拉麵Jo

營業中

休息中

今次黎到銅鑼灣一試聞名的拉麵JO❗️六點左右黎到，可能因為偏早，冇咩人唔使排隊選擇好多，花多眼亂，最終決定試下佢個招牌沾麵❗️❗️招牌沾麵 $90湯底好濃，但算比較鹹，當然一般沾麵湯係比較濃，但個人認為係多左少少，好唔好食就見仁見智，但味道方面係唔錯至於麵身都係好壞參半，麵身好彈牙好Q，但相比就比較唔掛湯，而正正係我覺得一個沾麵最需要的元素，唯有強行自己食住麵一路飲湯補足下，但其實麵同湯係幾夾，整體不過不失，但如果要食好沾麵，可能有其他更好選擇

每次打波途經這間拉麵店，都被門外大大的燈籠所吸引，今次終於有時間可以在打波前試試了。傳統日本拉麵店舖，講日文加少許中文的日本哥哥幫我們落單。豬骨拉麵 ~ 豬骨湯底，不咸而味鮮，另外日本叉燒味道香，肥瘦剛剛好，再加上伴菜~筍，木耳再加上芝麻及蔥，已經非常美味。蒜油拉麵 ~ 豬骨湯底加上香噴噴的蒜油，令人回味，當然麵內也有美味的日本叉燒及伴菜，另外還加有椰菜，非常豐富。今次這間店的拉麵並沒有令人失望，真才實料，值得一讚。

星期五的晚上又是接男朋友收工的時候，好耐無搵特別既拉麵食，好彩今次無失望！一般日本拉麵店都唔會有太多選擇，這間豚骨為主。個人比較傾向湯麵，點左蒜油豚骨拉麵。一見到兩塊叉燒晶瑩剔透，對腩肉等肥豬肉不感興趣既我都流哂口水比起一般日本拉麵既叉燒，佢切得相對薄一d，入口唔怕覺得太膩湯方面濃而不咸分量一黎到我覺得唔夠，點知食完都幾濟男朋友揀左這裡最出名既沾麵叉燒賣相一樣，都有3塊，麵質比較硬身，湯味道好吸引，仲有陣陣海鮮味。仲叫左個炒野菜，少少油膩，卻有好多唔同種類既菜，好好味可惜環境十分窄，餐牌貼於牆身。食緊期間，keep住同後面背對背既女士有碰撞...

銅鑼灣有很多拉麵/沾麵店，不少著名的拉麵店都選址於此。今天在老銅濕平完，見餓，就去了這家米芝蓮推介的拉麵店。這家店坐位不多，只有十多個bar 枱位子，及兩張四人枱。客人可以看著師傅煮麵過程。座位雖少，店內的樓底卻很高，因此空間感亦很強，不會有狹窄的感覺。點了一碗辣味沾麵，真的很合我口味，吃完有種滿足感...沾麵內含叉燒兩片、沾麵汁內有荀乾。我覺得挺不錯的，魚介休沾麵汁很香濃，可能因為加入了蘑菇油和辣醬，味道豐富，配上冷感及富有彈性的沾麵，喜歡味濃的朋友不妨一試！吃完麵後，沾麵汁加入上湯，把這個魚介休辣湯一飲已盡，幸福滿溢！

黎到銅鑼灣 一定要食呢間日本拉麵 之前食過湯拉麵 所以今次決定食沾麵 麵既軟硬度可以自己選擇 沾麵湯底濃郁 同真正去日本食一樣 都係偏咸 最好食莫過於塊叉燒 係我食過咁多間拉麵店最好食既 肥瘦適中 真係有種入口即溶既感覺 不過由於麵店隔局比較細 座位亦比較擠迫 想同朋友仔一齊閒聊就要再搵地方啦！同埋要提提大家 銅鑼灣分店同元朗係好唔同呀 連餐牌都有啲唔一樣 銅鑼灣係有獲米芝連頒發過獎狀 好食好多呀！！

連續五年拎左米芝連真係名不虛傳～真係食唔厭～上次無留意到有酸菜和辣芽菜～今次要試下先～酸菜不會太酸～好開胃～辣芽菜辣得黎又好香～特製沾麵通常食拉麵同沾麵我都好鐘意飲一口湯先～因為個湯真係靈魂黎～沾麵上桌時會將麵跟湯分開～湯底以石鍋盛載著真係熱辣辣～麵底有冷熱比你選擇～平時沾麵好少有～個湯底用左好濃厚的木魚豚骨～味道又濃又香～麵條口感滑順而又緊緻彈牙～提升入口的嚼勁～仲呈現小麥特有的甘甜味道～麵條沾上湯底食真係好滋味～但叉燒就薄身了少少～但口入即化～好香～再加上半熟蛋有香濃蛋味～

今日同朋友去踢波，開波前醫個肚仔,就揀左這間拉面店食，入到去唔知係老闆定服務員，佢既態度真心唔好，命令式地要求我地坐邊同問食咩，感覺好差，我地叫左幾款拉麵而我自己就試左辣味豚骨拉面，首先湯底而言並不是很濃郁，味道正常，但絕不是那種很好飲會一飲到底的拉麵湯底，本人亦只是淺嘗幾口算，佢既面分幾種，我選擇左幼面，都係正正常常啦，唯一抵讚就真係佢份X燒啦，十分香口及肥廋比例恰如其分，食到我😋😋，我地另外都叫左份日式餃子，唉但都唔算好食，總括來講係不推介.

食物水准是沒有失望也沒有驚喜。面彈牙，湯底濃，但比這更好的湯底，銅鑼灣也不少。牛舌切得太薄，沒有口感，鹽可以選擇更鮮味的岩鹽，提升味道層次。但希望反映店員的服務和危機意識。我旁邊的客人點了一個沾面，廚師從面前端來，旁邊客人想移動湯碗，滾湯便淺到我的手臂。廚師在我們面前是肯定看到我被燙傷，亦應該很清楚那個湯是滾燙的，但沒有任何行動或慰問，直至我站出來要求店員給我冰塊，他們用了差不多2分鐘才拿給我，看到我手臂一大笪紅，還開始有水泡，才給我燙火藥膏。回到家裡，處理傷口，發現3個直徑1-3cm的水泡及紅印。我希望面店注意，在店內有客人受傷，店鋪需要負上責任，客人亦有權追求賠償，店員的危機意識太差，如果這次受傷是一位小朋友，情況可以好嚴重。沾面湯碗的設計也有問題，我看到另外一位客人同樣在移動湯碗的時候，滾湯淺出，希望店鋪檢討湯碗是否需要調整，避免同樣情況出現。

一家三口都蠻喜歡吃日式拉麵，這次由我提出試試未嘗過的拉麵店，剛好在Openrice找到港島區最多like的拉麵Jo，竟然剛巧就在女兒補習的地方附近，很順理成章就決定一試拉麵Jo。我們三人都點了蒜油拉麵和日式煎餃，點餐後在等待的時間裡，我們的視線都被牆上掛著連續5年的米芝蓮推介吸引了，心想連續五年的實力應該不錯吧....餃子先上菜，坦白說，日本餐廳的煎餃子很難會失準的，只要有Ok質素的餃子和正確的烹煮時間，很難會出事，但這碟餃子無論是餃子本身質素或煎的程度都把扼不好，沒有金黃的顏色亦沒有餃子煎香了的味道....餃子是殘念了。到了拉麵上桌了，先試試麵湯，沒有期待的豬骨湯香味，蒜味也不明顯，湯底比較像以濃縮湯料開水的那種，就是缺少了用真材實料餚湯應有的鮮味，再試一試麵條，麵條是幼身的品種，麵質有點偏硬且沒有咬下去的回彈韌性，再嘗嘗那幾片豚肉....結論仍是平平無奇.....到底是我們三個同時出現了味蕾判斷的問體還是米芝蓮出問題了? 還是我們不幸遇上了水準最差的一天呢?

之前夜晚喺附近返學都一直想試呢間拉麵，但係每次放學時間都太晏，難得咁啱朝早喺銅鑼灣整完野就去覓食十一點幾黎到，原來未開門😂😂 咁唯有喺附近行下先，附近都幾多野食，但係今次目標明確，點都要了結下呢個心願差唔多十二點入去，好彩唔使等位，就揀左特制沾麵，喺點餐期間出面已經出現人龍雖然menu幅相係用碗裝，但實際係用鐵板上，所以個湯底夠熱，好多其他沾麵店嘅湯係暖，甚至係凍嘅，鐵板熱上湯底超加分而個麵底係粗身，好彈牙，好啱我心水 而且個拉麵唔會痴住晒，回頭率係200%

勁耐冇去銅鑼灣附近既然機會難得就順路搵下有咩好野食咁岩搵到間沾麵又有人排隊就諗住試下嗌左最基本既豚骨沾麵一上到手已經聞到勁香😍麵係我最中意既粗麵掛湯能力好高沾上沾汁之後真係食到停唔到叉燒就正正常常啦隻蛋都好香又煮得岩岩好整體黎講好值得一試！

The shop is very cozy and it is as if we are in Japan with the chef cooking in front of you. The food tastes as good as it looks. The ramen is not too soft nor too hard, just the right chewiness. The soup complemented the ramen really nicely, though it was a bit too salty. The pork contained just the right amount of fat. The staffs are really nice too. Overall, it is a great place to dine at while catching up with friends.

見到係米芝蓮推介就黎試試，點知好普通，仲要超勁味精，食完全日狂飲水都超口渴。拉麵湯底不太出色，不夠豬骨味，雖然唔算好鹹，但令人好口渴。拉麵份量不算大，加了炸雞，質素也是一般，無驚喜。店員不太禮物，幾個店員一樣，語氣都好晦氣，常常對店員呼呼喝喝，唔通攞過米芝蓮把閉d ?

好耐之前食過一次拉麵Jo，記得都算好食，但對比其他拉麵又好似冇乜特別之處，所以就冇再去過。.今次再黎係想試吓佢個沾麵。嗌咗最普通嘅熱沾麵，一碗盛惠$90，價錢都算OK，有兩塊叉燒，一塊紫菜，無蛋。🍜麵條係粗身彈牙嘅沾麵， 佢個麵做得幾出色，好正宗，最鍾意食好似烏冬咁嘅麵😋湯底方面係濃濃嘅魚介豬骨味，不過略嫌唔夠杰，有啲稀得滯。至於叉燒亦都肥瘦均勻，正常嘅厚度🥓.整體來講都唔錯，只不過佢真係冇乜特別之處😅諗唔到一個要特登去食嘅理由🤷🏻‍♀️但經過又唔使排隊就會去😊

星期日行開銅鑼灣，唔想食到好飽，但又想飽餐一頓，通常我都會揀食麵。近年係香港食多左沾麵，主要係因為整體質素都比以前好左，唔會一味得個鹹字。今次黎到呢間人氣麵店，亦冇失望。因為係得獎食店，上網睇同聽人講佢好多時都會大排長龍，不過我地今日7點黎到就唔洗排，實在太lucky!第一次黎當然要試下佢出名既特製沾麵，佢整體份量一d都唔吝嗇，叉燒有三大塊，麵底唔洗加底都好大個！令人驚喜係，呢個麵既掛湯能力好強，每一啖都食到湯，至於湯就有好濃既木魚味，唔會只有鹹味，食完亦冇口喝。日式叉燒係半肥瘦，入口即溶，好滿足！