拉麵Jo

在半年前的星期六，我走到佐敦睇眼科，意想不到！驗眼時，發現我右眼角膜變薄；有見及此！我無慮即決做激光！幸好！當日陽光普照，我帶定太陽眼鏡，做激光，由於雙眼藥水的藥力未過，好似見光死那種怕光感！我沿佐敦道行去尖沙咀圓方 Elements，經過一間1樓的米芝蓮拉麵店 <拉麵Jo>餐牌看看餐牌，拉麵價錢合理！特製沾麵 $108特製沾麵是麵條及配料，跟湯底分開上！可避免浸腍麵質！同時，以沾麵形式食麵，相對無咁油又無咁鹹！湯底熱辣辣香噴噴！濃郁口味並不重口味的豬骨濃湯底！麵質彈牙，輕輕沾上湯底，已經掛湯；豬肉入口鬆化！糖心蛋火候恰到好處！達到軟滑的蛋白與半流心狀蛋黃的效果！…查看更多

連放兩日假，就連續兩日都黎圓方揾男朋友食lunch，今日我地食拉麵Jo。有午市餐牌，我叫左特製沾麵配薯仔沙律加富士山頂可樂。佢叫左特製低溫叉燒拉麵配炸雞肉加日本蜜桃汁，再散叫左個炸八爪魚球。薯仔沙律凍凍地，幾綿滑。特製沾麵普通，沾麵汁唔算濃郁，麵質偏韌，但份量夠飽，叉燒唔夠入口感。炸雞肉冇咩特別。特製低溫叉燒拉麵比較好食，幼細拉麵幾有咬口，叉燒好多塊但偏鹹。炸八爪魚球冇咬口，係偏入口即溶個種，普通。日本蜜桃汁偏甜，富士山頂可樂似波子汽水味。…查看更多

有朋友上網搜尋到這家拉麵店是一間米之蓮餐廳，於是特地去嚐。去到拉麵店，外面排長龍，想必定是很好吃的拉麵店。服務員給我們三人一張二人的桌子，他給我們加了一張椅子坐，非常擠迫。服務員更埋怨我們椅子擋住了通道位置，態度非常差劣。點了一個特製沾麵，原本滿心歡喜是米之蓮餐廳的拉麵，結果非常令人失望。沾麵只是很普通的沾麵。不像其他拉麵店，會有粗幼及軟硬度選擇。也不能選擇可否走青， 湯底濃郁還是清淡。是一個很普通，而且沒有個人選擇的拉麵。湯底味道也很一般，並沒有濃濃的豬骨湯味。任何一間普通的沾麵店也比它好吃。另外點了一個章魚丸。章魚丸外面是脆脆的，但是醬汁不太足夠。這間拉麵店的食物味道一般，服務態度不好，而且價錢也不算便宜，應該不會再幫襯了。…查看更多

今日出左圓方行街，諗住買下衫。不過衫就買唔到，經過見到有間鋪好熟面口，先知原來拉麵jo開左分店，以前銅鑼灣食得多，近排都無點食過，於是入去試下同舊鋪水準一唔一致。叫左個特製沾麵，貪佢湯夠濃。黎到個賣相都好似樣，舊肉仲剪開左3舊方便食，呢個心思出發係好，但食落口感會差d，我都係比較喜歡銅鑼灣原塊肉上好d。佢個沾麵底係粗麵，掛湯黎講就非常好，麵吸滿湯之餘，口感亦有咬口。沾麵湯底亦維持水準，木魚味香濃，但又唔會油膩，可惜略嫌稀左少少。總括來講，沾麵做得不錯，湯底如果再濃一d 會更好，算係高水準沾麵店。…查看更多

今晚特意同女友黎圓方食飯，只因呢度既食肆質素好似有保證啲，奈何好多間既價錢都比較貴，正當思考緊好唔好搭車去第二區搵野食之際，有一間拉麵店引起左我地注意喎點解會特別留意到拉麵Jo係因為佢喺銅鑼灣有分店，而且都多人排隊入去食，咁就不如趁今次機會試下啦，反正呢度條龍無咁長，女友亦都同意左haha先講下女友叫既沾麵。最吸晴既當然係隻果半隻半熟流心蛋啦🤩蛋黃真係好滑溜丫！另外，由於呢個係特製沾麵既關係，份量上比較多，分別有三塊叉燒同三塊紫菜；麵條粗身有咬口，而粗幼度係無得簡既；豬骨湯底好濃厚又夠哂熱，飲落唔油膩，配上蔥花同野菜相當之夾而我就叫左黑豚豬扒飯，滑蛋真係煮得岩岩好，半固體既狀態下用黎拌飯認真惹味，豬扒同飯既份量好多，岩哂餓左好耐既我😍呢餐飯咁豐富咁好味，埋單都係每人百三蚊，喺圓方黎講真係算抵架喇~…查看更多

由於呢度d商店唔系我杯茶，所以好幾年沒有踏足此處。一時之間仲好似有少許迷路添行行下見到呢間舖頭食沾麵。門口仲有條小龍好！跟隊先。。反正未食過一於就會一會佢先 排左20分鐘終於有位喇~~ 當然要叫個特製沾麵試下(有辣、有唔辣)。原來食沾麵方法跟食冷麵一樣，先夾起一小撮麵條，蘸上濃濃的沾麵醬汁掛湯而食。呢間沾麵d 麵條好似烏冬粗粗的，煙煙韌韌好有咬口。碗湯汁裡頭還有少許配菜及肉鬆。可能麵條比較粗身，比例上唔會蘸上太多醬汁，食落岩岩好。再加上一塊薄薄的豬腩肉入口即溶好另外再叫燒和牛牛腹胸溫泉蛋丼嘩！雖然size系一口和牛，但燒得外層有少少焦香，而内裡仲好嫩囗，好正好好食，連個洋蔥都煎得好爽脆 仲有隻溫泉蛋撈飯簡直好得頂如下次有機會再黎，希望可以keep到呢個水準…查看更多

第一次食沾麵，原來係好有咬口嘅麵條。跟撈麵好唔同，不需要撈湯上麵；係夾起少許麵然後放入沾汁食。其實呢個食法係幾唔錯，因為有時候食撈麵，食到底嘅麵條都可能會比湯汁浸到「林」晒。沾麵就可以有自己好好控制。依家餐廳嘅麵質做得幾好，豬腩肉🐷嘅脂肪入口即溶，兩方面都做得幾好。但本人對個沾汁就唔太喜歡，因為真係好鹹😝配菜嘅份量亦都非常少😔老實說質素真係普普通通，如果未試過沾麵就可以去試下，但係如果試過的話就不如試下另一間⋯…查看更多

今日下午我們去咗尖沙咀ICC嘅「拉麵Jo」食晚飯！我們叫咗火焰刺身沙律、冷沾麵、特製沾麵、特製豚骨拉麵同燒和牛牛腹胸溫泉蛋丼！跟餐小食：炸鷄肉同松葉蟹肉餃子！火焰刺身沙律嘅刺身表面係用火焰輕輕燒過，刺身嘅外層係微微熱，入面嘅肉質好嫩滑，沙律菜亦好清甜新鮮！冷沾麵同特製沾麵嘅沾麵係比拉麵粗身，麵質非常爽滑同煙韌彈牙！特製豚骨拉麵嘅豚骨湯底味道好濃郁，麵質好爽口彈牙，而豚肉嘅肉質亦好軟滑腍身！燒和牛牛腹胸溫泉蛋丼嘅牛肉表面燒得好香口，肉質相當鬆軟嫩滑，肉味亦好香濃！跟餐小食：炸鷄肉炸得外層好金黃香脆，入面嘅肉質好軟滑！松葉蟹肉餃子煎得都幾香脆，餡料都幾嫩滑多汁！店員嘅服務態度都幾親切有禮！…查看更多