拾味山西刀削麵館

營業中

休息中

上海水餃刀削麵凍檸樂刀削麵即叫即削即煮，落單之後大概要等5-10分鐘，一碗新鮮熱辣嘅刀削麵就會送到你面前。超大碗刀削麵，清湯很甜，刀削麵份量很多，有4粒上海水餃，粒粒都好大隻，餃子皮厚薄適中，肉汁味濃。刀削麵麵條厚薄均勻，非常掛湯。消暑刀削麵牛肉絲凍豆漿刀削麵本身就為中式菜式，除咗熱食估唔到仲有凍食，有種日本冷麵的感覺。消暑刀削麵，配料包含青瓜絲、粟米、芝麻醬，另外可以加餸，我揀咗牛肉絲，原來係牛展，切條配芝麻醬都幾惹味。刀削麵麵條爽彈，凍食口感更有咬口。

之前係電視機見過介紹，一直都想試下，因為香港又唔係好多地方有得食～～～呢到餐牌好多選擇，有湯、有熱伴、有冷伴～ 不過眼闊肚窄，都只能試到湯面。湯面湯底濃郁，重醬油味，但又唔會好鹹。面就淥到岩岩好，每淡都有啲煙韌，原來又真係幾好食！仲可以睇到師傳削，都真係唔容易！餸方面，好多選擇。叫左麻辣豬扒。麻辣醬好香口惹味，同豬扒十分夾。另一樣係蒜泥燻蹄。個蒜泥好香，而且少少酸味，食過非常開胃！最後飲埋野飲就超滿足！

🔺食物🔸 豬頸肉熱拌刀削麵 $63另加香辣豬軟骨 + $10 熱辣辣 既 麵🍜 加埋 辣醬 拌麵掛醬一流🍲豬頸肉邊邊勁脆皮 香酥入味 ✨必食✨豬軟骨🤤 軟熟、好淋 入口即溶 肥瘦適中👍麵條彈牙 首次食刀削麵 😂超飽肚.🔸 口水豬耳刀削麵 $62另加上海水餃＋＄10 、 麻辣醬＋$5豬耳爽口 酸酸辣辣 作為開胃菜唔錯✅***麻辣醬***推薦試 湯頭會更添風味✔️上海水餃🥟啖啖肉 配湯頭一齊食🥳.---另加配熱豆漿、凍蜂蜜柚子茶---味道唔錯，唔會過份甜🙌 柚子茶格外清新夏日炎炎 最啱飲解暑既飲品💛➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🌕🌕🌕🌕🌗自私評論：鋪面雖面積唔大，但勝在味道、服務都唔錯～人情味濃濃，落單唔夠幾分鐘就已經準備上枱🥡 估唔到渣甸街都有間性價比咁高既麵食小店✨➖➖ ➖➖ ➖➖ ➖➖ ➖➖ ➖➖ ➖➖ ➖

今日去灣仔探朋友，朋友介紹我去怡康大廈的拾味山西刀削麵館，佢話之前食過覺得好好食，叫我去試下，我地即刻走去食。 雖然仍早，只是6點，但已有幾枱人食緊。餐廳佈置有特色，打開Menu,有好多選擇，有好多自由配搭的套餐，有辣有唔辣，餸款有好多，小食飲品又多，價錢又唔貴。 朋友叫左麻辣牛筋腩刀削麵和凍檸樂，我鍾意凍食，叫左手撕雞消暑冷刀削麵和豆漿。 ＊牛筋腩夠淋夠多，麻辣好味，刀削麵有咬口＊手撕雞配上芝麻醬好正，凍食的刀削麵更煙韌，更有咬口，仲好食，好鍾意。＊豆漿好有豆味，比其他店好飲

不嬲都鍾意食刀削麵，但可以食到嘅地方唔算多，之前路經灣仔見到有間刀削麵館，今日過開嚟，特登嚟試試。小店裝修簡約，枱上有qr code，可以方便我地自助落單。我地叫咗個肥牛+手撕雞+熱拌刀削麵($73)，麻辣燻蹄+牛展刀削麵($70)。飲品就一杯凍檸7(+$10)同埋凍檸樂(+$10)。🫧肥牛+手撕雞+熱拌刀削麵($73)熱拌麵分量幾大，落單時麵質我揀咗淋啲，真係有做到！淋得嚟，又不失煙韌，唔錯呀！肥牛鮮味彈牙，仲有好多塊，至於手撕雞，啖啖肉又入味，推介！四川擔擔醬，果道輕辣，食落甜甜地，幾開胃！🫧 麻辣燻蹄+牛展刀削麵($70)麻辣麻味香濃，辣度比一般輕微，可以叫辣啲。燻蹄彈牙，牛展鬆化軟淋。值得一提嘅係，刀削麵係師傅手削，唔係機削，所以麵條粗幼厚薄長短都有分別，手削麵比機削麵有彈性好刀，口感有層次。🫧 凍檸7(+$10) 凍檸樂(+$10)兩杯飲品正常發揮，啱哂天氣最近熱熱地飲。

大食妹最愛刀削麵，整得好食的刀削麵買少見少，食到好食的一定要介紹下雖然灣仔道唔系好就腳，地鐵站都仲要行一段路先去到，但拾味的手工刀削麵真系無得輸每碗刀削麵都系即叫即削即煮，麵條Q彈超級好咬麻辣牛筋腩+雲吞+豬軟骨刀削麵可以簡辣度，唔食得辣都唔駛太擔心牛筋腩勁腍，咬落無渣，麻辣多麻少辣豬軟骨都一樣夠入味夠腍，碗麵好大碗性價比極高手撕雞+燻蹄消暑冷面冷麵可以簡多粟米多青瓜多醬手撕雞其實系雞肉粒，唔會鞋烚烚

「正宗四川刀削麵,灣仔隱藏麵館好滋味」灣仔拾味正宗刀削麵館是一家擅長山西刀削麵的小店,店內整潔簡單,掛著大大的「山西刀削麵」招牌,一進門就有辣椒和麵條的香氣撲鼻。我點了一碗手撕雞刀削麵,麵條是現切的,口感極為Q彈,味道也很地道,底味香濃配合香濃麻醬口味,加上雞絲和青瓜絲,一口吃下肚感覺良好。這家刀削麵館的刀削麵和小菜都做得很地道也很美味,菜式選擇很多，價格也很親民,是灣仔隱藏版的人氣麵館,值得麵粉們前往一嚐。

平時成日食米線，有時都想試下啲新野😋😋今次黎到灣仔的「拾味山西刀削麵館🍜」，佢地主打多款口味配搭的刀削麵，仲有上海菜飯、滋味小食等選擇～～鍾意食刀削麵的朋友要試試❤️❤️🍜口水雞刀削麵 $62✨賣相唔錯！口水雞肉質嫩滑，味道麻辣惹味🌶️🌶️刀削麵好大碗，份量好多～而且佢地的麵條係採用人手削麵，所以口感特別煙韌😋😋另外仲加($10)加配了上海水餃🥟，一共有3大粒～～水餃外皮Q彈，內餡飽滿多汁！一啖一粒好滿足👍🏻👍🏻🍹凍豆漿 (+$6)✨味道香甜， 入口帶濃郁豆香～幾抵飲！！

係銅鑼灣返工， 其實都幾多野食選擇， 又有時代， sogo, 希慎廣場，等等…平時午餐食好啲放鬆下都唔錯，不過打工仔糧尾或者有時好多野做， 想快食既話， 刀削麵都係一個唔錯既選擇.我係時代廣場附近返工， 行過去約7 分鐘左右， 大部分食客快食為主，所以通常去到都有位， 唔洗等， 就算等都係等－陣.凍檸茶糖心旦： 好入味， 半熟狀熊👍👍消暑冷刀削麵： 有青瓜， 粟米， 燻蹄絲+黃金芝麻醬， 冰冰涼涼，d 餸都幾多， 同好大碗， 刀削麵粗身， 煙煙韌韌， 口感唔錯

灣仔有一家超級正宗地道的刀削麵店———拾味正宗刀削麵館，這家餐館的刀削麵是十分出名的，我都吃過好幾次，想到刀削麵，又嘴饞了，這次又要來探店了😋小食點了雙拼：蒜泥燻蹄和蒜泥牛展這裡的牛展是最受歡迎必食之選，每次都點來吃，超級好吃，這次來個雙拼，發現燻蹄也好好吃喔，主要蒜泥這個味道真的超級搭配，大家真的要試試。主食點了兩份麵食：1. 麻辣風味冷刀削麵（豬肚絲加手撕雞）2. 上海雲吞（麻辣肥牛）兩份風味不同，冷面還有青瓜絲和醬汁，撈著好好吃喔。上海雲吞配麻辣肥牛，麻辣肥牛分開上，味道又麻又香，份量也多，真的好吃到炸，必食麻辣肥牛喔。

我很喜歡食刀削麵，最正宗的刀削麵在山西。相傳元朝時蒙古人佔領中原，沒收各家各戶刀具，有人就想到用鐵皮代替刀具切麵，演變至今。灣仔這家刀削麵館就相當正宗，每日師傅都搓幾個大麵糰，用特製的弧形削刀來削麵，麵條邊緣較薄，中間較厚，入口軟而不粘，越嚼越香。刀削麵可配熱湯，或是冷拌或熱拌。湯麵用雞和粟米熬湯，非常鮮甜。拌麵則用擔擔麵醬，香濃惹味。麵條份量十足。見新出麻辣牛筋牛腩，也叫了一碟。一上枱被粗壯的牛筋嚇了一跳，哈，咬落去卻又軟糯軟腍。好食。

蒜泥燻蹄刀削麵 62蚊超多款唔同嘅刀削麵揀 ，最後因為返工返到口淡淡，揀咗個重口味嘅蒜泥燻蹄！ 蒜泥燻蹄 同刀削麵分開上， 燻蹄上面超多蒜泥 ，正！勁重口味 ！😆而且份量好多，成個碗都係肉😋涼拌海蜇42蚊由於我唔知佢個蒜泥 燻蹄 份量咁多🙈所以我一開始我仲嗌咗個涼拌海蜇作為我嘅前菜，上面嘅青瓜絲再配埋個酸酸地嘅醬汁 好開胃👍🏻最後不得不說佢嘅份量真係超級多！我都有少少 食唔曬 🙈建議大家可以 兩個人 一人一碗麵一個小食就啱啱好👍🏻

刀削麵1️⃣東坡肉熱拌刀削麵依幾舊東坡肉係勁大塊又厚身好有重量,個皮好淋,油脂食落好正. 個肉醬係辣辣地的,醬都夠多同濃味💰HKD$632️⃣蒜泥牛展湯刀削麵超多蒜泥,好香.牛展食落好淋. 個湯底都好夠味,刀削麵個厚度好有咬口.👍🏻💰HKD$623️⃣紅油抄手入味D肉同菜係多過出面食嘅抄手.夠哂辣.😋💰HKD$42飲品加$8見到廚房係真係即時用刀削D麵出黎,廚師勁快手,見到個麵團咁大舊都覺得重.

因為媽媽話想食刀削麵，就諗起成日搭巴士經過見到既呢間「拾味」😌還掂成日經過見到一次都未食過，就嚟試吓啦😋🌟蒜泥牛展刀削麵 $62🌟蒜泥係呈泥狀，好幼細嘅口感，鋪滿整塊牛𦟌，相當惹味😌刀削麵口感係煙煙韌韌👍🏻🌟仿鮑片溫泉蛋木耳刀削麵 $63🌟媽媽唔係咁鐘意食咁多肉類，佢揀咗呢個仿鮑片溫泉蛋木耳刀削麵，佢話好清淡岩曬佢，見餐牌大部分都係辣，好彩都有啲唔辣既選擇😍🌟涼拌海蜇 $42🌟好開胃既涼拌海蜇，連埋青瓜絲一齊食，相當爽口鮮甜☺️

拾味山西刀削麵館呢排食得熱氣野多，琴日經過灣仔見到好多麵店， 見到一間刀削麵店，遠望已經見到有一級， 以為我可以入去食， 點知一開門一級變三級，店員好好，話入唔到去可以外賣，外賣仲有9折優惠，下午茶時段3-6點亦都有9折優惠，買完提議我去對面坐公園度食！👍👍👍1.麻辣牛腩刀削麵$58＋$1外賣（8/10）呢個麻辣牛腩刀削麵入面嘅牛腩好鬼淋，辣度係微辣，又唔會好麻，牛腩亦算多，有4大舊牛腩，牛腩係厚切，而且刀削麵份量又多， 刀削麵煙煙韌韌，咬落好彈牙，麵本身係粗身又唔會碎！👍👍👍2.熱拌牛展刀削麵 跟四川擔擔醬$62＋$1外賣（7/10）呢個牛展刀削麵係跟四川擔擔醬，撈埋四川擔擔醬就好似食緊撈麵咁，牛展有8舊，夠淋身，可惜唔夠味，要借擔擔醬點嚟食！🤣🤣🤣3.口水雞$68＋$1外賣（9/10）呢個口水雞都係微辣，其他地方嘅口水雞又咸又大辣，根本食唔到雞味，而呢個雞肉質好嫩滑，亦唔會比多骨無肉嘅雞肉，有雞味，唔錯！2人總共價錢$171.9，有9折優惠！個人口味總評分：8/10地址：灣仔灣仔道212-214號怡康大廈地下A號舖