抹茶館 (已結業)

以前都常來唸住不用等就食下啦入到去無冷氣的⋯⋯又叫34次先比水⋯⋯以前常食溫泉雞蛋飯今次試食四色三文魚飯店99元叫咗個魚生加炸雞套餐89元另叫左甜品抹茶杏仁豆腐54只有豆腐好食三文魚小得可憐😓豉油喊得好緊要😓😓咁既價錢不如去井井屋食人地d飯起碼真係日本米又好食又香266.2 dinner 好不值⋯⋯

之前試左抹茶館既甜品，唔錯，打算試下尼度既午餐，餐牌上d圖很吸引，叫左香蔥辣牛肉溫泉蛋丼飯，加餐湯，等左一陣就送黎，賣相唔錯，辣牛肉係選用打邊爐既肥牛，質素唔高，但調味唔錯，唔算辣，溫泉蛋撈飯超正，日本丼飯特色！原價74蚊，加一變81.4，其實覺得有小小貴，雖然好味既，但係唔抵食

和老婆來到沙田，例排好多人等，但來到吃抹茶館，等了一會便入得，店員理處吉位蠻快，不像有些餐廳明明有位，卻要你在外面盲目地等。好了，我們點了一個咖哩豬排和照燒雞排飯，雖然單點係無野飲，但都會有碗湯送，味道依然不錯，最後還點了一個朱古力香蕉芭菲，美味！

開咗咁耐，第一次嚟食。去到門口都唔少人排隊，拎飛都等咗10-15分鐘先有位。整體感覺一般，期待下次有機會試佢d甜品。香蒜燒牛肉伴溫泉蛋丼：Garlic Pan-fried Beef & Onsen Tamago Rice Bowl好大碗，細食嘅朋友建議同人 share食。牛肉份量都幾多，將溫泉蛋撈埋一齊食好juicy, 配料好入味。個湯就太重胡椒味，同個飯唔太夾。手羽餃子揚：Deep Fried Chicken Wings Dumpling賣相唔錯，味道就唔係太入味，感覺一般。黑蜜抹茶蕨餅：Warabi-Mochi Maccha好濃的抹茶味，如果唔配黑糖會好難入口，口感煙靭，食完飲返杯茉莉花茶，剛好中和抹茶的苦味。

友人Exchange完結回港，便相約聚聚，以我由雲南帶回來的玫瑰餅交換她特地帶給我的最愛 — 英國Jacab's 的mini cheddar cheese biscuit❤️❤️❤️因友人住在沙田，那邊新城市廣場既多餐廳，又多大型服裝店，便相約在此逛逛街再吃點東西，順便看看新開的Apple Store。正因如此，吸引了更多人朝聖，比平日多人，連去上洗手間都要大排長龍，等候大約半小時才看到廁所門框，而當然找餐廳也是一大問題🙈🙈🙈我們兩個之前都食過抹茶館，試過它的拉麵、丼飯及甜品，都覺得可以接受，而且看到比較少人等待，便決定在此用餐。儘管看似比較少人，但都要等待8張枱，等了大概半小時才等到🙄餐廳以綠色燈飾及木製餐桌及椅子作主軸，適合傾計聊天。菜式款式不多，有丼飯（牛肉類、雞肉類、豬肉類、海鮮）、烏冬、拉麵及餐廳的主力 — 各種抹茶甜品。三色雞肉丼在選餐時，本想吃牛肉丼，但一想到牛肉較多脂肪，而雞肉較為健康，就點了三色雞肉丼。三色是指蛋（黃色）、肉鬆（淡啡色）和照燒雞（深啡色），上面佈滿紫菜絲，充滿日本風味。勻拌後，我先呷了一口旁邊的例湯，只是一碗充滿味精的湯，底下只有少少蔬菜，呷了一口便放棄了。

溫泉蛋飯好好食。抹茶好香 如果你喜歡抹茶的話真的要黎試下。環境都幾舒服，乾淨。但如果夜小小黎可能會多人等一陣。我叫咗牛肉，好滑好好味，有啲蔥帶來香味。溫泉蛋煮得啱啱好，有個 thin egg white layer 好靚。

和友人吃過晚飯，想找個地方吃甜品，行到去新城市廣場第三期的抹茶館。顧名思義，以綠茶為主打的食店，整個餐牌也是綠油油，要靠顏色來點餐或許會有些困難。選了抹茶杏仁豆腐，貪其色彩繽紛。中間的正是主角抹茶杏仁豆腐，質感非常軟滑，茶香極為突出，綠茶fans不能錯過。上邊擺放四粒杞子，補眼良品。左邊的抹茶雪糕茶香未及杏仁豆腐，但亦吸引。紅豆蓉味道略甜，不過亦是可以接受的。配搭不同生果，口感更佳。食完飲杯茶，回味無窮。

最愛抹茶既我一見倒「抹茶館」就既刻衝左入去啦！睇menu綠茶飲品同甜品都有好多款，而熟食都有唔少。拉麵口感唔錯，黑麻油味好香湯底濃郁，再加埋半肥瘦叉燒仲有我最愛既糖心蛋😍😍正👍🏻依杯綠茶latte好出色👍🏻🍵入口茶味好濃，而且有綠茶既甘苦味，唔太甜，上面果層厚厚既cream好香好幼滑，而蕉糖又啱啱好中和番綠茶既甘苦味綠茶雪糕好有綠茶味，口感有小小似沙冰，而雲尼拿雪糕就好軟滑，兩款雪糕撈埋一齊食好有層次感呀😋黑糖蕨餅夠彈牙，但係紅豆蓉食落唔係好夠棉，可以雪得太凍

沙田新城市廣場 食肆林立，大部分都係連鎖店形式。這次跟屋企人行街，順便搵食。個人喜愛抹茶，見到呢間有好多抹茶製甜品/飲品，所以就去抹茶館試試。星期六晚市都係多人等候，我們等了25分鐘。先來正餐：柚子炸雞肉丼 $64飯跟個湯。我試了一口，炸雞炸漿夠鬆脆，淋左少少柚子汁，令炸雞無咁熱氣又清新點。我點了呢個：生姜燒豬肉丼 $74豬肉薄切，燒完豬肉仍保持鮮嫩，再用生姜一齊炒，更能帶出豬肉鮮味。配半生熟煎蛋，蛋汁撈在豬肉飯，食落更香又juicy!另一個係吉列豬滑蛋丼 $74我都係試了一少舊吉到列豬，有層薄薄滑蛋，令吉列豬食上無咁dry, 口感滑。到期待已久既抹茶甜品啦！我點了杏仁抹茶豆腐$54 有兩日式小碗剩裝，先講配料：蜜柑好甜，好味！紅豆蓉；抹茶雪糕好真材實料，抹茶香濃，雪糕夠滑。主角 抹茶杏仁豆腐，非常滑，杏仁味不夠出，被抹茶蓋過了少少。配埋雪糕食，抹茶味double up, 正！抹茶味濃不會太甜。配上一少杯熱既玄米茶，甜後解膩之用。另媽媽點了牛奶抹茶，過於甜。如可調較淡一點點會更好！總括 以連鎖形式既店，食物質素係算好，抹茶甜品係賣點，質素不俗。要止下抹茶癮既，要一試！Re姐推介指數：3

週末晚飯吃抹茶雪糕幾乎成為指定動作，這天比較晚吃飯，難得眼見不算太多人終於可以試試，當然一人一杯不用爭，這杯是軟心朱古力芭菲($59)，作為主角的抹茶雪糕，我們覺得實在比較淡...不但味道淡香味亦淡...好普通... 抹茶白玉芭菲($54)，主角失敗配料怎樣已再不重要，個人沒有多大興趣再回頭囉。 倒是熱食Menu還不錯，芝士蕃茄烏冬($74)重口味十足。 每條麵條沾滿芝士，香濃滋味。 吉列蝦滑蛋丼($79)也香滑，雖然我覺得「丼丼屋食堂」比較好食。 吉列蠔($49)有3款醬料，蠔肉份量中規中矩。 如果純粹熱食晚餐都OK，但抹茶雪糕就不會有第二次。

誤打誤撞 係沙田最後入左呢間一向都鐘情佢個卡邦尼烏冬水準keep倒 芝士味濃郁到不得了汁都飲左幾啖 當然都肥到不得了喇朋友係抹茶腔 主力甜品 一共叫左兩個甜點huffy:抹茶大福卷:賣相係唔錯 不過一吉落去 就覺得中左伏成舊福卷好似雪左幾日咁 外層表皮又厚又厚如非必要 簡其:2]:蜜抹茶蕨餅呢個就好好多喇 蕨餅表層有例牌既抹茶粉再倒埋黑蜜入去撈第一次食 黑糖 種口感係好正性價比一般喇始終商場 算係叫中價當然我係會次個卡邦尼烏冬喇

抹茶甜品外表吸引今次試這三款甜品抹茶豆腐(配上红豆，車厘子，綠茶雪糕)抹茶豆腐，不止顏色吸引(豆腐味道，有抹茶的茶澀味，口感香滑，配上綠色糖水，红豆茸，一齊食(減左d茶澀味)整體甜品，有抹茶的原有味道另一款(抹茶大福卷)外表平實，但抹茶味道濃郁(有抹茶cream)'少左茶澀味(比較甜)試新款甜品(抹茶提拉米蘇)外表吸引(日式的小木盒)比較淡抹茶味的甜品，內裡提垃米蘇(奶味重，遮了抹茶的味道，不過cream 打得好幼滑)抹茶牛奶(重抹茶味道)熱綠茶(甜左少少)傳統抹茶好濃郁主食方面牛肉鲜嫩，醬汁ok至於蕃茄芝士豚骨湯麵(湯無豚骨味道，似麵豉湯)滑蛋鰻魚飯蛋煮的時間剛好，蛋好滑，不過鰻魚细塊左少少整體(抹茶甜品，比主食吸引)

每次黎沙田都因為個雪糕而揀食抹茶館三四個人食完飯share個甜品真係好完美呀。鍾意佢嘅抹茶雪糕唔太甜夾埋少少苦嗰種綠茶回甘而配搭嘅紅豆嗰d都係走清甜路線。飯試左幾款。通常叫豬扒呀炸雞呀嗰d就略覺得有d淡。而有個辣牛肉飯唔算辣但味濃搭埋飯後雪糕真係正！

沙田多野食，今日搵黎一間特色連鎖店，專食綠茶味道，裝潢感覺舒適之餘，睇落都吸引嗌左兩杯綠茶飲品，但兩杯飲品嘅綠茶味都無乜，睇落有d普通，仲無乜特色添 芝士烏冬食落好有芝士香，芝士味濃，但食多左就會覺得有點膩 豚肉拉麵，蛋汁剛熟，滑溜入口， 豚肉質感尚可，湯底和豚肉味道欠缺特色，同平時響街食的豚肉拉麵差不多 餐廳服務一般，侍應態度有點差，落單時態度一般，座位較窄

放假去沙田行街, 行之前先補充下個胃, 咁先有氣力慢慢睇, 是但搵間人龍無咁多既, 就揀左呢間抺茶館.照燒雞肉伴溫泉蛋飯$59, 配例湯份量算少, 飯響最底得幾啖, 男士應該唔夠飽. 照燒雞煎香表面都幾香口, 肉都軟嫩, 味道正常唔會太咸. 溫泉蛋都幾香, 而且暖暖地, 撈埋落D飯同菜到食唔錯.