29
49
31
港鐵九龍站 C2 出口, 步行約1分鐘 繼續閱讀
開飯介紹
拉麵湯頭濃而不膩,味噌口感醇厚,麵條則由工場每天新鮮製作,獲得不少食客好評。 繼續閱讀
營業時間
星期一至日
11:00 - 22:00
付款方式
Visa Master AlipayHK 支付寶 現金 八達通 AE 銀聯 JCB 微信支付
座位數目
39
其他資料
無障礙設施 詳細介紹
以上資料只供參考, 請與餐廳確認詳情
食評 (147)
等級4 2023-10-31
326 瀏覽
今日去咗圓方同小朋友行街,行到攰,小朋友話想食麵,所以就食呢間jo拉麵🍜本身小朋友話想食低溫叉燒拉麵,但未到6點已經話賣晒,咁就查詢侍應,有邊隻拉麵味道會比較淡味啱小朋友食?同埋一定唔可以有辣味!侍應們一致推介特製東京醬油拉麵🍜好啦,咁就落一碗俾小朋友。同時我們亦要求麵底要煮腍啲..因為比小朋友食,太硬佢哋咬唔開。點知嚟到碗麵上面會有(辣筍)🫢向侍應反映,佢哋都好好,即刻承認出錯,立刻換過一碗俾我哋,最後,小朋友好俾面😏拉麵食唒,我再加多咗兩碗粟米俾小朋友,小朋友食得好開心☺️☺️至於大人嘅拉麵🍜雞白湯拉麵🍜食落去都係覺得豬骨味好重,冇乜雞味嘅,拉麵唔係好索到湯,可能食沾麵會好啲🤔拉麵中規中矩。反而個蔥花牛舌幾好食🤪👍👍切到薄身,炒到好香,咬落爽口,好惹味👍下次再嚟嘅話,想試吓佢嘅低溫叉燒拉麵😆 繼續閱讀
(以上食評乃用戶個人意見 , 並不代表OpenRice之觀點。)
等級4 2023-09-22
264 瀏覽
- 醬油豚肉拉麵 $88湯底較為濃郁、濃稠,醬油咸香味道偏重~配料有紫菜、竹筍、半肥瘦叉燒、少量洋蔥絲🧅片狀叉燒油脂量較高,口感偏軟腍,肉味亦香濃🐖以麵質偏軟身,掛湯能力不錯🙌但整體來講太過油膩,偏重口味💆‍♀️ 我覺得一般般~ - 蔥花牛舌👅 $78薄片牛舌份量足夠,但同樣地十分油膩!可以配上檸檬汁減去部分油膩感🍋但牛味不足,質地較柴🐄下次都未必再食了~ 📍 拉麵Jo – 九龍站 尖沙咀柯士甸道西1號ELEMENTS圓方水區1樓1030號舖 #justlingggxd_米芝蓮#justlingggxd_日式#justlingggxd_九龍站 繼續閱讀
(以上食評乃用戶個人意見 , 並不代表OpenRice之觀點。)
餐廳幾細,開放式,坐邊邊就同行商場走廊好近,人來人往咁,感覺太開揚,欠私隱度。午市選式都多,份量同味道正常,鰻魚同天婦羅蝦幾好食,但個飯有點偏硬。另觀察到唔少人叫外賣。 繼續閱讀
(以上食評乃用戶個人意見 , 並不代表OpenRice之觀點。)
等級3 2023-08-09
278 瀏覽
12點幾入座,兩個人,都得4人枱…我見二人卡位個客已經食完,就同侍應A講一陣調過去,費事霸住張4人枱…過多陣二人卡位個客走,我起身行過去,侍應B帶住兩個客坐入去,我不停同佢講「唔該唔該…」,佢大大聲話「等陣等陣」,又用手擋住我…兩個新客已經坐低,我費事同佢嘈…而佢「等陣等陣」完之後冇再理我…過多陣,開始人多,侍應A叫我如果一齊有人要坐埋一邊,我咪話一早講咗調枱,你同事頭先唔俾我調枱呀!侍應A知衰冇再叫我郁…食完埋單,侍應B放低張單1秒都冇,同我講「快啲」,我以為自己聽錯,我問佢「你叫我快啲吖?」,佢仲話係,人手唔夠叫我快啲,check價錢就得…我唔係望住張單check成分鐘喎!真係1秒都冇!依家我食澳牛吖!有啲咁嘅侍應以後都唔幫襯!拉麵一般,叉燒比較少,又薄,加辣都要俾多$15,而且menu上好多野都冇,如蒜油拉麵、餃子…總之冇下次! 繼續閱讀
(以上食評乃用戶個人意見 , 並不代表OpenRice之觀點。)
等級3 2023-06-17
532 瀏覽
今日約左朋友係圓方睇戲,睇戲前想食個晚飯,圓方出名無咩好食🙈朋友就搵到呢間拉麵,一於就試下!餐廳比較細間,開頭都差啲搵唔到,好彩咁啱去到仲有位,唔洗等就入得。我叫左最普通嘅醬油拉麵,隻蛋係用左鵪鶉蛋,幾特別🤣第一啖試個湯,唔錯,調味唔會太鹹或淡,跟住就到個麵,軟硬適中,叉燒都好林,好入味,整體上都係好符合我會中意食嘅拉麵,飲品可以加10蚊飲Ooha(原價$28),美中不足係無最新口味,所以最後揀左柚子海鹽,成個餐total $88加一,係圓方黎講性價比算高🫶🏻 繼續閱讀
(以上食評乃用戶個人意見 , 並不代表OpenRice之觀點。)