抹茶館 (已結業)

未入座，已覺得服務唔得！門口企住成打人，裡面有已經準備好嘅枱又有幾張，但又唔俾人入座，想點先？！入得座，發覺選擇唔多，不過都叫咗三樣嘢：一個丼，一個拉麵，一個甜品。三樣嘢味道只算一般，甚至有d失望！尤其是個抹茶提拉米蘇，冇乜抹茶味，裡面d蛋糕硬硬地又鞋鞋地，完全唔ok聽見隔離枱食客亦有不滿，話杯抹茶凍飲得個甜字，唔好飲我相信抹茶fans定必失望而回！

今日同朋友仔係屯門食飯, 揀左呢間新開張既抹茶館, 大家主要想試佢既甜品 >.<因為早既關係, 唔使等位就入得啦.我地四個人, 一人叫左個主食.<香辣蝦仁滑蛋丼>飯好乾好硬, 食左一兩啖已經停晒口....<咖哩雞肉菠菜滑蛋丼>飯都係硬, 但有咖哩汁送下飯勉強食晒....<芥末忌廉三文魚親子烏冬>朋友們一致推介, 可encore~!<炸野菜咖哩烏冬>我比較喜歡日式咖哩, GOOD!跟住就係甜品既時間啦.朋友仔都點左<抹茶豆乳布甸芭菲>而我就點左<抹茶軟雪糕白玉餡蜜>不過職員話已經無晒軟雪糕, 所以都被逼轉做硬雪糕, 但當時只係七點半囉....搞錯....上到檯, 個硬雪糕雖然係我喜歡既濃抹茶味, 但空心既....搵笨....加兩粒白玉丸子, 絕對唔值$54囉....我下次寧願去supermarket買杯雪糕食好過!!!朋友仔話個芭菲食唔出有豆乳味, 唔知D豆乳布甸去左邊....呢間餐廳無下次....P.S. 叫人俾杯水叫左3次先有囉....服務認真麻麻地.....

見到新開張，以抹茶為主題，Menu賣相吸引，食物望落有特色，便打算一試。抹茶提拉米蘇（Maccha Tiramisu）鐘意食Tiramisu，一於試吓抹茶板本嘅Tiramisu。以小木盒裝住，設計別緻。芝士面頭撒上少量抹茶粉，味帶微甘，不俗。第一口食到濃郁芝士味，好滑溜，讚！但愈食愈唔對路，因為內裡薄薄嘅海棉蛋糕層只有極少抹茶粉，完全食出唔呢份係抹茶口味嘅Tiramisu，實在有失主題！宜家只係似食緊無咖啡及酒味嘅原味Tiramisu。如果抹茶粉落多啲，或者索性將原味海棉蛋糕轉成抹茶味，相信一定會好食得多。幾失望。雜錦銅鑼燒雜錦材料好豐富，兩塊銅鑼燒中間夾有抹茶&雲尼嗱雪糕，大量忌廉同埋紅豆蓉，再淋上少量抹茶汁。睇返相先發現：點解無咗白玉丸子嘅？明明Menu上係有架喎！唉，算啦，講返食物。抹茶雪糕嘅抹茶味雖然不及菓匠茶屋，但都夠濃，幾好。忌廉軟滑不過甜，紅豆蓉同雲尼嗱雪糕都無乜問題。整體配料不錯。但銅鑼燒需要大大改善！銅鑼燒質感粗糙，唔軟熟，幾硬；而且無蛋香，沒甚味道可言。真係美心嘅紅豆沙燒餅仲好過佢。另外一提，每款甜品都會附上茉莉花茶，飲啖茶消消濟，係幾貼心嘅做法。原本諗住無下次架喇

山椒燒豚肉飯豚肉係用少少肥既五花腩片做, 溥溥地又幾好,又唔肥膩,有少少豬軟骨係度, 不過就硬左D! 而飯汁係一般燒汁, 要將D飯同汁撈到均勻先好食, 如果唔係最尾D飯會好多汁影響味道!雜錦銅鑼燒有抹茶雪糕,雲呢嗱雪糕,紅豆蜜沙,忌廉,糖栗子! 材料豐富,又大份, 不過燒餅中間有少少硬, 希望可以改善!抹茶豆乳有甸芭菲本人一向都喜愛食芭菲, 尤其係日式芭菲, 最好有白玉丸子之類既日本雪糕甜品!可能係第一日開張關係, 今晚食既芭菲, 食左幾啖先發現無左白玉丸子同蜜豆沙, 咁我就搵個店員姐姐反映一下, 跟住個姐姐好有禮貌咁同我講對唔住唔好意思, 後來佢仲唔收我呢杯芭菲錢, 佢話唔係會比公司鬧, 搞到我地鬼死咁唔好意思!講番個芭菲先, 個抹茶雪糕好有抹茶味, 不過如果唔食得既人可能會覺得苦! 跟住有D忌廉,粟米片,抹茶汁, 最後有抹茶豆乳布甸, 不過本人覺得布甸有D苦喎, 所以嘗試一下將布甸,忌廉,雪糕撈勻來食, 感覺又真係好D!下次我會再試其他有白玉丸子既甜品, 希望唔好無左白玉喇!重有, 可能係日本人公司關係, 店員們都好有禮貌, 不過並唔係因為佢地請我食芭菲先咁講, 所以希望佢地繼

最近，搭巴士回家經過屯門市廣場，見到有些可愛公仔的聖誕裝飾，想找天來影相！ 恰巧！昨日見到 Openrice 新餐廳資料中，屯門市廣場有間新開的餐廳 <抹茶館 Maccha House> ， 趁父母去大陸旅行，又無飯開，還是自己走來幫襯！ 順道可走去看看可愛公仔聖誕裝飾的童話國！說到抹茶，在香港可嚐得到的地方，第一時間令我想起位於上環的 <川善茶居>！ 另有一間劣評如潮的 <京都抹茶館>，令起初想幫襯的我也卻步！至於，這間 <抹茶館> 是來自日本京都；剛剛進駐香港，現有兩間分店，分別是昨天開業的屯門市廣場分店及明天開業的鑽石山荷里活廣場分店。歷史源遠悠長的傳統味道「抹茶」是日本的茶道，色澤翠綠！香氣怡人！ 茶味甘醇濃厚略帶苦澀！可代表日本的獨特味道。打開餐牌，除了抹茶冷、熱飲、抹茶口味雪糕、抹茶甜品之外，還有創新口味的烏冬、拉麵、丼、茶漬飯等！不是一味都是抹茶的東西！ 選擇多元化！店員們很有禮，還有日籍男店員及日籍老闆！臨走，日籍老闆還會向食客躹躬說多謝！店內裝潢簡約雅緻帶和風，配合柔和的燈光，給人輕鬆的感覺！加上每張桌子