意樂餐廳 (石籬商場二期)

營業中

休息中

Stopped by ItaMomo cafe and tried it out for the first time.I didn't expect the food to be this good yet so affordable. From the soup to the snacks and main dishes, it just blows my mind away.Forgot to take a pic of the drink. But I ordered the honey tangerine ice drink and ribena iced jelly. Well, both tasted really good. Highly recommended place and will definitely come back for other food.Service is great too, plus, the bill comes up to HK$134 for 2 person. What a great deal. 😋Happy belly, ha

石蔭終於開返啲新嘅餐廳，意樂嘅價錢算抵，上次想食拉麵，已經可以用50幾蚊食到，性價比高，今次試吓嗌其他食。環境乾淨，闊落，同朋友坐都好舒服。夜晚八點幾過嚟已經冇咩人，可以即刻入座。餐牌種類多選擇，鋸扒、Pizza、飯、意粉、通粉、拉麵都有齊👍🏻唔使等好耐就已經到餐！卡邦尼個汁同長通粉份量啱啱好，味道唔錯。杯凍檸茶份量大，唔使篤檸檬，酸度剛好！湯飯唔會好鹹，料足夠，豚肉簿切，加埋啲娃娃菜一齊食，絕配！如果想食健康啲呢個餐推介！

石籬商場近呢年大裝修引入咗好多新嘅食肆～🤩意樂餐廳裝修都幾大幾靚但係冷氣比較大 吹到幾辛苦🥲要帶件外套先得每次必叫咖喱牛腩😍😍牛腩都幾林 咖喱有啲辣 但係食落好開胃仲有沙律做配菜 加上芝麻醬咩都好味☺️☺️最仲意食芝麻醬😳😳配上特飲都係跟餐 半價柑桔檸檬🍋 & 利賓納啫喱😊😊幾好飲👍🏼飲品幾fresh 仲可以消滯 唔錯🤩溫泉蛋肉醬意粉🍝等候時間比較耐～ 我哋吹左一次先上菜差啲唔記得咗🥲好彩出嚟成品都好好味😋肉醬都好多加埋溫泉蛋 味道幾好👍🏼

石籬終於有意樂 太好拉之前係出面食過意樂 發現意樂啲野好平廿幾蚊個小食 四十五十蚊一個餐 加多幾蚊有特飲 平時我會叫一個餐加一個小食再加特飲 埋單就一百有找我平時會帶埋兩女（1歲2歲）一齊落去食 一百蚊可以食飽三個人就幾抵加上我會帶埋bb車入去食意樂餐廳地方大 食野個時bb車5洗收起5怕阻住人 而且啲員工服務都好好 一見到比較細小朋友都會間洗5洗bb椅 細心加分位不過5知係米疫情關係 我見到餐牌野食選擇少 無之前甘多 希望佢會出下啲新菜色

意樂真係又平價又好味每日都有各式各樣的特價餐~今日係西冷牛排98蚊一大塊仲有配薯菜同小小蔬菜~牛扒叫左7成熟~肉質鮮嫩多汁，份量非常足咁既價錢真係好抵食！另外推薦黑松露燴飯很濃厚的黑松露味和忌廉白汁入口香濃，叫人流年忘返~飲品推薦即磨咖啡~非常香濃好飲

點咗牛肝菌汁烤雞配珍珠飯加杯奶茶。個飯嘅份量极少，好似就係一塊細雞扒幫你切開咗，然後有啲汁就無其他嘢了杯奶茶都幾麻麻用咗迎新優惠都覺得非常之唔抵，唔會再有下次了

今日買外賣，諗住試吓啦，餐廳賣相不錯而且新開無耐，打開一盒沙律仔，一個珍珠飯 完全ok冇問題 我俾9分，到主菜咖喱腩。 直情嬲爆，4舊薯仔正常，牛腩4件碎碎的 體積細個1蚊銀，另外三舊正常少少，似牛仔粒偏細既Size. That’s it!!!!!整體來說薯仔似主打多啲真係接受唔到，味道可以的，但呢個牛腩份量直情係欺騙觀眾果隻，永遠冇下次了！相就唔post了，唔信大家可以去試吓

今日探石籬朋友 呢邊食野都係石籬商場為主 我地食晏時間尚早 唔算多人 lunchtime 餐牌好多選擇 有焗飯/意粉/拉面 etc 比較肚餓嘅我揀左呢個墨西哥辣肉醬意粉 肉醬夠惹味 辣度係適中嘅 意粉亦唔會煮得過淋 夠彈牙 如果可以多dd 芝士就好啦🙉 食完大滿足

下午兩點半左右到餐廳食tea，叫左個蕃茄湯長通粉（$30），同埋辣汁炒鴨胸意粉（$39），價錢恰當。個辣汁鴨胸意粉都幾辣，幾香口，食完個人出左一身汗。佢用嘅係幼條意粉，口感幾light。份量剛剛好，8分飽，加埋個羅宋湯，9份飽。個湯好足料，好多洋蔥絲同椰菜，幾有誠意。不錯不錯。

下午茶時段，價位介乎$24 - 40同事叫左西西里蕃茄焗豬排飯$39，跟粟米忌廉湯，都幾結身。我試左佢一啖飯同一小塊豬排，蕃茄味濃，豬排好淋，味道都幾好。我就叫左個雞排包，跟沙律 $32呢個雞排包對我個人黎講，我覺得好好食。佢上下果兩片包皮都係擦左牛油同煎過下。所以入口勁香，加上包中間既質地好鬆軟！雞排亦發揮都唔錯，唔會好油，香口剛好！然後個沙律係胡麻汁，所以又係好岩口味！蔬菜睇落同埋食落都幾新鮮，爽爽脆脆咁！不過呢度有 d 搞笑，就係我叫左熱檸水啦，但係上菜係無一片片既檸檬，而係提早應該攪爛 d 檸檬咁。