意粉狂熱 (雅蘭中心)

營業中

休息中

今日食呢間餐廳價錢親民、食物質素不俗，適合朋友聚餐或 casual dining。焗薯皮拼盤 一次過試勻三款口味，包括芝士煙肉、肉醬芝士和咖哩芝士。薯皮焗得香脆，餡料豐富，芝士拉絲，味道濃郁。個人最鍾意芝士煙肉，鹹香惹味。芝士焗肉醬意粉 經典意粉款式，肉醬份量十足，芝士超多，焗至金黃色，賣相吸引。意粉軟硬適中，掛汁力強。黑松露魚柳忌廉焗飯黑松露香氣撲鼻，魚柳嫩滑，忌廉汁濃稠，飯粒吸收晒精華，有d蕃茄及西蘭花節做配料，不過如果轉做全部蘭花會更好。明太子海鮮pizza (10吋) 蝦仁份量慷慨，海鮮配料新鮮，餅底脆中帶飲，自己動手切件，增添儀式感。總括而言，呢間餐廳性價比不錯，食物款式多，味道好。

前晚去左旺角搵嘢食😬 小編突然間好想食充滿芝士🧀嘅意粉🍝 咁就上OP搵下啦，睇見呢間「意粉狂熱」嘅意粉賣相相當之吸引啊😻而且係極多芝士😋岩哂小編心意！即刻9秒9衝去食，簡稱9衝🤪芝士肉醬千層麵 $98 + $38 香濃南瓜忌廉湯 + 柚子蜜梳打嘩 好多芝士啊😻太正啦！再配上肉醬千層麵真係不得了！非常之夾👍特別要介紹下南瓜🎃忌廉湯，超級香濃！小編就覺得好正😋當然呢個係小編嘅個人口味😬忌廉汁雞扒焗飯 $68 + $38 忌廉磨菇湯 + 芒果橙汁嫩滑嘅雞扒配上香濃嘅忌廉汁焗飯真係十分之好味😋 真係食完一啖又一啖！停唔到啊👍 忌廉蘑菇湯🍄‍🟫好多蘑菇啊！配料十足😊焗薯皮拼盤 $78又有芝士啦😂再配上煙肉🥓 同 薯皮一齊焗！味道又幾唔錯喎👍香濃朱古力窩夫 $48又焦糖香蕉又熱辣辣窩夫🧇做甜品作結真係相當之滿足呀👍

因為訂位人數有差，臨時打電話去佢哋都可以安排到，服務係到位。入到去見到佢哋啲待應都係有禮同快手，慢慢擺低、 有好快收走吉碗碟，係抵讚！食物方面，真係鹹咗啲…我哋叫咗四個意粉，兩個薄餅…除咗圖入邊蝦嗰個薄餅冇咁鹹之外…其實其他嘢都好鹹…份量又唔多…我哋三男三女、如果只係每人叫一個main course，其實係食唔飽…沙律$48 來講份量少但正常兩友人話個抹茶梳打係直升機不過佢冇限時、地點又好，所以都考量下再嚟但好肚餓嘅話可能就諗諗先上載返張單證明返我係有俾錢食，唔係試食活動

雖然唔明點解有400幾個好評，但我個人嚟講真係覺得好唔掂！我本身對食嘅要求唔算好高，但呢間嘢確實難食！水果茶入面有大大嚿橙，但杯茶完全冇水果味，可能切片會出味啲？ 焗肉醬意粉，啲意粉撩起就爛，唔知食緊乜嘢，味道亦都係中下！焗日式咖喱雞飯，和民同一個集團，保持一貫水準，就係普通水準！個朱古力窩夫先攞命，個樣係朱古力味，但食落完全係冇朱古力味，食緊一種好原始嘅麵粉味😭見到有食評寫濃情朱古力窩夫？真係笑咗出嚟😂好少寫食評，sorry冇影相，因為真係唔值得👻

咁啱係旺角附近練歌又想食意粉就見到呢間都多人推薦我哋點咗意粉狂熱套餐🫧香濃南瓜忌廉湯🫧蘑菇忌廉湯我飲咗蘑菇忌廉湯都覺得湯好細緻，亦都好香🫧凱撒沙律感覺都幾大份🫧鮭魚牛油果和風鮮製意粉推介呢個鮭魚和風意粉 鮭魚好好味😋配上新鮮牛油果都幾健康🫧海老意粉配檸檬忌廉汁呢個意粉嘅海老就比較新鮮🫧朱古力窩夫熱辣辣嘅朱古力窩夫都幾好味🫧南非白酒好耐冇飲白酒只需要加10幾蚊就可以有一杯🫧熱日本抹茶牛奶呢個套餐除咗冇pizza之外，都有兩份意粉都幾抵食地點優越就喺雅蘭中心上面可以行完街之後上嚟坐喺舖頭不停都聽到有人叫外賣都幾受歡迎推薦🫧蘑菇忌廉湯🫧鮭魚牛油果和風鮮製意粉

✨意粉狂熱（旺角）係旺角附近好肚餓～近近地去左食呢間餐廳Menu都幾多選擇 ✨溫泉蛋松露油蘑菇鮮製意粉意粉彈性恰到好處而且好掛汁將溫泉蛋撈埋落去 好香口好好味～✨海蝦牛油果羅勒忌廉意粉有兩隻海蝦係面～蝦肉彈牙羅勒味道好香 食落都幾creamy同味道香濃兩個都升級左套餐包埋餐湯同飲品忌廉蘑菇湯好足料滿滿嘅菌粒 岩曬中意飲蘑菇🍄‍🟫湯嘅人香濃南瓜忌廉湯 口感細膩 濃郁嘅南瓜味 勁中意♥️熱柚子蜜柚子蜜梳打✨（細）明太子海鮮披薩上面有蝦同魷魚 千島醬汁都夠多 批底脆口 整體都幾好食！✨香濃朱古力窩夫窩夫🧇濃濃朱古力味 但出奇地食落唔甜 配埋雪糕食岩岩好～

和朋友經常來這裡吃午餐，自己最喜歡瑪格麗特披薩和雞翅，還有最喜歡日本抹茶牛奶。朋友最喜歡三得利啤酒🍺，多冰。這裡服務熱情，服務態度好，東西也很好吃，今天試了炸雞，發現也相當不錯啊！

新年假期話咁快就完結又係時候要返工勒🤪放工後同同事食咗間好味嘅西餐廳ღ 南瓜忌廉汁香草雞肉鮮製意粉南瓜忌廉汁質地柔滑，為意粉增添濃郁嘅風味，意粉口感彈牙，掛滿南瓜忌廉汁，雞肉嫩滑，令每一啖都充滿層次感ღ （細）明太子海鮮披薩 披薩底部外脆內軟，明太子醬料香濃，加上鮮嫩嘅海鮮，與明太子醬相輔相成，增添了海洋風味叫意粉同Pizza加$38可以升級套餐包餐湯同飲品-香濃南瓜忌廉湯｜忌廉蘑菇湯，味道濃郁-柚子蜜梳打｜抹茶梳打，梳打飲落清新解渴-ღ 香烤雞翼雞翼有4隻，香脆可口，點上檸檬蜜糖，清新juicy ღ 香濃朱古力窩夫窩夫🧇烤得鬆脆內軟 ，加上冰凍雪糕同朱古力醬，多重口感

叫做意粉狂熱，但係連意粉都未做好，叫咗碟千層麵，蕃茄勁酸，根本都冇調過味，肉就得嗰少少，但係唔知點解又有啲紅蘿蔔同西芹切得勁大粒放喺度，而家唔係茶餐廳肉醬意粉呀師兄😅另外仲叫咗個海鮮明太子薄餅，餅底根本唔係薄餅食落有啲似手抓餅感覺，跟住邊位燶晒，但中間完全Undercook, 好地地一個薄餅可以焗到咁樣 。上面嘅海鮮得兩款，就係蝦同蜆肉，一入口嗰浸雪藏味即刻衝出嚟，跟住成個薄餅都係冇咩調味，完全基本街邊任何一間連鎖薄餅店都一定好食過佢….

同埋朋友去旺角辦年貨，之後去咗雅蘭中心食飯，意粉狂熱主打地道義大利風味意粉和Pizza，多種款式選擇，烹調配方獨特，食材優質。海老忌廉芝士焗飯：搭配新鮮蝦仁，加入忌廉和芝士，經過烤製而成的美食。這道菜色澤金黃，口感層次豐富！升級套餐（湯+$28或以下飲品）+$38 忌廉蘑菇湯香濃順滑，有蘑菇碎增加口感。凍檸檬茶清爽透心涼。精選海鮮蒜香蕃茄意粉：海鮮有大蝦、青口、魷魚，海鮮彈牙好鮮味，蒜的香氣融入在意粉中，每一啖都非常惹味香口！（細）明太子海鮮披薩：披蕯係薄底批，明太子醬有著獨特的鮮味和香味，與海鮮的甜美味道相融合，增添了豐富的層次感！香濃朱古力窩夫：即叫即製嘅窩夫香脆可口，加上朱古力醬和雪糕，味道甜美！

意大利粉係家傳戶曉嘅菜式，今次同朋友揀咗呢間裝修比較親民嘅意大利餐廳，諗住試吓佢嘅質素😝🦀 軟殼蟹配海膽忌廉汁鮮製意粉 $138呢個咁豐盛嘅配搭基本上唔會輸～ 軟殼炸到酥脆，食到中間仲見到有dd蟹膏~ 意粉質地偏煙靭爽滑，海膽忌廉汁量多，入口好creamy 👍🏼🍫 香濃朱古力窩夫 $78有兩件tiramisu蛋糕，有酒香味～ 窩夫充滿朱古力味，但如果更脆身更crunchy 會吸引啲～ 配雲呢拿雪糕當然冇得輸，一熱一凍嘅口感好過癮食物份量大，容易飽肚，所以叫咗杯凍檸茶解膩

意粉&披薩狂熱套餐$338，包前菜，湯，主食同飲品，仲可以優惠價錢追加甜品。法式芝士洋蔥湯濃郁香甜，洋蔥的味道剛好，飲落真係好暖胃。香濃南瓜忌廉湯口感滑順，南瓜的天然甜味讓人一口接一口，好味。香草雞肉凱撒沙律沙律的醬汁剛剛好，雞肉嫩滑，搭配上新鮮的生菜，清新可口。蒜味芝士雞翼雞翼外皮金黃脆口，蒜味芥末醬令整體味道提升不少，令人難以抗拒。香煎鮭魚配味噌忌廉鮮製意粉 +$28鮭魚煎得恰到好處，外脆內嫩，味噌忌廉的搭配令意粉更添風味。明太子忌廉芝士海老披薩 10"披薩餅底薄脆，配上濃郁的明太子醬和香滑的芝士，味道有驚喜。朱古力窩夫 +$38外脆內軟，淋上濃濃的朱古力醬同加上冰凍雪糕，好滿足。

喺旺角行完街朋友想食意粉～就提議一齊嚟意粉狂食嘢我以為只有意粉出色點知其他嘢都一樣有驚喜🥰本身見其他食評話牛油果漢堡包配薯角好味所以未入嚟之前已經想試啦點知已經暫時售罄啦🥲～19:00入座都已經有好多食客食緊嘢穩陣啲都係訂定枱安全啲1️⃣🦀軟殼蟹配海膽忌廉汁鮮製意粉 $138Soft Shell Crab Fresh Pasta with Sea Urchin Cream Sauce 手工制嘅意粉好彈牙~好有咬口配埋濃濃嘅海膽忌廉汁～意粉每一條都做到掛汁嘅效果😍再配埋隻一開為二嘅軟殼蟹軟殼蟹炸到好酥脆～仲要都好厚肉食完一啖接一啖2️⃣烤北海道產香草豬扒 $148Grilled Hokkaido Pork Loin Chops見&聞到周圍枱嘅人都有嗌～真係好香！！冇諗過連豬扒都煮得咁出色🤩厚切嘅北海道豬扒上面仲有檸檬片同牛油香氣四溢豬扒充滿肉汁，一啲都唔韌 👍盤側邊有個圓柱形嘅位置～店員話係最熱嘅地方～可以將豬扒切完之後再辣熱&燶佢！！試咗一下，真係辣到滋滋聲同出晒煙🤪3️⃣香濃朱古力窩夫Chocolate Waffle食完兩個咁正嘅主菜點可以少咗甜品呢？我哋兩個都係朱古力狂熱分子當然就要叫埋個香濃

喺咁凍嘅日子，好想食啲熱辣辣嘅嘢🥶有一間餐廳好似已經好多年，但係一直聽過佢個名都冇食過!今次去咗旺角食意粉狂熱，原來都幾平！見佢啲意粉$78都包嘢飲都幾抵！今次試咗佢個二人餐都只係$338-法式芝士洋蔥湯/香濃南瓜忌廉湯🫕前者湯底醇厚，成碗湯都超級足料！病病地嘅我飲完覺得好舒服後者南瓜的細膩口感係開胃之選-香草雞肉凱撒沙律🥗冇諗過雞肉好嫩滑～仲要上面好多芝士，口感十分爽口-蒜味芝士雞翼🍗蒜味與芝士的結合讓人難以抗拒🥺佢個蒜味醬超級好食！！！如果雞翼大隻啲就仲好-芝士肉醬千層麵🍝層層疊疊的麵皮與濃郁的肉醬交織好滿足！芝士都幾足料-芝士牛油果烤雞披薩10"🍕佢哋嘅Pizza係薄皮嘅！份量啱啱好-朱古力窩夫🧇外脆內軟，比較厚實。欣賞佢係一個唔係太邪惡嘅甜品，食完都唔會覺得漏-凍水果茶🍹水果茶竟然唔使加錢！仲要入邊真係有新鮮嘅水果都幾好食🤣係解膩之選

外賣意粉送到來簡直像垃圾, 完全不能食. 熱奶茶簡直是奶水, 所有pizza凍冰冰, 超硬. 炸雞是生的真的很離譜, 不知怎樣可以把這些食物送到客人. 食物非常難受, 等了一個小時的外賣又不能換餐, 以後都不會再叫這間餐廳的食物.