拉麵天王

營業中

休息中

日本拉面 係香港 不下 數十間 唔同類型 湯底 食法也有好多種 今日黎到 黃埔呢度好多日本野食 選了拉面 過下拉面癮 因為自己好鍾意食拉面 成日周圍 找尋好味道既拉面 這裡分別 有白天王 紅天王 黑天王 重有 限定天王 白天王以 自家制既濃豬骨湯做湯底 香濃豬骨味紅天王 就啱晒食辣既人仕 辣味十足而我選了黑天王 以 黑蒜 油 加上新鮮濃豬骨湯 美味 另外拉面 配上湯底 一齊食 唔錯食得出用心另外 一碗 係限定天王 櫻海老天王 就係 櫻花蝦加上豬骨湯炮制而成 湯底啖啖櫻花蝦湯味道 有驚喜 值得 一提 服務細心 及 店鋪充滿 日本味道

當晚紅磡《拉麵天王》蠻多人的, 客人車水馬龍。拉麵店座位蠻舒適的, 裝修有日式食店的氣氛。那層層疊的櫻花蝦山實在吸引, 裡面包含了櫻花蝦刺身及乾身的櫻花蝦, 用料豐富。把它們浸在熱熱湯底下，散開來之後每一口也吃到蝦, 湯底是用上豬骨湯，這樣可提升其味道, 有著濃厚蝦的鮮甜。拉麵天王的拉麵合我心意, 不會膩, 感覺清新。拉麵上有兩片叉燒, 厚度適中, 肥瘦均衡, 肉質鮮嫩。另外, 我也喜歡大量椰菜, 令營養均衡, 半熟蛋質素好, 蛋黃有流油狀態, 滋味無窮。這一碗豚肉外觀像叉燒, 原來已煮得很入味, 口感軟綿, 可以單吃也可以放在拉麵一起吃。日式餃子中, 菜肉餡料算是比較多, 外皮烤得脆口, 這餃子也值得推介。

獨行俠週五晚到黃埔替朋友搬家看新居，辦完正事後便賴下朋友自個到德民街找吃的紅磡從不缺吃的，自從黃埔地鐵線開通後就有更多食肆開幕，當然換另一種不好的說法就是出現更多的食肆轉換潮，看有哪些食肆能經歷租金的壓力而挺下來…紅磡向來多日本餐廳，這家拉麵店在openrice獲得不少好評，故又跑到這裡一嚐天王的味道。店內設計和日式拉麵店大致相若，廚房對出有一排位置供食客使用，個人比較愛坐這此位置，既可看著廚師入廚又可以獨自享受。每家拉麵店都會有獨家的口味，這裡最近的限定是生蒜天王和胡椒天王，自問是蒜頭愛好者當然是豪不猶疑地選擇生蒜天王($89) 吧！拉麵不消一會出現眼前，只見有個好像雪糕球的小球在碗內，被四片章魚塊托住，並有溏心蛋作陪襯；麵質選了中等的，只是份量感覺較少，即便是小女子也吃得不太飽(後來才明白為何旁邊的男生都要加小食了~)除了份量較少不太飽外，蒜的味道也很香濃，不會太咸，加些芝麻混在一起變得更加好吃，整體而言還是好吃的，不過價錢與份量就不太成正比了…

2016年最後一日，煩惱去邊倒數，又唔想去啲好多人既地方，最後決定新開既黃埔站。係地鐵search到呢間拉麵， 記得都幾出名，就去朝一朝聖啦。可能因為啲人多數去尖沙咀/銅鑼灣，黃埔唔多人，所以唔駛點等就入座。選左黑蒜，因為我揀左淡，所以唔係好夠味。男友揀濃味，佢就覺得湯底唔錯。麵質選了超硬，硬度亦夠，頗有嚼勁。總括，不過不失，不過未到要特登黎食既程度

心血來潮想帶暖湯的食物，見到天王拉面評分不錯，而且價位比同行便宜，所以便到此嘗試。白天王 - 豬骨湯底赤天王 - 辣但湯底比較似五香肉丁味每碗面已有半隻溏心蛋，另外可自選面的軟硬度、湯底的濃度等。湯底我選了普通，相比起我最喜愛的一蘭湯底，它缺少了花生的香味，正因如此湯底相對淡味。這裡採用幼質拉麵，我比較喜歡幼質拉麵，感覺似是能夠品嚐到師傅的手工。叉燒肉質也鮮嫩，而且替玉是熱上，加入湯中熱燙燙很保暖

today i ate ramen with a f1riend in whampoa. I ate here before and it was the second time. I ordered the white ramen, normal flavour, less oil, very hard noodles.As I like al dente noodles, I think 'very hard ' is just the texture i want! The barbecue pork here is nice, not very dry and salty, its bouncy and juicy. The egg is nice too, but sadly its cool, not a warm one, kind of disappointing actually. The soup is sweet, not very thick, just enough to be on the noodles. A warm on

天氣凍凍地又特別想食拉麵，一個人食又係想寫食評嘅時候，記得最近睇過一個節目介紹日本一位漫畫家的作品"孤獨的美食家", 幾有共鳴.. 自問自己唔係好奄尖的食家，但因為一個人的時候會自然地特別專注品嚐美食，相對與別人一起，一班人一齊食嘅時候，反而在乎同咩人食飯多過食啲咩，因為在乎氣氛吧。今次試了在紅磡細街內的一間拉麵小店，因為愛辣所以點了赤天王，口味和香油都選了普通，效果感覺油了一點，下次或選少油吧，麵條則比我喜歡的幼了些(個人食日本拉麵偏好粗身麵，但這裡煮得都ok起碼不太淋也不太硬身)。整體感覺不俗，免費配菜辣芽菜也加了分，服務亦不錯，如果去開紅磡或會再光顧。

叫左白天王同赤天王, 呢度D 麵好似細碗D,不過相對上亦平D, REMIND 大家, 每人最少叫一碗架~白天王: 即是豬骨湯底, 味道咸淡適中, 不過都幾多油, 我個人覺得油膩得滯, 叉燒肥瘦適中, 唔會覺得膩, 唔錯, 配料都多過其他店, 整體OK 架~赤天王: 雖然係辣, 但都無咩辣味, 其他評價同白天王一樣

很喜歡男朋友上openrice揾餐廳，之後一齊去找餐廳既位置！今次來到位於黃埔的拉麵小店。麵店在一條細巷內，不大明顯。但我們就是喜歡發掘這類的餐廳！可能是非繁忙時間，所以不用等位。因為本人不好太濃味，所以order了白天王；男朋友想嘗試濃味，所以order了限定天王(生蒜) , 我地再追加了一客烤餃子大致上，拉麵的質素都不錯。個人覺得幾有日本風味，尤其生蒜限定天王，跟在日本的拉麵很像。如果那顆味蛋再多味一點/糖心的，一定更好味！(我以為拉麵不跟蛋的，額外追加了半顆味蛋). 烤餃子都ok, 但感覺比較乾 。人均消費～ $100

本人唔係一位拉麵fan, 但因為另一半中食拉麵，所以好多時都半推半就。唯有呢間，令我愛上拉麵，令我食完再食；又或者，只有佢地嘅拉麵令我愛上。傳統地，餐牌只有幾款必備湯底，但每款都好滿足，無一款會有"硬係差dd"嘅感覺。另外最吸引嘅係限定天王 - 試過櫻花蝦，胡椒，同蒜，基本上每款嘅主題味道都非常突出，用料十足，已經講唔出要點樣先會更好，可以話係一百分。作為蛋精嘅我地，日式糖心蛋必食；蛋唔算特別出色，但絕對滿意。另一款精品係豚角燒：香濃，鬆化。對於認為生命中可以無豬肉嘅我，此為必食之選。除咗餐牌上嘅精品，另一樣不得不提嘅係你意想不到的：水。檯面每一壺水都有檸檬片，清香消滯。裝修簡潔，但食品制作非常用心，一間絕對一百分嘅食肆。

平時食得太多西式意粉, 紅磡又冇乜地方食拉麵, 近近地就腳既有間拉麵天王。環境都尚算不錯, 70幾蚊食到碗拉麵價錢都算幾合理。食左個白天王, 個湯底都係唔錯,幾重豬骨味,應該都落左好多時間去整,值得一試, 同行朋友就食左個赤天王, 就覺得辣味太重, 遮左其他既味道,下次都想再去試下個黑天王,好似都幾吸引。

今日來到黃埔站試坐，落車就發現一間拉麵店。每月限定拉麵。生蒜天王。新推出的限定天王，生蒜味道濃郁濃香，伴上深海八爪魚片，八爪魚鮮甜嫩口，不會乾硬。濃郁豬骨濃湯伴上生蒜，味道非常濃厚突出，陣陣蒜味惹人喜歡。

約咗好友在紅磡，搵咗呢間口碑唔錯嘅拉麵店食午餐！去到中午一點幾，竟然唔使排隊！去到好日式拉麵格局！門檔布！木桌椅！餐牌好簡單！只有4款麵，限定拉麵有兩款！店員介紹兩個拉麵之後落單！黑天王（$79）賣相好靚，紫菜索湯好味！湯底好濃漿口，唔太鹹又幾肥美，拉麵幼身彈牙，掛湯唔錯，半隻雞蛋蛋白好滑彈牙，蛋黃濃！ 叉燒好淋，一夾就散晒！肉質太淋！木耳絲爽口！椰菜絲爽口，青蔥絲嫩口！好味限定天王-生蒜天王（$89）朋友食，試咗一啖湯！白湯蒜味唔太濃，唔辣口！湯底好濃漿口！唔係叉燒，係八爪魚片，食咗一塊，淋身唔韌！烤餃子：烤得靚仔，賣相唔錯！皮煙韌，菜肉餡比較削，無乜味同口感！醬油好味！免費辣芽菜：枱面放咗一小壺，芽菜爽口，辣味粉入味，好好味，食晒再問店員攞，佢話即日清，夜晚來食可能無晒！女店員豪爽，有問必答，有笑容！拉麵唔錯！可以一試！廁所乾淨！

位於紅磡的拉麵天王，是一間我很喜歡的拉麵店曾去過不少次元朗分店，今天相約朋友到polyu附近的紅磡分店吃午餐。然後各自回母校努力做功課。令我到訪多次的食店，味道當然很對我囗味加上每次都有限定囗味拉麵，所以吸引我一來再來限定天王$89限定天王是生蒜天王和胡椒天王 我和朋友一樣，一齊點選生蒜天王胡椒天王已吃過多次，胡椒味濃烈搶囗，今次就試試生蒜拉麵。以一小球蒜蓉放在八爪魚片上的生蒜天王賣相雖沒胡椒天王有一大堆芝士的搶眼，不過我是蒜頭愛好者，有點小興奮哦把蒜蓉球濕入濃厚豬骨湯底，囗味相配蒜蓉蒜香甚濃，但微微搶囗感，若果更多會更重囗味豬骨湯底如以往般厚稠，微微黏囗，形成一層薄薄骨膠，極為美味拉麵為幼身拉麵，屬軟身彈牙不過服務員把我的拉麵熟至普通硬度，原本想硬一點點的，哈哈。烤餃子$28以烤方式煮熟的餃子還是我最愛，餃子皮煙靭帶勁烤後帶點點焦香，餃子脹卜卜，味道不錯。芝士年糕$12年糕微微煙靭，軟熟度較高，芝土內餡咸度不高，食下不膩這次的限定天王又深得我心，朋友也很喜愛，明天又來一次吧。

今天去黃埔花園逛街，行到肚餓，就在附近找地方填肚，來到這條橫街，發現有一間拉麵店，就試試，我選擇了黑天王，湯底味道好濃，义燒都厚，我追加了一份义燒粒，而拉麵就普通，整體都好好味，下次試其他味道。我覺得比銅鑼灣出名拉麵店低食。