羅，見到好多張枱都點咗唔同嘅天婦羅套餐或滑蛋豬扒丼。滑蛋豬扒丼$68.0入口好酥脆，略嫌炸粉有點厚。豬排都好大舊🤩。加埋洋蔥🧅、滑蛋同珍珠米一齊食都幾滿足。🍗南蠻炸雞$38賣相幾吸引，入口係偏腍，外面果層炸到好脆，味道有點鹹。最後食埋個飯後甜品🍮黑糖蕨餅 -$28到我食飽行出去門口已經見到有條人龍。

呢間餐廳嘅裝修令人印象深刻！充滿日本特色，天花板掛滿日本燈籠，好有日本風情。唔單止係裝潢，服務員都好用心，枱面餐具齊全，醬料應有盡有，環境氣氛好放鬆，令人感覺彷彿置身於遠在日本嘅小餐廳中。Menu有好多款唔同嘅天婦羅可以嗌。我揀咗黑虎蝦、穴子、鰻魚、流心蛋，配凍蕎麥麵。賣相真係吸引，食物新鮮又唔油膩。我最鍾意佢哋嘅黑虎蝦同帆立貝，炸得香脆，保留住食材嘅原味，令人回味無窮。穴子同鰻魚都好出色，鰻魚肉質鮮嫩，令人驚艷。至於流心蛋，打開一口，金黃色嘅蛋液慢慢流出，鮮味十足，令人驚喜！而甜品方面，佢哋嘅炸菠蘿雪糕真係別具一格，菠蘿炸得香脆，配埋冰涼嘅雪糕，甜酸交融，口感豐富。食完超滿足~值得一提係電視機播緊掘與宮村，掛住睇都唔記得食🤣

雖然我好鍾意食天婦羅，但係平時都好少會食，最大原因除咗係香港食嘅價錢比較貴之外，通常天婦羅丼都一定會有啲我唔食嘅配菜🙈呢間餐廳除咗有普通嘅天丼，仲有自選天婦羅丼，鍾意食乜都可以自己揀，啱曬揀飲擇食嘅我🤓仲可以自己揀主食，白飯/蕎麥麵/烏冬都有，對於平時覺得天婦羅配飯好乾嘅我嚟講真係超感動🥹▫️自選天婦羅丼 ($114)叫咗鰹魚湯蕎麥麵、穴子、廣島蠔、黑虎蝦、金菇、蓮藕同兩個茄子 (我係茄子lover🤣)，有冇人明所有配料都係自己鍾意食嘅嘢真係好開心‼️▫️自選天婦羅丼 ($128)朋友就揀咗鰹魚湯烏冬、鮮帶子、廣島蠔、鰻魚、黑虎蝦、帆立貝、紫菜蝦膠同蓮藕🍚試咗之後最推薦呢幾樣配料⬇️🦐紫菜蝦膠：外脆內軟，蝦膠彈牙紫菜又香🐟穴子：勁大條！魚味好香，炸完肉質仍然滑嫩🦪廣島蠔：大大粒又多汁▫️炸菠蘿雪糕 ($28)完美嘅一餐點可以冇甜品🥰菠蘿熱辣辣，配埋凍冰冰嘅雲尼拿味雪糕絕對冇得輸！只係好可惜雪糕冇曬海鹽味🥹最後埋單人均$150都唔洗，性價比極高🉑當日閒日7:30pm嚟到都大排長龍！強烈建議大家先WhatsApp訂位，咁就唔洗大熱天時係條街等啦😉

其實唔洗專登過去排隊食呢間野🤣🤔️只係得裝修有啲特色 🙂‍↕️普普通通，味道算中下！！ 唔算好 😔我一定唔會再食😆🤣呢個價錢，去食連鎖店好過 店內衛生一般，好多蚊！地下油淋淋 …..我哋三人，食三丼加一啲小食 ！！ （唔記得餐名）1） 雙式鰻魚，算食得過！ 但炸鰻魚好油，飯量少只夠女食飽😋2）龍蝦丼，完全唔掂☹️ ！ 龍蝦唔新鮮，啲肉開始霉，飯量少，男人食完話唔飽 🤣3） 雜錦炸魚蝦…… 都係唔新鮮！ 啲炸物油淋淋🙈4） 甜品最好笑，明明我叫的是海鹽雪糕！！ 冇就自動同我改咗雲呢拿雪糕 🍦 （重點係冇同我講聲） 結果係硬食 😏呢間炸物最大問題就係隔油做得好差😦飯量少，搞到啲飯都油淋淋！好後悔排隊🤦🏻‍♀️

大推！海鮮天婦羅鮮嫩滑甜🤌，麵豉湯係加龍蝦煲勁癲！唔食呢間真係捌加廿陸！・・・・・・・・・・・・・・・・・・・・🦞 鮮帶子龍蝦丼 HK$138・味道：原隻龍蝦非常鮮甜彈牙又有汁水，炸衣輕輕以蒜鹽調味已經食到好新鮮嘅龍蝦🦞！帶子同樣鮮甜，炸得啱啱好，即使影咗陣相先食，帶子依然鮮甜有膠質，近乎魚生軟嫩嘅級數👍🏻！仲有粟米芯🌽、紫菜、蓮藕、本菇🍄‍🟫，全部都正常發揮，粟米芯仲好甜添🤩 呢個價錢真係好抵！單食都完全唔會油，點白蘿蔔蓉豉油仲解炸物嘅膩感😋・口感：海鮮新鮮彈牙鮮甜👍🏻珍珠米飽滿，粒粒分明。炸物食到最尾都係咁脆而且唔油👍🏻🍜 自選天婦羅丼 HK$108＞冷烏冬、紫菜蝦膠🍤、廣島蠔🦪、半熟蛋🥚、那哥魚🐟、牛肉餅🥩、黑虎蝦🦐・味道：紫菜蝦膠彈牙，廣島蠔唔腥蠔肉飽滿，那哥魚好特別，打到魚蛋狀咁！牛肉餅實淨重肉香，仲有安格斯牛肉香氣👍🏻 黑虎蝦介乎刺身同半熟之間，鮮，嫩，滑，甜🤌🏻！・口感：天婦羅唔油脆口，烏冬偏粗身但好有咬口，微微煙韌，配埋鰹魚汁清爽解暑👍🏻！🥟 雞皮餃子(5隻) HK48・味道：以為係來貨翻熱普通料，點知唔係！雞皮外焦內嫩，仲要一咬就食到雞油🤩真心cls外皮脆到薯片咁但一