手作功夫茶 (長沙灣道) (已結業)

本黎去深水埗就係想去圓圓飲黑糖珍珠嘅，不過飲得太多最後都係想試下新野走左去對面飲 😂 呢間台灣過江嘅茶飲店唔算係好出名，亦冇咩宣傳，但今次一試的確係有驚喜 🤘🏿 基本上佢地乜都有奶蓋奶茶黑糖珍珠水果茶茶類乜都有，眼闊肚窄就試佢地第一排嘅嘢飲 🤡 #鐵觀音珍珠奶茶 $25，呢杯嘅茶底幾清香，奶味都唔錯，拿捏得幾好，而底下嘅珍珠原來係黑糖珍珠，本身以為係普通珍珠，珍珠就熟哂有咬口嘅，如果再煙韌啲就更正，另外個驚喜位係竟然珍珠都煮到黑糖味係入面，真係幾好嘅 🤤 不過最滿足嘅係呢杯 #芝士朱古力可可 $31，朱古力就係朱古力啦下，重點最勁嘅係個奶蓋真係好濃厚好香，芝士味都幾出，可以話拍得住喜茶呀，而且個奶蓋份量又好，下次一定會 encore 芝士奶蓋配其他飲品 😛

這幾年, 新開張的台式飲品店多如繁星, 經過SSP呢間手作功夫茶，同樣來自台灣，主打飲品也是大家熟悉的e.g 珍珠奶茶、黑糖珍奶、水果茶、芝士奶蓋等。吉祥物是一個名叫”阿寶”的功夫小子，功夫底子深厚，象徵品牌如練功夫的心態，每件事情都講求基本功，由茶葉選料到調製技術，都有很厚的底子。芝士奶蓋綠茶這款是人氣招牌選用茉莉花香的翠玉綠茶，加上綿密的芝士奶蓋奶蓋同埋 清澈的綠茶香氣 大家嘅融合，徹底融化我的味蕾! 採用的奶蓋係濃厚芝味, 而且奶味好濃XDD微鹹口味更能襯托芝士風味我超級愛喝飲”奶”hehe, 推薦給喜歡喝“奶”的朋友們如果可以搭配珍珠更好, 下次一定要加~柚香晶球綠茶當鮮葡萄柚綠、寒天晶球與回甘清香的綠茶相遇, 大家完美交融，重捨微酸微甜的戀愛滋味我愛的綠茶，搭配了寒天晶球，讓飲品更加有口感跟層次,加上 寒天晶球熱量低，還帶有QQ的口感晶球MIX 埋甘的綠茶散發淡雅清香，在飯後來一杯特別解膩!每杯茶飲都是不簡單而來， 功夫傑作不容錯過 p. s. 新年仲有抽獎㖭飲嘢之餘仲可以轉個靚運 幸福哂！！

初三赤口唔駛去拜年，做咩好呢？當然係去行街啦～今日去咗深水埗行行企企，經過呢間手作功夫茶，又幾盞鬼喎，佢哋自家有個角色叫功夫阿寶😂最近狂飲黑糖珍珠鮮奶，今次都唔例外，叫咗黑糖波霸純鮮奶 $30，同行友人叫咗芝士奶蓋綠茶 $29。黑糖嘅虎紋好靚，搖勻後飲落黑糖同奶味個balance都ok喎，略嫌珍珠有少少硬，可能因為我鍾意勁淋嘅珍珠。另外一樣嘢，就係可能因為今日天氣熱，飲到最後杯嘢變淡咗，黑糖味就無咁香濃。友人飲嘅芝士奶蓋綠茶我都有試到，第一口飲落去，芝士非常濃郁🤤 係幸福嘅感覺，再混埋綠茶一齊飲時，綠茶嘅清新，混合埋芝士嘅creamy，超級match，兩杯嚟講我推介呢杯多啲👍🏻👍🏻

臨近歲晚，返屋企團聚時路經深水埗，見到有間新的台式飲品店就順手買左四杯返去同屋企人分享。呢度其中一個招牌就係黑糖波霸純鮮奶，同埋柚香晶球綠茶，我每樣都買左一杯，另外，再試埋芝士奶蓋四季青同芝士宇治抹茶。我自己就飲左芝士宇治抹茶，貪佢平時外邊少見。原來芝士同抹茶味係咁夾，抹香中又有芝士香，個層奶油打得好均，再飲到底既抹茶，我幾Like !阿妹飲左香晶球綠茶，佢話幾清新同埋個晶球幾有咬口，少甜就剛剛好。媽子就係黑糖波霸純鮮奶，佢話好好味，我偷飲左一啖，淡淡鮮奶中有黑糖粉圓，呢個配搭又真係幾好，唔會太甜，正!老豆要左個奶蓋四季青，佢話有少少草青味幾正。呢間店幾杯野飲都幾合我地心意，係香港除左果幾間連鎖手搖飲品店以外，既其他選擇

身為深水埗街坊又係時候發掘新飲食，係西九龍斜對面即係黃金對住間麥當勞果邊條街開咗一間台式飲品店，名為「手作功夫茶」。呢間台式飲品店原來是來自台南台中， 仲要係大規模經營， 早前喺天水圍元朗屯門開始了香港分店，其他不只香港有分店，其他亞洲國家都有分店。我呢位愛試新事物嘅精神，一定唔會錯過啦～我馬上來一杯「柚香晶球綠茶」，嘩~一飲第一啖感到好清新，滿口西柚香帶點綠茶嘅甘味，飲後十分爽，而且驚喜點係粒粒晶球，晶球成水晶狀，口感煙韌，似啫喱，好light，唔似平時飲珍珠咁飽肚同滯脹感，有時轉下清新口感都不錯。至於朋友呢，佢剛由大京都回港，佢好想念日本嘅感覺，所以就點了「 芝士宇治抹茶」。芝士好light, 全無罪惡感，加上宇治抹茶嘅濃香配芝士後十分夾，下次都可以再encore。新張期內有抽獎優惠，仲有凡穿著校服嘅學生有85折， 外賣十杯起全單八五折添， 咁多優惠飲品又新穎，下次都要飲埋其他口味得。

今日行街經過 位於深水埗長沙灣道既 手作功夫茶位處於深水埗中心地帶，斜對面係西九龍中心，後面係高登電腦中心，位置方便呢道有芝士奶蓋仲有佢地既 內功純茶水果茶厚奶茶黑糖波霸拿鐵必飲推介 好多水果喺入邊嘅水果茶水果份量好足 飲晒啲茶之後仲可以慢慢食哂水果入面仲有高纖羅勒子仲有第二樣 依家好流行嘅黑糖波霸珍珠鮮奶珍珠十分彈牙 好多黑糖 好滿足奶底好滑 唔會太甜飲完絕對會想飲多一杯下次要再試佢哋嘅手工茶，絕對有下次最後想話比大家知學生享有八五折優惠