愛家素食 (淘大商場) (已結業)

朋友邀請我同媽咪去參加一個~~佛教的祝福會~~,在九龍灣國際展貿中心,她提我們如果可以,希望我們中午這餐能食素,當然沒問題,這附近自然想起這家店.不過今日實在時間緊迫,同爸爸探完婆婆就會合媽咪,只得半個小時,剛巧又是午飯時段,要等吓位,只好一邊等位,一邊看定食物牌,等有位即時落單叉燒豆腐扒飯$35~~叉燒其實完全唔似,味道反而好似豆腐乾,豆腐扒好像煎蛋餅,不過比較淋身,唔太好味咖哩薯仔洋樂飯~~咖哩汁味同平時食的有些不同,又比較水狀,素雞肉塊又唔好食,唯一嗰碗南瓜湯夠濃,有南瓜味星洲炒米$29~~這碟炒米算是不錯了,不過對我來說就辣了些,但味道卻可以給予合格啦這家店同一般素食店有些不同,是怏餐店形式,而且加入西式菜色,還有甜品,今次第二次來食,但還是覺得食物水準麻麻不過紅糙米飯就好食,軟硬適中,而且好健康

當日黎呢道行街之餘,當然要去愛家食餐飯啦~經openrice得知呢間咁有特色o既素食快餐店,同我媽子一齊黎試試看~論lunch的價錢,確實不太便宜的,但勝在這裡的素食出名地好吃!!餐廳門口的餐牌跟店內的餐牌不太一致,因店內的餐廳無列明餐飲的款式,僅限於咖啡/茶,但餐廳門口的餐牌列明可配 特別口味的豆漿,是日例湯,及紅茶等等的其他幾款特飲…因沒有詳閱門口的餐牌,所以今次叫的lunch只係配普通不過的熱檸水….揀完食乜野後,便到cashier排隊,如快餐店的經營模式~是次於cashier取了一本新推出的書仔,給予客人免費自取,太平清海襌師—希望全地球的人連續8星期吃素,世界被破壞的一切便能回復正常,相信真的很不容易…呢本書的size像普通中文小說一樣,方便攜帶,內容還有彩色印製的圖片呢~鴛鴦扒飯 $35醬汁可選豉油,特別的醬汁(我忘了名字,我正正就係揀呢款)當中有黃金扒及豆腐扒!!豆腐扒有豆腐味,賣相似鴨齋!而黃金扒經油炸過,較為脆口+少許熱氣~紅米飯方面,口感仍是非常好吃,健康之選呀!! 很大個飯球,見在座的客人大多數將整個飯球KO掉~大家果然一致覺得好好味! 點了1款小食豆腐扒沙拉包

自從搬離九龍區後絕小跑到淘大商場此場除了食店之外可謂一無是處有時經過都懶得踩場 今天身體檢查後, 亦不想大開食介, 於是走到唯一一間西方素食店, 實行腸胃大掃除粟米薯仔湯: 糊狀而帶點粉粒的口感, 有點怪怪, 相信是經過打蓉後的薯仔湯再加粒粒粟米, 味道頗淡亦飲唔出薯仔味, 唔好飲。開胃小食: 小碟酸青瓜 : 爽口又帶點清新,pass 蘑菇蕃茄豆腐配紅米飯: 以椰菜拌碟, 酸酸甜甜的蕃茄蓉而還保留著是蕃茄肉是小女子的心水, 送飯實在無得頂。蘑菇片和粒粒炸豆腐 就無乜特別, 味道也像一般家常小菜, 配上份量十足紅白飯口感豐富亦很飽足。 食客以女性為主道, 相信很多女性亦相信食素會令皮膚帶來改善的

路過愛家驚見它開張不久的附屬麵包店。這家麵包店與愛家宗旨均是主張有機、健康與無肉，麵包款式也非常大眾化。其中的朱古力榚餅奪去了我所有的注意力，皆因它那瑰麗的外型。榚餅賣相酷像玫瑰花，簡直令人心花怒放，它那「肌膚」的顏色更是誘人。大倒轉便知道其實它的真正身份是朱古力鬆餅。有着一般鬆餅的濕潤，又不過分油膩，朱古力味也頗為濃厚，質感相當鬆軟。只是欠缺大多朱古力鬆餅也有的朱古力碎粒或朱古力片，較為單調。除此包，各種麵包非常經濟實惠，都是以「有機」為賣點。偶爾吃得健康點，精神也會更佳。

其實一直都知有呢間餐廳不過都冇黎過,咁岩今日吾知去邊到食,就黎呢到試下喇嗌左個咖哩薯仔有飯,有餸,有飲品,有d菜同前菜飯都好多下,碗幾飯,紅米飯黎個餸,有薯仔,紅蘿蔔,豆腐,同素肉各樣都有3-4舊個咖哩冇咩食,都辣辣地豆腐好味,幾滑,不過佢呢隻係炸的素肉吾差,吾係太假,都幾好味湯就要左合掌瓜湯有粟米,紅蘿蔔,合掌瓜,花生,眉豆,南北杏冇肉都好飲d菜吾差,幾好味,可能係炒掛前菜係青瓜,酸酸辣辣,一段喇不過食完呢餐好飽下次又要黎食過佢其他野仲嗌左個cheesecake,都幾好味,吾係好甜不過要成$28

開頭唔知係素食店, 見到玻璃櫃前的蛋糕好精美, 亦好新鮮.試咗個咖啡杏仁糕餅, 咖啡味好香, cream亦很滑, 杏仁好碎口,因為唔落奶同蛋的緣故, 改為有機豆漿來整, 所以好香豆漿味! 唔錯!Pizza起初睇好似好乾咁, 原來食落口又幾好食, 中間用了豆腐來做醬,非常健康!潛水艇包身好軟好新鮮, 裡面係用牛油果, 蕃茄同青瓜整, 好新鮮, size好巨型, 所以幾飽的.這裡的咖啡是用榔漿同有機豆漿來整的, 好香好滑, 充滿豆味!這一餐食得好健康呢!

唉!!我應該入錯店舖,事關此店係一間素食店,所有食物都冇落蔥蒜,蛋同奶,正正因為如此,整出嚟嘅糕餅原來好鬼難食.我同家人叫了三款糕餅嚟試,最難食嘅係朱古力慕絲糕餅,可能冇落牛油同忌廉關係,質感同味道都好怪,唔似出面食嗰啲,又香又滑.至於杏仁咖啡糕餅,餅底雖然嚡實實,但杏仁同咖啡味尚算香濃,味道可以接受.講到最好食係合桃提子批,雖然冇加牛油同蛋,但整得嚟都幾鬆化,值得一讃.總括嚟講,我諗自己唔會再次幫襯,試過一次就夠,算我未能食素,罪過!!罪過!!

菠菜芝士($18蚊):回家用焗爐翻熱都好好味.沒有肥膩感,略嫌咸左d,不過本身食得好淡味.因為愛家不用含奶類製品做食物.感覺健康.菠菜就成日食,食菠菜批真係第一次,唔係成日都有得買,大家有緣見到不妨一試桃肉合桃鬆餅($13.5):留倂老公做早餐,望個樣就好足料呢.靚靚外賣盒都係第一次收到咋.去親九龍灣都一定去愛家咁,哈哈.今天見到有傳媒係度拍攝食物,在最繁忙的中午拍攝,愛家依然坐滿人.有些食客高呼"拍嘢,d位無晒喇"其實愛家越來越多支持者,因食得健康,身體會告訴你,你選對了食物呢.

　　這篇食評是大半年前的了，可能不適用於現在，請大家注意。　　我本身是個食肉獸，無肉不歡，吃素的記憶來自九歲還是十歲吃過的一頓全部綠色菜菜菜無調味難食素菜。不過見這裡評價不錯，我願意打破自己的既有觀念，還拉了朋友來食。以素食來說，是弄得不錯的。偶然吃一下素，為拯救地球出少少少綿力。黃金扒飯餐有紅米溝白飯、酸青瓜、黃金扒和飲品。凍檸茶幾好飲，酸青瓜不過不瓜。黃金扒是豆腐腐皮弄的，估唔到又幾好食。跟雞肉的口感有少少似，但食落比較清淡，加醬汁就唔錯。我個人幾喜歡呢一味，果然是這裡的招牌菜。不過我就不太喜歡這裡的環境了，那些奇怪的音樂和電視節目令人毛骨悚然，有一次光顧時還看到一個行動舉止很像被上身的服務員，真係嚇親 ...... 但只論味道，我覺得算是不錯的素餐。

通常嚟親愛家都會食佢地的洋樂薯仔飯+西湯,好滿足.今日也不例外.走時叫多件"清新磨菇批"打包做tea ($13.5):賣相靚仔,食落好多磨菇,亦有些少微微黑椒味.店員問我用不用整番熱,如果即時食,整熱應該更正其實到我tea時食,無整熱,都覺得好好味呀必試另外,咖喱洋樂薯仔飯+西湯(粟米薯仔湯) ($26+$4= $30):紅蘿白,薯仔,素面根,伴咖喱汁,正,伴紅白米,重有個靚湯,最重要係食完呢度d嘢,永遠無覺得會頸喝,而且食時又覺得嘢食好味.

放工後和朋友食晚飯, 打算吃得比例健康點, 不想餐餐食肉多過食菜, 於是朋友提議到淘大的Loving Hut食素食. 這次是首次光顧這店, 原本以為店鋪很大, 但原來是利用鏡子效果做出來的錯覺. 店鋪不算很大, 跟一般快餐店差不多. 而且它不像一般素食店鋪般的格局, 它反而更像一間快餐店. 我和朋友點了叉燒黃金扒飯和悠揚樂湯河粉(叻沙湯底).叉燒黃金扒飯: 有約五、六片素叉燒, 另有兩片用腐皮做的黃金扒(扮雞扒), 賣相都幾似, 味道亦算可以悠揚樂湯河粉(叻沙湯底): 由於本身對叻沙有偏好, 所以選擇了叻沙湯底. 有午餐肉一片, 牛腩三片及貢丸兩粒(當然全是素來的). 全部賣相都有幾分似, 當中牛腩最好食. 叻沙湯底味道有OK, 都幾香最欣賞餐廳的是, 食品會附上涼菜一小碟(青瓜片)及水一杯, 青瓜片好吃之餘, 人客亦不用問侍應便有水飲用, 夠晒細心和方便.

以前叫做Budda Hut, 差不多兩年前加入了 Loving Hut 的團隊，賣身不賣心？原班人馬，把店子繼續發楊光大．已幫襯這店子超過 3 年的時間了．最初不是有太多人幫襯的時候，總是替店子擔心，可以撐下去嘛？　日子久了，識欣賞的人也越況多了，而且越來越多！　這下也放下了心頭的憂慮，原來越來越多人開始關心健康，吃素多了．真高興呵．　這裡的餐牌，久不久就會多了點小意思．　而店子賣的叻沙甚麼的湯底，用的是緬甸來的香料粉做，這是店裡工作的店員在與我閒聊時告知的．我覺得佢對感冒初起，或者有些少唔舒服果陣，都好似有啲幫助呀．　以往的豆腐扒飯餐，曾是我的最愛．可是在年多前我發覺它已有所不同，沒早期般的厚身和淋，質感也有所出入，細問下店員沒否認是所購的貨源轉換了，因而有所出入．我的提問着實把他們嚇了一跳．　他們告訴我還沒有人問過呵．”新的 ”豆腐扒飯餐依然有着許多捧場客，可已不是我那杯茶了． 做得出色的選擇有好多啊：炸紫菜，　咖哩洋樂飯餐，　咖哩有如扒飯餐，炒菜．．．（紅蘿蔔絲,椰菜,翠玉瓜inclusive）：．．．一般在飯餐中也會有半份左右不然也可單購，椰漿咖悠樂湯上海麵曼茹飯磨菇批Lasa

這裡是我這兩三年以來, 幾乎每週光臨一次的飯堂. 皆因我不吃蛋和奶, 純素食的素店在香港只有寥寥數間;加上它的價格是平民價水位(大約$30一個餐), 又可以吃得很飽. 近期它新推出的白汁菠菜意粉的確要讚!!自從不吃奶以後, 我便沒吃過白汁的食物了~吃下去似是以無糖豆漿造的白汁, 加上菠菜原來很FRESH很好吃!這是今期的強烈推介~另一款是凍食的喬麥麵, 那個醬汁超好味. 夏天時我幾乎都吃它.甜品我最喜歡吃素糕, 雖然要$20一件有些貴, 但無蛋奶的素糕畢竟太難求了!個人最愛杏仁咖啡糕, 咖啡味很香很濃的~

親愛的父親喜斎，特地Search呢一間，間舖都頗細不過等左一陣就有人走～　我見有個清潔阿姐仲好好咁幫啱啱入嚟既客人搵位，good！1. 炒咸魚菜粒飯餐跟湯+炒菜+前菜　$30　飯普通，淡淡既飯香加少少咸味，不過前菜唔錯，甜甜地幾開胃2. 潛水艇 (牛油果沙津味) $19　呢個要等一陣自己响櫃面取，驚喜既係佢蕃茄大大件之餘啲菜都好新鮮，仲有佢好足料，　牛油果都有三大塊3. 意大利蘑菇薄餅 $15.5　點呢個時個收銀仲有溫馨提示"佢係薄嗰啲唔係厚既，咬落去係脆既，有冇問題？"真係好 　好態度！等左差唔多三個字先有得拎，呢樣個價錢仲抵過個熱狗，仲要有六塊，雖然味道　普通但咁既價錢，都ok啦！食物同價錢都唔錯！不過我唔鐘意遞食物嗰啲人，好似唔想講野我俾完張單佢佢俾左個炒飯餐我跟住我只見佢手指指，都係我主動問"係咪等叫號碼?"佢先點頭，好似一粒聲都唔想出咁，呢啲係態度？服務分三分只係俾個抺枱阿姐同個收銀哥哥。

前日食完沙律黃金扒包($19大元),今日條食癮又起,食左好耐無食過的潛艇包.有兩款味二選一(中東汁或牛油果沙律汁)我選左牛油果沙律醬,個飽超大個呀,兩個人都夠食,包入邊的生菜和蕃茄都係超爽脆,個汁都好好味,不過就無其他材料,好似"寡"左d,但食到好飽好飽.不過如好似我咁當正餐食就好夠喇.當下午茶的話可能吃不下.因實在如其名-潛艇般打橫及大大個呀.叫左個椰香薯蓉湯(加4蚊),薯仔切成碎粒,易於消化又易入口,yummy西湯係每次去loving hut必點的收銀機旁放左"健康素時代5供有需要人仕取閱或取走.我最鍾意入邊登左全港素食店的地址.因我間中都要搵地方和我契爺契媽食素,有d後生女的素食朋友都會約我食.實為素食人開飯的好書一本大家有需要的話就拿番本喇書仔內亦有提及有咩名人食素,如里安納度,已故的diana王妃等等亦有提及素食如何環保及點救地球.實在係好有意思呢.loving hut係全球好多地方都有分店架,大家可到其website瞭解.重有大量的美食圖片和分店資料.正呀!http://www.lovinghut.com/portal/hk/bbs/board.php?bo_table=m