意粉 360 (已結業)

今日同朋友來沙田聚舊，本來想去意粉屋既，但有個fd想試下意粉360。點知去到，原來都有early lunch，32蚊一個石鍋飯。真係好抵食呀！呢個係之前預料唔到既，真係好驚喜呀。入到去就有人問我地水，之後睇下餐牌，就食兩個意粉同一個石鍋飯。主菜香蒜雞肉意粉雖然配料好簡單，但味道都唔錯架。個蒜蓉味好夠，而且個意粉唔算太濃，清清地，好味道。肉醬意粉呢個真係好麻麻，我覺得個肉醬酸左小小，而意粉既軟硬適中啦。我認為香蒜雞肉意粉會好食。蕃茄咖喱汁一口豬石鍋飯幾好食，個咖喱汁加蕃茄。酸酸地，好開胃。一口豬好味，好有肉味。而個飯整得剛剛好，唔會太生又唔會太熟。而個飯都有幾多飯焦，但下次可以多汁既。飲品白之戀人個面有層奶泡，好靚呀。而杯飲品加左草莓、白朱古力同牛奶，雖然呢個組合會好甜，但我又唔多覺既。凍Mocha呢個係我個fd既，佢唔係成日飲咖啡都覺得好飲。我覺得杯野好好睇，上面又有cream同百力滋。感覺猶如藝術品一樣。甜品酥皮蘋果撻配雪糕呢個即製甜品，等左一陣啦。個皮好脆口，而裡面既蘋果酸酸地，好味道。配上雪糕，一冷一熱既口感真係好正啊！整體上，食物同環境真係唔錯，32蚊一個石鍋飯真係值回票價

我們點左:薯塊薯蓉明太子燒就是焗薯蓉喇~明太子熟左, 好似冇咩特別味,唔係好牛油香,食落係好有質感的啖啖薯.煙三文魚CAESER SALAD (W/ 煙肉碎)UM...冇咩特別,只是簡單的把所以野放在一起SAUCE,份量亦是少.酥皮湯 (加$有個MEAL)個皮剛MAKE好架,脹脹的~我地放左一陣就開始走氣了~唔係好油~ 浸左落D湯度食~明太子鮮蝦意大利粉一望落去, 覺得好DRY, D 蝦又係曬底, 估唔到一食, 又幾OK喎, 唔會COX冇咩色而冇咩味, 意粉硬度適中,有淡淡的香味.小龍蝦墨魚汁熱石鍋飯配龍蝦汁好多小龍蝦, 不過唔係好鮮味食左好多啖都係飯焦,係飯中心就有大大粒的飯~個TOP 有CHEESE, 好味,E度環境幾舒服呀, 有好多SOFA~仲有個OPEN AREA, 但個MALL 既GROUND FLOOR又唔太多人行黎行去, 加上我地係坐入左少少, 夠曬空間感呀,WAITER 都好勤力,CHECK 個時又問我地覺得野食點,SO 我地就問WHY 個ICE TEA 好似好混濁咁?佢好PATIENT 咁SAY 係個LEMON`篤得多,等我地以為壞左TIM~

兩個人叫了:海鮮墨汁石頭飯芝士焗茄子芝士焗卡邦拿意大利粉以上樣樣都好好味, 最了得的是"芝士焗卡邦拿意大利粉", 因為真係好芝味, 好香下~另外焗茄子又唔覺膩, 又唔似係茄子喎~哈哈哈~食入口真係好特別~而海鮮墨汁石頭飯又熱辣辣, 辣到口添呀...好有石頭鍋飯feel喎~!加$20==>一個dinner set,有酥皮湯和飲品~ 都幾抵!讚:佢地真係會留位比我地, 打左電話去訂位會好d彈:侍應服務不太好~

我同男朋友&一個fd.7點到去食.我同個fd就食左個海鮮墨汁石頭飯.個飯吾多芝士.而且吾多有汁.但都幾好味男朋友食左個卡邦拿意大利粉.佢覺得吾錯3個都轉左酥皮湯;個皮好香牛油味.另外再+$8轉特飲.我飲曲奇咖啡,小奶.本身要走奶.但個侍應驚我覺得苦.但我都系覺得好甜.因為個人吾系甘中意食甜野.我男朋友同fd就叫左同一款,吾記得咩名.但關於提子的.佢地覺得一般.我會再去

為關猩猩慶生, 當然要食餐好咖啦!之前同陳小肥黎食過, 都覺得不錯!!!忌簾酥皮湯--有點滯, 可能個酥皮太厚喇秘製新鮮龍蝦仔墨魚汁石窩飯--龍蝦仔都有幾多,但係飯淋左少少, 勝在有不少芝士, 芝味夠濃, 石鍋又夠熱, 不過食到最後都係有少少un un地...但好開心有飯焦喎!!!煙三文魚pizza--煙三文魚味都幾濃幾有魚味~而且我好鐘意佢上面d旦片, 而且個底又夠crispy~蜜汁雞翼--一碟五隻迷你雞翼剛好一人一只,色香味俱全, 而且蜜糖不太甜,又很入味肉醬雞扒石頭飯 --就咁睇上去, 件雞好似唔熟咁, 真係要撈下佢, 等d飯焗番熟佢先得!芝士焗卡邦拿意大利粉--勁creamy, 勁正! 真係好好味~ 火腿又唔咸喎~加$20變set,有酥皮湯和飲品~ 真係幾勁~五個人都食得好飽~之不過, 叫佢拎個cake出黎比我地個時, 個女仔太fresh, 真係拎個袋比我地, 又唔同我地拆開佢, 之後佢先醒爬! 唉~ 想點呀? 唔通我地拎走食咩?佢拎番入去, 又等鬼死咁耐都唔出黎, 起碼有成十五分鐘, 等我地仲以為佢跌左我地個芒果cake, 勁驚埋單個時, 個男仔又木口木面, 唔想幫我地做野咁

路經此地見到呢間食店，想食石頭飯所以就入來坐低喇﹗待應哥哥姐姐都幾有禮貌，一坐下已介紹今日有咩精選食物，於是就點左是日精選既龍蝦仔墨魚汁石頭鍋飯，再加多個鐵板韮菜煎餃及炒雜菇﹗主菜加$20可以有酥皮湯同埋有野飲，照加埋佢，等左三個字左右有得食﹗酥皮湯睇得出即叫即焗，湯上的酥皮仲係好挺身脹卜卜的，白湯比較淡口忌廉味不濃，味道只是一般﹗小食先來的是煎餃，驟眼看落好似無咩問題，不過一叉起就會見到鐵板底同埋煎餃油光滿佈，在碟上輕輕將餃子一壓，成斤油濟出來(有相為證的)，真係嚇死，工友見到即時唔開胃，最後一隻都無食到﹗餃子皮很厚很韌，不值得叫﹗再來是炒雜菇，有金菇、磨菇、秀珍菇等，食落很重牛油香很惹味，不過太多汁亦真係太多牛油，食食下凍左牛油汁就會結身一舊，其實可以炒得乾身一點吧？石頭鍋飯熱辣辣，上面放滿一隻隻的小龍蝦肉，很是的骰精緻，食落墨汁味卻不濃不香，龍蝦仔是彈牙卻欠鮮味，飯身亦流於太爛沒甚口感，唔.........麻麻地﹗及後埋單才知呢度都係意粉屋集團，上次去食意粉屋他們的墨汁飯做得相當軟糯亦夠味夠香，看來呢間意粉360可以參考一下0個面既手勢﹗同埋真係唔好放太多油，出街食飯是不太健康不

同朋友小聚,誤打誤撞黎到呢度就試吓啦,我地叫左雞翼,tomatoes cheese pizza,墨魚汁石頭飯,白汁意粉同一個菇意粉.有酥皮湯...個pizza,飯同白汁意粉好食!pizza好脆yummy~但個菇意粉就.....我覺得有d唔知咩怪味咁...所以都無咩點食.個chicken wing我無食不過d 朋友都無complain應該都不過不失~個湯都ok.我對酥皮都無咩特別大喜好.不過d dishes portion又唔係好大,我個人細食就無咩野,不過我估同台男仔們應該食唔飽.d service 都唔差,起碼佢地會走黎走去幫我地不停fill水.又問要暖水定凍水,算係咁.仲有佢都有幫我掛係chair件放個cover,都幾好.可以再黎.

午餐一行三人來了新城市.此餐廳開了成幾個月都未試過, 今日個朋友又話想食意粉, 有機會一試了.12點半來到, 仲有最後一張檯係未有人的, 哈, 又會咁o岩既?仲係卡位添, 正.叫了幾樣推介的野食, 分別係蕃茄咖哩牛腩意粉, 香辣風味腸肉pizza, 及 小龍蝦墨魚汁石頭鍋飯.另加幾蚊要了個餐湯及蒜蓉多士.唔想飲白湯, 要了羅宋; 都係一個杯咁大, 略油. 冇牛肉食.... 一般味啦, 唔係濃味的.多士我塊ok, 朋友的一面係黑左的, 但佢又冇叫換, 算了.多士幾脆, 但係凍的.蕃茄咖哩牛腩意粉有兩種味道crossover, 又幾配合, 加埋牛腩ok, 值得一試!香辣風味腸肉pizza係好薄果種, 腸肉看上去好像係肉鬆咁, 完全食唔出係腸...又冇咩辣味....小龍蝦墨魚汁石頭鍋飯都唔細. 龍蝦幾多.飯除了有黑色累墨汁仲有不少芝士, 芝味太濃, 蓋過了一切.龍蝦都係芝味呢...好采石頭碗夠熱, keep住d芝士係溶, 如果硬左真係唔知點食!服務很好, 一讚.$60一位, 算係咁啦.咖哩及牛腩我推介, 但都不是豬豬女友愛食的, 相信暫都係只會同friend來o羅...

之前經過，知道新開了數個月，又是意粉屋集團的餐廳，又有很多新派菜，好想試選了 weekday 的一晚來試了 由於我倆都不肚餓，只叫了一個龍蝦汁海鮮墨魚汁熱石鍋飯，再加 $20 轉餐，可叫酥皮忍廉磨菇湯和飲品先來酥皮忍廉磨菇湯我喜歡將酥皮整落湯內一齊飲，整穿酥皮時，熱騰騰出煙的磨菇味好香呢 到石鍋飯出場了係意粉屋食飯都鐘意叫墨魚汁飯，所以到這裡都要試試墨魚汁飯可能是石鍋的關係，即使飯的表面有龍蝦汁，都感覺乾了一點沒有想像中的好...有點失望的離開至於服務是幾好的，安排了角落的卡位，坐得舒舒服服

好唔容易等到9點, 舊同事終於放工la~~~沙田好多0野食, 不過好多間都食過,見呢間0野新開, 一於要試~~~開0係open area, 感覺好舒服,我0地冇demand 過個waiter, 個waiter 已經自動安排個"卡位"俾我0地, good!!!一開始真係唔知點咩食好,因為樣樣都好似好好食咁~~~結果我0地叫0左3個dish~1. 薯蓉焗田螺波菜蓉um~~~味道都ok la~~~賣相幾靚~~~不過個人麻麻0地鍾意~~~因為所有味道都0係田螺度,少少辣, 不過我相信唔食辣0既人都accept 到ge~~~薯蓉冇咩味道, 波菜糾纏得好緊, 食起上0黎好"呢hea"2. 煙三文魚pizza呢個dish 係我0地叫0既3個dish 入面我最buy ge~~0的煙三文魚同0的蛋0既味道好match,芝士唔太濃, 0岩0岩好~~~個皮好crunchy, 冇咩dressing 但就已經好好味~~~3. 溫泉蛋肉醬意粉見到個溫泉蛋真係有0的唔捨得整爛佢~~~呢個都好好食~~~0的蛋漿mix with 肉醬, 唔會好膩, yummy~~總括0黎講呢3個dish 都幾好食,加20蚊仲有酥皮湯+

今晚同朋友到此dinner，諗住試下新野啦叫左芝士焗茄子，龍蝦汁海鮮墨魚汁飯，軟殼蟹pizza，番茄烤腸意粉兩個人食四樣野，飽到不得了味道不錯，個軟殼蟹pizza千萬唔好凍食，個蟹會好油/_\ 而且凍左好難食...記得襯熱食呀。個意粉ok，個飯都幾好，d龍蝦汁就無乜特別...而個茄子就應該炸過先落芝士/白汁？食落有少少街邊炸釀茄子既口感而待應小姐既服務好好好有禮貌，又會主動過泥斟水，見我地將唔夠位，又會後上意粉我會再去啦，埋單連加一都係二百四蚊，係新城市dinner差唔多啦。今次食得太飽，未有機會試佢個紅豆豆腐奶凍/_\

今日同個fd食下午茶，我就推介佢去呢度食。一入到去，帶位果位小姐俾左coupon我地用，一張可以係午餐用，另一張就係下午茶既。我地叫左三個餐。芝士焗茄子芝士味好濃，茄子係炸完之後再焗，口感更佳。龍蝦仔石鍋飯呢個真係唔錯，又多料。而且味道配搭得好好，我最like個汁，同飯真係好夾。雖然只係蝦仔，但都好爽口，絕不欺場。香辣牛利石鍋飯牛利好鬆軟可口，入口即溶。正！而個汁好夠辣，有料到。我地仲叫左三杯特飲....分別係白之戀人配上士多啤梨、白朱古力及鮮奶所製成。入口好甜，但我覺得可以接受。味道最濃既係白朱古力，面層仲有由鮮奶打成既泡沫。我覺得真係整得好有心機，唔錯。玫瑰軟滑冰入口有陣陣玫瑰味，亦有小小既奶味。口感好清新。黃金海岸個名幾特別，但我覺得麻麻地。只係加左椰漿同菠蘿汁既飲品，無乜特別。整體上，服務都唔錯。定時定候會有人幫我地加水。我食個牛利鍋飯，發現牛利唔夠熟，佢地都好樂意幫我換過佢。實有下次既，因為我個fd鍾意左呢間野。

幾乎整個十一月都在辛苦男友做我的「機佬」，於是餐就該我來答謝他吧。剛好新城市開了新餐廳，順勢來了這裡。點了露荀煙肉意粉($58)、牛舌石頭飯($58)，並加了$20轉餐(酥皮湯和飲品)。牛舌石頭飯︰熱騰騰的很討好，不過味道比較單調，只有少許辣味，牛舌不是爽口而是腍腍的，這種口感不是我喜歡的。露荀煙肉意粉︰意粉雖然煮得不太腍，不過可惜味道很淡，要狂下辣椒仔和黑椒才有多點食味，失望。作為餐湯的酥皮湯竟然姍姍來遲，而出品甚至比大家樂差。酥皮薄薄的又軟塌塌的，不甚討好。湯的味道就像是can開出來的，沒有誠意。最後的咖啡聞起來香，雖然味道不是特別好，但收貨了。整體感覺一般，可能抱有期望吧。

上星期二晚, 一行四人到Spaghetti360吃晚飯, 點了三個小食, 兩個意粉及一個石頭鍋飯, 但竟然一點飽的感覺也沒有, 奇怪......雞軟骨餃子份量極細小, 且味道普通;鐵板冬菇共有五隻, 挺新鮮;最好味的是芝士燒茄子, 共4隻, 有著香濃的芝士味。意粉份量正常, 但配菜份量極少。海鮮石頭鍋頭賣相不俗, 但味道一點也不特別, 只記得是墨汁飯, 別的也忘記了。我們本打算在此吃甜品, 點飲品, 但主菜令我們不飽的經驗令我們打消此念頭, 決定速速離開, 往另一食店餵飽自己。

十二月二十六日 (星期六)聽過是新開的主題食肆,已一早訂好位,但最後趕不及來到,服務員很細心的為我們改了時間,值得一讚鮮蟹子海鮮意大利粉吃了餐廳推介的海鮮意大利粉,這裡標榜的是用上17mm粗的意粉,比起市面一般吃到的幼,但又比天使麵為粗意粉加上白汁,尚算入味可口,不過略嫌韌了一點,至於蝦卻是迷你版,雖然留有蝦穀尾,但不代表新鮮,吃下沒什味道,魷魚亦然,唯一好的是一開二的迷你青口值得一提的是那個隨意粉上的蒜蓉飽很不錯薯蓉焗田螺波菜蓉值得推介,薯蓉頗香口,焗得不燶,而田螺肉很爽口,很香,而波菜蓉都不錯蜜汁雞翼雞翼是老公仔的至愛,所以要求亦高一點一碟五隻的迷你雞翼,雞翼雖少,色香味俱全蜜糖不是太甜,剛好,而且很入味,唯一缺點就是少了點,吃得不夠暢快雖味道(及份量)不是十分滿意,但整體服務不錯,下次有機會一試這裡的石頭飯類似的特色餐廳,若選,我們會較喜歡九龍灣的"MENU"