意粉屋 (中國海外大廈) (已結業)

好似好耐無去過我的飯堂意粉屋鳥!刪吓減吓, 依家D意粉屋落腳地, 全部都唔係我常去嘅地方! 今次都係因為上完堂先黎幫襯, 睇怕課程完結之后會少黎灣仔幫襯嚕.入到去意粉屋重係 Tea Time 時段, 點咗三個 set, 海鮮龍蝦湯天使麵, 烤雞胸藜麥沙律, 珍寶什錦pizza, 酥皮海鮮湯.酥皮海鮮湯 : 小心好熱! 辣咀! 雖然海鮮配料不多但湯味濃郁, 味道無變，加入胡椒粉更惹味.烤雞胸藜麥沙律 : 第一次食藜麥, 係紅藜麥, 聽聞幫助減肥 (睇怕我要食多D減肥) 口感比想像中軟, 唔錯.珍寶什錦pizza : 餅底脆口, 配料足夠, 只係芝士味不足, 加上芝士粉, 攪掂!海鮮龍蝦湯天使麵 : 天使麵口感幼滑, 但龍蝦湯唔夠濃郁, 係唯一不足之處.原本想話叫個必食炸雞籃外賣 (又話減肥?), 點知傾得開心得濟忘記咗呀!  ~~>_<~~