慶吉家 (已搬遷) 新店位置

小弟是一個麵癡,平常就算係屋企都會用即食拉麵炒冷飯頂胃,亦親身試過豚王, mist ,8番等貴價店,試過幾次真係覺得好抵食,雖然湯無咩特別,但係麵條真係好好蛋味,不比名店差,其實雖然在小巷,但係位置係好近灣仔熱點. 香港好多地方好睇唔好食,希望慶吉家呢啲小店多啲人幫親,多啲價錢合理嘅選擇

某日看見食友紅叮在FB的推介，說這兒的牛肉飯有點兒水準，於是中午就拉了同事來，地方迫迫食都要一遢這兒的名物。小店，的確是一間小小的店，除附近的返工客外，就是愛群道入面既中學同IVE的學生。因為有學生優惠的原由，服務上接不接下氣，又漏單漏餸漏湯，若不是食物真的是好，淨是這一個亂七八糟的服務，已經不獲好評。看一看，就輕易的決定了要紅叮推介的牛肉飯，單是這牛肉飯就沒有坎漏單既，走漏單的是麵豉湯同同事的咖喱飯。店外還不繼有小朋友在叫罵，說我的外賣在那兒.....牛肉飯，做法是同吉野家的牛肉飯屬同一系列，不過這牛肉飯是配上了特製的燒汁，吃起來味道比較濃，汁亦完美地流入了飯中，濃味的，幾啱我這種口味比較重的人。加少少七味粉，更加之spicy。 遲來了的麵豉湯，看出來是像是清湯，但飲落去就會覺得味道十足，雖然湯既配料不多，只有豆腐同芽菜，但就這樣的清清地，也好味。 味道好，但中午時段又上班族又學生仔，人手其實夠的，不過.....亂是此店的唯一敗筆。

這一個月入來灣仔次數比起以往為多,以前我都怕在灣仔找餐廳,總覺得很貴又做得不好食,和食友談起慶吉家這店子,我記起這間還未來光顧一次,接著因食友的生日飯局又同樣在灣仔,間接可以下午時候來這間餐廳,這間不是什麼傳統日式餐廳,望著店內格局更有港式味道,不過有時候港式不吃壽司刺身,只吃熟食也行,這裏出名的牛肉飯終於有機會一試,下午茶套餐牛肉飯配凍飲只是二十七元,對於灣仔一帶算是便宜,也比大埔不少店鋪為便宜,牛肉飯份量當作下午茶剛好,望著牛肉片鋪滿在飯粒上,還灑少許芝麻,雖然起不到作用,賣相絕對比香港的吉野家為佳,食落帶有韌性,如無意外都是雪藏貨以這個價錢又不能寄望用什麼靚牛肉,但牛肉汁帶甜,配白飯也不錯食,幸好飯粒沒有過多水份,在這些地方食牛肉飯總比什麼八吋長壽司,或大大件刺身壽司為佳,食友說這裏的豬軟骨也不錯,看來又需要找個時間再來這邊吃下其他東西,

價廉，亦可以物美。今夜重臨交加里街，首訪這間日式餐廳，點了吉列豬扒飯。來了！一看，賣相對辦。一試，味道不俗。豬扒披著金黃的衣牚，香脆可口；內層裹著豐富的肉汁，熱力逼人。另碟的芝麻醬乃是畫道點睛之處，把整道菜式的味道提昇。坊間百多元的吉列豬扒俯拾皆是，但在這裏能以低於半價嘗到這個質素，一樂也。

平時行經這條街呢, 只會留意到兩家 Froyo 店, 夾在中間的兩家倒也沒怎麼在意 (除了 Rose Cafe, 只是常常都滿座, 想去都未必有位)。這晚來了吃晚飯, Rose 那邊的不太合心水, 便來了這家賣港式日本嘢的地方。雖說是港式, 但總會掛兩幅日本風的畫。另外有樣好就是有電視看, 典型港式電視送飯格局。此店主打拉麵, 但始終對湯麵類物體不太感冒, 還是吃飯吧。套餐也不太合意 (我真的好麻煩), 結果單點了照燒雞扒飯 ($39) 的定食; 定食配熱檸茶。後來覺得好像沒有什麼蔬菜吃, 也來了燒粟米 ($9) 一條。(對不起由於座位近著慘綠的閃閃聖誕燈飾所以照片偏色了)雞扒算是相當的大塊, 看來是烤過的, 而雞肉竟然是不韌的, 當然甜甜的照燒汁也幫了一把; 旁邊有堆椰菜甘筍之類, 只是陪襯角色。飯倒是相當的大碗的, 應該不是 exactly 珍珠米不過米質也帶點煙韌, 收貨有餘。又係燒粟米咁蹺? 一早知你係粟一燒! 呢個燒粟米呢, 幾好食口架, 起碼真的有燒過的嘛...有少許焦香, 掃上燒汁, 甜中帶丁點鹹, 的確比快餐店的白烚粟米加團人造牛油好吃的多了。還是晚上來好, 午間很多學

一直都有幫襯開呢間日式野食滑旦雞飯同鰻魚飯都有水準~仲有D燒物都好食~但最近唔知咩事D雞扒成日都冇琴晚7點鐘去到, Order 滑旦雞飯照樣冇, 話一早賣哂 (7點就賣哂!?)因為已經幾次都係, 心已經有d灰...諗緊轉唔轉場..不過既然入得黎...算啦, 叫其他野...點知order飲品點麵豉湯果陣, 竟然連湯都冇!!??? 真係火到黎! 有冇心做生意架!? 7點鐘晚市o岩o岩開始, 呢樣冇果樣冇~即刻立袋走人, 亦都會從此black list唔會再幫襯d食材又唔係咩特別季節性, 又唔係咩貴價野, 咁基本既供應都做唔到...次次都要客人食閉門羹真係唔知搞咩野....

一向最愛吃鰻魚所以叫左鰻魚飯做晚飯.eel很肥美又有d菜幾健康個汁幾好味,另外WAITRESS都俾左枝醬汁食完超滿足HE))有機會一定要再黎試拉麵><BTW服務幾好又有電視睇TOILET雖然得一間但都幾乾淨

見到OPEN RICE既食評 所以專登同朋友去食叫左雞扒拉面同滑蛋豬扒飯雞扒真係好味 但拉面個豬骨湯唔夠熱 豬骨味有D淡滑蛋豬扒飯不過不失下次會試下牛肉飯同食多次雞扒!

lunch去開呢頭游水，食d野打打底再行一行，佢見我想外賣好快已經有人落單，仲要好快收好錢，有禮~今日set lunch係汁燒牛肉飯，好香芝麻粒味，咬落去有芝麻香，d牛肉好細心切到可以一隻匙就可以"不"到飯同肉，唔似吉x家咁，成大舊又要咬開又要,,,返黎睇先見到原來佢出名雞扒，下次一定要試試。~

今晚同朋友相約於灣仔,中途特覺肚餓,路經此店,見店內座滿人,剛好有一張枱埋單,同朋友研究一輪決定幫襯,進內感覺好港式日本feel,仲有兩部電視(啱晒我),問店員有甚麼好介紹,店員話雞扒及豬軟骨及牛肉都係最多人食喎!結果我哋都係叫咗我哋一向鍾意食開(口既)豬軟骨拉麵同朋友鍾意開(口既)鰻魚飯一薺食,店員好有禮貌啱遞上兩隻碗仔(在我們未有要求前遞上,抵讚!)味道篇:1.豬軟骨拉麵:真係唔錯喎!啲豬軟骨超淋(我同朋友搶住食),拉麵好彈牙,湯底超好味(真係好有豬骨味,飲晒),味道感覺畀味千更優勝(因為無咁油),超得!2.鰻魚飯:好大件呀,鰻魚好新鮮,不過比起豬軟骨較遜色!總結:味道唔錯,服務很好,$40一餐超值,下次真係要食雞扒同牛肉先得!

每天也有機會面對「食咩好呢」既難題在灣仔接了另一半放工後兩個人又在想呀想行行下經過「慶吉家」看見menu也好像不錯就踏進這間小店店內只有數張台環境算整潔店員帶著笑容招呼我們我們點了牛肉飯及咖喱吉列豬扒飯牛肉飯: 牛肉的份量多得很，鋪滿了厚厚的一層醬汁惹味，牛肉入味，加上芝麻及洋蔥，送飯一流 比起那些連鎖店的牛肉飯好食得多!!咖喱吉列豬扒飯: 豬扒大大塊，難得的是咬下去仍有肉汁，而咖喱汁香而不辣，配上較粘身的日本米!! 蠻開胃!飯配飲品而7點前埋單價錢更會便宜點經濟之選!!這裡還有電視店員服務也很好~希望有機會能發掘更多高質素的小店跟大家分享啦!

七點前離座八折，正呀~都肚餓既咪食左野先囉，咁港式既裝修同咁窄既位，我都唔期望多架啦~一個燒汁雞飯同一個豬軟骨拉麵，估佢唔到，食落都唔太差呀~個燒汁好香甜，個飯夠熱辣辣，仲煮得岩岩好夠鬆軟~D雞，咪又係得個面有味個肉雪味重囉=.=|||不過好在佢切得個SIZE好，所以點多少少燒汁可以蓋過個味既，個肉煮得OK唔太老既~個拉麵湯底先驚喜呀! 係豬骨湯，但佢唔係味精重到死，又唔係用奶味重既，佢係奶白色但好香豬肉味~個麵無咩味... ...但係煮得都彈牙既~個豬軟骨，食左無咩印象，佢其實係唔係有得批發整好左比人賣架?間間既味都係差無幾既?不過算啦，有電視睇，又唔駛等位，咁既價錢，飽肚又唔錯既，月尾無錢去其他既，先再去啦~

剛剛去完幫襯, 真係幾好食, 可惜雞扒已經賣哂... 冇計啦, 去果時已經係九點半... 不過老闆娘同我地講 10 點 last order, 但係可以慢慢坐.... 服務態度十分好!! 食完野唔記得拎野, 佢仲跑出黎叫住我地, 我地都有 d 唔好意思!!如此好既 service, 下次一定會再幫襯!

今日同啲朋友一齊嚟呢間老翻吉野家食嘢,以前都嚟過好多次,都覺得牛肉同咖喱豬扒都好味,不過朋友話雞扒仲正,所以今次就叫咗雞扒飯,一嚟到,嘩!嚇死我,塊雞好大塊呀,(賣相不錯)!當然即刻品嚐呢!嘩.................真係估佢唔到...........咁好食喎!(所以才令到我有衝動寫上嚟!)塊雞好滑好肥美呀,連同啲醬汁配合得天衣無縫,開頭我都以為我無可能食到咁大塊雞及成個飯,點知食吓食吓就食完,感覺好滿足呀!不過朋友話雞扒唔係成日有得食喎,佢每三次嚟先食到一次咋,嘩,咁我咩好好彩囉!唯一要批評就係地方真係好迫囉,可能因為佢哋生意真係唔錯,見啲人喺咁出出入入,出面又有一大棚人係到等,(攪到想食完傾吓偈都唔得!)費事犯眾憎呢!不過見啲侍應生都幾有禮貌,咁繁忙都有叫必應,都真係唔錯喎!朋友仲話豬軟骨拉麵都好好食喎,湯底勁正添!哈!咁下次就唔食飯轉食拉麵呢.....(多謝朋友介紹)

灣仔區美食多不勝數,要吃盡每一所店也不容易.但日本菜在灣仔區選擇不算多,偶而想吃一些簡單的日本料理也不易.這一間小店,若非友人帶領真的未必會來試,而上次的一客牛肉飯又確實令我懷念萬分.這晚忽然想吃鰻魚飯,便來這裏一趟看看有沒有.鰻魚飯的鰻魚份量以小店和價錢來說算很划算.鰻魚既肥美又香滑,而且醬汁很多,撈飯一絕.鰻魚和飯的中間夾雜著一些蔬菜,正好消減油膩.飯粒依舊是很肥美的珍珠米,碰上肚子餓的時候,實在是極品.跟飯可選麵豉湯或飲品,前者賣完唯有選西洋菜蜜,但味道不太好.日式牛肉飯味道依舊好,牛肉又滑又嫩,配上醬汁,吃不停口.小店裝潢簡單,只有數張小枱,但人流不少,可能是近IVE的關係,不少人來這裏吃過簡單的快餐.