愛家素食 (淘大商場) (已結業)

上個初1, 同媽咪買左個复盒食.係因為除左知道呢間素食店有好多好評之外,見到初1,15 , 媽咪都好似無咩好食..食黎食去都係豆腐羅漢素..買左鰻魚飯!紅米飯好健康!本來媽咪見紅米飯都驚1驚..驚唔好食.但佢食落話其實同白飯無咩分別.真係得個健康;p鰻魚方面佢就話都幾似幾好係.個底仲有紫菜tim!overall 媽咪話唔錯好食.搞到我又想試下.但我想試黃金扒!ps.員工都好有禮物! 奸銀員很nice 多謝前多謝後! gdgd!!!

呢間餐廳原來係以快餐式營運(即大x樂,大x活那類)無差,效率快更好要左個A餐--豆腐扒叉燒飯+湯/飲+小菜+清水味道看相總結的說-價錢便宜-感覺上健康-飽肚-素菜口感新奇值得去了吧期待開分店,讓更多市民受益

友人極力推薦, 於是排除了淘大附近無數食肆的誘惑, 來到這間素菜館.叉燒豆腐扒飯配叉燒醬: 沒看過其他食評, 但想必這是招牌菜吧. 叉燒形神俱備! 只是叉燒醬還不夠火喉. 豆腐扒不錯, 但沒甚驚喜. 反而塾底的雜菜很可口, 可能是加了蒜茸炒過吧. 昆布湯底餃子麵: 湯的味道真的沒甚特別, 但友人十分喜歡餃子, 指裏面有些細細的不知名物體, 很有咬口, 不過只有3 只餃子, 所以我不好意思試吃一下了.叉燒黃金扒飯: 黃金扒外面裹了兩層腐竹, 熱吃時脆脆的, 也不錯.另外點了熱朱古力, 味道與用奶沖的朱古力無異!!!三十多塊吃了一頓飽飯, 確是划算. 但當晚過了三小時, 我的肚子又開始叫了...

好耐冇黎Buddha Hut開餐啦今日有事要到九龍灣 雖然淘大開咗好多新食店但兜咗個圈 價錢始終都係呢度比較經濟 都係係度食Lunch算豆腐扒飯配蓮藕湯$26我都係始終如一 次次都係叫豆腐扒貪佢煎到外面有少少脆 但係入便好軟滑 好食呢~炒菜有娃娃菜同椰菜 幾清甜 份量都唔少 但今次炒得比較油餐飲我要咗老火湯蓮藕湯都幾足料 有蓮藕 紅蘿蔔 花生 眉豆等等 味道唔差架~$26 話平唔平 話貴唔貴 但食得飽 算係咁啦~

我經常光顧Buddha Hut，是一間很有創意和誠意的平民化素食餐廳，他們是無蛋無奶的純素（Vegan,維根）餐廳（因吃蛋與奶同樣不慈悲不環保），以豆奶或椰漿代替牛奶，一樣美味，菜式新穎可口。一餐三十元左右，便宜。這一天晚餐，我點了豆腐扒飯，味道夠，飯有加紅米，好吃。附有開胃酸瓜，配有份量不少的黃瓜、包菜和紅蘿蔔絲（所有飯類都是一樣）。附送香濃的黍米濃湯，誠意十足的一碗湯，好喝！整間餐廳環境舒適衛生，服務態度一流！

Buddha Hut 是我其中一間飯堂, 無他 -- 好食, 健康, 近屋企.見冇乜人介紹香椿芙蓉包飯, 忍唔住推介下. 雖然近來啲腐皮包比以前啲包得冇咁實, 質感差咗, 不過靈魂係個香椿汁, 好香好特別, 其他地方好少食得到, 香椿係一種香草, 聽講仲有助忘憂, 抗氧化, 抗癌等, 食個碟頭飯都咁多食療功效, 冇投訴啦.唔一定要食芙蓉包, 食豆腐扒 (好似叫做黃金扒之類) 都可以跟香椿汁, 不防一試.其他該推介的好多老友都有提到, 不贅. p.s. 小心bar枱尾的两盎辣椒油, 其中一盎寫住勁辣的, 有時(可能啱啱整起)真係辣到飛起.

今日和同事去淘大覓食,行過見到這間野門面幾靚,於是入去試下入到去睇左震發現間野係素食的,不過我又無話一定要食肉o既於是和和同事各自買了一個飯食,我就買左黃金扒飯加杯豆漿咖啡佢地服務真係好好,order時都好有禮貌而佢地D飯係用紅米飯,好健康係食落去因為有紅米,所以有少少硬以個黃金扒就人係腐皮做的,熟到軟軟的好好食,D汁仲好好味唔係淡戊戊的係個黃金扒下面D翠肉瓜同椰菜仲煮到剛剛好唔係其他地方食o既菜咁"林"的,而係爽脆的到最後杯豆漿咖啡都幾好味有豆味又唔會酸~~~Good其間隔離桌食完一起身,店完就去清理,佢地仲叫客人小心D湯好熱,我食完個餐仲主動來收拾個盤tim~~~~

早上吃的KFC早餐份量不算大 中午很快便餓跟媽媽 姊姊約了在九龍灣辦點事 之前 當然要先醫肚子我的例牌飯豆腐扒飯$26這次喝玄米茶 味道很不錯 有淡淡的米香 不會太單調豆腐扒香軟 點上薑茸豉油伴飯須是不錯伴碟的炒紹菜亦調味調得出色 好吃~姊姊點了咖喱薯仔洋樂飯配有機凍豆漿$26咖喱辣度可以接受 素肉味道亦不錯 但不太似肉薯仔算是夠淋 但不夠入味 可以改進媽媽要了炒咸如菜粒飯配南瓜濃湯$26她想試此炒飯很久了炒飯份量不多不少 剛好夠媽媽吃 水準亦不俗 炒得乾身 不太油膩每人$26 雖然沒有肉吃 但價錢與水準是成正比的~

朋友推介之下就去左呢間素菜館本來好驚佢會好似傳統齋鋪咁油膩,又無咩野食, 點知睇到個MENU 一D 都5似係齋鋪 XD ＭＥＮＵ菜色同一般快餐店無咩分別都係扒飯、＂萬如＂飯，仲有CAKE,都整得好靚$26 -$3X 一SET 飯 (去時係4點幾,無TEA TIME)我叫左個黃金扒飯有3塊扒咁多 睇落真係幾似扒但食落........ 好明顯得 腐竹味== 單薄左D好彩有D CHA 燒汁配先叫食得落話時話佢D CHA 燒汁落左D黑淑, 好惹味, 但好在無味精 我fd 要左CHA 燒, 個樣同味都做得好似,不過份量就無我咁多 食落真係5知係CHA 燒 XD少有GE係, 佢用左好多菜去塾底, 仲多過我3 塊扒, 菜MIX 埋汁一齊送,好好味真係超健康 感動GE 係竟然有紅米飯, 夠哂健康 個湯出其地多料,同我媽煲的老火湯一樣:葛 (大大粒), 冬菇 (煲到變埋啡色,足見火喉老 ) , 紅羅白整體 感覺係呢間野好健康送, 飯, 湯, 配菜都會付合到健康 的原則這亦是老闆開鋪的用心吧 出示學生証者 DRINKS/ SOUP 免費 店員 個個都好隨和, 落單個人笑面迎人 (我個FD 去左幾次都

兩個星期前食過一次之後一直念念不忘...今日中午特登再去多次收銀依然係四眼哥哥,佢相當有禮貌今次去比上次少人...一去到就有位坐唔理三七二十一,即刻買個餐黎食先買左個「萬如飯」,加杯熱奶茶萬萬都估唔到,個收銀哥哥居然記得我地..而且仲記得我朋友買過d乜野餐添太難以至信了...黃金色既「萬如」,望落去似炸薯餅咬落去,外脆內軟,好味就是其實到底係d乜野黎既呢...味道好熟,就係諗極都諗唔到係d乜野...有誰能夠解答我問題好多瓜瓜菜菜,食到好飽

9月19日, 夜晚由將軍澳出番黎九龍灣~ 聽聞喺淘大有間幾特別嘅素食店, 果然好多人食~ 整間店舖都好快餐店feel, 排隊買飛再去攞食物, 連位都要自己搵, 但係舖面頗細令到好迫夾, 好彩我地等咗一陣就有位喇~::: 叉燒豆腐扒飯 + 凍檸茶::: $36 + $4叉燒做到味道真係好似真咁! 有蜜汁嘅味道, 雖然真係冇乜燒過, 但係表面都有少少燶~ 豆腐扒係煎過黎, 感覺非常清淡, 不過煎咗亦帶番出少少甘香味~ 除咗叉燒同豆腐之外, 底下仲有大量蔬菜, 有翠玉瓜, 蘿蔔咁~ 完全唔似快餐wor, 真係好似啱啱新鮮炒出黎, 配上健康嘅五色糙米飯, 整餐都十分健康~ 加$4就有凍檸茶, 十分超值~::: 奇妙醬三絲冷麵 + 南瓜湯::: $34要先讚南瓜湯十分香濃! 啖啖都係南瓜茸, 甜味自然無添加, 感覺良好!三絲冷麵主要有青瓜, 蘿蔔同芽菜 , 全部材料都切成幼絲, 睇得出係用心處理過~ 另外仲有少少海帶同芝麻作點綴. 冷麵醬清新帶麻油香, 濃杰適中又唔會過膩. 麵條夠凍而且柔軟, 份量亦頗多~ 雖然好齋但係好好味~ 而且好飽肚!可能比較少食素, 感覺呢間食物款式多又用心, 味道都好

搜尋九龍灣有邊度好食,呢間都算係頭一兩名了當然要去試試味,而且又近校院今日喉嚨有少少痛,擔心試唔到好味既食物,好彩總算安然無恙同3個fd一齊去食中午,響淘大搵左少少時間,原來響最埋邊既角位度好彩記得個餐廳名姐,如果唔係真係搵唔到入到去,俾我既感覺係..好似大_樂/大_快咁突然傳來一聲歡迎光臨既說話,係個收銀哥哥講的望一望有冇位,冇哂4個人既位..當時有d灰,但唔算多人有個女店員走埋黎,好有禮服問問我地有幾多人轉眼間佢即刻搵到位俾我地...坐低之後,我負責睇位,靜靜咁留意周圍...我自已就叫左「豆腐扒飯」,睇網友d食評話呢個餐唔錯咁,所以就買黎試試紅白米飯好耐冇食過,乾身岩我而個豆腐扒就相當令我感到興趣咬左啖,軟硬程度適中,豆味幾重預左佢係淡身的,點一點佢格離d「是油」,反而又更加普通左,皆因d豆味7成都被傘蓋豆腐扒下面仲有d瓜瓜菜菜既然黎到素食地方,呢d絕對唔可以放過,同快餐店果d冇得比d菜好爽口,食到有聲咁,好新鮮而d瓜又夠有口感,軟得黎,又唔覺得佢太淋成個份量黎講,我覺得個份量岩岩好,食完好飽而味道方面我都認為好食,可能我口味比較啖身相反,食量大,而且鍾意食肉既朋友,,可能會覺得唔

平時見呢間舖都好多人下, 都有啲出奇, 好少見有素食快餐咁多人. 橫掂咁耐無食素, 就今晚試下佢.第一次幫襯就由基本套餐試起, 套餐之中當然又係由頭開始, 就 A 餐啦, 叉燒豆腐扒叉燒汁, 飲品要南瓜濃湯.由伴菜先入口已經覺得喜出望外, 完全唔似係快餐式既伴菜, 好甜好新鮮, 煮得剛剛好熟. 叉燒+叉燒汁好香好味, 叉燒唔會太淋, 都仲有啲咬口. 豆腐扒比較淡口, 但豆味好出, 淋淋地忍唔住一口一件, 成個口都係豆味好正.南瓜湯我係食完個餐先飲, 頭幾啖好似淡淡地, 不過飲飲下加埋啲小配菜飲就剛剛好啦.簡單又清新既一餐, 對素食快餐有種新體驗, 好味 !!!

So I took 6 of my foreign friends to Buddha Hut tonight. The experience had been very awesome.- Their menu at the baord didn't have English translation, but they prepared two booklets with English descriptions to the dishes. Very thoughtful.- Staffs are extremely nice and helpful. Helped us to get table, get the order, and with the food- Took us less than 10 mins to get all of our foodFood we ordered:- Spring roll x 2: freshly fried. Crispy and tasty- Boiled dumplings: Not bad. A bit weak-tastin

呢日兩點先食LUNCH，想食飯又周圍都好多，終於都諗起可以來食齋﹗食過好幾次，最鍾意就係佢既日式萬如飯，其餘好似咖哩和樂飯都係好味之選，今次一試叉燒豆腐扒飯﹗叉燒做得幾鬼似，不過味道就十分之淡，似面筋多一點﹗而豆腐扒有豆香，口感似幾層腐皮重疊，沒有多大味道，但亦明白淡口才叫健康﹗可幸的是我好鍾意食呢度既五殼飯，粒粒分明有嚼感，0的餸反而變得其次﹗下次都係叫番個萬如飯，我呢0的濃味怪都係食0的濃味野先會滿足的﹗