感覺煮意 (已結業)

羊排十成熟,豬排似柴皮,心太軟無朱古力味,d流心朱古力仲係咸的同waitress講完走左去無反應, 再追問時佢就答:廚師話無問題喎!佢當無事發生,完全唔洗同客交代  其實上一次已非常差,今次想比多次機會佢, 但極度失望,不會再來! 

其實見到事頭婆一把年紀仲要睇住間舖咁辛苦，有啲唔忍心狠評，但啲食物實在好唔掂 ﹗佢真係要同廚房大佬好好研究研究，想想解決辦法同要自我增值一下呢 ~一早已訂左枱，以防無位啦，點知去到只有小貓三四隻。我都花左一殷時間先搵到間餐廳，因為係無中文名顯示架 ﹗每一張枱都有支假蒸餾水呢，一飲就知係自家水啦，不過個樽又真係幾靚。枱上的小燈座裝飾，添一份浪漫氛，但我今晚主要係黎試食物質數的。忌廉蘑菇湯，是日餐湯。不覺有什麼蘑菇或忌廉味，只有好重既薯仔粉味，又無香味，飲落非常鞋口又杰達達，差 ﹗餐包，每人一片 ﹗？軟墊但無味，恰似白麵包。從未食過意大利餐廳係如此孤寒，正常應有幾舊架喎，可能我諗多左，其實依度係茶餐廳。侍應放低件包就走左，要我自己去搵橄欖油同黑醋，而且兩樣同屬低級貨式，差 ﹗啖口、太希，無香味。白酒忌廉煮紐西蘭藍青口，經典過經典 ﹗話說係我落單既時候，老闆娘奇怪地特意強調青口腥腥味，您地食過未？可能食唔慣喎，無得退貨架。我心諗我從未食過會有腥味既青口喎，佢會唔會只係講緊海鮮既味道呢，咁當然我好安心照樣 order 啦。當放入口既時候，發現原來老闆娘口中所講既腥味其實係嗅味 ﹗有無離譜啲呀

來到朋友的心水餐廳吃午餐，名不虛傳，果真值得給它一個笑臉。我們吃了～凱撒沙律($60)：蔬菜新鮮爽口，可惜份量太少了。檸檬忌廉汁鮮藍青口($100)：那個檸檬忌廉汁非常開胃，令青口變得更嫩滑，不會嚡口，是我推介的美食！黑松露醬菠菜雲吞($80)：又一令我印象深刻的菜色。雲吞小巧精緻，菠菜味不算濃，重點是那黑松露醬，感覺不會膩。蒜茸香草炒雜菜($60)：除了黑色的蘑菇，還有紅色的車厘茄和綠色的瓜，賣相不俗，加上剛炒好，傳來陣陣的蒜茸香，果真是色香味俱備。芒果焗魚柳飯($80)：單看見面層的芝士和橙黃色的芒果，我已食指大動。芒果很甜，魚柳很滑，佳！海鮮意大利飯($90)：賣相見用心，飯可選軟或硬，我們選擇了吃軟飯，加上白汁令飯黏黏的，質感不錯。至於海鮮則比較少，青口只有一隻，另有少量算新鮮的三文魚和蝦肉，但以這份量，實在不能令我吃飽。總結而言，感覺煮意的食物有質素，價錢合理，我會再去光顧。

一心駛入大尾篤找意大利菜, 聞說是有一家不錯的口碑, 在毫不知情的情況下, 隨便進了其中一家意餐, 反正不對的話, 下次可以再試另外的, 所有今次'膽粗粗'一試 Diner Cuisine只是一般的湯, 有點兒太鹹, 但不等於濃.... 跟湯的包是冷的, 完全沒有被烘熱過, 加上沒牛油或蒜蓉, 很過分呢!很脆的洋蔥圈, 薄的炸皮, 不錯!唯一超讚的一道菜, 非常好肉質的青口, 很嫩滑, 沒有太臭的海水味, 忌廉汁帶點檸味, 不錯的配撘, 讚!意粉不是煮得很軟, 但是熟透的, 肉醬不美味, 有點兒像現成罐頭肉醬, 連帶一些不新鮮的味道, 很難令人再點下次!超熱超脆, 吃了很久還是熱騰騰的, 芒果很新鮮, 雞肉不多, 沒什麼印象, 咖喱汁不是太濃, 只是有點香而己軟身的意大利飯, 少許煙肉, 不算太突出, 吃下不會太飽膩, ok之作!服務一般, 侍應們不很全面, 欠缺記性, 絕對有改進空間!

好友相約到大尾督吃飯，她想吃美味的豬手，可惜她忘記店名訂錯位，我們WALK-IN也有室外座位也尚算好彩。店內的職員都頗COOL，其中一位年青的女侍應較友善。 豬手我們先叫豬手，沒想到需等候55分鐘。味道OK，個人覺得好似咸了少少。凱撒沙拉味道不錯，還有加了似是蕃茄乾的東西 (相片中的沙拉已被我們吃了少少)藍青口感覺是新鮮又嫰口，我們覺得讚的一道菜 8吋PARMA HAM PIZZA味道OK，好友覺得皮有點硬

大尾督巴士總站對開有不少餐廳, 每間都有自己的特色. 聽說這間不錯, 看門口餐牌價錢合理, 即管一試.先說環境, 這裡有室內和外的位, 室外空間較大, 以小花園式設計。座位彈性大, 不論是2人行, 三五知己或大伙兒傾計也可, 如先訂位連枱, 十個八個一定沒問題。室內則較小, 最多只能坐十幾人, 雖沒花園的情調, 但燈光柔和、舒適。服務方面沒問題, 講解收費及收碟速度亦可 (因枱細, 真不能堆積太多碗碟)。食物: 餐包+忌廉薯蓉湯切片法包, 十分鬆軟, 可惜太薄, 只有一指闊。個湯忌廉味香濃, 加點胡椒更惹味; 不過可能是薯蓉, 薯仔在這湯的角色, 只是增加口感, 忌廉才是 主角。 白酒忌廉蒜蓉青口青口雖不算大, 但很'霖', 沒雪味; 這次忌廉份量剛好, 加上白酒, 增加香味. GOOD! 安格斯牛扒配紅酒松露汁牛扒很大件, 很'霖', 很有牛味, 煎得很香口, 不配汁已很好, 加汁又是另一種品道。可惜沒拍照片, 唯一是上碟計設有點奇怪.. 在翠玉瓜上插了兩支炸過的麵條... 龍蝦汁海鮮麵相比下, 這道菜略為遜色.. 汁, 應是用罐頭現成的, 不太感到龍蝦味, ; 海鮮, 只有魷魚和青

這裡有室內外雅座.. 室內當然有冷氣開放.. 但桌椅比較迫.. 空間感太窄狹了..室外雖然只有風扇.. 但環境寬闊得多.. 感覺很好!意粉.. 羊肉.. 雜菌的味道濃而不(溜).. 很好吃..味精不多.. 原汁原味.. 尤如在市區的高級餐廳品嚐到的般..沒想到在郊區也有這樣有質素的餐廳.. 不錯不錯!

栗米野菌忌廉湯OK creamy 的…不過唔係好多見野菌…法包點番C油醋~墨西哥汁鮮藍青口青口肥美…個汁酸酸地的…幾開胃…仲幾SPECIAL 的…唔知落左D咩香料呢…~煎美國純黑西冷牛排 (巴黎牛油汁)牛排幾OK 的…佢煎到外脆內軟的…又唔會好硬的焦曬…仲KEEP 到個肉汁…個汁好得意的…牛油的咸味不過又有少少甜架喎…仲有D泡泡…點MAKE 架呢?!?!肉醬磨茹麵幾的式的一小碟喇…肉醬有香草咁呀…幾意式的味道…估不到的是…磨茹麵真係有好重既磨茹味呀…!!!就算就咁食都好幾味架喎!!!咸咸地又幾有硬感…唔係好多汁…反而冇咁膩…跟餐的COFFEE 奶凍長長的碟仔加細細舊的…冇期望下一吃…有驚喜喎!好重的COFFEE 味! 是奶凍的口感…!香滑的…唔係彈牙不過就係有種軟淋淋的質感…心太軟個旦糕外表唔係咁平滑…扣分…內裡就非常的流心~~~仲好暖暖的多流心~~~真係似溶岩~佢好似用左牛奶朱古力…甜左D…紅豆雪糕好濃好味…仲有豆架! 浪漫的環境…平日黎…唔多人…可慢慢地享受一個DINNER…好寫意…

呢個月黎第2次la,主要係想同舅父行下郊區,吸下新鮮空氣,入開黎當然又喺度食埋飯la,今次試咗炸魚手指,幾好味喎!! 又試咗之前未食過既意粉,都唔錯,真係愛死呢度既款式、煮既技巧

朋友荔枝生日,選擇再黎呢度,喜歡呢度可以坐得耐,傾耐d都唔會俾人打擾,門口又可以免費泊車,食物又幾正中(意大利),仲可以自備紅酒,不另收費

聖誕日一行4人去食夜晚飯，大約6時，我都知冇book位會煩d，我就試下佢有冇位la!先講服務：我前頭有一對情侶問有冇位，個4眼事頭婆用勁差的態度話：有！但你係7:30前要俾番張檯我！(<=串到佢呀！！！)男士：你d菜上得切我咪得lor！之後個4 眼事頭婆又係用勁差的態度同我講：你要係7:30前要俾番張檯我！我：又係個句lor，你d菜上得切我咪得lor！！！食的途中冇人幫我地收起吉碟，個個侍應望住個地下。仲有呀個4 眼事頭婆係度大大聲講：侍應A，去同1號檯講冇哂天使面，叫佢食意粉，天使面要煮，耐呀！！！(家陣當我地係咩呀？，個陣7點都未夠)食物：三文魚沙律：是但搵D菜加4塊 smoked salmon 海鮮pizza及巴馬火腿pizza：都ok，慘在d野根本唔夠熱，上到來只可以話係暖的！食物好唔好食就真係見人見智，之不過對人的態度真係要不得！

每次去大美督都會去依間餐廳, 貪佢夠清靜同食物有心思.我次次都坐露天小花園, 岩情侶拍拖食飯.佢有SET晚餐, 但2個人食2個餐太多, 通常我點一個SET再散叫其他食物.推介有大蜆海鮮湯麵, 湯底係鮮番茄煮既, 新鮮蜆好甜, 麵我通常揀墨魚麵.仲有木康蛋糕, 炸黑欖芝士球, 印度奶茶, 都好好味架~

入親大美篤都食佢意粉同意飯係幾好味道, 環境, 價錢係ok上菜係慢d,好肚餓既朋友要忍一忍喇,唔係好餓既可以飲住野, 吹住水先, 氣氛幾ok岩男同女溝通耍樂

很少去大尾篤一帶吃飯，這間「感覺煮意」就只係食過一次咁多，給我的印象不錯！食了香芒魚柳焗彈弓粉，D粉好過癮，十足十粗版公仔麵，但就好彈牙好有口感，芝士味好濃，我覺得幾好味，只是配焗過的芒果有些怪。飲了薄荷熱情果梳打，薄荷味較重，味道一般。由於粉是落單才即煮的，需時比較耐，要有耐心等一等。如果唔係大時大節來，環境會幾靜下，有少少西貢feel，一人70幾蚊，唔貴，幾好！

食物方面都ok出餐方面雖然係好遲但能體諒但係就是在服務態度有極大問題有一位貌似洗碗阿嬸的四眼肥女人,佢待客態度係十分之差的,好似唔恨做你生意咁,佢同你落order時,態度好似同緊你嘈交咁,黑口黑面,一問其他人之下,才知原來佢係老闆娘,難怪,但係係老闆娘攻加要有禮貌啦,如果唔係d伙記一定有樣學樣啦,到時仲邊有人光顧,唔止我地依話佢態度差,連格離都話佢態度差,完全唔似老闆娘,我諗佢d服務態度好d,d人會食得開心d