慧食貓

營業中

休息中

手抓餅推薦‼️葵廣美食超多選擇 但都一定要留肚食呢個因為水準一直都keep得勁好🤩每次黎都排長龍 老闆即叫即整通常都係嗌放低錢先 等陣反黎拎🤩今次餡料嗌左火腿雞蛋肉鬆😋熱辣辣加外皮夠脆 💯而且餡料勁足勁多肉鬆👍🏻👍🏻加上有生菜蕃茄 食落特別開胃👍🏻佢仲有好多唔同口味可以選擇每款都係勁吸引😋😋😋而且價錢十分合理🤩一啲都唔貴質素又好好 絕對可以媲美台灣既手抓餅👍🏻👍🏻因為香港真好少見甘高質既手抓餅😋

葵廣搵食第三擊，同朋友一齊食又平又抵嘅自選配料手抓餅。呢間手抓餅成日都好好生意，睇定自己想食咩，同老闆講，老闆話要等幾耐，就到時返黎攞果陣比錢再加自行找續就OK啦。我自己揀左雞蛋+肉鬆+豬柳配料嘅手抓餅（$13+$4+$4+$7=$28），不過如果你想食嘅野同餐差唔多，建議就叫餐抵D。叫完之後，老闆叫我地15分鐘後返黎，我地行左陣街，返黎即刻就有得攞。新鮮整起自然熱辣辣，又脆身，餡料又多，一唔小心餅皮同配料都好容易跌出黎，所以我直接企埋一邊直接食。本身D肉都係普通野，但勝在夠熱夠香口，蛋仲要係高質半生熟，番茄同生菜都幾清爽，以呢個價錢真係飽肚又抵食。

🌯火腿雞蛋肉鬆手抓餅好耐冇去葵廣掃街啦，前排見得閒就約咗朋友一齊去食嘢😋！而家冇之前要排咁耐隊，落完單等咗差唔多5分鐘就有得食！我叫咗火腿雞蛋肉鬆手抓餅走蕃茄🍅(我唔鍾意食蕃茄🤭)。一攞上手熱辣辣，好足料。有超大片嘅生菜🥬同蛋、加上大量嘅肉鬆同一片火腿。因為太多肉鬆嘅關係，一路食一路跌出嚟🤣！手抓餅好酥脆，好好味。入邊仲有一啲茄汁同沙律醬，咁嘅配搭幾好👍🏻～依個手抓餅真係拍得住台灣食嘅味道💆🏻‍♀️，真心推介比大家！其實佢仲有好多唔同配搭，大家到時去到可以留意吓！💛Support!

葵芳廣場的黃店多到數唔哂,在1樓,2樓,3樓都有,應該超過20間。慧食貓是其中一間最有名的手抓餅店,您來到這店通常都有大量的客人在等候,不過你只要跟老闆落單,然後在他指定的時間回來(例如10分鐘),在取餅的同時自行找續就可以啦。店面細小,餐牌貼在門口,有A至F餐。我今次就選了最簡單及熱門的B餐。B餐手抓餅 - 24元  4/5分火腿肉鬆雞蛋生菜手抓餅,餅底是最有質素的部分,配料就自然是正正常常,今次沙津醬太少,所以就扣了少少分數,如果下次可以多醬就更好味。這個價位在香港的手抓餅店來說算是中價,但味道拍得上在台灣,非常值得各位過來支持,一定不會令你失望。

嚟到葵廣，咁多嘢食，緊係要諗清楚食乜好😛。除咗平時經常會食章魚小丸子，手抓餅絕對係另一個好選擇。慧食貓💛係商場一樓，係芝士烏冬隔離。你可以見到成間鋪頭以粉紅色主，好sharp呀。佢有啲set好咗配料嘅手抓餅，或者可以自選配料散叫。我叫咗手抓餅B(唔使刻意諗要乜餸，又平少少)。由於疫情？!，店主專登擺咗一盤散紙係枱面。客人自己找續，咁店主唔使貼點到$再整手抓餅。散紙旁邊有消毒酒精提供。👍🏻火腿雞蛋肉鬆手抓餅 ($24)一拎上手，熱辣辣，以慧食貓粉紅色包裝紙包好。材料豐富，手抓餅上有茄汁同沙津醬，令你覺得唔會好乾。入面有好多肉鬆🤎，每一啖都可以食到肉鬆+蛋+火腿+菜+手抓餅，十分滿足。手抓餅本身比較油膩，配上生菜則可以平衡，令你自己都認為無咁多罪惡感😂。下次想試加芝士，相信熱溶咗嘅芝士更加正。

💛講到支持良心小店，葵廣真喺一個好去處，掃左幾轉都未食完😂😂近排放假我地又去再挑戰掃返夠本😝😝佢嘅手抓餅真係想試好耐 (黎左幾次都係掃街食到太飽食唔落😂😂)，今次唔理咁多一黎就試咗先啦😜店長哥哥有良心又非常好客，比錢可以自設找續之餘仲要唔寫單都記得你要咩，5分鐘返黎就有得拎，認真利害👍🏻👍🏻講返手抓餅，佢有8️⃣種配料可以比你揀，而店長都有8款嘅建議配搭比你揀，總有岩你口味嘅😊而我地就要左B餐火腿雞蛋肉鬆手抓餅味道方面，餅身真係拍得住台灣水準，鬆軟得黎又煎到好脆口，即叫即整，雞蛋喺岩岩熟仲好滑，加埋火腿同肉鬆嘅咸香，真喺暫時香港食過最好食嘅手抓餅😋😋👍🏻❗️更多美食分享, Follow Instagram: Foodmarker.hk , 可以比個like我地, 大家的支持好重要😚➡️ https://www.instagram.com/foodmarker.hk/

葵芳廣場有很多小店值得推薦，包括呢間我至今食過最好味的手抓餅👉 火腿雞蛋芝士豬柳手抓餅手抓餅即叫即製， 拿上手仲係熱辣辣🔥，炒得鬆軟有層次👍🏻火腿雞蛋🥚流心芝士🧀加上爽口生菜蕃茄，所以食落去幾fresh唔會油膩😋 果然係葵廣必食推薦💁🏻‍♀️P.S: 手抓餅真係非常足料🥰，多料到邊食邊跌🤣， 女仔食一個真係夠曬飽🤓

#ewhk葵廣掃黃系列💛慧食貓係每次去葵廣都會幫襯既黃店！佢主打嘅係手抓餅🤤可以自選配料或者揀set好嘅配搭因為👦🏻👧🏻小編都有選擇困難症，所以我地就揀左佢推介嘅set.✨S1 極上手抓餅第一張相就係最新推出嘅S1，睇相都知有幾正😋配料包括火腿、雞蛋、芝士、豬柳、煙肉、蟹柳、肉鬆食落口感好豐富😍因為太多料所以都幾飽肚，胃比較大既可以考慮下🤣.✨ B 火腿雞蛋肉鬆手抓餅✨ F 火腿雞蛋芝士豬柳手抓餅另外呢兩個啲料都好足嫁🤤最正係佢嘅手抓餅煎到好脆但又好鬆軟，都幾有台灣夜士食到既風味小提示：一定要嗌半熟蛋，半熟蛋先係精粹😆.ps 記住嗌左野食之後，等10分鐘先俾錢，同埋要自行找續🙆🏼‍♀️·S1 極上手抓餅 $39B 火腿雞蛋肉鬆手抓餅 $24F 火腿雞蛋芝士豬柳手抓餅 $29———不專業評分💯食物指數🍴: 💛💛💛💛💛環境指數⛱: 💛💛💛💛🤍抵食指數🤑: 💛💛💛💛💛推薦指數👾: 💛💛💛💛💛———📍 慧食貓葵芳葵富路7號葵涌廣場1樓B01C號舖———👉🏼 #ewhk葵芳 #ewhk黃店 #ewhk掃街#葵芳美食 #葵芳黃店 #黃店 #黃色經濟圈 #黃店推介 #黃店地圖 #美食推介 #吃貨 #食

食完好似去左轉台灣既手抓餅😭💛相信唔少人都食過手抓餅，而葵廣入面都有唔少賣手抓餅既小店，但我敢講呢間一定係最好食個間😗幾乎每次嚟，都一定要食！呢一間小店，落單個陣講低想食咩，老闆會叫你過15分鐘之後返嚟，返嚟嗰陣先至俾錢！記得係自己找錢呀😆 #有冇人同我一樣懷疑店主係咪真係認得同記得 #但好似又冇記錯wor.▪️火腿雞蛋肉鬆手抓餅 $24▫️火腿雞蛋煙肉手抓飯$25兩款只係差咗一個配料，個口感都差好遠！🤷🏻‍♀️即叫即整嘅手抓餅，皮脆香酥，除左原本既配料，仲有生菜、蕃茄同沙律醬，令你食落去又唔會覺得太肥膩！呢間鋪同出面比較，除左材料豐富（由食緊第一啖到食到最尾都仲係啖啖餡！）唔會話食到一半就得番個皮~.唯一缺點就係，如果係想搞街，食完呢一份，已經冇咩位再食其他美食🤣

火腿雞蛋肉鬆手抓餅💰 HKD$24-提到葵廣美味黃店，不得不提「慧食貓」吧﹗如果你最近想到葵廣「掃黃」的話，就要繼續留意下文啦～-說手抓餅的味道之前，一定要講一講他們點餐的方法，因為他們與一般的餐廳不同。點餐時你只要跟老闆說聲餐號，等待15分鐘後再回到付款就可以，而他們會把很多零錢放在櫃台，所有的找續都是自己包辦，這點要跟大家說明一下。-所有手抓餅都是即叫即製，所以它到手時候是超級熱之餘，餅皮亦都很脆口，口感一流。配料方面，手抓餅包著肉鬆、芝士、蛋、火腿、生菜和蕃茄，非常足料；一個簡單的手抓餅已可當作一個正餐，對於女孩子來說應該飽肚有餘。味道方面，生菜和蕃茄的味道十分新鮮，每一口都「好fresh」；蛋和火腿味道突出；肉鬆的份量也超級多，再加上半融的芝士，整個手抓餅味道十分配搭，味道出眾。-但手抓餅唯一的缺點就是材料太多😂，吃的時候會變得「捩咁棄」，吃每一口時都會有配料掉下，我每次吃都會弄髒衣服😵。-►好食指數：8/10餅皮脆口，足料、真材實料的手抓餅，好味﹗溫馨提示：個人認為店主態度有待改善，但不知是否因食客太多而導致這問題。- ✎想看更多的請到IG

葵涌廣場必食既小店。👍叫左個火腿蛋肉鬆手抓餅。✅ ($24)香脆既手抓餅包住新鮮既生菜，蕃茄，嫩滑既蛋，火腿同肉鬆。好足料。❤️即叫即做，食完非常滿足。😋😋😋。良心小店，要多多支持💪🏻

這個包裝袋十分討喜，可愛的貓，少女心滿滿的設計。因疫情關係，本人沒有心情掃街，不過葵廣小食太吸引，所以點了一份咸牛肉手抓餅買番番屋企食。就算因為我自己帶番屋企食而攤凍左既手抓餅 ，聞到好香，而且味道仍然很好。非常喜歡咸牛肉配上手抓餅，相信若是即食的話肯定口感會更好。店家仲有樣特色，就係好喜歡佢地叫客人自己自行找錢，避免左整食物既人用手掂到錢。價錢方面，廿令蚊左右好飽肚，總結黎講，係不錯的又有份量的手抓餅。

每次黎葵廣都必食既手抓餅😻 良心抵食高質又飽肚👍🏻 老闆嘅落單方法好特別😂 你同佢講完食咩佢就會同你講隔幾耐之後返嚟攞🤣 點解可以記得曬 crazy( ･᷄ὢ･᷅ ) ❣️火腿雞蛋肉鬆手抓餅 $24睇相都餓😩 餡料好豐富 配角有生菜蕃茄٩(˃̶͈̀௰˂̶͈́)و 強烈推薦肉鬆配手抓餅巧巧食🤤 手抓餅酥脆又唔油 雞蛋又嫩 加埋沙律醬真係平民級享受🦦🦦🦦

第一次幫襯，去到佢地準備緊開檔，我地order完後，老細叫15分鐘後黎拎我地買完野飲行咗陣，返黎已有一堆人等緊跟住老細問我地order咗邊款，咁等咗一陣有得拎我諗佢係唔想咁多人聚埋呢度卦錢自己枱面找續，講個信字咁啱隔離有位坐，坐住食我order咗既係火腿雞蛋肉鬆手抓餅手抓餅好脆，入面啲料加埋一齊好好食！尤其係肉鬆，佢係一絲絲果隻，唔似有啲舖頭係用啲好粉既肉鬆雖然食到好污糟，但真係好好食，而且價錢平過出面果啲舖真心推介

\ \ 「派口罩」「派衫」「派飯卷予手足」「貼有文宣」\每次去親葵廣都一定會食😋😋，真係好掛住台灣嘅美食啊😫，老闆好正，態度有d不羈，但其實份人超nice🤭，記性仲好好，真係記得晒咁多人嘅order🤣。·火腿雞蛋芝士豬柳手抓餅 $29真係超抵超多配料‼️仲有塊生菜喺入面架～可以解解油膩感😋，另外仲加咗蕃茄汁同沙津醬，令整體味道豐富咗唔少，食落冇咁寡。手抓餅唔會太薄太厚，煎到香脆可口。即叫即整關係，一般需等候8-10分鐘，呢個時候我會行前少少🤏買埋#茶之味 😌，真係絕配🌟。·另外如果厭配料唔夠可以$3-7加配😋，或者單購手抓餅$13再加配配料，自由選擇🆓🤓。··推薦指數：★ ★ ★ ★ ★.·📍 慧食貓 (葵芳)葵芳葵富路7號葵涌廣場1樓B01C號舖