慢吞吞雲吞專門店 (已結業)

Hi 蘇謙，本店剛換了3 個廚師，由於他們在上星期一才上班，所以很多食物的味道及做法都未能符合本人的要求，希望大家見諒。本人已經長駐廚房，已經把所有問題解決，希望下次可以見到你滿意的食評。-- 店主Kenneth

早幾日同兩個同事去呢度食lunch, 我地都係第一次去, 午市時間坐滿人。午餐有7 款選擇, 由於同事選左我原本想食的什錦雲吞意粉, 我改為叫左個焗雞扒飯, 另一同事叫左個焗肉醬雲吞意粉。餐湯- 意大利菜湯, 細細碗, 味道普通; 什錦雲吞意粉(芝士xx汁), 一看賣相已覺唔掂, 只有一粒雲吞係完整無缺, 其他都煮到爛晒, 汁又唔夠, 同事試完之後的反應係冇味的(其實當我們飲完湯之後, 眼見其他選吃什錦雲吞意粉的食客都吃剩大半, 鄰桌的食客都說冇味又唔夠汁, 已心知不妙); 之後到我的焗雞扒飯上桌, 賣相幾好, 雞扒重香草味, 我們吃過都覺很有麥記豬柳味, 飯唔夠乾身,但以此區的焗飯算唔差! 經多番催促焗肉醬雲吞意粉才上桌, 同事的回應都唔差, 起碼d 雲吞都係整齊一隻隻的。杯奶茶都係普通水準, 最後得到的結論係焗飯或焗意粉好d, 其他的唔敢再試!至於服務方面, 我地為個焗意粉催促了好多次, 佢地幾個侍應都很有禮貌地講唔好意思, 後來佢地的解釋係個焗爐唔大, 唔能夠一次過焗咁多個, 之後又有話個焗爐跳左電掣。臨走前我地投訴個什錦雲吞意粉冇味好難食, 個侍應的解釋話個舊的廚師走左, 新的

睇完飲食男女, 一直都想去, 不過男友一直唔得閒無去到, 今晚終於去食到喇. 去到門口, 已經有位侍應哥可好熱情咁介紹o的雲吞比我地, 我地都入去食o家啦, 都咁好服務(加分). 入到去, 侍應哥哥問我地食唔食煙, 估唔到雲吞鋪都有分吸煙區, 係得既. (加分), 跟住重要聽到其他侍應哥哥同我地講'歡迎光臨' (又加分). 一坐低, 比o左本'食吞經'我地, 原來本'食吞經'係menu,真攪鬼! @@不過最重要o的野食好唔好味, 我地叫o左一個鮮魚湯, 一個番茄湯, 兩個湯都好正, 好似媽咪係屋企煲o個o的, (魚湯係奶白色o家), 好正!! 我要o左個芝士焗南瓜雲吞天使麵, 我男友就要什椒汁燴牛油果雲吞長通粉, 等o左差唔多15分鐘, 個燴牛油果雲吞長通粉黍先, 份量唔係太少, 一個人食剛剛好, 我試o左粒牛油果雲吞, 好味, 個重味好得意. 跟住我個焗天使麵黍喇, 話!熱辣辣, 重見到o的汁重有泡泡, 個南瓜雲吞好多南瓜係裡面, 不過食到咁上下覺得唔夠汁, 乾o左少少. 我會比90分佢地, 咁既價錢有咁既服務同食品,真係唔錯, 下次一定試下其他雲吞.

d 野好細份,野食麻麻,唔算抵,d menu 都ok,好似好創新但唔係咁好食.坐得唔舒服係主要原因.唔會有第二次幫襯,因為附近仲有好多穩陣d既食物揀

我知道呢度有做外賣的你可以下次幫襯時拎張外賣紙呀。

有冇電話可以叫外賣?有時想叫下外賣?上次食過係一般ok不過如果佢做埋外賣咁就揀多一樣野食囉book 位有冇電話呢唔知? = =+咁星期六放工就唔駛周圍貢啦thx不過真係好一般囉~~勝在係新開咋

雖然餐廳左返工地方附近,但一直都無興趣去試,直到同事話見到報紙的好評,於是去試下個午餐,午餐當中有好多無雲吞的餐,既然係雲吞店無理由唔試下雲吞的,叫左2個餐一個係黑椒汁燴雲吞天使麵另一個係什錦雲吞焗意粉,個人比較喜歡什錦雲吞焗意粉,粒粒雲吞都有驚喜,細問下店內原來有20 幾款雲吞問過有個有無大什錦可以一次過食晒20幾款雲吞,但侍應哥哥就無.

雲吞原來都可以充滿創意.2人叫左:皮蛋鮮蝦雲吞麵番茄湯底,皮蛋令雲吞口感更豐富,配蕃茄湯亦惹味,但生麵始終唔係佢地專長,所以唔夠彈牙.可能淨雲吞蕃茄底會好d.焗鵝肝肉醬鮮蝦雲吞天使麵,鵝肝肉醬則值得一試,好味,真係有唔少鵝肝架,天使麵比較油,下次想試長通粉.最後炸朱古力雲吞,由於即叫即做,所以要等耐少少.但係值得,因為真係好野,夠晒脆卜卜,20 蚊4隻,抵!但係齋朱古力好似單調少少,大家可以加多幾蚊加埋生果試下.再加兩杯特飲,都係99蚊,好飽,抵呀!

本人最喜歡他們的炸朱古力雲吞，在其他地方還沒有吃過呢！另外環境乾淨舒服也是吸引之處，價錢更加是大眾化。

今期"飲食男女"雜誌2005 必食食店中介紹"慢吞吞雲吞專門店"，本身我也很喜歡吃中國雲吞，所以決定去試試他們的新搞作。首先店鋪門口很開揚，全落地玻璃光猛舒服，店裡的環境裝修很新淨，全舖上深啡色台布，顏色統一協調，給人一種頗有格調的感覺。打開他們的"食吞經"(頗特別的名字...實即菜譜)，原來也有傳統茶餐廳風味的ABC早餐，每天會有七八款不同選擇的午餐供應，晚上更設有晚飯小菜包羅萬有。不可不提的是主打的雲吞，他們制作的全是中式雲吞，不過餡料卻有別於傳統，有皮蛋、南爪、燒雞肝、雜菌、粟米雞肉、冬菇等等...廿多種創新口味，全部配以新鮮大蝦即叫即包(稍為要等)。除了傳統中式煮法外，還有西式制作方法，我試了一客芝士焗皮蛋鮮蝦雲吞、炸香蕉朱古力雲吞、粟米雞肉米線、午餐有吞拿魚焗意粉。焗芝士雲吞很香口，配以薯蓉底很惹味；炸香蕉朱古力雲吞更是特別之作，香蕉味很濃很滑，雲吞皮脆卜卜，當飯後甜品是最好的；那裡的焗意粉也很出色，份量及材料都很足夠；雲吞米線亦不錯，可以自由選擇番茄/鮮魚/濃蝦味道作湯底。總括來說，以這價錢在這樣舒適的環境下品嚐到不同的特色美食，實屬不錯。我想我會繼續支持"慢吞吞"的，因為

上次看'經濟日報', 已看到此店資料, 說有十多款雲吞餡料, 己經想試, 但沒有地址, 轉頭忘了. 後來又在'飲食男女'看到介紹, 今次有地址, 終於可去試試!去到附近, 都是些舊式餐廳, 好似與相片不附, 擔心之際, 終於看到大玻璃貼著'慢吞吞雲吞專門店'字眼, 有侍應拉門給我, 地方算整齊舒服, 雖然己過了聖誕, 但舖內還有很多聖誕裝飾, 頗有氣氛, 侍應介紹, 現在已增至廿一款不同雲吞餡料, 我與男友選了新餡料, 中式的'皮蛋鮮蝦雲吞'跟鮮蝦湯及一個西式的'芝士磨菇焗香草鮮蝦牛油果雲吞天使麵' (個名好長, 差d記唔起!) 前者個蝦湯好正!如果鍾意食皮蛋既, 個雲吞都好味! (我唔食皮蛋的, 我男友食, 佢話好味咋!) 後者好香, 焗出黎熱膝膝, 隻雲吞有些蝦子在內, 配上香草牛油果, 我覺得不錯, 天使麵不太'諗', 幾好! 本來已幾飽, 但侍應又推介個甜品- 炸朱古力香蕉雲吞, 好甜的我, 當然不放過, 又幾特別喎! 咁多款雲吞餡同製法, 有排試!!

我上星期o係呢度食早餐, 抵食又唔差呀~ 個老細係後生仔, 幾好傾, 我都有問個老細部電視係咪有波睇, 佢話唔係, 只不過俾人睇下電視, 有時播下MV, 輕鬆下o者, 我仲o聽個老細講, 剛剛轉佐廚房班底無耐, 而且會不停改善同革新菜譜. 今日又去開果頭, 諗住入去食個下午茶, 又見到有新野, 試佐個酥皮香腸拼煙三文魚, 又幾好味喎, 小妹暫時第二度就未食過! 幾特別呀! 個侍應服務幾好, 仲叫我記住下次一定要試下他們的招牌雲吞! 講真, 果頭附近呢間係坐得最舒服, 又睇到出面架車, 又有電視睇, 又多食物種類選擇, 又平又幾好食, 幾好呀, 無你講咁差o者!

前几晚同几個fd 放工經過lei 間野,覺得几special,入到去,有部等離子電視,d裝修几靚,几干淨( + 分)本menue好多野食,中西式雲吞都有.之前末食個西式整gei雲吞, so 叫左一客芝士焗雲吞同牛仔肉雲吞好特別lol, d 雲吞可以揀餡料,有几十種,我地揀左燒雞肝肉鮮鮮蝦同南瓜鮮蝦做餡)另外,又叫左一客炸朱古力雲吞and 炸芒果朱古力雲吞等左十几分鐘都未有得食,一問之下,原來係即叫即包,d芒果仲係即刻叫個waiter去超市買返黎整炸芒果朱古力雲吞( 服哂~ )再等左一陣,有得食lol~ d 炸朱古力雲吞and 炸芒果朱古力雲吞買相吾錯, 好新鮮,好香口芝士焗雲吞同牛仔肉雲吞都吾錯,不過就淡左少少但整体都吾錯, 我會俾佢A-

今朝係呢度食早餐。雖然個餐(牛油pancake+炒磨菰+炒蛋+飲品)除pancake外, 乏善可陳(所以俾個喊樣佢)，但係整體俾我感覺幾「特別」。首先，門外冇乜大招牌俾人睇到，第二，個店名，做飲食業既竟然將店名叫做「慢吞吞雲吞專門店」，你話係咪怪左d？第三，個格局，推開玻璃門後，左邊近處就有一部16:9薄芒電視掛在一堵白牆上，明顯係俾人睇波啦！但又唔係傳統茶餐廳，又唔似個d足球bar，反而覺得佢地兩者都有d：有茶餐廳既a,b,c,d早餐，又有做bar既環境，睇個店名，以為主要供應中式雲吞，但餐牌上竟然有意大利雲吞食品。咦！幾搞鬼喎！再問下個收銀員，先知道原來係中式雲吞，西式做法。mmmmm, 咁特別，有機會倒要試試！