戀上台式料理 (已結業)

朋友住將南，話donki附近好多高質食店，今日佢帶左我黎食呢間。店舖有outdoor位置，見到有啲食客都帶埋狗狗坐户外。呢到食既台灣野好多元化，除左一般台灣主食、小食、甜品、飲品，仲會有台式火鍋同烤肉。🦪 戀戀蚵仔煎 $68熱辣辣既蚵仔煎，擺盤好可愛，周邊全部都係肥大既蚵仔，圍住中間既煎蛋。醬料係類似甜醬再加少少辣，好開胃。煎餅煙煙韌韌，正！🍜 台式紅牛肉麵 $78 佢有好幾款湯底選擇，蕃茄/辣湯/同古早牛肉湯，我就選擇左古早牛肉湯配陽春麵。湯底有濃濃既藥材味，加上牛肉味，好似老火靚湯咁，陽春亦都好滑，牛肉睇得出佢好有心思，除左大大塊牛展，仲有牛腩、牛筋，每舊都紋到好淋，但保留口感。🍚 小碗手工魯肉飯配溏心蛋 $38唔好睇佢細細碗，我覺得女仔食都一定夠飽。佢既魯肉係比較多瘦肉，又唔會好咸，送飯一流。🍘 基隆市甜不辣 $58好有彈性既甜不辣，煎炸過既外表，唔會太油膩，仲有雞醬配黎食，好balance. 🍻 戀上水果茶 $42 / 任飲啤酒 $35呢到既水果茶係比較偏熱情果味重既，好特別，而佢既水果無菠蘿、荔枝肉同檸檬，成個配搭好summer! 啤酒真係好抵飲$35任飲500 ml hoe

舊同事搬咗去將軍澳新居入伙，佢帶我去樓下食嘢傾謁，台式料理係喜歡嘅食物，加上現場環境，感覺舒適休閒。松茸燉雞湯味鮮甜，加$18就有一盅。鵝肝蚵仔魯肉溏心蛋飯套餐$128好多料啊，幾塊鵝肝、脹卜卜蚵仔、半隻溏心蛋、多多肉燥、仲有2塊醃蘿蔔解膩。鵝肝煎得外脆內軟，蚵仔一粒一粒食唔停，好味。滷水雞翼帶有微香，肉質嫩滑。台式鹵豆腐味道清新又健康。蝶豆花草莓鮮奶冰 (+$25升級)顏色奪目，入口冰涼解渴。芝士爆漿脆雞扒配珍珠米飯套餐$108脆卜卜雞扒，肉質嫩滑有汁，配埋滿瀉嘅金黃色芝士，好邪惡呀！舊同事嘅雪崩珍珠朱古力 (+$28升級)，雪崩嘅雪係忌廉，上面係Oreo碎，佢話朱古力味香夾埋煙韌珍珠好過癮喎。

成日跑步見到將軍澳海旁有間打卡台灣菜餐廳，一直都想來食，今日難得早放工，決定來海旁品嘗。戀戀蚵仔煎蚵仔大隻而肥美，表面添上甜甜酸酸的醬汁，非常吸引，很不錯的選擇😋😋台式紅燒牛肉麵牛肉湯底有質素，濃郁的牛肉味加上淡淡藥材味好正，厚切大件牛肉，入囗腍嬾而入味加滑滑的刀削麵，最佳配搭😋😋胡椒蝦胡椒香十足，加埋姜，味道更辛辣香，蝦肉都幾入味。鹽酥雞塊用木pizza板盛載，賣相靚外層酥脆唔厚，肉質嫩滑，份量幾多～晚上戶外座位有靚靚打卡位，燈飾靚，做得舒適休閒！

朋友介紹將軍澳海邊有一間好chill既台灣餐廳，叫💞戀上台式料理，環境非常休閒，仲有戶外位置，對住個海好舒服。🌊同朋友每人叫咗一份午市套餐😍🥢秘製酸菜魚套餐 🐟酸菜魚連一碗滷肉飯，好有份量。魚片滑溜，少少辣，裡面有芽菜、雲耳、粉絲。🥢傳統手工魯肉飯伴台式烤腸及糖心蛋套餐🍚好大碗，魯肉半肥瘦好惹味，烤腸味道正宗。😁💖跟餐可以$15追加小食🥢鹵水豬耳爽口入味，陳皮鹵水雞翼juicy嫩滑。加$18有藥膳排骨，味道有啲似肉骨茶。 🥤套餐送菊花蜜， 另外加18蚊有杯古早珍珠奶茶。🍨 甜品叫咗芋圓仙草豆腐花，芋圓嘅煙韌💞👍

呢到環境好大，店員都幾熱情，播住啲勁hit嘅歌一路食飯好正😍內部係舊式香港玩味風，啲燈好有味道😇🌟 牛肉拼盤 ($288)真係好耐冇食過咁香嘅燒肉，厚薄適中，底面各燒廿秒左右就食得😋啲油花勁靚，絕對係上等貨嘅水準。牛舌亦都夠爽口，加上可以自己搽燒肉汁，味道可以根據自己口味調整，非常有風味🔥🌟 鵝肝蚵仔魯肉溏心蛋飯 ($128)鵝肝撈飯真係好完美，兩舊鵝肝都超大舊，煎得啱啱好又香❤️仲要加上份量好夠嘅蚵仔同魯肉，每啖都好豐富，又鮮又香又濃🚨重點仲要有溏心蛋，真係唔係我講都知邪惡🤭🌟 芋圓紅豆配木桶豆腐花 凍 二人份($68)呢個豆腐花一上黎擺盤好靚好有風味😇有珍珠，芋圓，紅豆同糖水，自己配搭咩口味，份量又係勁多！好足料😍🌟 Pinku Pinku ($48)其實呢杯係類似士多啤梨smoothie咁，有好多好多cream🥰每一啖都又甜又幸福🥺🌟 雪崩珍珠朱古力 ($45)呢杯朱古力真係邪惡嘅代表作🥰朱古力餅碎加埋鹹奶蓋，無論係當餐飲定係飯後甜品都係無敵！野飲本身嘅可可味都係勁濃郁，如果本身係朱古力fans嘅話真係唔可以錯過👍🏻

《牛肉拼盤》🥩🔥黎到海旁當然要試下台式燒肉吹住海風食燒肉 真係別有一番風味牛肉既種類包括牛胸腹、牛肩胛、牛小排、牛舌份量多而且仲係厚切又大塊食之前再搽上一層燒汁 更加帶出肉味牛舌爽口彈牙 其他牛肉既部位都好嫩性價比非常高.《鹽酥大大雞扒刀削麵》 大大件既鹽酥雞扒 肉質爽滑炸得脆而唔油膩香濃既台式湯底 帶有微微的辣配料有兩大舊已經入晒味既紅、白蘿蔔刀削麵口感非常煙靭 值得一試.《魯肉配菜心》肉類的份量比較多 所以特意叫一道蔬菜中和一下呢個魯肉配菜心一啲都唔馬虎 非常足料香濃既魯肉差不多覆蓋了成碟菜每一口都充滿住濃濃的肉汁和芝麻香.《古早珍珠奶茶》🧋大大粒珍珠 口感煙靭適中 不會過甜茶底香濃 不會被奶味蓋過.《荔枝烏龍》🥃烏龍茶飲起來本身比較清淡但加入了荔枝果肉增添了風味食完肉類再加呢杯飲品 都係一個唔錯既選擇

《河畔台灣小店💖》———————————————#戀上台式料理 🇹🇼 -係將軍澳海濱長廊有唔少pet pet friendly 嘅餐廳，呢間台式菜裝潢簡潔，半開放式座位空間感十足，坐得幾舒適，環境優美，小店仲新增咗全新露天茶座，好啱帶寵物去一齊食嘢🦮-🐮 牛肉燒肉拼盤拼盤包咗牛舌、牛肩胛、牛小扒同牛胸腹，厚薄適中，略帶有嚼勁嘅口感，油花唔錯😌 尤其中意牛胸腹同牛舌，自己搽上燒肉汁，非常有風味🔥 星期一至五揀呢款爐端燒拼盤仲可享八折優惠💰-🐣 鹽酥大大雞扒滷肉飯肥瘦適中嘅滷肉香而不膩，啖啖肉，配搭大大塊嘅鹽酥雞扒，金黃酥脆，幾抵食😎-台式飲品方面，黑糖珍珠鮮奶同荔枝珍珠烏龍都唔錯，夠晒清爽解膩😋-⭐價錢參考：（晚市另收加一）牛肉燒肉拼盤：$288鹽酥大大雞扒滷肉飯：$88黑糖珍珠鮮奶：$38荔枝珍珠烏龍：$45抵deal 指數：7/10💰人均消費：$250

台灣料理一直都係我鍾意嘅菜式🥰 紅燒牛肉麵🍜，蚵仔煎，肉燥飯，珍珠奶茶🧋等等食極都唔厭😆 今晚就嚟咗將軍澳一間台式餐廳，位置近海傍，有室內室外座位，環境夠chill🤩 係呢度用餐夠晒寫意，聽講佢哋嘅台式料理種類繁系，好期待🤩🌟戀戀蚵仔煎$68完美覆製台灣嘅味道，蚵仔新鮮大粒，好鮮甜，配埋甜辣醬汁食到停唔到口🤣🌟台灣胡椒蝦$168之前係台北夜市食過好回味，見餐牌有即刻叫咗一份😌 份量正常，蝦肉新鮮爽口彈牙，胡椒香辣味好正👍🌟台式烤香腸$58香煎嘅香腸一黑一紅，擺盤吸引，肉質扎實彈牙，肥瘦適中有咬口👍🌟鹽燒美國特板牛小排$98見隔離枱燒緊好吸引，牛小排油花分布均勻，放上燒烤爐滋滋聲🤩 入口充滿油香，好味🤩🌟雪崩珍珠朱古力🧋$50珍珠奶茶就飲得多，今次就試吓不一樣嘅珍珠朱古力，朱古力好香濃，珍珠煙韌有口感，唔會太甜👍🌟戀上水果茶$42呢杯清爽解膩，食烤肉最佳配搭👍

👍🏻 芝士爆漿脆雞扒邪惡之選😎一大塊雞扒切開左一半 中間流住爆漿金黃色嘅芝士🧀賣相非常吸引 用刀一切雞扒 已經聽到脆卜卜嘅雞皮聲 調味就好似鹽酥雞一樣 口感同味道一流 令人一試難忘！👍🏻 戀戀蚵仔煎🦪蚵仔新鮮大隻 咬落去會爆汁 非常鮮味！蚵仔煎係煙煙韌韌 加埋中間煎得香脆嘅雞蛋 有多重口感👏🏻 上面紅色醬汁 甜甜辣辣 推介！👍🏻 胡椒蝦5大隻巨型大頭蝦🦐爆多蝦膏 味道濃郁 用胡椒醬汁來炮製 突顯到蝦嘅鮮味 辣度係屬於過癮嗰種 食落喉嚨會好舒服💕食嗰陣要小心啲呀 啱啱上台好熱架👍🏻 台式紅燒牛肉麵之前都有食過佢哋嘅牛肉麵 古早牛肉湯底濃味但能夠保持清爽 唔油膩✅仲帶有丁點藥材味 牛肉份量多得驚人 係脂肪同牛筋嘅加持下 好腍好滑😇👍🏻 雪崩珍珠朱古力用白色嘅cream做出雪崩嘅效果 飲品上面鋪左嘅Oreo碎 朱古力味道層次非常濃厚 底下仲有啲珍珠添🧋一次過可以滿足晒我嘅願望注意事項⚠️- 餐廳位於海旁附近 仲增設室外座位 環境舒適 適合一家大細 帶埋寵物過嚟都得🐶

📌將軍澳區嚟講唐俊街新式餐廳林立， 喜歡台灣料理可以試下呢間， 食品同飲品都好出色同用心製作🎈， 牆身裝修仲充滿玩味霓虹燈句子可以打卡📸🌟好食推介🌟台式胡椒蝦: 果然好重白胡椒味, 辛辣味十足, 非常惹味而且啖啖肉,😋 蝦肉結實彈牙, 中間開邊容易食用。蚵仔煎: 之前去九份十份食嘅阿仔煎口味有點似甜醬， 今次呢款醬汁酸酸甜甜， 開胃之餘亦都癖除咗蠔仔本身嘅腥味。 另外想講呢個蚵仔煎超足料😍， 啖啖都食到最少兩隻蠔肉🤤雪崩珍珠朱古力: 有外表又有內涵， 打卡必點嘅飲品， 視覺效果一流， 雪崩係用奶蓋芝士製作而成， 面頭舖上oreo脆脆， 朱古力杯底仲有珍珠， 每出一啖口感都好豐富。🤪~~~~~~~~😋味道: 8.5/10📸賣相: 8.5/10🛋️環境：8/10💁‍♂️服務: 8/10💎性價比: 9/10💲人均：$51 up⏪回頭率：85%~~~~~📍戀上台式料理將軍澳唐俊街21號翩匯坊地下G26號舖~~~~~

👩🏻‍❤️‍👨🏻：⭐️⭐️⭐️⭐️⭐️🤵🏻‍♂️喺將軍澳返工，日日出去食lunch，試過好多餐廳，呢間係其中一間最鍾意嘅，所以周不時都會車埋同事出嚟呢間喺翩匯坊，向海嘅台式料理。今日就同女同事嚟撐枱腳，貪佢夠安靜，傾公事講是非皆宜，而且極度抵食又好味。不過近大半年呢度所有食肆人流少咗好多，好處係一定有位，壞處係真係擔心佢做唔住。🤵🏻‍♂️ 戀上三杯雞套餐 $74配魯肉飯＋菊花蜜三杯雞惹味香口唔油膩，分量充足，配埋魯肉飯非常開胃，連煲入邊嘅蒜頭同洋蔥都食晒🤵🏻‍♂️ 紅燒牛肉麵套餐 $68古早生肉湯/陽春麵＋桂圓紅棗茶紅燒牛肉肥瘦適中，牛肉味濃，加上古早生肉湯非常惹味，配料也不少，有紅蘿蔔和蘿蔔，食成碗也不覺肥膩所有套餐都送開胃菜，今次係麻辣雲耳兩杯嘢飲叫咗少甜，但係都稍嫌甜得滯，飲少少之後加返水再飲嘅時候更適合🤵🏻‍♂️其實最愛呢度環境舒適，如果天氣冇咁熱，坐近單車徑嘅座位，所有玻璃門開晒嘅話，感覺開陽，室內外連成一體，係忙裏偷閑嘅好選擇

一個炎熱嘅夜晚，散步嘅時間見到呢間餐廳。就行咗入去，一入到去佢就問我有冇訂枱。由於係半開放式嘅餐廳，其實冇幾多冷氣。餐廳採用電子落單，掃一掃個QR code就可以見到電話入面顯示嘅電子餐單。所有價錢同菜式以電子餐單為準。我就嗌左一碗台式肉燥細飯+1隻蛋，飲芒果綠茶。台式肉燥飯比平時嘅細碗，但係飯底仍然好多。隻滷蛋係糖心蛋，食落去比平時既台式餐廳嗰啲唔同。平時識嘅台式滷蛋係實心蛋，煮到好熟，冇咁嫩滑。小菜方面有青瓜、花生同埋木耳。少少辣多多脆。杯芒果綠茶走冰，好快就飲完，入面溝咗好重嘅芒果汁。差唔多三份二嘅時間都淨係飲到芒果味。綠茶味喺底下差唔多飲晒成杯先至飲到。食完飯沿着河邊散吓步，係幾寫意。總括嚟講，去將軍澳食飯呢間餐廳係一個唔錯嘅選擇。計埋加一服務費，埋單食咗$310😸

今日難得冇落雨🌧於是決定同朋友去將軍澳海旁食飯我哋見戀上台式料理幾多人食 所以就凑熱鬧入咗去坐低😆-鵝肝蚵仔魯肉溏心蛋飯$128朋友中意食鵝肝同蚵仔🦪所以二話不說就嗌左呢個飯😆飯嘅份量好大 可以share🫂鵝肝有兩大塊 蚵仔好creamy 👍🏻有好多隻多到數唔晒 所以幾抵食🤣-鹽酥大大雞扒珍珠米飯-附送前菜 $88雞扒有成八舊 好厚肉 而且肉質爽滑😍鹽酥炸皮好有台灣風味🥢不知不覺已經餸晒成碗飯🍚-口水雞三小拼盤(口水雞/溏心蛋/豆腐）$68口水雞係熱食嘅而且幾辣下🌶溏心蛋真係好溏心🤣-柚子茶 $18晚餐嗌左健康養生系列入面熱嘅柚子茶 ♨️嗌少甜 所以甜度適中 幾解膩😉

𝗯𝗿𝗮𝗶𝘀𝗲𝗱 𝗽𝗼𝗿𝗸 𝗿𝗶𝗰𝗲 -- 𝗼𝗻𝗲 𝗼𝗳 𝘁𝗵𝗲 𝗺𝗼𝘀𝘁 𝗯𝗲𝗹𝗼𝘃𝗲𝗱 𝘁𝗮𝗶𝘄𝗮𝗻𝗲𝘀𝗲 𝗰𝗼𝗺𝗳𝗼𝗿𝘁 𝗳𝗼𝗼𝗱! 𝘁𝗵𝗶𝘀 𝗿𝗶𝗰𝗲 𝗯𝗼𝘄𝗹 𝗺𝗮𝗿𝗿𝗶𝗲𝗱 𝘁𝗵𝗲 𝗿𝗶𝗰𝗵𝗻𝗲𝘀𝘀 𝗼𝗳 𝗯𝗿𝗮𝗶𝘀𝗲𝗱 𝗽𝗼𝗿𝗸 𝘄𝗶𝘁𝗵 𝘃𝗲𝗹𝘃𝗲𝘁-𝘀𝗺𝗼𝗼𝘁𝗵 𝗳𝗼𝗶𝗲 𝗴𝗿𝗮𝘀 𝗮𝗻𝗱 𝗼𝘆𝘀𝘁𝗲𝗿𝘀😋 𝗽𝗼𝗿𝗸 𝗯𝗲𝗹𝗹𝘆 𝘄𝗮𝘀 𝗿𝗶𝗰𝗵𝗹𝘆 𝘀𝗲𝗮𝘀𝗼𝗻𝗲𝗱 𝗮𝗻𝗱 𝗰𝗼𝗼𝗸𝗲𝗱 𝘁𝗼 𝗮𝗻 𝗴𝗲𝗹𝗮𝘁𝗶𝗻𝗼𝘂𝘀 𝘁𝗲𝘅𝘁𝘂𝗿𝗲, 𝗰𝗼𝗮𝘁𝗲𝗱 𝘄𝗶𝘁𝗵 𝗮 𝗹𝗮𝘆𝗲𝗿 𝗼𝗳 𝘀𝘁𝗶𝗰𝗸𝘆 𝗯𝗿𝗼𝘁𝗵. 𝗱𝗲𝗳𝗶𝗻𝗶𝘁𝗲𝗹𝘆 𝗮 𝗵𝗲𝗮𝘃𝗲𝗻𝗹𝘆 𝘀𝗰𝗿𝘂𝗺𝗽𝘁𝗶𝗼𝘂𝘀 𝘄𝗮𝘆 𝘁𝗼 𝗲𝗻𝗷𝗼𝘆 𝗽𝗼𝗿𝗸 𝗯𝗲𝗹𝗹𝘆, 𝗳𝗼𝗶𝗲 𝗴𝗿𝗮𝘀 𝗮𝗻𝗱 𝗼𝘆𝘀𝘁𝗲𝗿𝘀 𝗶𝗻 𝗮𝗻 𝗮𝗹𝗹-𝗶𝗻-𝗼𝗻𝗲 𝗿𝗶𝗰𝗲 𝗯𝗼𝘄𝗹. 𝘀𝗶𝗺𝗽𝗹𝘆 𝗶𝗿𝗿𝗲𝘀𝗶𝘀𝘁𝗶𝗯𝗹𝗲!👅.將軍澳海旁唔止得酒吧西餐廳，想望住海景開餐又想食平啲嘅，@taiwanfirstlove 台式餐廳係唔錯嘅選擇！魯肉飯配肥美飽滿嘅蚵仔原來幾夾，加埋兩塊鵝肝同溏心蛋超豐富，一啖有齊鵝油豬油香👅 另外估唔

講到將軍澳區嘅台式料理 呢一間可以話係數一數二 餐廳仲有戶外座位 仲可以望到海景🌊 真係夠chill 🥳✨泰式酸辣蝦🦐🦐🦐店內嘅招牌菜 真係好出色一煲入面有六隻蝦 每隻蝦都好大大隻🤩食落口 蝦嘅肉質好有彈牙 口感唔錯配上泰式酸辣汁 味道酸酸辣辣 好惹味煲底仲有粉絲 索哂酸辣汁嘅精華 真心正😋✨麻辣鴨血湯麵🍜另一個大力推薦🙌🏻 麻辣鴨血湯底好香濃離遠已經聞到果陣麻香 不太食得辣既我叫左小辣岩岩好😋 鴨血好爽口同好滑 麵底揀左陽春麵 質地比較軟熟 十分唔錯🤤✨芝士爆漿脆雞排嘩呢個爆漿雞排真係好震撼 大大塊既雞排入面係滿瀉嘅芝士呀🤤🤤 睇到已經流哂口水雞排外皮脆卜卜 內裏肉質鮮嫩 亦很香口多汁 👍🏼👍🏼 整體感覺十分正！✨台灣菜一定要叫返碟台式滷水糖心蛋試試😚 色澤十分吸引 而且糖心味濃👍🏼 另外呢到既滷肉乾煸四季豆亦值得一試，炒得夠乾身，仲食到微微滷肉香，正啊🤤✨飲品叫左奶蓋四季春同埋黑糖仙草鮮奶🧋個人比較推薦後者😍黑糖份量夠多 整杯飲品充滿黑糖既甜味，加上仙草爽滑口感，超鐘意🤩🤩🤩