慧食貓

營業中

休息中

相信大家都對呢家黃店五陌生我地每一次去葵廣都必定幫襯落咗單之後等大概10分鐘左右老細即叫即整新鮮熱辣辣既手抓餅😋豬柳蛋手抓餅餅皮超級香脆，餡料入邊仲有番茄同生菜食落十分清新🍅每一啖都熱辣辣十分滋味評分：10/10

經常去葵涌廣場食野，但主要都係去3樓掃街，今日特登去2樓行下，遠遠見到有一群人排隊，一定有好野食，梗係去睇下。我好鍾意食手抓餅，香香脆脆，好吸引。尼度有唔同的餐，已經定好不同的配料，如果你唔鍾意，都可以自選配料！貪心的我，揀左極產手抓餅，所有我鍾意既配料都有齊，好吸引！因為得一個店員，order左之後，都要等差唔多15分鐘，不過我覺得等都無所謂，拎上手熱騰騰，食落口每一啖都係熱既，手抓餅仲有配上蕃茄同生菜，加左少少蔬菜，中和左啲油膩感，值得一讚

成日去葵涌廣場嘅話應該唔會唔識呢間😂😂 慧食貓長期排晒長龍😗 做到老闆停唔到手🤧 呢一兩年進化到自己放低錢再自己找埋錢😂 order完就叫你15分鐘後返去拎😙/🌮套餐B 火腿雞蛋肉鬆手抓餅 (招牌之選)我幫襯過10次或以上，應該得一次唔係食呢個口味😂😂 因為覺得呢個勁好食😙 每次都淨係想食呢個口味😌 /手抓餅煎到好香口，外層脆卜卜😗全部配料都勁多唔孤寒🤤 食到最尾都仲有配料同醬😙 好吃！😊😊

美食林立嘅葵涌廣場真係令人又愛又恨🤣 次次去到都好多野想食，不過又冇咁大個胃～ 今次決定食香口野- 手抓餅！快！靚！正！之選😋咸牛肉手抓餅🥙($23) 生菜配沙津醬即叫即整👍🏻 餅大大件，熱辣辣又夠脆👍🏻 餡料都算多又夾。咸牛肉份量都幾多，食一個已經好飽😀 佢仲有好多其他選擇，蛋呀、火腿呀、芝士呀、煙肉呀、肉鬆呀等等～ 任均選擇！撞正長人龍，不過老闆話個個落完單十分鐘後番嚟攞就得。好好記性！😆

💛 慧食貓 💛..............................今次要介紹嘅係葵廣掃街必食手抓餅😼同 茶芝味 @cheesetea_gfhk 係同一層 最啱食完手抓餅 再行兩步去買杯嘢飲下🥰.🔅店舖門面有連豬、反送中口號🔅老細極深黃 老細唔忙嘅時候不妨同佢吹吓水🤪.⭕由即日開始 慧食貓同茶芝味有合作優惠😆幫襯完其中一間 再幫襯另一間可以有$2優惠💛記得撐晒所有黃色小店✋🏻..............................～火腿雞蛋肉鬆手抓餅(B餐) $24.手抓餅個餅皮好似酥皮咁 又脆又多層😳個餅皮真係好正 齋食個皮唔食餸都正😍講翻啲料先 真係足料到係街食會有啲狼狽😂由其係個肉鬆 多到好似就快爆出嚟咁🤣嗌套餐嘅全部都會有埋番茄 生菜 沙律醬🥗所以就算大大啖咁食都好清爽 唔會好油膩而且食落好濕潤 一啲都唔會覺得乾一啖咬落去有種幸福嘅感覺 推薦💛.手抓餅好飽肚 女仔唔怕肥可以當lunch食👧🏻原本去台灣都唔會食手抓餅 佢都覺得好正！.👏🏻：8/10..............................🎈 慧食貓 (葵芳)葵芳葵富路7號葵涌廣場1樓B01C號舖...

//#黃店地圖系列間野叫：慧食貓邊度黎：葵芳葵富路7號葵涌廣場1樓B01C號舖環境點：鋪頭唔大 人手少 老闆好忙 落完order自己放低錢係檯面 .🌝：獲葵芳文宣組認證之黃店 門面張貼文宣 派衫派飯卷予同路人▪自選手抓餅(芝士+雞蛋) $229分手抓餅黎講 佢真係算數一數二 暫時係香港搵唔到間更好食嘅 你有無見過手抓餅會夾埋生菜番茄係入面 呢度就有 加埋個特製沙律醬 一擺入口滿足到呢 個餅皮有酥脆煙韌 唔會食到成嘴油 好似搽左八婆唇彩咁 再加上對麥芝蛋包嘅鍾情 呢個配搭簡直係無得輸 (唔好話比人知 私人醒多個蛋牛芝組合($30)比你 驚為天人)

暫時來講我搵唔到一間比佢更好食嘅手抓餅，同平時自己係屋企煎真係唔同，佢個餅皮非常之酥脆同埋香，配料同醬汁亦都非常之夾，我自己就最鍾意食有肉鬆嗰款，但其實鹹牛肉我都試過真係非常唔錯。不過掃街來講一個人食完一份就會好飽，最理想就係同人一齊share，同埋老闆真係好好人，呢間小店好有人情味，佢會記得晒所有order，至於俾錢亦都係放喺枱面自行找續。上次我隔咗好耐去特登搭車就係想食呢個手抓餅，佢知道之後就送多咗啲肉鬆俾我食，所以呢個手抓餅就咁脹卜卜啦

次次去葵廣必食，推介芝士肉鬆蛋，個汁勁正加埋肉鬆勁好咬口，佢仲有其他餐，唔駛你諗combination，漢堡扒個餐都正。老闆好nice,又好記性，必推!好難係香港揾到好似呢間咁好味嘅手抓餅希望大家都支持下，因為老闆真係好有heart，女仔黎講食呢個20幾蚊餅而家食到7至8成飽，都好高CP值。雖然住得遠，但都keep住至少兩星期去一次到葵廣食慧食貓。就知道幾好食啦，去葵廣掃街第一站一定係佢，必推!!!

呢間葵廣龍頭手抓餅我食過好多次，幾年前朋友帶我食過呢間，之後食其他果啲都覺得唔夠班，呢間手抓餅真係冇得輸，絕對係我嘅首選老細仲係深黃，一定要大力懲罰火腿雞蛋芝士豬柳手抓餅 $29手抓餅超足料，有新鮮生菜同蕃茄配搭，又清新又唔會膩，就算好大份食晒都好想繼續食，食材好新鮮，即叫即做，熱辣辣擺入口好幸福，手抓餅皮有驚喜，好似酥皮咁有層次，又薄又香，唔會食到成口油，真係好高水準次次老細都會講：5分鐘後過嚟，到時先俾錢！佢就埋頭苦幹係咁整，因為好多人等緊，摩打手老細好幽默，就算好多客做唔切都未見過會發脾氣，仲好細心溫提：好很熱架，小心啲！又有heart又平靚正強力推介

放農曆新年假之前，同同學一齊行下葵廣掃街，廣場入邊都多咗人注意衛生戴口罩齊齊抗疫好耐冇行過葵廣，好掛住裏面嘅小食同埋好想支持一下黃色經濟圈。所以我哋都選擇幫襯慧食貓，一來我成日都覺得店主嘅貓好可愛(不過仲未有機會見過佢嘅真面目)，二來食物又好足料，大件夾抵食。我哋叫咗一個火腿雞蛋肉鬆手抓餅同埋一個蟹子吞拿魚手抓餅，落左單之後老闆叫我地15分鐘之後先返嚟攞，於是我哋去3樓食下其他嘢先再翻落嚟。其實我好鍾意呢度個規矩係自己找錢，感受到香港人互相信任嘅關係。攞到食物之後我哋見到有黃色揮春攞: 寫住家黃萬事興，好人一世平安，老闆叫我地攞唔好剩低佢哋喺度。講番啲手抓餅，火腿雞蛋肉鬆真係足料到爆，連埋啲生菜蕃茄真係一啖都咬唔晒所有配料。蟹子吞拿魚個感覺就比較清新，蟹子卜卜脆。兩個口味整體都唔油膩，兩個人食晒之後都食唔落其他嘢

葵涌廣場掃街就最出名㗎啦掃街當然都不忘支持黃店 咁當然又好食又係黃既店就冇得頂啦其實慧食貓都已經紅咗好耐好多朋友去葵廣都會必食老闆嘅神記憶 都已經街知巷聞唔使落單都可以記得晒咁多人嘅order 同親切嘅笑容 都令人留下深刻嘅記憶每次去都會叫同一款嘅b款鬆脆嘅手抓餅酥皮包住肉鬆蛋同火腿手抓餅難免都會有少少油 佢就用咗生菜同埋蕃茄去油令到成個食落去嘅感覺去晒啲油膩感 雖然本身都已經好好食 但自從有次聽到有人加芝士 我今次都跟住佢加 的確令到成個手抓餅嘅層次昇華左 好味!!!!

葵廣聚集好多黃店 野食野飲咩都有😎黑洞都係咁先試多左新野其中呢間可以話一試難忘😘鋪頭主打手抓餅 咸既甜既都有選擇吾少 而且好經濟大部分$30有找-🔹火腿雞蛋肉鬆手抓餅（$24）招牌必食‼️果然冇得輸手抓餅餅皮酥香鬆脆 饀料好足 超大份腿蛋🤤咸味餸配甜味肉鬆 一咸一甜好食👍🏻中間夾生菜去除餅皮既油膩感😉整體配搭得好好 食一份都頂到下飽肚-P.s 哥仔一腳踢 即叫即整要等15分鐘到⚠️俾錢找錢都係客人自己黎 講個信字

話說去開d2行市集知道應該都要排🤢 就諗住去葵廣食少少野先🤭 .一去到已經勁多人圍住😂 但老闆真係人如其名勁nice 咁多生意仲一啲都唔慌張仲可以傾得計 係利害既👍🏻 去到大嗌你想要乜 老闆就會話：得 15分鐘後返黎～ 返到黎真係會認得你要乜先神奇😂 跟住再話自己擺底錢 自助找贖😂 超相信大家！！.一共有七隻味，我簡佐推介既火腿雞蛋🥚芝士豬柳手抓餅😍 你無聽錯！咁多料都係29蚊🥺 到手真係熱辣辣～ 個皮脆卜卜得黎又唔會好易散 仲要啖啖都係咬到料 🥰 芝士就點都無得輸架啦🙆🏼‍♀️ 咬埋舊豬柳飽晒～下次行街再黎搵老闆👍🏻

相信葵廣對好多年青一代來講，絕對係集體回憶！買衫、掃街、行格仔舖，全部係哂一個商場，真係好犀利呢間手抓餅以前成日黎食都已經好多人，而家又多左批新客懲罰，等候時間仲耐左。但冇變既係，老闆依然係靠個腦落單😂😂好佩服！如果唔係話好貪心想試好多餡既，純碎試下個手抓餅，我建議慳錢叫法可以係原味+肉鬆+蟹柳！一樣有蕃茄同生菜做配料。裡面亦有沙律醬，食落冇咁dry！ 餅皮煎到好香脆，餡料又好足料，一啲都唔枯乾！熱辣辣食真係好保暖！

好多人去葵涌廣場都食過依間手抓餅，勁受歡迎好多人排隊，然後即叫即整新鮮熱辣辣，大件夾抵食。老闆超黃勁支持班學生！💛黃店：老闆係真黃超黃！好支持班學生，表示香港全靠有佢哋！因為之前幫襯開佢嘅嗰班學生而家好多被拉咗所以佢好感觸🥺💛👓火腿雞蛋肉鬆手抓餅 $24手抓餅即叫即整所以要等大約10至15分鐘，老闆好nice會叫你周圍行下先轉頭再返嚟。手肘餅夠熱，個皮唔會太薄又夠酥脆，因為手肘餅嘅精粹在於個皮好似酥皮湯個皮咁夠酥而唔油膩。火腿雞蛋大塊足料，醬料係沙律醬配茄汁所以酸酸甜甜幾惹味，好多肉鬆帶鹹香味，成個配搭好夾。餡料仲配有新鮮生菜同蕃茄，唔會覺得多咗蔬菜而難食反而添左清新感fresh啲冇咁油膩。評分：7.5/10