愛爾蘭瘋薯 (已結業)

出旺角,必行家樂對面一帶因為好多好野食woo,Ireland's Potato 衝進旺角當然要試下點了招牌肉醬薯條買飛等叫號碼等到了!但他竟然說肉醬未ok,可唔可以要其他味 - -好啦,叫左酸忌廉~他很有禮貌地說唔好意思還問我有冇試過蜜糖芥辣tim之後用個小杯仔比我試好正!!一次試2隻味~仲要2隻都咁好味,你話係咪好過癮~~我叫他在酸忌廉上加煙肉碎,超正!也絕不會"托手肘"的p.s 在食薯條時觀察了他們的效率,係very高的!很好請繼續加油!

最近瘋薯於旺角開了分店，之前銅鑼灣果間未試過，就試下呢間。去到真係幾多人，要買飛等叫number。本身想叫芝士，但竟然賣晒，唯有叫酸忌廉。一碗其實唔算好多，比麥記薯條多小小。食落真係幾香脆，而且每條薯條都有汁，算落足料。不過一碗薯條$35我就覺得略為貴左小小。

知道旺角新開間愛爾蘭瘋薯咪突登試下嘩！勁多人！無減唔食既決心叫左：招牌芝士熱辣辣，無油，我覺得芝士味唔特出，唔會好咸，食都薯條既原味！店內貼上：用的是0反式脂肪既薯條！食左都無咁罪惡感

(22/10/08)有日星期日下晝五點幾經過,諗住買黎食,點知條龍長到我諗要排一個鐘,雖然佢密密手,即炸都需時啦。放棄了。今日三點來到無人喇,好開心咁,一心「迎接」心水的酸忌廉味道麻!點知佢話未有喎!?要晏d先至有,真係激死!唯有第二志願─蜜糖芥辣。嘩!勁好味!醬夠酸兼蜜糖香甜,加在要用义食既肥薯條上,熱辣辣,正爆!

10-19-2008 這次和妳親身來瘋薯了，大家都可以品嘗即叫即製的熱辣辣。 甘梅胡椒($18)，哈比較冷門吧。滿以為有什麼怪味，原來吃落都還可以，酸酸辣辣的，可能只是胡椒粉而不是像酸忌廉芝士般是黏黏的Topping，惹味程度大減。不過還好這款給我們有Shake Shake薯條的感覺而且還是更厚更長的。下次還是試試肉醬 / 芥末這些比較豐富的Topping。其實除非兩種味道真的很Match，否則1款Topping / 2款Topping薯條份量都是1樣，個人就覺得單叫1款味道比較抵呢。 旺角分店比銅鑼灣的大，有道仿酒吧企位的小走廊可以親身看到瘋薯誕生的過程。然而，旺角分店不是應該人流多多嗎？星期日的下午，根本無需排隊。登打士街沿途都有很多街頭小食，看來這裡開瘋薯會有1番競爭。還要請注意注意，瘋薯位置都幾入，蠻接近街尾的。 除了瘋薯，這裡還有芝士球，熱狗棒等小食，當然定期推出新醬料更是好事。

男友很愛吃暑條, 行經旺角見到新野, 梗係要一試!叫左個肉醬加芝士, 連汽水一飲(任添), 埋單$3x, 響旺角街邊小食黎講係高檔野.暑條係靚貨黎! 加上新鮮炸起, 口感好好. 不過, d 醬汁就有d失望 肉醬似普通餐的肉醬意粉咁味..) 其實個醬好重要. 唔係我情願就咁加鹽好過.二個人share食完好頂胃, 有d 滯的感覺...試過就算, 應該未必再幫襯.

個日行過好想食薯條咁就睇下menu啦原來都唔平呀,,,成25蚊30蚊個薯條咁就本住試下冇壞既心態試下啦本身想食芝士既,,,點知佢話會比一般車打芝士咸,,,其實我地冇所謂,,一向諗住叫芝士mix肉醬,,,就問下佢係咩肉啦,,,點知佢話豬肉,,開心左一陣不過佢就同我講不過spicy既,,,即刻打沉左之後諗住叫芝士算嫁喇,,,點知佢又recommend 蜜糖芥"啦"味喇咁就算啦,,,俾少5蚊試下啦等左一陣,,,,薯條好熱,,,冇嘜油,,值得一讚,,,唯一麻麻既係有d漏囉食食下

試食黎到瘋薯......本來打算叫招牌芝士味~~~因為太受歡迎.....我地去到果時己經售罄.....唯有叫第二d 款....其實哥哥仔sell左好多隻唔同味,.....佢係咁講....我根本唔記得有咩味....最後只係揀左佢meun有果2隻味...1. 酸乳酪2. 蜂蜜介辣薯條即叫即炸, 攞上手個杯都仲係熱辣辣,但係食落又唔覺好油喎....酸乳酪味比較淡.....不太合我心意但蜂蜜介辣就好好味....真係好食到唔停得口呀~~~但係食完會覺得好漏....但係衛生情況就差d.....琴日去到...見到個櫃枱有好多人食完放左o係度既吉杯...但係無人執囉.....縱使有人只係o係廚房入面行行企企都好....都唔會出黎執....呢野唔係好得....

之前見到食評覺得呢間野好似好正，但冇去開銅鑼灣所以一直都冇得試。男朋友話旺角新開左，所以約左食晏時間一齊去！食左酸忌廉味，冇想像中咁好味，薯條本身冇咩味，比想像中幼身，ｄ汁都冇咩味．．．而且薯條炸到黑晒，２５蚊都算幾貴！買既時候有一個阿嬸企住ｏ係收銀度，以為佢等梗買，點知佢只不過係等拎薯條，等到佢走左之後又等左幾分鐘先至有人收錢落單囉，明明由頭到尾計埋我地先得４個ｏｒｄｅｒ，唔知點解都咁慢！如果冇人都要等咁耐，佢應該會走左好多客。

今日中午午飯時間, 有同事外出吃飯, 回來時順道買了愛爾蘭瘋薯給大家吃. 其實大家早已知道公司對面開了這間店, 但由於放工時段經常大排長龍, 所以一直都沒有去試. 一杯瘋薯看起來薯條不多, 當我們這班"蝗蟲"一湧而上地"人手一條"地試後, 杯內的薯條已所剩無幾! 說回主角-- 薯條 (好像是甘藍味?), 是連薯皮一起炸的. 入口外脆內軟, 與triple O, 或Outback之類的餐廳的炸薯條口味相近. 但可惜放了不久之後, 薯條很快變得不脆. 而且, 正如同事們所說, 雖然薯條味道不錯, 但味粉十分濃, 好像在"吃味精"一樣!! 況且, 價錢一點也不便宜, 一杯小小的瘋薯盛惠二十大元! 值不值得的確見仁見智.

個日去旺角行行下...驚見家樂坊後面居然開左間愛爾蘭瘋薯!之前都好想出銅記食..但又怕煩...都幾多人等!職員服務好好.要左酸忌廉..冇想像中咁好..唔覺得酸不過薯條真係好好味..尤其係岩岩整好個陣..熱熱地..好脆!搭車個陣食就唔脆..仲有d油膩!雖然價錢係幾貴.....但係我都會再試既!下次試下芝士先~睇個樣就好似outback個d咁..應該唔錯!

心情悶悶不樂, 師傅於是相約好友食家"乜都放入窿"逛下街, 吹下水, 而地點亦選擇左旺角; 由於大家都已食飽晚飯, 所以就四圍行下; 行左一段時間師傅開始覺得有d肚餓, 於是就四圍睇下有咩好食, 本想去搵肥姐, 點知收左, 唯有繼續行, 點知行到呢度又見到呢間人氣食店, 加上好友食家"乜都放入窿"又未食過, 所以決定一齊試下啦!由於師傅已經試過一次, 所以今次埋到去就揀左另一種醬汁, 同好友食家"乜都放入窿"商量一下, 就決定要蜜糖芥辣瘋薯; 由於係即叫即整, 所以都要等一陣; 最後熱辣辣嘅瘋薯就出左黎喇, 而師傅決定同好友食家"乜都放入窿"搵個地方坐底試瘋薯!行到老遠, 終於搵到個人唔多, 而可以坐嘅地方 - 樓梯底; 先試下瘋薯, 薯仔味道好香, 炸得脆口, 又唔會勁更實的的, 而蜜糖芥辣甜甜地, 芥辣味又唔會過濃, 都幾好味呀; 而蜜糖芥辣又唔會好似酸忌廉凍冰冰, 加上又唔會好大pat醬, 唔錯啦!總括黎講瘋薯質素唔差, 環境今次係好好, 樓梯底喎, 地方都算清潔乾淨, 價錢一般啦, 廿五蚊一兜瘋薯, 未試過都值得一試架; 最後師傅非常開心有好友食家"乜都放入窿"陪左一晚, 輕輕

最近椰汁同薯條都大有FANS在.個晚X話我知旺角原來都開左間.咁我地就黎左試下啦!薯條有幾種食法.我本身係想試酸忌廉既.但X買左芝士,我心諗都應該會好HEAVY...$5汽水都係TUM下你GA JA.抵又唔係特別抵.做野既人有4個.我地等5個NUMBER都要15分鐘.因為佢係每1杯薯條都要量重量先炸製作嚴緊!唔!有得食啦.我覺得...無乜特別.食第1條都唔太覺得有"叮"1聲既感覺.薯條係好大條.但同TRIPLE O'S個D既味有分別?!芝士唔快D食既話就好易變1塊塊.ANYWAY.小食好唔好味真係見人見至GA JA

當日去食, 只餘酸忌廉味同另外一隻味, 冇芝士味了. 等左大約10分鐘我食左酸忌廉味, 酸忌廉d味好似平時酸忌廉薯片果d味, 冇花冇假. 薯條是即叫即炸, 仲要係一份份炸, 所以比快餐店的更勝, 橫豎食薯條都肥gar la, 不如食好食果d而肥. 好過食唔好食0既野而肥.炸出黎0既薯條外脆內軟, 有薯味, 連酸忌廉食, 好正!! 而家講究健康, 25元2個人已經夠食, 唔洗食太多. 以前成日為左成芝士薯條要去outback , 2個人餐餐都3百幾, 而家唔洗lu. 薯條引發作便來這間食.但比個提示大家, 千其唔好在佢條行仔到食, 如果唔係就會食到一身油煙味, 因我果日在條行仔食, 食完行街果時覺得自己好臭.

見咁多好評,今日便去試一試"芝士味"瘋薯~等左大約10-15 mins,終於有得試~拎上手行不夠幾步,已經見到de 芝士"汁"開始變芝士"塊",不是用來"點",是要用叉,先咭薯條,然後切開那些芝士塊一齊放進口.....很奇怪的感覺.....結果大約有一半薯條是沒有芝士汁的,實在有點失望.......粗身薯條是好吃,但假如芝士汁可以"淋"一點就更好...$30 這樣一客薯條實在太貴了,應該沒下次....